香江花月 (荃灣廣場)

Bookmark 左呢間打卡靚靚火鍋店好耐了就約左閨密一齊去打卡影靚相慢慢嘆啦🥰火鍋店裝修得好靚 雍容華貴感覺 店員安排我哋入座遞上餐牌後 並遞上兩杯茉莉花雪梨茶個杯好精緻 飲落好清香餐廳座位十分寬敞又舒適 /🌺 日本牛乳玫瑰鍋 🌸 餐廳選用日本北海道全脂牛乳及日本玫瑰做湯底湯底有朵白色玫瑰係中央 很賞心悅目 打卡首選😍店員會先將木瓜分開 係湯底慢慢滾起 就聞到濃厚乳香味及淡淡玫瑰香氣 湯底非常特別 真係未試過👍🏻/🐮 香江拼 🌹餐廳以一個環狀拼盆盛載住精緻既牛肉全盆有唔同既部位例如 安格斯牛 牛柏葉 牛舌 牛小腿牛心椗 牛白肉等全部以牛肉拼成一朵朵靚靚既花 少女品味十足 🌺而伴碟既蔬菜造型同顏色都精心設計 💐牛肉油脂分布均勻 肉質軟腍又嫩滑牛心椗 牛柏葉 口感非常爽脆/🟡 七色丸 🟣七色丸顏色鮮艷 有七款不同味道既丸類 有紅咖哩魚丸 椰芋墨魚丸 南乳墨魚丸 黑松露墨魚丸 鹹蛋黃墨魚丸 青咖哩墨魚丸 蟹子墨魚丸等 很有特色各款味道都好特別 可以嘗試到不同口味南乳味道香濃又唔會太咸椰芋墨魚丸咬落有芋蓉及濃厚椰芋香味 好特別👍🏻 鹹蛋黄味道濃郁/ 🍹 鳳琉香店員會係飲品上整一個大大煙燻氣泡 打卡一流呀🤩飲品係用鳳梨汁同薑味汽水調教 味道酸酸甜甜的/🍹 大桃花呢杯飲品都有一個煙燻氣泡 飲品係用日本桃肉啫喱 乳酸 梳打汽水調教口感十分豐富 很香桃味又不會太甜…查看更多

提早一日都book到枱😍開心。為左帶老人家周圍去下都會周圍搵下有咩中菜廳或茶樓🫖今次就去左荃灣呢間早中午茶館🫖，晚市就係火鍋。環境好傳統架。岩哂帶老人家去坐下傾下計。地方好大，坐得又好舒服，最緊要係輪椅出入都唔會影響到其他人👍🏼野食雖然比較細碟，但對我哋呢啲唔係食得多既人黎講就岩岩好。一流🥢味道方面就好適合呀。因為唔會勁咸又唔會無味👍🏼最後走前仲可以參觀一下全間房都係鏡既房😆打咭岩哂😆…查看更多

🔷 🍲🎶 𝕍𝕀ℂ𝕋𝕆ℝ𝕀𝔸ℕ 𝔼ℝ𝔸 - 𝕋𝕊𝕌𝔼ℕ 𝕎𝔸ℕ ℙ𝕃𝔸ℤ𝔸〰️ 店舖裝潢選取香港起飛，繁華時代作為背景，亦展出年代感十足嘅聽筒、人力車，盛載食物裝盤亦顯出高貴首飾箱，讓顧客恍如置身西關貴族，享受當年叱咤一時嘅香港，相信與祖父母一同前往，另有一番風味😎〰️ 店員亦有很好嘅服務，幫忙處理豬骨騰出火鍋，方便客人打邊爐，養生之人應夏天開始逐步進補才是王道😝😝🍽 🔹 黑蒜豬骨鍋 一個出色嘅火鍋鍋底，除咗肉眼可見奶白色由豬骨熬製湯料，未加鮮料前第一口嚐鮮。鍾意食出前一丁黑蒜油口味，食這款湯底絕對有另一番味蕾上嘅體驗。➰🔹 華人塔(牛、豬、海鮮）既然有濃郁嘅豬骨湯底，當然要加啲海鮮提味，所以我揀咗有豬有牛有海鮮既選擇，當中嘅海鮮包括：青口，蜆肉，鮑魚，蟹🦀️，蝦🦐店家處理海鮮部份，顯得非常細心，每隻蝦都用竹籤穿上、蟹亦已經過處理打碎個殼，方便更易出味，食嘅時候顯得更有儀態，整體海鮮非常新鮮，處理乾淨，無需擔心衛生問題。雖然挑選咗海鮮拼盤，亦都有兩朵肉類主打玫瑰花，畢竟店舖食材新鮮，牛肉豬肉肉質嫩滑，好食😋➰🔹 七色餃七款色彩繽紛的餃子，除了滿足視覺上嘅享受，造得非常精緻，還原度極高與餐牌上一樣，餃子皮薄餡嫩，餡料亦不馬虎，肉餡口味創新，真材實料，當中餃子味道印象最深是黑白相殺，🖤蟹肉黑松露餃，蟹肉配上黑松露絕配。🤍姬松茸野菌餃，菇味濃郁，更顯名貴。不過講到最吸引我目光當然是💙藍色的蟲草花餃🤭🤭🤭➰🔹 桃花緣 這杯粉紅色飲品，杯內有自家製桃肉啫喱，配搭乳酸梳打。亦吹有煙燻桃味氣泡🫧氣泡爆開後，淡淡桃味湧出置身仙境般。🔹香芳幻椰香的泡沫配上酸奶及鳳梨汁，充滿奶香及果香，清香甜蜜一杯飲品滿足兩種味蕾享受，這務必是女士首選。➰🔍 題外話周圍都是打卡位，最特別都額外有一間房似TEAM LAB咁靚靚😍 📌 香江花月 （荃灣分店） 📍 荃灣大壩街4-30號荃灣廣場L6樓621-630B號舖…查看更多

今日同爸爸行荃灣搵食，爸爸想打邊爐，同時要坐得舒服，決定試吓香江花月。由門口走到座位，感覺好似回到50年代嘅舊香港，餐廳內放了幾部衣車，係嫲嫲年代用嗰隻，枱上各樣擺設及餐具都十分精緻，新舊形成強烈對比。呢間房都係其中一個打卡位點餐前店員就每人來了一杯茉莉花雪梨茶，清甜滋潤，飲完見到杯底有一條小金魚。呢度嘅醬料區選擇眾多，較特別有腐乳醬、芝麻粒及生油，爸爸的童年回憶返晒嚟。湯底點了黑蒜豬骨湯香江拼爸爸唔好喜歡吃牛，決定點個全牛宴，上碟時由一個大圓形通心木盆盛載着唔同部位的牛，包括有牛舌、安格斯牛肉、牛展、牛柏葉、牛白肉、牛心頂及牛柳粒等，全部都擺得美美的，見到就興奮。特別鍾意食佢嘅牛心頂，屬牛的心臟頂部，口感爽脆，比較少食到。店員會叫我掃QR code，按住相應時間涮出最佳牛味，夠細心。七色丸七種唔同口味嘅墨魚丸，上碟時見到佢七彩繽紛，優雅咁放在一個傳統的中式七格木盤上，忍唔住要即時打卡，我特別鍾意食鹹蛋黃墨魚丸, 有鹹蛋香墨魚丸彈牙。桃花源乳酸梳打水加細細粒桃肉，上面再加個煙燻起泡，好飲又好玩😆。香芳幻酸奶加菠蘿汁，上面再配埋椰子紅桑莓奶泡，溝埋一齊飲好滑，啖啖creamy.總括而言，裝修有氣派，食物擺盤精美，食物選擇性多，年青及長輩嚟食都有驚喜。😊…查看更多

期待左好耐既火鍋，一直都俾佢華麗既擺盤吸引，今次終於食到。由於係平日去食，加上提前book左位，所以好快就可以入座。店內裝潢以50年代紡紗業為主題，華麗優雅。約埋朋友一齊去打卡就岩晒啦！加上冇用餐時間限制，唔駛食得咁趕之餘又可以同朋友傾下計。係一間唔錯既選擇！豚肉白菜鍋 $168用左日本既食用花作點綴，顏值頗高，湯底足料，飲落酸酸甜甜唔會太油膩，但肉質就麻麻地，冇乜味。七彩餃子 $108中國宮庭風既擺盤加上顏色鮮艷既餃子，賣相相當吸睛。餃子每隻都好大粒，餡料新鮮，食落好有口感。七色丸 $98擺盤同賣相真係相當精緻，口感相當彈牙亦都好新鮮。但都有伏位既，特別係黃色南乳墨魚丸，紅色紅咖喱魚丸，同埋綠色青咖喱墨魚丸啦！味道同墨魚丸唔係好match。手唧紫薯麵 $78係加左墨魚滑既麵，食落好Q彈，但可惜紫薯味唔係好夠。三色飛魚子滑 $118夠彈牙，足料。…查看更多

🔸香江拼 - 全牛拼盤 $798一上枱個賣相真係好驚艷賣相好靚好啱打卡😜全牛拼盤款式超多包括：安格斯肥牛、牛白肉、牛柳粒、手切肥牛、牛心頂、牛小腿、牛脷、黑柏葉其中牛脷個人認為最好食，咬落多汁，爆牛味🤪安格斯肥牛同手切肥牛都好食肉質非常嫩滑，好juicy😝特別係安格斯肥牛，油脂味好突出，牛味夠濃兩個人食都足夠 每款牛肉就算唔使點豉油都好食牛柳粒口感就比較肥膩啱晒鍾意食肥牛嘅人！👍🏻味道：9/10性價比：6/10🔸日本牛乳玫瑰鍋 $168 湯底鮮甜，乳香厚濃質感幼滑，飲落好滋潤湯底飲落真係有牛奶味有一個冰雕玫瑰放喺鍋中間仲加咗玫瑰花瓣，賣相非常搶眼🤩店員仲會幫忙切開木瓜，服務值得一讚👍🏻木瓜熬湯超甜，好好食🤪味道：8/10性價比：7/10🔸七彩餃子 $108有七隻餃子，每隻唔同顏色 賣相好靚，啱晒打卡😜七隻餃子包括蟹肉黑松露餃、和牛香茜餃、午餐肉粟米餃、蟲草花餃等等整體餃子豬肉味香濃，調味剛剛好個人最鍾意橙色嘅金華火腿菜肉餃豬肉味香濃又食到金華火腿嘅鹹香，好好食😛味道：8/10性價比：6/10▪️鳳琉香 $78味道有少少似葡萄適 撈左下面嘅鳳梨汁更加好飲酸酸地幾開胃▪️香芳幻 $88飲落似椰子味Yogurt甜度適中 不過如果少啲冰會更好面頭有個雲呢拿雪糕 賣相好靚🔹環境：餐廳裝修有啲懷舊味道以紡織做主題坐得舒服，座位闊落好適合一家人食飯嘅地方👍🏻🗣另須加一服務費-人均消費：～$700-整體味道：9/10性價比：6/10-#香江花月 📍荃灣大壩街4-30號荃灣廣場6樓621-630B號舖…查看更多

話說 屋企人提議母親節打邊爐🍲搵到呢間餐廳 問我有冇食過 我話冇😂然後上網睇左下圖 估唔到竟然係間打卡火鍋店見到啲圖 完全勾起佐我條癮 於是我地就bk左呢間🌻我地bk嘅係平日嘅Dinner bk嘅時候有5:30PM 同8:00PM揀我哋揀左早場 不過去到之後 有staff過來講話因為比較full所以7:15PM左右要離場🌻💐環境：到步後 的確冇令我失望係一間以縫紉機為主題嘅邊爐店 的確特別👍🏻內部裝修及設計 確實別有一番風味 我就自然影左好多靚相📸️好彩去得早咋 如果唔係好多人㗎喇😂另外仲有一個單獨嘅影相幻燈空間可以係入面合照 自拍🤳💐服務：服務同態度都幾好 大家都好有禮貌👍🏻有啲staff都算比較熱情 幾好幾好～💐食物質素：嘢食來講 其實都真係好多選擇 有好多有gimmick嘅特色嘢🤭呃like打卡一流 絕對igable🤭🤭🤭🌻今次我哋主打叫左：🍴美顏花膠雞鍋 ⭐️⭐️⭐️⭐️Staff話飲左雞湯先然後幫我哋撈起隻雞 剪開食最後再加水打邊爐🍲btw 雞湯真心幾好味🍴桃花緣 ⭐️⭐️⭐️⭐️點呢杯嘢嘅重點 絕對係現場表演吹波波😂成個過程都好有儀式感 好有藝術feel😂不過.. 失去「光環」嘅佢就係一杯普通嘅🍑蜜桃啫喱soda 但好飲嘅👍🏻🍴七彩餃子 ⭐️⭐️⭐️ &🍴七色丸 ⭐️⭐️⭐️呢兩個七彩料理 擺出來都真係幾靚 好有仙氣食嘅話 其實我唔係好知食緊咩味😂要配合menu 一邊睇 一邊估自己食緊咩味除非個味真係好出😜btw 餃子皮我幾鍾意 但屋企人覺得厚粉得制🍴香江拼 ⭐️⭐️⭐️⭐️呢個拼盤係個MUST! （之一）如果唔係 成餐飯就會失色啦😏掃code有個圖俾你參考淥肉嘅時間 都幾貼心當然 唔叫呢個拼盤嘅話 仲有兩三個特色盤都係好igable㗎👍🏻 都係主打嘅MUST嚟👍🏻不過我哋冇叫到 太多食唔曬🍴酥炸廣島蠔 ⭐️⭐️⭐️⭐️我就唔食蠔嘅 生熟都唔食 但這間嘅 我食左😳都幾好味 而且唔腥 同埋都幾酥脆可能係啱啱炸好攞出來 然後我哋即刻食嘅原因?我哋都仲叫左好多其他嘢食嘅不過冇咩特別🤔️ 都係普通邊爐可以食到嘅嘢嚟就唔特別講啲咩喇 無功無過咁喇～但有特色嘅嘢 的確會令人眼前一亮 有滿滿嘅儀式感✨ 🌻5個人 折完之後 大概2200.00HKD左右睇落又好似合理？咁嘅環境 質素..唔算特別貴？🤔🌻下次有機會嘅話 想試下其他特色料理 同甜品仲想試埋個牛乳玫瑰鍋㖭🐮🌹🍲…查看更多

今次小編帶大家去食一間裝潢比較華麗既店，呢間店喺佐敦荃灣同銅鑼灣都有分店。主打菜式好特別，我地今次一行四人食左大概$1,800左右，匯豐卡仲有九折，如果對佢地既菜式有興趣，不妨去試試，係幾特別。1//七彩餃子［$108］餃子以七種唔同味道設計而成，其中包括紫色和牛香茜餃，藍色蟲草花餃，黑色蟹肉黑松露餃，橙色金華火腿菜肉餃，呢幾款我覺得最特別。當時我地因為唔知咩餃係咩味，仲搵左個服務員黎問，點知佢又講得每隻餃係咩味，認真唔容易。呢個推介大家一試，但唔係每隻都咁好味😆😆舔脷指數：👅👅👅2//七色丸［$98］呢間點其中一個主打應該係呢款七色丸，因為都係特色菜。深黃色南乳墨魚丸，紅色紅咖喱魚丸，綠色青咖喱墨魚丸，淺黃色鹹蛋黃墨魚丸都麻麻地。大家下次去可以避雷🤣🤣舐脷指數：👅👅3//手唧紫薯麵［$78］呢款麵望落係好特別，因為上枱後係要自己唧，好考功夫，勁既真係可以唔斷🫠🫠可惜我地唧到最尾既時候斷咗，不過唔緊要。最緊要口感好食，可惜真係一般，紫薯味唔夠。舔脷指數：👅👅4//三色飛魚子滑［$118］全晚最好食就係佢，雖然唔記得左係邊三款，但真係好食，夠彈，料都好足，認真推薦。舐脷指數：👅👅👅👅5//豚肉白菜鍋［$168］呢間店帶好多唔同種類既鍋底俾大家選擇，我地都揀咗好耐先揀咗呢款豚菜白肉鍋，鍋底黎到既時候，係整棵白菜上，之後服務員會幫手剪碎粒白菜，係幾帶睇頭。鍋底係好飲既，料都好足，左有少少鹹，不過整體都唔錯，值得一試。舐脷指數：👅👅👅整體來講呢間店都幾唔錯嘅空間位置都幾闊落，坐得都幾舒服，而且佢嘅設計都比較偏華麗如果大家鍾意打卡可以去試一試。不過呢間店價錢上係比較貴，但係佢哋冇時間限制，所以如果一大班朋友仔想傾耐啲呢間係值得推薦。我哋當晚仲叫咗好多其他唔同嘅菜式都係幾唔錯，最出名嘅香港拼，雖然我哋冇嗌，但係見到其他台都基本上有叫，所以應該係幾唔錯。有機會大家可以一試，不過記住要book枱，因為都幾full🤣🤣整體舔脷指數：👅👅👅…查看更多

平時喺IG同Openrice都已經見到好多人介紹呢間火鍋店 睇落啲野食好靚好豪華 所以今日嚟咗荃灣廣場店一探究竟✨️日本牛乳玫瑰鍋 $168湯底中間有一個牛乳整嘅玫瑰🌹下面用木瓜托住 職員會等食客影完相之後嚟幫手整溶朵玫瑰同將木瓜切塊牛乳湯飲落好香滑 但打邊爐配埋牛肉嚟講就唔算好出味 主要都係靠點醬料先有味 而且一邊碌一邊會有好多湯嘅雜質浮面 成餐飯都撈起咗三四碗嘅雜質 所以都影響整體嘅用餐體驗🫣✨️香江拼 $798- 安格斯肥牛- 牛白肉- 牛柳粒- 手切肥牛- 牛心頂- 牛小腿- 牛脷- 黑柏葉呢個牛肉set用環形圍住火鍋 一上菜賣相擺盤甚有氣派🐮職員亦都比咗個QR code我地 介紹每一款食材同埋烹煮時間 有啲食材碌3秒即可 有啲食材(例如安格斯肥牛同手切肥牛) 就要碌2分半鐘 假如跟足建議時間去煮 牛肉多數都偏老 同埋成餐飯真係等多過食😅食材質素方面 雖然擺盤上用唔同嘅花草蔬菜襯托 但仔細一睇 整體食材色澤暗淡 肥牛油脂完全稱唔上豐富平均 手切肥牛更加似係機器切嘅雪藏牛肉 碌完後牛肉亦都大幅縮水 牛肉口感同新鮮度甚至可以話係比唔上連鎖日式火鍋放題 令人失望✨️七色丸 $98用木造層架作為擺盤嘅七色丸亦都同香江拼一樣 賣相相當吸引🌈七色丸實為七種唔口味墨魚滑 食落口感中規中矩 彈性略嫌唔夠 而部份口味嘅香料亦蓋過墨魚滑嘅鮮味 例如紅咖哩同青咖喱 香茅味重而色澤鮮豔 烹煮後嘅賣相同味道都同想象中頗大出入 而我本人就唔太鍾意呢種創新 有少少破壞咗食材原有嘅味道✨️娃娃菜 $48娃娃菜竟然係成餐飯嘅MVP 菜嘅份量唔少 大概有半磅左右 娃娃菜睇落翠綠新鮮 吸埋牛乳鍋湯底 食落十分鮮甜多汁🥬總結：餐廳裝修高貴華麗 座位闊落 店員服務亦都就到 食材賣相吸引 可以話係專為打卡而設 但我認為食物質素係一間餐廳最重要嘅地方 成個用餐體驗十分麻麻 而呢個價錢絕對唔值咁嘅質素 實在令人大失所望🙃…查看更多

🔸香江拼（全牛拼盤）全牛宴，係一餐好豐富既邊料，有安格斯肥牛、牛白肉、牛柳粒、黑牛柏葉、手切肥牛、牛心頂、牛小腿、牛脷，真係無一款係唔好食🤤 每款食完一舊仲擔心會唔夠食，點知食食下，都幾飽，份量係足夠既～🔸七色餃七款餃子味道，每款餃子皮都唔同顏色，好特別仲幾好食，餃子皮唔會好厚，餡料唔少，不錯！🔸桃花緣係桃肉啫喱加乳酸梳打汽水，店員仲會即場幫你係野飲上面整個波波，打卡一流😆🔸鳳琉香鳳梨味既飲品，唔會好甜，一樣有店員幫忙整個打卡波波，睇得又飲得👍🏻…查看更多

同家人見到一間裝潢高質嘅餐廳高質火鍋第一次嘗試日本牛乳玫瑰鍋打卡必備靚境靚牛靚鍋 唔係平平無奇嘅牛乳，底料仲有木瓜，鮮花作點綴超級養顏嘅一餐牛乳味道好濃郁，使牛肉味道更重七色餃賣相真係好靚，色彩繽紛令食慾大開而且每粒餃子嘅餡料都唔同，有素餃，豬肉瘦肉餃，粟米，木耳，波菜等等不同味道嘅餃子一次感受7種唔同口味除了食物優美，飲品都一樣嘆為觀止這杯叫異世界，青瓜和草莓的味道非常清新，底部有啫喱甜甜酸酸，非常解膩呢杯叫桃花源杯上面有桃味嘅煙燻氣泡，篤爆之後有淡淡桃子香氣，未飲都已經好享受，好香海底有桃子味嘅啫喱，由乳酸和梳打混合而成，酸酸甜甜好開胃到主角香江拼了，食盡牛的不同部位，新鮮牛味濃，一試就停唔到口牛小腿，甘香鮮味，配上牛奶鍋，香濃嫩滑，建議1分鐘就夠安格斯肥牛，牛味香濃建議2分鐘牛心頂係出邊好少食到，大大塊3秒即可食用，爽脆會食上癮牛脷鮮嫩多汁，薄切更易吸收湯底安格斯肥牛粒，覺得牛粒應該要鐵板燒先好食，如果用打邊爐會比較韌牛白肉3秒就可以食的，夾脆啖啖牛脂超正牛柏葉亦都係三秒可以食得，夾口彈牙手切肥牛冇得頂配上牛奶超級嫰滑，回味無窮10分我會比7分，環境同質素都比較高，唔係平民價錢，享受環境同服務，間中一次都幾好服務態度都唔錯…查看更多

《香江花月 (荃灣廣場) (荃灣)》荃灣大壩街4-30號荃灣廣場L6樓621-630B號舖來一趟50年代香港，極美奢華一流火鍋，香江花月係銅鑼灣佐敦荃灣都有分店，荃灣分店位置於荃灣廣場6樓，搭扶手電梯上到6樓，直行到最後，見到有個裝修最靚嘅餐廳就係。一入去餐廳右手邊有架製衣車，歷史悠久類似南豐紗廠嘅展覽嘅衣車，牆邊放置好幾部細細的衣車，唔同顏色嘅線卷裝飾，天花板用線條設計，座位寬敞有沙發，近窗邊有個好靚嘅識郁嘅花裝置，忍唔住一定要打返張卡。仲有私人房，如果人多嘅話訂返間房都幾不錯。嚟緊母親節，多人慶祝首推之選，老人家都一定會好鍾意。辣汁花蛤鍋$298 香江拼$798餐廳枱有一定深度放鍋，唔使怕掂到鍋邊又或啲湯會煲滾嘅時候彈嚟彈去，加埋一定要嗌必叫嘅香江拼，香江拼用園木盤圍住鍋邊，有安格斯、手切肥牛、牛柳粒、牛小腿、黑柏葉、牛白肉、牛心頂、牛舌，牛盤圈住鍋邊， 烚時非常方便就手，影相可以話求其影都好靚。餐廳好細心，提供左教學，顯示唔同部位嘅牛要烚幾耐，跟住佢時間去烚，完全唔同。牛柏葉牛心定黑柏葉爽口，手切肥牛牛柳粒肉味濃，安格斯肉質厚，帶點少靭。每樣肉類，最少5塊，四至五人打再加其他少少火鍋料都夠食。湯底用料豐富，花蛤可以裝滿一碟，配菜仲有萵筍，冬菇，蕃茄，職員加咗好幾次湯，個湯底都好濃郁，同埋好清甜，打到去最後，個湯好好飲，唔會有啲污糟浮游物，證明佢用料都好靚。七色丸可惜每一隻味只有一粒，試咗個黑松露同埋鹹蛋黃，非常好味特別，黑松露味濃，丸彈牙，不錯。鳳琉香$78 桃花緣$78打卡飲品，上面會有個琉質ball ball，影相要趁快，只能夠hold一陣間ball ball就會化作白煙。打卡一流，乃至唔鍾意打卡，味道都一流，職員非常貼心，服務態度非常好，一坐低就送咗桂花雪梨茶，周不時主動加湯。坐得舒服，適合聚餐慶祝，嚟緊母親節，不錯之選！…查看更多

《香江花月》一直都想去呢間靚靚火鍋店好耐，趁呢日火鍋癮起終於去咗試。餐廳以50年代舊香港為主題，3間分店都有各自主題，各具特色荃灣店就以50年代荃灣嘅紡紗業驕人故事為主題，店內裝修設計充滿舊有情懷之餘亦不失奢華優雅💫未點餐店員就奉上一杯welcome drink - 茉莉花雪梨茶，一啖就飲晒，先潤一潤喉！🍲秘製花雕豬肚鍋 - 以新鮮豬肚和花雕為主要材料，配合其他食材，令鍋底味道鮮美，而豬肚亦鮮嫩入味，份量十足！🥢香江拼 - 全牛拼盤，以一個大木圈圍著火鍋爐，再放上12個細碟，賣相好靚好啱打卡👍拼盤有8款唔同牛嘅部位：-安格斯肥牛：牛味香濃牛白肉：油而不膩牛柳粒：剛熟軟腍手切肥牛：牛味香濃牛心頂：鮮嫩爽脆牛小腿：甘香鮮味牛脷：軟嫩多汁黑柏葉：爽口彈牙🥢七色餃 - 七粒餃子七隻唔同顏色，勁養眼，又係好啱打卡。七款唔同餡料分別係金華火腿菜肉餃、冬菇薺菜餃、蟹肉黑松露餃、午餐肉粟米餃、蟲草花餃、姬松茸野菌餃、和牛香茜餃，各有特色！🍹鳳琉香 - 店員會喺杯上整個煙霧波波，好啱影相打卡！飲落好有鳳梨味，有少少似飲雜果賓治🍹桃花緣 - 一樣有個煙霧波波可以影相打卡！入面有桃肉啫喱，加埋乳酸梳打汽水，飲落清爽又解渴…查看更多

朋友介紹話好食，又話常常冇位，今日7:45上OpenRice 都訂到2位8:30就試試，食完就不會有再次！ 忘記拍照！也沒投訴，因為食物未黎齊🤭，我先生選擇叫日本珍珠蠔，黎到枱面隻隻都有冰包住😨，直情係冰櫃直接剪袋放上碟，完全冇洗過！豬肉捲起成一朵花靚靚，但雪到硬咗變石頭，全朵放落湯，不可拆散一片片（太硬）豬肉花𥚃面仲有一條頭髮，告知樓面職員後換番一朵花，豬肉蝴蝶腩有（押）味？好似洗唔乾淨，麻辣湯底不麻不辣係苦！ 其他食物一般，雖然未飽但都不會再加食物，相信再加食物也不會好食，新鮮，所以不會再幫襯！…查看更多

今午和家人去香江花月吃午餐，經由openrich預定了抬快㨗方便呀。另外，入座后位置也很好有窗口view，之後叫了食品都很好吃，炒飯都很特好吃和特色。非常滿意其服務。…查看更多