香港寧波同鄉會

營業中

休息中

因五、六、日常爆滿，為慶祝好朋友生日，早三星期前來預訂星期五的晚飯。各人準時7:30到達，坐下不久已嗅到陣陣臭豆腐味道，二話不說先來每人一件，再點菜！油爆蝦燻蛋臭豆腐*************砂煱雲吞雞*************蛋黃蝦京葱扒鴨富貴火腿油泡&吉烈沙追魚*************家常餅(大)鍋貼蒸素餃*************棗泥煱餅份量十足適合一大班人飯敘，食物質數和味道都能夠保持水準，難怪每日午飯和晚飯都坐無虛席！

最近熬夜多多 想着周末要恶补一下胶原蛋白 第一首选就是元蹄啦 听说宁波商会的元蹄很出名 但是只接待会员入场 立刻找朋友帮忙订了位子 不过没有会员的食友也不用担心 这里可以现场报名 只要交$100会费 就立即生效 可以入场啦 今天是奔着胶原蛋白而来 快快开始分享菜式啦 凉拌马兰头 这是在家常吃的凉菜 看到菜单上有 很兴奋的立刻order 上来很大一盘 马兰头切得细细碎碎 加入豆干粒 用麻油拌匀 新鲜爽口 好开胃 红烧元蹄 主角上场啦果然很大分量 侍应会帮手切开大大的肉身 肉皮滑溜溜 很弹牙 几乎入口即化 而且不会很肥腻 而肉身也很结实 火候相当好 一拨动就很易分开骨头和肉身 满足一上午的期待葱煎包 朋友看邻座点的 也被鼓鼓的卖相吸引 面皮很饱满 表面洒以葱花或者芝麻 不过并没有加分增上香味 另外咬开的内里没有一丝流出来的肉汁 会稍显干身高丽枣泥饼 不太吃煎炸的东西 不过又被枣泥吸引到了 上桌时候觉得外形一般 用纸巾滤了一下油 恩 不会很饱油 拿起一块 咬开就有绵密的枣泥馅缓缓涌出 枣泥的香气绵绵的充满口腔 再赞一次今天吃的很开心 很难得吃到这么地道的浙江菜 餐厅环境虽然有小小拥挤 不过很

尋晚同舊同事食飯，由於訂唔倒香港大學校友會，所以訂咗食友們介紹的寧波旅港同鄉會。七點幾嚟到，人唔多，地方都幾企理。當晚叫咗：素鵝、燻魚拼棒棒雞、蘿蔔絲鰂魚湯、魚香茄子﹝奇怪的選擇，不多每人都可以決定兩味餸，冇野講﹞、雪菜肉絲炒年糕、蔥油家常餅同高力豆沙。素鵝幾好食，南方整法係用油炸的，但唔會覺得油膩；燻魚味道只屬一般，棒棒雞則只有D粉皮好食，雞肉就嫌鞋咗D，醬料就OK咁啦，呢個拼盤唔係太理想；蘿蔔絲鰂魚湯唔係太有魚味，略腥，蘿蔔微微有D渣，唔掂；魚香茄子非常油，食落其實味道可以，不過就唔係太有「魚香」，只係食咗少少就冇人再染指；雪菜肉絲炒年糕非常好味，年糕炒得恰到好處，煙煙韌韌，雪菜唔會太鹹，大家都食不停口；蔥油家常餅係另一絕活，炸得香脆金黃而不見油膩，內餡好多蔥，味道一流，不過食落其實係幾油架，但實在太好味，我一個人都食咗三件﹝！﹞；最後係甜品高力豆沙，味道都合格，但係紅豆餡出手太重，破壞咗整體味道的平衡，而且蛋白外皮有少少油味，應該可以做得好D

上次去已經係半年前, 已經覺得d食物差左, 所有酸甜及酸辣的菜式都過酸今次去, 五個人點了以下菜式：- 砂鍋雲吞雞個湯好咸, 食第一啖津白已經覺得好咸, 雲吞好味d- 鍋貼保持水準, 唯一一道菜大家都覺得ok- 排骨湯面同事話湯面似公仔面, 個湯好唔得, 排骨就普通, 無乜特別- 上海粗炒好淡, 無乜未, 以前好好食架, 我以往最鍾意呢碟餸- 上湯浸豆苗好多油, 唔似上湯浸.............食物已經差, d伙計仲態度好衰, 走埋黎話我張會員咭過期, 多謝$200, 我話我唔想再續, 你地d食物差左好多...我今次用同事張咭, 佢又話唔得...首先入會時, 張申請表無講只是一年會籍, 否則我唔入, 我以為$100係永久, 都好抵, 無所謂我最後續左, 唔想爭拗, 但叫人加水, 無人黎, 扮失憶..............................雖然續左, 但唔想再去囉, 背脊骨落呀~~~~~~~~~~~氣憤~~~~~~~~~~~~~~~ huffyhuffyhuffyhuffy無野好食, 所以無影相~~ 1

「同鄉會」是members only,所以自從membership要二百多元後,已沒再光顧了。承蒙有member同事並來,便可再回味喇。先來,吃上海菜,必叫的賽螃蟹。蛋白極濕潤,而且加埋蘑菇、毛豆、紅蘿蔔,整色整水,味道做不好,攪得不倫不類。炸素鵝,剛炸起,非常香脆!毛豆還是什麼豆凍糕,在menu上有個令人摸不萻頭腦的名字,好奇心駒使叫了。哎呀….原來是凍冰冰的咸糕,像綠豆的粉口+枝豆之類的味道,好怪,吃了兩三件,整碟放棄了。小籠包,很多湯汁,但餡很多肥粒,而且醃味很咸。酒醋魚塊,第一口吃,頗有酒香,再嚐真點,有點腥。魚塊只略略拉油,肉質腍腍, 「浸」在一灘玻璃獻上,成了「魚塘」。宮保雞粒,炒得乾身,惹味。雪菜上海年糕,本身沒味的年糕,切得薄薄,和剁碎了的雪菜,有如桂花酒釀丸子的美景!素菜包,內含豐富的碎菜餡,很juicy!這一餐原是期待的,因為以前常來,都好喜歡,但久別重逢,竟是「不愉快收場」。

為慶祝奶奶生日, 在左選右擇之下, 我們選擇了這兒為她慶祝, 希望她福壽年年, 身體健康.在貴網看到這兒的口碑一直不錯, 趁機來慶祝一番, 即使未食巳經要付 $100 的入會費, 也沒有問題. 踏入酒家, 其裝修略為簡單, 並沒有多餘花巧的設計或擺設, 而地方尚算整潔. 侍應們也很落力加水及換碟,服務也不錯哩.食物方面 :1/烏筍海蜇頭, HK$120.第一次食烏筍, 看起來有點似是西芹/青瓜, 食下口感是脆嫩清新的. 海蜇頭晶瑩剔透, 被切成薄薄的一片, 而且有咬口. 混入了麻蔥油撈來一起同吃，的確是一很清新的前菜.2/五香燻魚, HK$80.這兒的燻魚跟平常的不一樣, 沒有像一般的煎炸乾旱. 它真的被燻過, 絕對保留了魚肉汁的鮮味, 很得香口. 而醬汁帶有小小甜味, 真的很可口.3/涼拌馬蘭頭, HK$80.馬蘭頭被切得細緻, 真的很考心機哩, 伴入小小的豆干, 再混入麻油一起來吃, 真的頗新鮮.4/美味煙燻蛋 * 4, HK$48.又係第一次食煙燻蛋, 一上枱時巳深深地被那像似是夕陽般的蛋黃所吸引, 蛋黄處於半凝固狀態, 再加上層次分明的蛋皮, 蛋白, 蛋黃的煙燻效果, 簡

有朋自遠方來，話想食上海菜，所以就帶左佢地去間佢地聽都未聽過既寧波同鄉會，食Ｄ喺外國食唔倒既正宗寧波風味。雖然寧波會係私人會所，不過未係會員既朋友唔洗驚，因為唔需要任何人介紹，只要填張好簡短既表格，同埋交$100年費就可以立刻成為會員，即時就有張臨時會員卡，效率好高。如果同桌已有會員，嗰$100可以入埋會員張單到添。環境衛生：酒樓式裝修，好簡單，絕對冇多餘既擺設或花巧既設計，非常符合經濟原則。地方打理得乾淨企理：雖然談不上潔亮如新，不過一定唔會見到一dat dat既舊污積，穿左隆既枱布同餐巾，或者係崩左既碗筷。小弟幫襯嗰晚大廳好爆好逼人，枱同枱中間唔係好多位，尤其係大枱附近，可以話係動彈不得；睇得出佢想用盡所有實用面積黎做生意。個人覺得最大嗰張枱頂哂籠只可以坐十二個人。隔暗設備可以話係零，所以除非好少人幫襯，唔係真係好嘈。個會其實係有間＂會長房＂既：如果擺一席（最多十四人），最低消費為 $6,000；如果擺兩席，最低消費為每席 $4,500。接電話嗰位姐姐仔好細心咁解釋話客人可以訂嗰間房，不過因為係＂會長房＂，所以就算訂左房，如果當日會長突然有要求，客人係要讓返間房出黎比會長既，而工作

親友聚餐，早於一個月前於寧波同鄉會訂枱和一些需預訂的餸菜。是晚人數夠多，可以試到不少菜式：頭盤：淆肉：其實是類似豬肉凍的東西，點醋吃味道不錯。醉雞：雞肉軟滑但酒味不夠濃。涼拌馬蘭頭：切得碎碎的，入口爽脆，好吃。煎臭豆腐：嗅上去沒有刺鼻的味道，但當放近鼻邊時就會有一朕頗濃的咸蝦味，外皮煎得脆脆，點甜醬和豆版醬更好吃。海蜇頭：溫度夠凍，入口非常脆，點黃芥茉好吃。主菜：樟茶鴨：鴨肉煮得軟淰入味，有濃厚的醬油味但不會過咸，皮厚但不油膩，也很滑，不錯，以附碟上的飽同吃更能減低油膩感。清炒蝦仁：有點不夠鮮甜，蝦肉未見特別爽口。紅燒獅子頭：其實是類似肉丸的東西，豬肉切得鬆軟，口感豐富；汁醬濃郁，送飯一流。鱔糊：炒得比外面的更深色，是用了黑醬油的關係吧；鱔條鮮味，質感軟淰，與芽菜都煮得濃郁入味，不過有點過多油，否則用來拌飯一流。拆骨魚頭：要預約的菜色，是將整個大魚頭起骨，再將肉與醬汁、荀、粉皮煮至入味。賣相普通，並且因為我不特別好魚頭，所以只覺得是普通而已，不過粉皮是好吃的。陽春麵：我沒有吃，聽說很好，一窩可以分出約十小碗呢。家常餅：細份的有八塊，其實是蔥油餅，有點油膩，不過非常惹味。如果有份量少一點

這是在openrice 寫食評的意外收獲：朋友們知道你欣賞哪一間餐廳，當他們在那裏有飯局，會想起你而邀約。今次要多謝S小姐，令我可以嚐到幾款上次吃不到的菜式。樟茶鴨其實上次也有叫過，但今次比較好，樟木和茶葉燻出來的香味更豐富。鴨身也夠「肉地」，厚度可以用伴碟的小饅頭夾着，連炸得甘香的鴨皮一起吃，減低油膩和罪惡感。金沙蝦則是新嘗試。這個菜式的賣相不俗。一隻隻中蝦被一層鹹蛋黃包着，像穿了一身金色的薄紗。輕輕用口剝開這外衣，白裡透紅的蝦肉便一絲不掛地呈現眼前，叫人好想一口吞下去（我覺得這是男人對這道菜的聯想，不知他們是否同意？）鹹蛋黃在口中留下的餘韻令蝦肉更惹味。我們連碟面剩下的也不放過，用來伴家常餅，好吃到令人忘記何謂膽固醇。然而終極高脂高膽固醇的魔鬼現在才出場，各位觀眾：紅燒元蹄！享受這道菜必須把健康飲食的原則拋諸腦後。把瘦肉連肥肉和豬皮一起放入口，還要把汁撈飯。然後你會充分地領略上海菜濃油赤醬的特色，豬肉以花雕酒、冰糖、醬油炆出來的汁，足夠連下三碗大飯。瘦肉部份入味而鬆軟，有面層肥肉的油份滋潤，完全不覺粗糙。肥的位置也不覺油膩，經長時間的炆煮，只有膠質的口感，好像有豐富的骨膠原，對皮膚

好友聚舊，唔係講派頭。所以當我知道R小姐爲我們一班同學相識N週年紀念選了實而不華的寧波旅港同鄉會，心裏真暗暗叫好。走進預留的廂房，見到很多久違了又熟悉的面孔。歲月轉眼過，但正如R小姐所說，時光彷彿在那晚倒流，大家回到晚晚在canteen 一大圍枱嘻嘻哈哈地開飯的日子.......有好心情便什麼都好吃，所以我只特別介紹幾款特別好吃的菜式了。先說頭盤吧，看見燻蛋的蛋黃軟軟融融有如泛着金光的夕陽，已不可能不下箸。但別心急，別忘了灑一點淮鹽，因為蛋的本身沒有鹹味。放進口裏，先感到濃冽的煙燻香，然後蛋香滲透出來，互相輝映。我想，這是一隻無添加配料的雞蛋所能達到的終極美味了。吃過了一兩款主菜後，侍應捧來了蘿蔔絲鰂魚湯。我是非常討厭魚腥味，絕對不喝魚湯，想也沒想便整碗推給老公。他卻說：「你先試一口吧。」我嗅了一下，咦，沒有異味呢，便呷了一囗。嘩，不得了，世上竟有完全不腥的魚湯，趁熱飲，簡直是香。那陣比雞湯更圓潤的鮮甜，像鰂魚在口裏游來游去然後滑進喉嚨。結果連盡兩碗，旁人不得指染，哈哈！家常餅也是這兒的名物。它是一個圓形的煎餅，上面鋪滿芝麻，裏面是翠綠的香葱餡。咬下去，第一個口感是脆，來自煎過的芝麻皮

在會所臨立的中環，寧波會所算是入會相宜而食物水準平均的地方。一行四人點了以下美食：燻蛋：一隻出色的燻蛋最緊要烹調得宜，蛋黄處於半生熟狀態，入口蛋汁溢出，煙燻香味處處。這兒的燻蛋確能達到這要求，不錯！臭豆腐：剛炸起的臭豆腐「香氣」＋足，入口唔油膩，外層脆脆，內裡盪嘴，配上至愛的甜醬來吃，＋分美味！雪菜桂花球：桂花球鮮味程度一般，口味略鹹。紅燒獅子頭：肉丸口感還算鬆化入味，OK。砂窩雲吞雞：雲吞以滿滿肉碎作餡料，配以半只小雞放湯泡製，都是一般吧。雲腿津白：濃淡食材共冶一爐的菜式，OK。葱油餅：出品香口鬆化熱辣辣，好食喎！香蕉高力豆沙：即叫即整，OK。

過開中環搵朋友，咁順道食埋晚飯先歸家啦 ~ 雖然話明係同鄉會啫，但唔寧波鄉里都黎得食飯架，我鄉下都唔無寧波。原來依間食肆都幾出名架喎 ~前菜兩小碟，咸菜加左啲麻油，香香甜甜，好開胃。鹽水花生，林得黎有趙口，咸咸地又充滿水份，由細到大都好鍾意食，因我唔多喜歡食乾花生既。燻蛋，必食 ﹗食到停唔到口，食左整整一隻仲想繼續食，真係可以連吞半打，實在太好味，但要留肚試其他菜式，所以都要為大局著想，忍。蛋黃糖心勁香蛋黃味，天然蛋黃甜味，加少敨椒鹽同吃，更提升燻蛋既味道 ﹗朋友仲意為係日本溫泉蛋，哈哈，咁遠飛黎咪好貴？三色併盤配芫西豉油，自選冷盤。白肉，無咩特別，五花腩一片，但嚥嚥靭靭，完全無肥膩感或食緊煙肉既感覺。海蜇，完全無調味，如果落啲麻油會更香口，得個爽字，無味囉，可以點啲芫西豉油同吃。怪味雞，真係唔知咩味，好普通囉，無特別。火腿津白，如果淨食金華火腿又實在太咸、如果淨食上湯津白又單調又寡，必須要一齊食，味道方可以得到平衡，咸香加鮮甜。如果用津白卷住金華火腿同吃更好。小籠包，放左一段時間，所以包形已塌下，皮變硬、汁收乾，完全唔燙口，可以直接整隻放入口。肉鮮味濃，仍有少量肉汁，有幾滴。味道唔錯

1. 家常餅 $40 – 好香 2. 臭豆腐 每件 $12 – 食完個口非常臭，但好味 3. 燻旦 每隻 $10 – 好淡，無乜味，可以不吃 4. 三色拼盤（海蜇、燻魚、醉雞）$170 – 份量都 OK 5. 涼拌雞絲粉皮 $70 – 正常 6. 黃金蝦 $190 – 好多咸蛋，但咸咗少少 7. 清炒蝦仁 $160 – 好好味 8. 涼拌馬蘭頭 $70 – 原來好細碟 9. 年糕炒蟹 $330 – 好大，年榚好好味、隻蟹都唔錯 10. 賽螃蟹 $80 – 正常 11. 香蕉高力豆沙 每件 $10 – 好正 茶介每位 $10 及加一服務費

今次打孖為兩位8月份生日嘅朋友慶祝。我負責出 e-mail 俾廿幾個朋友，另外，好識食果位朋友建議嚟呢度食。點知出 e-mail 之後，無咩人覆，攪到我無哂心情！起初，我聽到<寧波旅港同鄉會>呢個名，我以為係私人會所，原來係間酒樓！食上海及寧波菜。一上到去，見到門口註明 "會員專用"。咁啱我個朋友正係會員！當晚所有食物由佢發板！我哋 5 個人，叫咗：1) 素鵝拼豬手呢味前菜，係一冷一熱。熱嘅係素鵝，而豬手係凍食！兩者同樣要蘸醋，前者蘸黑醋，後者蘸醋。我梗係趁熱先食素鵝啦！腐皮煎得金黃色，略帶些硬身，入面包咗磨菇絲，味道算唔錯！至於豬手，十分滑，一夾嘅時候先跌落枱，再夾就＂撲＂一聲跌落碗醋到，真失禮！　結果，嚿豬手浸完醋 SPA ，我才可品嚐一番！本身雪過之後夠爽身、幾彈牙同入哂味！2) 烏筍海蜇頭呢個餐前小食！雖然賣相不錯， 但味道淡了一點；如果加埋麻油就更好味！海蜇頭晶瑩剔透、比一般條狀海蜇更有口感，很爽口！唯獨無咗一點煙韌。烏筍顏色似西芹，食起嚟似青瓜咁爽！我都喺第一次食烏筍，感覺清新！3) 糟溜魚片咁多味菜，我最鍾意食呢個。 以花雕酒做芡汁，甜甜地仍不失酒味。就算

上一次試過這裏的脆鱔、蟹炒年糕、家常餅、鎮江肉等覺得很不錯，是次拉埋愛吃上海野的父親入會。叫了鎮江肉，父母都贊好，還說點mustard比較好；海蛩有點太油；小籠包一客八大個，皮不算特別簿湯不算特別多，下次可不叫；臭豆腐即叫即炸即上碟，但有點實，父親連叫灣仔的比較鬆化好吃。炒鱔糊則甚有驚喜，條條鱔甚有魚鮮味，拌飯一流。最後上桌的砂窩津白，一看，為何有肉丸豬肚雞肉的？難道上錯菜？但菜單又沒寫錯喎？還望高人指教。埋單四百八，爸爸吃得很滿意，看來下次試別的菜有望了。：）