香港大學校友會

營業中

休息中

Nice celebration dinner with my family, with very enjoyable food. I wanted to try this place for a while, and finally I could enjoy it at this special date.1.杏汁白肺湯:10分, 甜美, usually I would not eat 白肺, but I finished all 湯+ 渣! As a soup lover, this dish really satisfied me!2.古法鹽焗雞:10分, 不太鹹, 出色! If you are a chicken lover, you would be regret for not trying the 鹽焗雞here. It is hard to explain in words, just try it! But we must order a whole piece, so it was really a big size for 4 of us to fini

今日我地3 個女子第一次來呢度食lunch，之前聽人講過呢度好旺，要預先book位，我地好「文」才打去book，好彩有檯。杏汁豬肺湯：既然老闆極力推薦就試下啦，豬肺湯整到白雪雪，睇落以為係杏仁糊，豬肺亦好林，好味，豉油雞：啖啖肉，雖然肥膩d，都食到停唔到口；土魷蒸肉餅：肉碎「啄」得鬆軟，料又多，正！菜遠炒魚片：魚片大大塊，又新鮮又好味，炒埋d菜心加紅蘿蔔，色澤悅目又好食；花生糊：都幾香滑，又不會太甜，好味；杏仁糊：加入蛋白，香滑濃郁，好味道明明已經飽到飛起，都要食哂為止！整體非常滿意，招呼亦非常殷勤。睇個餐牌都幾貴，不過今餐食左幾多錢就唔知，因為有人請（嘻嘻），但估計每人都起碼要百多元。

看了如此好評就帶父母品嚐一頓啦! 預早4天前打電話來訂位，準備訂鹽焗雞，倉魚同埋荷葉飯，依道個伙記就提議不要落訂荷葉飯還說說我們四個人叫一隻雞加荷葉飯就飽曬! 但我說我是專情來食果幾度佳餚且我是大食人. 只是他不斷說不要荷葉好不好而魚方面他們亦好常常會買多d以備不時之需. 不過我都仍堅持要雞,倉魚同埋飯!當晚準時730pm到達，於是乎就立即落單，誰料有個四眼伙記亞伯，說幫我落單的那位同事可能忘記交低，所以我想食的工味，恕沒有材料，當晚沒有荷葉，沒有多d倉魚，沒有菜遠...總之招牌野叫乜冇乜，只有雞.我們問他有什麼推介，亞伯只說一大堆貴野如什麼大群翅..相信依道真係做自己友的都已經ok, 根本不在乎新客人...未食已經打了折扣對於依種服務態度!!?如果落例牌，真係好細碟，不過收費都不平宜，雖然後來我們落左d平淡如肉餅家常小菜d味道都幾好，不過我想都不會重來，就係因為人為的失誤。

中午時約同朋友到中環午餐, 假期中環一帶的食店比想像中清閒, 十二時許店中比較冷清, 侍應人手充足但禮貌一般, 和朋友兩個人吃不了多小, 只點了三個簡單的小菜, 先來了杏汁白肺湯, 杏汁香濃水準穩定; 再來菜軟生魚卷似乎比上次來得粗枝大葉, 味道偏咸了半點; 栗米石斑塊有點火喉不足, 不太香脆質感一般; 最來的咕嚕肉水準不錯, 香脆可口味道適中. 整體上不過不失略為退步了半點.

不才生晨，朋友賜飯，久已欲試此處，於是欣然訂座。因為朋友工作關係，訂了八時半的檯。甫抵步發現高朋滿座，也不打緊，侍者叔叔請我們在旁邊的酒吧小坐片刻，等了差不多十五分鐘便入座。看了網上眾位的品評，但朋友未到，便先行點了杏汁白肺湯、咕嚕肉、腰果蝦仁，打算邊吃邊等。杏汁白肺湯果然名不虛傳，杏汁很香，只是稍咸了些，我口味較淡，相信以一般人的口味就不錯了。咕嚕肉令我們失望，雖然味道還算不錯，可皆炒得乾了些，有點吃酸甜豬肉乾的感覺。腰果太軟了，而且炒得過火，蝦仁倒是不俗，分量十足，以八十元而言分量很夠了，可是我不太喜歡勾茨太多，只是老式粵菜常常如此，所以也可以接受了。陳皮牛肉餅是大約九時三十分追加的，因為朋友大概來不了，先叫的菜也吃得差不多了，本來想叫豆腐和雞，都賣光了，只好叫了牛肉餅。剛才看食評，很多網友對此都有同一形容：山竹牛肉平版，網友似乎都接受到，我對此難以接受，難吃極了，陳皮不錯算香，但鬆肉粉下得太多了，難以下嚥。還有，此處甚有舊式食肆習慣，九時半侍者叔叔告訴你，要點菜要快點了，師傅要走了，再不點只有師傅的徒弟煮給我們吃，那就不好吃了。奉勸各位，要去此處吃飯一定要早一點。結帳三百多元，不

星期一晚，朋友的飯局，同桌有八個鬼佬，捉埋我去幫手叫菜同食飯。在中環吃，原本想去鏞記、蘇浙等名店，但鬼佬想吃得地道一點，就來了這裡。一圍檯，卜左間房，即日卜即日有，仲未行會員制。在這裡叫菜也不用看餐牌了，叫了杏汁白肺湯、咕嚕肉加大、豉油雞、鹽焗雞、粟米斑塊、另外幾個味家常小菜如蒸肉餅、炒菜、齋及豆腐。杏汁白肺湯特意叫伙記不要撈渣，大家飲完都讚好，但見過碟湯渣後就無咩人添飲，哈哈！這裡的咕嚕肉出色，鬼佬亦尤其鍾意食。是晚的保持水準，夠脆口，甜酸度適中，他們是一舊接一舊的吃，而呢碟亦是最早清碟的菜色。有見及此，再叫多碟生炒骨加大，亦好受歡迎，好快又清埋；在香港吃過這麼多的鹽焗雞，這裡的算數一數二。夠鹽香焗得又夠火侯，雞隻肉質嫩滑，仍有水準；豉油雞不錯，不過就明顯的給比下去了；粟米斑塊夠鮮味，收成百蚊一碟都有道理的；家常小菜都不失禮，至少外賓吃得甚滿意。求其炒了個飯，及要了炸醬窩麵。飯炒得夠乾身，不油膩，不要錯過；窩麵同炸醬分開上，味道方面麻麻地喜歡。甜品是紅豆沙及合桃露，兩者皆不錯。連酒水，埋單二千一百蚊多幾十蚊，圍起一人一百八十蚊左右，物有所值。大家吃得滿意，算是沒有失禮。臨走的時候有鬼

每當有朋友生日, 都係約埋一班人出黎搵好餐廳食的時候. 今次就揀左香港大學校友會. 上到去雖然冇豪華裝修, 不過地方都算整齊乾淨. Book 枱 果陣已經預先order 左一隻鹽焗雞. 當晚我們仲叫左杏汁白肺湯, 菜薳生魚卷, 西檸軟雞, 燒雲腿鴿片, 生炒骨, 陳皮牛肉餅, 炒豆苗, 生炒糯米飯等等. 首先真係要讚一讚個湯, 真係火喉十足, 好滋潤. 而我自己就比較鍾意食個菜薳生魚卷, d 魚肉夠味又彈牙. 雖然陳皮牛肉餅有d 似食山竹牛肉, 不過d 陳皮都好香. 反而我個人覺得鹽焗雞只是一般, 呢個純粹與本人口味有關, 我比較喜歡食嫩滑的雞. 總括黎講d 野食真係幾好味, 簡單的小菜都可以食得咁開懷, 價錢又抵. 值得一試.

請問各位食家可否說明每道菜的分吃價錢? 如只有兩人去,那裡有沒有細一點份量的? 因想試多幾款. 謝謝~(By Editor : please reply in Hot Gossip, thx!)

大食阿四與四公跟食家上港大同學會，一嚐傳說上陸羽廚子的手藝。九道菜基本上都是水準之作，反映廚師有深厚紮實的功夫，可算是九大簋。九大簋之一：杏汁白肺湯食家們先每人來一碗生津靚湯，開開個胃。此湯滋潤清甜，杏汁香滑，豬肺軟潤，白菜清甜，絕對是回魂靚湯。九大簋之二：雲腿鴿片油泡鴿片再用草菇炒，鴿肉嫩而不靭；雲腿甜如豬肉乾，不知是加糖炒還是下了蜜汁，一道很好的下酒菜。九大簋之三：倉魚兩吃─炒球加酥炸骨約兩斤重鸚倉，大如石班，起肉沾薄粉走油炒球，餘下頭尾及骨上粉酥炸，肉雖厚但炒起來嫩滑；骨亦香酥無比，也不油膩。價錢五百多塊的全日重心作。九大簋之四：欖肉炒蝦仁這菜上枱時令大家都有點糊塗，印象中似乎沒有點過炸蝦仁，只是最初點了炸鮮奶，部長叔叔建議鮮奶炒蝦仁，後來廚房回覆是日鮮奶售罄，大家以為此菜就此取消，怎知原來由蝦仁「單刀赴會」。欖肉炒蝦這個組合是第一次見，蝦肉是夠爽脆，但似乎跟欖肉化學作用不大，味較淡，不算差，但也不夠突出。九大簋之五：古法鹽焗雞傳說中只有少數食肆供應的正統做法鹽焗雞。上菜時只見色澤頗深，若非眾食家提點，還以為是豉油雞，可吃下卻是「非同凡味」！雞肉嫩滑不鞋口，有鹽香且惹味，皮帶微焦

The Hong Kong University Alumni Association, in short, HKUAA is one of those speakeasies in Hong Kong. Don't even dream of digging it out from one of those so-called Hong Kong's best restaurants guides. Being the antidote of advertisement and marketing, it is one of the best-kept gastronomic secrets in town that prevails solely by word of mouth.Put it bluntly, the setting of HKUAA is unassuming. No fancy d嶰or or slinky paneling of any sort –the dining room is functional –nothing more and nothing

我都係因為艾文妮我先去食架，都算ＯＫ既，但就唔係特別話好好味個種．．．不過最開心係識到一班大食家，真係估唔到有班鍾意食野既人會一齊約去食野，若果下次再有機會既，都想再跟你地一齊去食過．．．當然啦，梗係想見下我哎呀家姐Rachel嗎＾＿＾～

又跟openrice食家們去開飯..今次地點係口碑相當唔錯的港大校友會。由於已最少有兩位食家提供了當晚的詳盡食評, 所以我只簡單地講一下我最喜歡的幾樣吧。杏汁白肺湯- 奶白色湯汁夠香濃﹐好奇研究一下碗中的"湯渣"﹐睇得出係落足料去熬的﹐白肺又軟又滑﹐口感一流﹐如果不介意食內臟類的話﹐應該會中意。咕嚕肉- 都算做得唔錯﹐外面脆口內裡啖啖肉香又略帶一點肥肉﹐每一塊體積都是差不多可以一口一件﹐酸甜汁亦開胃﹐如果有一碗白飯就完美了。這裡的咕嚕肉 雖未至於上上佳品但絕不是敷衍之作。炒倉魚做得好出色﹐表面略帶香脆之外魚肉依然能夠保持軟滑﹐我算是一個不太食魚的人﹐都忍唔住食左好多件﹗上面較白色的是淨肉﹐下面似炸過的則是帶骨的肉﹐非常香口不過要小心有骨。生炒糯米飯- 做得唔錯呢﹐算係色香味全﹐單以賣相及味道﹐實在無甚麼可挑剔﹐只不過飯粒略硬﹐如果可以再軟一點黏一點口感會更佳。價錢方面算是適中吧﹐以中式晚飯計當然唔可以算便宜一類﹐但以呢度食物水準計﹐都算值的。今次KC, MM及Foodking兄都未能出席﹐所以今次是少見的一次無酒精聚會.

唔好比個名嚇親, 唔係校友都可以幫趁. 格局同一般中餐館差唔多, 可能地方唔大既關係, 比較清靜.先黎杏汁白肺湯, 奶白色既湯, 杏仁味無想像中咁濃, 唔會太霸道, 仲飲到其他材料例如白菜既味. 豬肺亦都好滑, 對唔住都要講句: 正過屋企果d喎~~雲腿鴿片雖然賣相麻麻, 但雲腿咸香惹味, 鴿片與草菇同炒, 亦都好好味, 極速清碟.炒倉魚球要預訂, 唔好問我點解有咁大條倉魚, 我淨係負責食架唧. 魚起肉炒球之後, 竟然都仲算嫩滑, 但完全無炒爛, 在座有唔多鍾意食魚皆因怕骨者(我係其中之一), 著實食得非常高興. 魚身連骨部分就拎去炸, 香口唔油膩, 又係好食.欖仁蝦球係比較失色既一味, 雖然欖仁鬆化, 但主角蝦爽得黎無乜鮮味.古法鹽焗雞又係要預訂, 上檯之後我地仲要再三確認, 因為橫睇掂睇都似炸子雞. 其貌不揚, 但雞肉比想像中嫩滑, 有咸味但唔會過火, 讚~~ 不過在座有人話得龍既太爺雞仲好味喎......咕嚕肉炸得幾脆, 但唔係包層厚粉去炸果隻, 個汁亦都唔會酸到令人嗆喉, 但我自己就嫌唔夠濃味.荷葉飯唔記得駛唔駛預訂, 飯粒炒得粒粒分明之餘仲有少少濕潤, 荷葉味都有少少既~~由於

自從認識這班食友後,便出來吃了很多次,次次都好開心;可惜也因此肥了不少.....哈哈!今次係艾文妮說未吃過,想去試試而成的.我們吃了很多不同的菜(有些吃過,有些未).有杏汁白肺湯- 不是很甜,杏汁味淡了少少.雲腿鴿片- 幾好,可惜鴿片少D.炒倉魚球- 最好味,吃個不停(之後才知好貴).欖肉炒蝦仁- 蝦仁好新鮮,但欖肉麻麻地;還是蝦仁炒蛋好味D.古法鹽焗雞- 好味,但如送飯會好D,因比較鹹;雞肉嫩滑.正!菠蘿咕嚕肉- 都唔錯,但味較濃和唔夠脆.荷葉飯- 沒有想像中大,但好味.雞茸鷓鴣粥- 看見還以為來錯,應該叫雞茸鷓鴣羮才對,因全部也溶了;但真的好好味.生炒糯米飯- 好味,但個人以為桃花源好D.全部菜也在中上,價得試試.

事緣上次去桃花源同坐o係身旁既蘇謙講起大家都未試過人人讚頌既港大校友會而麵包超人亦和議呢個聚會於是決定著手call人參加本來只預左一圍既聚會到最後都有成二十二人報名(雖然最後都只係得十八人出席)今日叫左好多出名既小菜：杏汁白肺湯．雲腿鴿片．炒倉魚球．欖肉炒蝦仁．古法鹽焗雞．菠蘿咕嚕肉．荷葉飯．雞茸鷓鴣粥．生炒糯米飯杏汁白肺湯～果然係名不虛傳，未入口已經聞到香氣撲鼻，有淡淡既鹹香，又見到面頭白白既湯汁，賣相己經好吸引！飲左一啖，即時覺得係物有所值。白白既湯汁好滑，有菜乾既鹹香，加上d豬肺煲得好淋又唔靭，紅棗亦香甜，果然係呢度既招牌湯水，下次一定要再飲過！雲腿鴿片～係伙計極力推介，雲腿甜甜地冇左一貫好鹹既感覺，眾食家都一致認為好味。但鴿片少左d，得幾件，而且炒時夾雜左d鴿皮，多番d鴿肉會更好，個人認為整體不錯，只係偏油左少少炒倉魚球～係幫主一早預訂既，但人少一定食唔晒，不過呢個真係好正，係今晚既必食推介！平時一般酒家都係以石斑起片或者球黎炒，今日都係第一次聽用倉魚起球炒，所以大家最初都以為係聽錯，到上檯時大家先可以相信。期待已久終於出場，魚片分為兩種，啖啖魚肉既只略略炸起，好滑又唔靭，好香