香港郵意 (已結業)

星期六做完野，約左人又未夠時間，兩個人可以去邊度打發時間，最重要可以俾我地坐耐點。。（注意：尖沙咀區都幾難）個朋友發現左新hea 點近百樂酒店旁的首都廣場，舒適環境，人唔多（剛開店1個月左右，暫未有人發現），自助式服務。點餐後，搵個靚位鬆下先😜😜抹茶鮮奶：奶滑，有微微抹茶味，唔太甜，我喜歡💕全日早餐：賣相唔錯，牛角包外胞內軟，番茄多汁，味道整體卡邦尼意粉：聞到都香，意粉有咬口，內有係巴拿馬火腿、香草、磨菇值得一提：每晚8:30 後，只消費一杯飲品，可以帶食物坐係度吃。又可做到生意，又善用資源，又可以方便人希望大家都珍惜地方，緊記清理乾淨才離開。餐廳內，有post card發售，設計有香港本土特色。有興趣行去睇下。

結婚2年啦老公好耐無跟我拍拖，難得今日佢俾足全日任我話事，除行街外就係要搵番拍拖時嘅節目，就係搵地方坐吓談吓心，咁啱經過依個商場門口就有間cafe咪上去坐吓，去到感覺裝修得好有日本cafe feel行去坐底睇吓個menu又唔貴，我就叫杯士多啤梨藍莓奶酪老公就叫杯mocha,嘢食叫咗份車打芝士火腿牛角包配奶酪沙律同埋一份雪糕心太軟。係等緊食物中我見好多大學生係度傾計做吓功課咁，成個人好似返返讀書時期咁...青春嘅感覺呀

小編今日放假冇乜特別行程， 諗住搵間cafe hea 下hea 下一日。之前記得朋友講，推介依間係尖沙咀首都廣場既香港郵意可以舒服地坐足一日其實就好易搵，上到2樓轉左就會見到有個咖啡bar枱同成個電子menu。如果唔想企喺度睇其實每一張枱都有個Menu放喺度等你慢慢諗完先至去落單。因為成個玩法係自助模式，揀左位之後慢慢去點菜都得。今日就試佢個all day breakfast 同龍蝦番茄意粉再加豆腐蜂蜜芝士蛋糕做甜品啦！成個all day breakfast 真係包羅萬有，最好食嘅一定係佢個炒蛋係非常之滑配個煙肉真係有返到英國嘅感覺！有驚喜就係佢個組合都幾健康，有好多菜，蕃茄同菇。睇落好大但食完分量剛好！龍蝦蕃茄意粉個味道好濃郁，啲洋蔥煮到好甜。當然主角係龍蝦啦，CP值高！小編其實好鍾意食豆腐類嘅甜品，第一因為怕甜，第二就係豆腐甜品比較難做。呢個甜品幾特別，特別係上面蜂蜜會叼起你既味蕾！今日真係坐左好耐好hea ，好適合放假去放空既好去處！

今日收早，又撞正朋友休息。今次揀咗一間位於尖沙咀嘅餐廳食晚飯。尖沙咀地鐵b2出口，上到地面直行5分鐘左右，喺百樂酒店隔離，都好易搵到。餐廳地方算大，裝修似cafe。係全自助形式，自己點餐，跟住就俾個圓形牌你，個牌一响就自己出去拎餐，所有餐具、調味料都係自己拎。餐廳主張每日8:30後可自帶食物，但最少要消費一杯飲品。大家如果去開尖沙咀，又想坐低傾吓計，呢間係一個唔錯嘅選擇。今次兩個女仔去食，叫咗個All Day Breakfast, 卡邦尼意粉同香草蒜油意粉。餐廳係無水供應的，飲品方面有咖啡、花茶等等可供選擇。All Day Breakfast $88份量算多，賣相唔錯。有蕃茄、腸仔、菜、炒蛋、煙肉、牛角包、蘑菇。牛角包好香牛油味、蕃茄咬落有汁，個炒蛋炒得唔老。整體感覺唔錯 。卡邦尼意粉 $58朋友好鍾意食卡邦尼意粉，所以呢個係必點。意粉唔係一般嘅圓身，而係長方形，有咬口。但個人偏愛食圓身果款。個汁有d少，如果多d口味會再豐富d。香草蒜油意粉 $58聞落好香蒜味，但無咩配菜，食到尾見到比較多油，感覺油膩咗少少。

今次嚟到尖沙咀既郵意，見到地方好舒服好多人喺度溫書傾計(˶‾᷄ ⁻̫ ‾᷅˵)，店員嘅服務都唔錯！今次係到食午餐，嗌左個卡邦尼意粉，再嗌件tiramisu o(*////▽////*)q！呢度嘅卡邦尼比較特別，乾身d所以好突岀到芝士粉既味，份量適中，而且係0肥膩感覺！我比較鍾意e度既cake，大大件而且唔貴又高質素，tiramisu 上面層可可粉適中，平時係岀面食既tiramisu d粉都多到離譜(._.)，e件cake軟硬適中，易入口(=ﾟωﾟ)一定要試！

環境是不錯的，幾舒服。旁邊有些小店都幾吸引。但係食物就有d 失望。明明order 的是baegle 但到來的卻是牛角飽。真的是...咖啡不過不失，沒有什麼特別。最後，點了心太軟，這個還是不錯的。呢度比較適合同朋友飲野傾計，食野就......

尖沙咀人多車多，要揾間坐得舒服嘅cafe吾易，咁岩又俾我地幾個女仔發現呢間文青cafe。餐廳左邊有得簡坐搭搭米，右邊係坐櫈。食物方面有驚喜，卡邦尼意粉好食，意粉幼身，份量偏少。全日早餐嘅牛角包一流，又香又鬆軟。野飲叫左杯草莓蘋果汁，口感清新。呢間餐廳係自助形式，食完要將餐盤交番去先好走。整體黎講，環境同食物都好滿意，相信下次經過尖沙咀都会黎hea。

有d意外，原來還在裝修緊。不過依然有位置畀其他食客坐低食嘢。先講食物，店裡不提供水，要就畀錢買飲品或者礦泉水。兩個人order兩個餐，我地都覺得幾好味，salad都好新鮮。希望保持落去。環境算幾闊落，裝修亦都幾日本feel，不過注意係商場入面，所以係冇窗ga。講下服務，我一路都好care嘅一項。可能真係裝修得幾日本style，以為服務都會好日本...哈哈基本上係我主動同收銀員點頭微笑，跟住收銀員回一個硬笑...再閃開目光...走果陣係佢面前經過亦都企係度當睇你唔到，應該真係好green。另外有d我都唔講啦，係d好細微但我覺得好basic嘅服務態度。我朋友話算啦，小店生意，應該大家都冇train過...唔好咁care最後大家記得店裡要求係走時自己清埋食物垃圾，門口有大垃圾桶。

琴日同朋友行過尖沙咀 首都廣場，上到2樓見到呢間新開cafe，就坐低試下，pasta都好有水準，不過最鐘意既都係佢呢杯 波希米亞梳打，又好飲仲可以用黎打卡😍😍😍

朋友係尖沙咀返工，lunch會係附近周圍覓食，比佢發現左呢間主題Cafe，應該開張左冇耐，仲有人裝飾緊，由好幾間小舖打通而成，地方好大，我地一行三人簡左個坐咕𠰠位坐，好有蝸居感覺，貼左張世界地圖，有d Post Card咁，仲放郵筒，結他等擺設。買野既地方，呢到好自助，自己去櫃臺買野同取餐，食完自己收拾咕𠰠位只有4張台，記得要除鞋先好踩上去呀每張台有餐牌外，牆既顯示板都睇到All Day Breakfast $88，蛋好似唔好夠味，可以改進下卡邦尼意粉$58，不過不失，但分量較少，女仔就岩岩好既香草蒜油意粉$58，朋友話好好食，我覺得比較油Latte$38,Mocha$42,Matcha$48埋單$332，冇加一冇限時，我地坐左成2個幾三個鐘，地方係舒適既，影下相，傾下計咁可能新開冇耐，人流唔算多，點餐個陣有好多都冇得點，龍蝦肉冇貨，所有花茶都冇，同裝修期間，朋友話好大塵，攪到隻’葉’眼。如幾個閨蜜姊妹想搵個地方悠閒計下算咁不防黎呢到

Saw this cute cafe opening on the internet, so decided to check it out with my friend. We had a nice time! I ordered the all day breakfast and it was delicious the coffee was rather good too! the staff was super nice and helpful if i am ever in TST and need a place to chill this would be the spot!

星期五放工 當然要出下街食飯relax 下見網上有宣傳 地方又就腳 就黎左香港郵意上到去地方好大 晒岩傾計環境都好舒服 又清靜 坐足一晚都唔趕人🤞🏼叫左意粉同All day breakfast 食物同飲品都幾好 一路食一路傾 傾到不知時間過🤣🤣 場內仲有紙膠帶同明信片賣 好多款又靚 岩晒寫手帳📚

星期五放工同同事想搵個地方食飯坐低吹下水，上網見到香港郵意係尖沙咀又近地鐵站，就黎試下😆食下野飲下野🍹由7點坐到10點半先走，🍝卡邦尼意粉同心太軟都好好味😋

今次第一次去 去到個感覺好舒服好寧靜 有得簡坐凳或者好似日本咁樣坐地下 而我就揀咗坐地下 地方都幾寬敞所以隻腳唔會話屈住唔舒服咁樣 坐低一陣之後就帶叫咗個carbonara 意粉 送到黎賣相都吾錯 味道幾好 唔算話好重忌廉味 味道適中 不過最大嘅收穫都係 啲哥哥姐姐好靚仔靚女