香港郵意 (已結業)

係尖沙咀同朋友傾關於工作既事情，想搵間安靜既Cafe 可以坐耐啲，係尖沙咀實在有難度。但又比我係OpenRice 搵到呢間開揚cafe, 好多坐位而且任坐唔嬲，真係少有呢！上到去見到空間感真係超大，有大大張枱4-8人比一班人坐，又有他他米比三五知己自成一角咁坐，而且枱與枱之間有一定距離，唔怕比其他人聲音騷擾到我地揀咗個all day breakfast 同埋carbonara 食，一人一杯野飲。點完見到佢個凍櫃原來有咁多甜品，心動💓呢度啲食物係自助形式，等個alarm 響就自己出去拎，食完就自己收盤，成間Cafe 好自由亦希望人客多點自覺，非常欣賞～All day breakfast 材料都好新鮮，特別沙律菜好爽口，蛋、煙肉同腸都煎得有水準，香口不油膩。Carbonara 係即炒唔係焗定，食落口熱辣辣，唔太creamy 恰到好處。材料有洋蔥、煙肉同菇，豐富～我地叫咗兩杯鮮榨果汁，apple and pear 好健康，酸酸甜甜有果肉Strawberry and kiwi juice 味道似奶昔，creamy 同甜甜地，易上口尖沙咀搵到呢啲咁舒服既落腳點，一定會成日黎

充滿香港情懷既西式小店 今日都落住微微雨，所以想搵個寧靜既西式café坐下，同朋友傾下心 係openrice搜尋一段時間，最後發現呢間充滿香港情懷既西式小店！ 去到先發現，原來成間小店都係自助形式，由落單，拎野食，到清潔餐盤都係自助，好正～～ 一入到門口，好有返到小學既感覺！因為個設計有個大黑板，哈哈！ 另外，成個裝修都好文青嫁～咖啡機睇落都好專業 講返野食啦～都係基本的西式主食，仲有唔同甜品同野飲。 我同朋友今日都想食all day breakfast！所以就叫左兩份再加一杯特飲 講返個主菜先， all day breakfast 有滑滑炒蛋，香噴噴mushroom，脆卜卜煙肉，勁juicy又極長嘅德國腸，仲有新鮮沙津菜同牛角包。 成個all day breakfast都好滿足，最impressive就係個德國腸，口感充夠又極長，食完超滿足！ 最後加返一杯特飲，香蕉加士多啤梨特飲！成餐就夠哂完滿啦～ 另外講講個環境，呢到既設計都好得意，食飯既另一邊有郵票手作賣～ 成個環境都幾寧靜，適合人gathering或者放工開個小會～

估唔到係尖沙咀既小商場入面都搵到新驚喜。今日去左首都廣場裡面既文青咖啡店。樓上cafe 尼講，佢都算大，裝潢簡約，木地板木凳，連托盤都係木造，十分有田園味道。但小擺設盡顯心思，好似咖啡吧旁書架擺滿有關做蛋糕啊，沙拉啊既書。咖啡店旁邊有個香港郵意既手作店，都係當地藝術家既作品。我果日就買左幾張好得意既postcard.呢間咖啡店既特別之處係所有野都係自助式，自助叫餐取餐收餐都係自助既，係八點半後可以帶自己既野食，只需每人買一杯starbuck價錢既野飲，就可以同朋友坐足全日。呢到既食物係即叫即整，所以我地都等左好一會兒，食物先整好。食物整好，呢個機就會響，食得！但係見到食物來到既一刻，就覺得等待都係值得。我地叫左個抹茶拿鐵，煙肉水牛芝士沙律同個全日早餐。個拉花都好令，所有食物都十分養眼，好有心思。杯抹茶好濃抹茶香，但唔會好甜，同starbuck 果杯有得揮。呢個全日早餐十分豐富，其實都幾大盤下，入面有個德國腸，蘑菇，煙肉，沙拉菜，車厘茄，炒蛋上有點香草。個沙拉菜既黑醋醬好好味，有陣士多啤梨香。個牛角包好香牛油味，又十分脆口。炒蛋好滑，配埋煙肉一齊食，好好味。然後係水牛芝士巴拿馬火腿沙拉。

中學時學過老子主張的「無為而治」，崇尚自然、自由，與近期熱門Terms「佛系」有類似的主張。在吵鬧的香港，找到寧願的一角能喝杯咖啡、休息、談談天也實在難得，所以難免渴望找到一片能放空自己的地方。這個Friday竟在尖沙咀找到一片我渴望的地方香港郵意是一片採用自助形式的地方，自己到櫃台落單，用餐後自行收拾碗碟，記得要有公德心，不要留低垃圾！特別之處是，晚上8:30後可以自帶食物！每人只需最低消費光顧一杯飲品。實在少有這種地方非常適合聚會。Tatami地段較寧靜，而且空間非常廣闊，沒有拘謹的感覺。超豐富的All-day breakfast! 每種食材都是大大份！非常抵食！配一杯咖啡，好寫意蒜真的炒得非常香份量很大，很抵食！精品文具的設計十分可愛！不妨逛逛香港郵意，少不了Postcard店內賣的postcard設計可愛，又不乏香港🇭🇰特色！買張Postcard寄給自己或是寄給你重視的人，也很有意義這個blackboard寫了今月schedule可看看餐廳最新動向是個放空、聚會的好地方，期待下次再來

地方好舒服，空間感大，自由選擇坐位，有正常有軟墊的檯凳，坐想得耐d, hea d有咕𠱸低坐位，好適合同朋友慢慢傾計，今晚見到唔少人傾project, 做功課，完全唔會有壓力，唔會趕人走，落單係出去櫃位，拎餐都係好似food court有個咇咇機響就出去拎1. 車打芝士火腿鬆餅配乳酪沙律 $58 - 沙律菜新鮮，個沙律汁好味，似黑加倫子味中帶點醋酸味。由於無鬆餅轉咗香草包，個包有點乾，餡有蕃茄生菜芝士火腿。個乳酪本身無甜味，不過加埋2款果乾食係夠甜味，仲有粟米片增加口感2. Carbonara$58 - 係扁意粉，面好多芝士碎，份量唔少，都不少鮮磨菇片，煙肉同洋蔥3. 豆腐蜂蜜芝士蛋糕 $58 - 質地比較鬆散濕潤，好食得出用咗唔少豆腐，都食到幾濃豆腐味4. 楓糖果實pound cake $38 - 烘得乾身，面除咗淋有楓糖外，仲有提子乾同燕麥脆脆，多d口感

今日去朋友係尖沙咀行街，上網見到呢間cafe環境唔錯，所以就黎試下。Cafe好大，座位數目都好多，而且啲除鞋既位置，仲有好多 cushion任用😆好舒服😎另外有好多旅遊書可以借黎睇，岩晒一班人過黎plan行程煙三文魚香草包配乳酪沙律，沙律菜都新鮮，唔會好苦，加埋芝士粉就更加惹味。個包軟硬適中，而且仲唔會偷工減料👍🏽入面真係有幾塊厚切煙三文魚😆煮得岩岩好，入口口感好好🤤香草蒜油意粉，意粉唔會太淋，仲好香蒜味tim伊甸園 (蘋果芒果沙冰），芒果唔會好酸，蘋果同芒果好夾，入口感覺好綿滑，唔會好稀。食完野飲番杯苿莉玫瑰花茶, 淡淡既花香都幾舒壓😌呢到仲有明信片賣，啲設計都好有特色，五蚊一張都幾抵，仲有代寄服務👍🏽

一個靜英英嘅商場入面有好西....未夠7點商場嘅舖頭已經閂咗8成多～環境絕對夠晒靜、同埋絕對可以傾計、玩board game嘅好地方首先大前題唔好介意等得耐，全自助形式哩餐飯我食咗幾樣嘢，絕大部份等候嘅時間多過用餐時間對於服務員0服務態度，我嚟食嘢同傾計所以no comment....服務方面真係有待改善食物質素的確很不錯(5為滿分)小確幸.5波希米亞龍蝦肉蕃茄醬意粉 煙三文魚火箭菜沙律水牛芝士巴拿馬火腿蕃茄醬薄餅

今日收工後我們倆去咗尖沙咀逛街逛商場，點知行吓行吓落大雨，於是唯有揀個商場，喺入面搵野食啦，上咗一層之後，見到有間文青feel gei Cafe 好似幾靚，地方又幾大，位與位之間幾闊樂，同旺角果d一岩一忽gei佈置空間爭得遠，有空間俾人放鬆gei地方，其實先真正可以叫做Cafe.其實香港市民應該要識得分，Cafe 同茶記之間gei分別係乜。我地點左餐，搵咗個位置坐低，睇咗陣書就有晚餐可以食了，我地分別叫左卡邦尼意粉，香草蒜油意粉，一份甜品檸檬糖漬凍餅和一杯飲品: 你啊你啊(蘋果&雪梨)卡邦尼意粉，水準正常，意粉幾淋，奶油味幾香口，份量都正常。香草蒜油意粉，水準正常，意粉幾淋，香草和蒜片也有好多，份量都正常。甜品檸檬糖漬凍餅就幾有驚喜，檸檬味好香但不會太甜，凍餅都做得好好。飲品: 你啊你啊感覺是用新鮮的生果揸出來，好好飲。因為這裡人流不算多，所以感覺就是像那種難得的寧靜，而且食物質素不錯，呢一餐真係有種放工後忘記繁瑣生活的一個放鬆。

週末食左幾餐豐富既，search之下搵到呢個慢活好地方，原來位於尖沙咀既中心但似死城既首都廣場，只係上1層電梯就見到，呢間cafe大到佔左半層舖位！由於人流好少，感覺好舒服悠閒，有靚靚既咖啡工作高檯，又有豆豆梳化塌塌米，周圍有裝飾有黑板又有好多旅遊書慢慢睇！呢度採用自助服務，檯台有大屏幕出示menu，食物種類唔算多，輕食、意粉、甜品都有，我地叫左2款食物、1款飲品、1款甜品坐低慢慢嘆！唔坐塌塌米既話亦有4人座位，同樣有空間感，見大家似乎坐左好幾個鐘～坐塌塌米需要先除鞋，裡面有postcard-crossing既裝飾，即係牆上貼左來自不同國家既人寄黎既postcard，作為文化交流。睇到唔同國家特色景點及文字既postcard，感覺好親切好想去果D國家！食物準備好後出去拎，呢個係車打芝士火腿牛角包配乳酪沙律，因為鬆餅無曬，個牛角包焗得熱熱地，估唔到咁鬆脆！尤其個面真係好香脆，好有牛油香卻不油膩，而且口感輕盈！配上溶左既芝士及唔係火腿炒蛋既火腿而係西班牙火腿咁食，好香口！沙律菜好多，以為用左一般既vinegar原來唔係，呢個dressing係莓味既醋，少少酸又有果味，唔錯！乳酪比較酸，口感

上星期放左工同朋友黎左郵意食飯，main menu 叫左兩個，一個係龍蝦肉蕃茄意粉，一個係車打芝士火腿鬆餅配乳酪沙津，真係好有驚喜，因為份量同配料都好夠 先講意粉 蝦肉夠多之餘 又大隻 鬆餅果餐好岩OL/少女食 幾健康咁 又有乳酪沙津 味到好夾 又新鮮； 雖然飽左但真係叫唔落啲好吸引嘅飲品，但同朋友傾下傾下 見到格離枱食甜品 我地都引唔住share左件cake 下次黎一定要試埋其他款同特飲&甜品。講下環境先我早去到人流都ok,未去果陣以為之前新假期提過應該會迫爆好多人黎左打卡， 其實我都係其中之一🤣不過愈夜愈多人。呢度環境十分舒服，有啲日式茶室既感覺，打卡一流同朋友影左好多文青相😳。而且地方十分大，一大班朋友都唔驚無位置，都見到唔少人係到聚會幾大班人，又唔會趕人，夠哂開放，可以慢慢嘆，又有書比我地，又有香港嘅postcard 👍🏻👍🏻💪🏻。

與朋友聚會歇腳，很多時會選擇旺角、觀塘等Cafe，但原來尖沙咀都有個好舒適的地方。Cafe都易揾，於首都廣場坐升降機上3樓就到。這裹除了可以坐普通的椅子，或者坐於地上的沙豆袋也可。整個Cafe給人感覺很悠閒及放鬆。而且不限時坐，可以在此消磨一整個下午。還有書本供消閒之用。牆上掛上明信片。至於食物方面，我們選了以下食物：卡邦尼意粉 ($58) (+10配Latte)(一至五 11:30 -14:30才能加$10 配精選咖啡)意粉的芝士味不算太濃，是走比較清淡的路線。面層的意粉較乾，㡳層的意粉較濕潤，故我把其拌一拌再吃。至於Latte都比較淡味一點，若奶味重一點會更佳。煙三文魚包配乳酪沙律 ($58)乳酪與沙律菜分開，可以按照個人口味而選擇落多少。該餐所用的乳酷為原味，配上帶有甜味的葡萄乾及脆卜卜的粟米片。煙三文魚包烘得好脆，配上生菜、番茄、芝士，整體味道很清新。伊甸園(蘋果芒果乳酪冰) ($58)Cafe為Smoothie配上特別的名稱，很有心思。Smoothie的份量很多，飲完一整杯都很頂肚。味道甜甜的，很好喝。

見到呢間餐廳在尖沙咀新開分店，之前喺灣仔間分店食過Lunch都不錯，見佢新開分店一於同friend去食下😍餐廳在商場二樓，佔地好大，好多坐位，好啱一大班朋友吹水、玩Board games、傾功課，因為見佢任坐唔嬲，又有嘢食嘢飲，價錢又經濟👍食物水準與灣仔店都差不多，叫咗All Day Breakfast，香草蒜油意粉，同埋兩杯嘢飲-草莓香蕉沙冰同埋Ice MochaAll Day Breakfast都夠份量，沙律菜配甜甜地嘅黑醋，新鮮好味，仲有夠晒多汁嘅小小蕃茄，多汁又好味，估唔到佢配埋嘅牛角包，又幾好味，好鬆脆牛油味濃👍👍香草蒜油意粉，蒜味濃，份量足👍👍咖啡一直係佢嘅強項，Ice Mocha都不錯又大杯😋另外，草莓香蕉沙冰個名都幾特別，叫做小確幸😌不太甜

今日難得係大陸番黎早放工，當然要約下舊同事敍舊。上網見呢間cafe好似新開，又係我地買開零食既首都廣場入面，於是決定黎hea下醫醫肚。呢度應該係十幾間細舖打通而成，感覺幾大，仲有榻榻米，坐得幾舒服悠閒。我同fd叫左個pizza同意粉，加埋每人一杯熱飲水牛芝士巴拿馬火腿蕃茄醬pizza，賣相吸引，蕃茄醬微酸，中和左芝士同火腿既飽滯感，兩個女仔每人食一半都無問題。卡邦尼意粉都吾錯，意粉吾會太淋，爽口得黎又可以掛到d汁，啖啖都夠味。熱鮮奶紫薯好滑，紫薯味無論嗅定飲都夠濃。熱百利甜酒朱古力真係同普通朱古力吾同，好陣甜酒味，好少有，必試。呢度真係幾好hea，因為吾限時同埋地方都幾闊落，而且仲有得寄postcard、黑皮留言同睇書，遊客同學生🐣都岩玩。

依間餐廳位於尖沙咀一個唔係好起眼嘅首都廣場呢間餐廳喺灣仔都有試過食， 灣仔嗰間就係安樂裡嘅地舖而尖沙咀呢個就係喺二樓嘅，尖沙咀呢間就面積大好多，座位有分他他米同埋普通座位嘅，我同男友就坐他他米， 餐廳嘅點菜模式就係自己做收銀處俾錢。然後佢會畀一個圓形嘅嘢你整好之後就會響㗎啦， 响之後你就去前台部攞就得㗎喇。我哋叫咗個全日早餐同埋龍蝦肉蕃茄肉醬意粉飲品方面嗌咗個latte同埋一個 士多啤梨香蕉奶昔首先講下個全日早餐先個早餐賣相幾靚，牛角包都好香，但係個蛋就比較乾身，冇出面嗰啲咁滑然後 就講下嗰個龍蝦茄意粉，個人覺得佢啲意粉唔夠林， 龍蝦肉係好味嘅帶啲蕃茄醬汁唔夠多。嘢飲方便就不過不失啦最後我哋貪得意買咗個甜品蛋糕係檸檬味嘅個蛋糕好特別喺個蛋糕上面有三片青檸，蛋糕把 落口度有陣陣嘅檸檬香味，都算幾好食嘅。總括而言其實呢個地方係畀你用嚟消磨時間嘅， 餐廳入面放咗好多唔同嘅書，有旅遊書，有日文書。你可以攞嚟睇，而且佢係不設限時畀你坐幾耐都得。 如果一大班人搵唔到地方聚會，我覺得呢度係一個唔錯嘅選擇

香港郵意， 一間以明相片為主題既餐廳， 餐廳細細， 但感覺好舒服。同朋友傾下計， 又想坐耐d , 係好選擇。 假日， 這還設有手作市集， 比年青人一個發揮個人潛能既地方。 推介一下， 玫瑰花加茉莉花茶一定要試下。 好低飲😘