香港郵意明信片航海主題咖啡廳 (已搬遷) 新店位置

難得壽星仔主動提出去試下呢間航海主題既CAFE我地一行6人就一於去試下啦地點係集成向CWB 方向行前少少  籃球場旁既一條小行如果唔係專登去搵  普通人應該唔會為意有呢間餐廳存在餐廳室內環境很寬敞  枱與枱之間不會很迫  加上輕快既音樂  與朋友聊聊天 飲飲咖啡 確係唔錯我地點了ALL DAY BREAKFAST  有茄汁豆 黑松露炒蛋 煙肉 香腸等味道唔錯  不過份量比較細  男仔恐怕不夠飽另外點了黑松露帶子意粉  比較杰身  帶子只是薄薄幾片  味道一般唯一好處係唔收切餅費不過幾位店員既態度真係麻麻   好似唔想做  唔憂做咁例如 我問 百多元既是日併盤大約會有D 咩食材佢竟然黑住面話 '' 你叫左咪知LO '' = ='''要比百幾蚊唔知食咩我梗係唔會叫啦所以呢間野只此一次   .......  

是日放假來灣仔逛逛, 想搵間cafe來個悠閒午餐, 知道呢間搬咗新舖, 所以特登嚟試試(當時寫住'試業期間")舖位位於一後巷內, 真係要靠地圖先搵到, 門口的郵筒也是'地標'之一店內座位都算多, 而且好寛敞, 近門靠牆一邊放置了一些文具及明信片, 不過就冇標明價錢來到先到櫃枱點了:咖啡好香滑, 而且都幾大杯, 可能坐近風口位, 所以好就放涼了, 但都不失咖啡香'早餐'都幾豐富, 有煙三文魚又有黑松露炒蛋, 蛋好滑, 配松露醬好match, 茄汁豆用生菜long住, 都幾多, 唯獨啲腸仔煙肉煮到太燶又硬, 沙律菜放中間變熱咗, 有啲失望, 價錢8x略貴 (餐牌有兩款'早餐', 如果寫明每款有咩食材會更好)因為係試業其間嚟試, 所以客人唔多, 可以坐下hea一陣其實唔錯

呢幾日係幾個網站度都見到有關呢間鋪既介紹，我同朋友就去試下喇。呢間鋪位於灣仔的一條小巷度，平日行過基本上都唔會發現呢間鋪，所以係幾隱蔽。成間鋪好有格調，以交換明信片和代郵分享為主題，有代寄明信片服務。由於開業只有一個月左右所以好新淨 。而且環境幾安靜，適合約朋友去傾下計 。但係間鋪蚊患問題幾嚴重，即使睇到間鋪有安裝滅蚊器，但顯然成效不大，進食既時侯會有蚊同飛蟻飛黎飛去，確實幾影響食慾。野食方面就嗌左all day breakfast、鮮茄肉醬意粉同芝士白汁煙肉意粉。野飲方面就有鮮奶香芋、鮮奶抹茶同波希米亞。整體食物外觀係吸引，但味道就一般。首先比較好味既係all day breakfast。有煙三文魚、沙律菜、茄汁豆、煙肉、黑松露炒蛋、香草腸等， 組合豐富，係可以一戰。但鮮茄肉醬意粉既味道就太酸。而鮮茄肉醬意粉同芝士白汁煙肉意粉既意粉都好碎。至於野飲方面,鮮奶香芋同鮮奶抹茶既奶味過濃,基本上係飲唔到香芋或抹茶味道。所以整體味道一般喇p.s.注意番~ 呢間鋪有條比較特別既rules~就係如果想拎碟, 每一隻碟收hkd $10清潔費。我就認為呢個收費唔合理。如果係幾個朋友鍾意嗌幾樣野食再s

友人新店開張第二日到訪，由銅鑼灣樓上鋪搬到灣仔集成旁大三倍面積的新格局，相信下了不少的決心。地點其實就在W Square正後面的小巷，鬧市中難得幾步就變得隱蔽有私隱。一入去就見中間的高枱，就算週圍有三十幾個位都唔覺迫，可能因為樓底好高。向上望，原來有五部冷氣機，唔怪得條街咁熱入面咁涼快。枱上模型船算係標記，一數發現有九隻咁多。個bar枱闊落，menu寫哂上面，仲有一大抽豬籠草食蚊添。野飲唔算貴，但聽講老闆部espresso機係靚野新買，啲豆又買靚左一個grade，加上之前學拉花一段時間，沖杯靚既Latte無難度。入面仲有喵星人一大一細！四圍走超可愛！Postcard 同相關商品當然唔會少。我叫左個素既All Day Breakfast，難得佢蛋卷上面有靚既足料黑松露，下面仲有近年健康食品既秋葵！如果可以加配多士法包或薯仔，就會更適合男仔胃口。