香港郵意 (已結業)

雖然上星期是下雨天，但仍然無阻我特意來到尖沙咀食 branch，郵局設計簡約，空間也非常寬敞，店內裝潢有點文青，舒服休閑有一種難得離開市區、可以享受生活的感覺。我們兩個人點了兩個brunch和飲品水牛芝士巴拿馬火腿番茄醬薄餅：淡烤火腿和軟奶酪芝士薄餅，食下去軟綿綿的芝士，配上火腿的鹹香，是非常易入口，pizza 餅底較薄，不像美式般厚實，帶有煙韌口感，不過似乎焗久一點，pizza邊焦燶左若如初見即玫瑰梳打：喺杯底睇到入面一粒粒嗰啲就係玫瑰同玫瑰水晶！水晶食落淡淡地有少少玫瑰味，而個梳打就有白桃味唔會太甜，清新解喝！食完飲完又繼續行！獨愛這間cafe，是因為它的環境十分有趣，除了有郵筒，更有返學feel，讀緊社會大學N年嘅我地，即感覺年輕很多

在人煙鼎盛的尖沙咀想找個地方安靜的坐下和朋友聊聊天真的不容易。今天閨蜜帶我來位於接近尖東的首都廣場，說有間環境不錯的cafe叫<香港郵意>可以放空一下。首都廣場其實是俗稱的<死場>，故人流不多，但這就是可以令cafe能旺中帶靜而且地方寬敞的原因。店內有大量的坐位供客人自行選擇，有軟椅外還有榻榻米，喜歡的朋友可以脫鞋上去一坐，非常寫意。店內還有各種明信片，<香港郵意>嘛和其他cafe一樣，小店的食物不算多，可以在電子餐牌看好後就去收銀處付款。全店採取自助形式，當然餐具和調味料也是在自助站自取。在收銀處付款後就可以拿這個通知器安座，食物準備好就會BIBI的嚮，那時才到外面取餐也不遲喔。我和閨蜜也不太肚餓，只是想找個地方坐坐，所以便點了all day breakfast來一起分享。牛角包非常鬆軟，牛油味香濃。煙肉也是煎得脆脆的，正合我心意。閨蜜點了茉莉玫瑰花茶，淡淡的非常清香，而且不加糖粉，非常健康的感覺。我則選了名叫<小確幸>的草莓香蕉smoothie，帶有淡淡的奶香和濃郁的莓味，解渴又香滑。當然別忘了要自行收拾碗碟啦。輕輕的

本店前身係灣仔，好耐之前已經想去，今日就同朋友黎新分店食下先~新分店搬左黎尖沙咀首都廣場，地方好大，仲有tatami位添！我地未食lunch, 所以叫左兩個熱食+甜品+飲品~呢度係全自助形式，落單後店員會比部機你，食物準備好會發聲提示~等野食既時候周圍行下先~原來呢度有時會有手作市集、工作坊！！店名「香港郵意」當然不乏郵政元素啦~有郵筒，仲有好多非常有香港特色既postcard：酒樓點心, “潮語” ......  咦！我揾到Wally呀！！！餐廳仲有個黑板比食客留言添！話甘快就可以拎野食啦~~~ 店員會提示本店係全自助形式，食完自己收拾好~All day breakfast 賣相好吸引!! 沙津菜加左黑醋，酸酸地，幾開胃~牛角包外脆內軟！！腸仔比其他店既All day breakfast大條，香口幾好味~番茄好特別，連埋莖~ 蛋都好滑~卡邦尼意粉屬於比較輕型既Carbonara~ 唔會好creamy,一個人成個食晒都唔會覺得好滯！但芝士味唔係太濃，喜歡濃濃芝士味既朋友未必滿足到香蕉朱古力忌廉可頌配雪糕雪糕係雲呢拿味Movenpick，好滑好濃雲呢拿味~~牛角包都係外脆內軟，比All

之前係openrice見到呢到好似幾靚幾舒服，就同fd黎望下坐下hea下做下文青，原來就係我成日經過既商場既二樓，呢個商場主要係小舖，而好多舖頭都係空既，呢間餐廳就係到別樹一格。餐廳係開放式既，會見到其他舖頭，舖面幾大幾靚，好多位，我地黎既時候好少人，好靜，有輕音樂有得隨便係黑板留言，文青style講返野食，我地叫左個all day breakfast同一壺花茶，breakfast幾好食，豐富大份，牛角包外脆內軟煙肉菇仲有德國腸，都有7分啦～沙律菜有黑醋汁，不過個人覺得啲醋太甜，麻麻地花茶普普通通，58蚊有啲貴，最失望係冇野heat住佢總括黎講，都唔錯，如果想揾時間hea既話，呢到係幾好既選擇，可以不限時任坐

今日係學校考完試，放學同同學一齊去食呢間想食好耐既餐廳。之前呢間餐廳係灣仔，但係對於住大西北既我黎講太遠了，一直無機會試。最近距搬左黎尖東，就終於有機會試了。我叫左個all day breakfast，朋友叫左卡邦尼意粉。個all day breakfast有條德國腸，仲有牛角包，炒蛋，蘑菇，沙律菜同煙肉，個牛角包好脆，煙肉好香，煎到乾乾地我最鍾意😛沙律菜個汁既特別，第一次食到呢隻味。朋友話個意粉都幾好食，我試左啖都真係唔錯，幾香芝士味。我地仲叫左茉莉花茶share，個茶普普通通啦，無乜特別，不過都ok既。btw呢間店係自助形式，點完餐會比個野你，野食有得拎個野就會響，然後要自己去拎，食完都記得擺返d野返去啊～ 下次有機會會再黎～

<香港郵意 估唔到cafe 既食物幾好味 >👍🏻😄香港郵意 以郵為主題既cafe . 之前開喺灣仔食過 覺得唔錯 搬左黎tst就完全唔同feel地方大左 以自助形式 👍🏻😄 喺食店側邊會有郵主題既名信片 衫 賣 都幾識做生意😂 食物方面係cafe既食物 好似意粉 包等等 估唔到整得幾有質素👍🏻🍴全日早餐 88 蚊🥗傳統allday breakfast材料豐富 有外面香脆 入面軟熟既牛角包🥐 香滑既炒蛋 同草菇🥚🍄醃得入味既煙肉🐷 仲有大大條香脆既紐倫堡腸 🐖仲有沙律菜配襯 每樣野都整得好味😄🍴卡邦尼意粉 58 蚊🍝充滿芝士香既卡邦尼意粉 有葱花煙肉🌿🐷 芝士🧀 等等 醬汁多同香濃 加上爽口入味既意粉 🍝 調味好好 味道出色👍🏻🍴煙三文魚香草包配乳酪 沙律 🥗 🐟58 蚊焗過既扁身包脆得黎帶d香草味 入面有生菜 溶芝士同煙三文魚 夠哂入味 同新鮮👍🏻🐟 側邊既乳酪夠哂香滑 仲有 腰果同提子乾增加口感 🍇 夠哂清新 👍🏻Score 平均分 <7.6/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環

呢到都幾易搵，一上𨋢就係～環境都幾大，好適合weekend黎坐下spend一個下就～有啲位置更加可以除鞋坐cushion，好有住家既感覺！餐廳都幾high tech架～望真啲佢餐牌，其實啲名都幾搞笑，特別係野飲！blue blueberry and dragon fruit smoothie叫如果，apple and pear juice就叫你啊你啊，落單個陣都幾尷尬⋯⋯不過勝在有創意！而且飲品都好值個價錢，真係好足料，飲落口感好豐富，唔似街舖可能落糖水搏大霧～野食方面，我地叫左個楓糖果仁面包同carbonara，意粉好重味好好食！5十幾蚊又唔會話將貨就價，都幾大份架！而且煙肉都幾多下～甜品都好特別，超多果仁喺楓糖面包上面，搭落好match！另外值得一提就係佢地有個影相位：黑板區～大家可以攞個到提供既筆寫字，然後拍照留念～都有意思架，我見個日都有唔少為DSE考生打氣既字句！走個陣發現過左8點半黎只需叫一杯野飲就仼坐，都幾抵！

呢日響尖咀，又黎開openrice撳新餐廳搏中伏牆度有電子Menu屏呢間自助CAFE響二樓，一上到黎發覺佔地都幾大，座位多亦非常闊絡因為係自助CAFE關係，唔會有店員響你身邊行黎行去想靜靜地同朋友吹下水HEA下，絕對係個好去處旁邊有個大型黑板，呢度應該有時會舉辦唔同活動佈置幾靚，有文青又溫馨嘅氣氛呢間CAFE自由度好大，最低消費一杯飲品之後基本上都唔會點理你 講明不設服務 餐具之類自己拎食完野要自己清理枱面點完餐會俾呢個野等出去拎卡邦尼意粉意粉硬度適中，芝士粉毫不吝嗇咁審上面蘑菇片之類嘅料都幾多，唯獨個汁如果淡味番啲會更好豆腐蜂蜜芝士蛋糕呢件CAKE真係甜到入心入肺上面仲有粒蜂巢俾你咬咬下混合埋豆腐味道實在係一件好有特色嘅CAKE如果(左) & 小確幸 (右)飲品個頁又係睇咗我好耐，啲名真係好靚靚到我諗咗好耐叫邊杯野會無咁尷尬最後叫咗圖入面果兩杯野好彩都係好飲嘅接收埋朋友嘅評價，都係好濃果味，唔會似其他CAFE水同冰佔大部分，淡口到間野自由度夠高坐緊果時都見到有一堆人黎開會咁開係消閒傾計做野嘅好地方~

想搵一個平平地但又坐得耐嘅地方，係尖沙咀係一件幾難嘅事。搵到呢間係金馬倫道同漆咸道南交界，一望估唔到地方幾大。（；゜０゜）一上到嚟見到一排電子餐牌，以為個價錢係午餐價，點知晚餐同價。自己清理桌面，呢樣係外國都成日見，難得嘅係呢個自由空間夠大，又有啲地方可以除鞋坐地下，幾舒服。有塊黑板記錄員工嘅行程，又度身高，呢個位幾有趣。(≧∇≦)顧名思義，佢有郵寄嘅元素係度，有明信片俾你慢慢睇，五元張，幾特別。幫襯呢日都幾多人，有一班大概20幾30人聚會，都尊重場地，唔係熱鬧傾計個種，亦有幾枱人帶埋電腦黎做嘢。裝修簡單，枱面上都有提示客人自行收拾乾淨。買完嘢，無論食定飲嘢，都係同一個機仔提你去拎。呢杯係小確幸，第一口係香蕉，再飲落去係士多啤梨，唔算甜，幾fresh。呢杯係雪梨蘋果，都ok，我地幾buy佢唔係假甜，係真渣，聽到佢地生果無貨就知佢地係用生果整。All day breakfast係好抵食，好大份，牛角包好脆，其他配料都好好味，炒蛋都夠滑，咁樣都係88元。卡邦尼意粉正常，夠味，唔駛落粉。

首都廣場原來最近翻新左，除左陸陸續續有唔同既店舖進駐，最令我期待既就係香港郵意既登場之前間唔中都會去灣仔嗰間，既然開左分店就當然要幫襯下啦店舖好大，大概佔左半層，枱與枱之間相當闊落。除左有普通座位外，仲會有塌塌米香草蒜油意粉蒜油味濃，但一啲都唔會覺得油膩。卡邦尼意粉有Parma ham既卡邦尼 忌廉汁無淹沒左個意粉但味道就好濃郁 意粉亦夠彈牙尋尋覓覓個名好特別，其實就係士多啤梨奇異果汁加少少鮮奶，好滑好match 藍莓水果茶想養生既話可以選擇茶系列，係原壺上既藍莓味濃，而且大大壺，岩晒傾計慢慢嘆其實我最想講既就係呢塊黑板，每晚8點半後係可以自攜食物，仲寫明歡迎各種聚會，好有heart 仲有呢度係自助服務既，所以食完就自己清枱，做個有公德心既好食客

之前食過位於灣仔既香港郵意 俾那邊既環境深深吸引 聽到尖沙咀開左間香港郵意 於是就同朋友黎試下位置其實好易搵 係正電梯隔離 係首都廣場搭電梯上2層就到 位置其實都唔少 有分普通椅子位置和榻榻米位置 作為中意影相既人 緊係坐榻榻米啦 榻榻米其實好舒服 不過同之前灣仔既郵意對比 依間有點失望 因為灣仔戈間好有特色 同埋有貓貓 但依間冇乜特色 好普通 都冇乜特別令既影相位 位置所限 所以變左冇乜特色 除左係旁邊一個大日曆 記佐有咩特別活動（？） 同埋有個位係賣d名信字 食物方面 比起灣仔戈間都少左 少左小食 反而甜品蛋糕多左 我同朋友有點左卡邦尼意粉 朋友點左杯波希米亞 而我就點左若如初見 一如上次 波希米亞是推介既飲品 有淡淡的荔枝味 唔會好甜 藍色好令 但若如初見真心有點失望 味道好淡 顏色也相對較淡 而意粉方面 一點都冇失望 超好食

對於尖沙咀尚算熟悉，經常尋找各色小店，可是小店經營困難，首都廣場曾經很多特色格仔鋪現在只剩下零食店及這間Cafe！今天星期六與友人拍攝後十分累，走到首都廣場就想起這文青cafe餐廳環境面積比我想像的好，店內裝飾傢俱以木製為主，水吧更有vintage擺設，當你走到餐廳盡頭發現一塊可愛的留言板「你可以留低你嘅廢話，But 唔好留低你嘅垃圾」👍🏻走到Cafe的另一端，發現有一個postcard 架，架上擺放着香港文化的名信片，其中粗口字句讓一個不説污言穢語的我捧腹大笑🤣🤣餐廳內很多年輕人三五知己，有的做功課、有的開會、有的合眼已睡，感覺相當”Hea” 這cafe 是自己自律收拾食物及餐具，餐廳除了減少人手外，還讓食客自覺自律，個人認為是一個很好的自律文化👍🏻這個香港郵意文藝文青cafe是一個好去處🍝龍蝦肉番茄醬意粉 lobster spaghetti with tomato sauce $98份量小巧的一道意粉，簡簡單單沒有花巧，spaghetti 煮得恰到好處，用上正宗的做法以淡淡的芝士作調味很清新，同時蕃茄味道夠濃，中間夾了不少龍蝦肉粒，味道和口感都吸引，味道預期外的好食☕️鮮奶咖啡Hot

收左工同老公一齊上首都廣場攞團購, 無意間發現在呢間餐廳.我地見個裝修幾靚, 好文青Feel, 又唔洗等位, 於是就膽粗粗入去試下喇!不得不題呢間餐廳格局, 佢係由幾十間劏舖打通而成架, 每一張枱就佔左一間舖既位置.而且中間仲攝左間迷你美容院添! 真係大開眼界呀!唔通呢間餐廳就係傳說中既劏場白武士? 哈哈!Menu選擇唔算多, 而且係用Food Court既形式買野食.出Counter買完之後會俾個Call機俾你, 野食準備好就會Call你出去攞!全日早餐 $88賣相幾靚! 仲有蕃茄、腸仔、沙律菜、炒蛋、煙肉、牛角包、菇.牛角包外脆內軟,  有香濃牛油味! 蕃茄咬落有汁, 炒蛋嫩滑!沙律菜新鮮, 配上黑醋同橄欖油, 味道不錯!煙三文魚香草包配乳酪沙律 $58店員話沒有香草包, 要換上牛角包. 牛角包同樣外脆內軟,  有香濃牛油味!煙三文魚配上芝士, 生菜, 蕃茄同牛角包一齊食, 好味!沙律菜同樣新鮮, 配上黑醋同大量芝士粉, 味道OK!乳酪加上提子乾, 果仁一齊食, 口感豐富, 感覺健康!小確幸 $48由士多啤梨同香蕉打成的SMOOTHIE, 十分清新!餐廳要求走既時侯自己清埋食物垃圾

下個月就去泰國🇹🇭 趁有空閒時間決定同閨蜜去睇下Airbnb訂下行程香港郵意就係一個好地方俾我地食下野無限傾既好地方成個場真係好大 有普通座位亦都有日本Tatami任君選擇呢度仲有免費wifi同好多旅遊書籍 完全係文青風格我叫左鮮奶香芋 估唔到有靚靚既拉花 但同我想像中唔同既係佢既香芋味係淡淡的 入口順滑我地三個人仲叫左三樣野食 都係58至128蚊不等All-day Breakfast係我地最滿意的一項 份量十分之多 味道亦唔差 但我想要新鮮既蕃茄仔而唔係用油炒過既披薩大大份 但個皮底並不是我喜歡的 較軟同痴牙卡邦尼意粉係另一個驚喜 濃濃既奶油味好creamy就這樣渡過了一個悠閒的下午

又到了星期六的二人世界💝，無意中遇到了這家咖啡店☕️，名字引起了我們的興趣📬。店中裝潢十分開揚😲，另設有榻榻米位置，蠻有特式😌，當中更遇到了一班毛冷針織🧣的小組在努力中。這家店是全自助形式的，大家記得要自行清理喔😉~餐牌的選擇頗多元化，由套餐🍝、到咖啡☕️、冰沙🥤、甜品🍰等都有。到了櫃位點餐後，就拿著傳呼裝置回座位等一下吧😊。煙三文魚火箭菜沙律🥗：新鮮的蔬菜🥦上混合了一點點的醋，酸酸的更能帶出蔬菜🥒的鮮甜。煙三文魚🐠份量也頗多，上面灑上了滿滿的芝士🧀，單是看著已經很吸引。香草蒜油意粉🍝：簡簡單單的菜式往往是最難駕馭的。彈牙的意粉配上蒜香味十足的香油😋，味道香濃不單調🤤。檸檬糖漬凍餅🍋：甜甜酸酸的，油膩感一掃而空😌。朱古力心太軟配雪糕🍨：一切開，滿滿的朱古力醬🍫緩緩流出，味道不算太甜，但朱古力味🍫香濃，配上雲尼拿雪糕🍨，更是滋味。藍莓水果茶🍒：如果怕食得太飽，不妨來一份暖暖的花茶🍵，一解飽滯感。總結：悠閒的下午🌦，舒適的空間💘，幽靜的環境🤫，為忙碌的我們充一充電⚡️。