香格里拉米線專門店

營業中

休息中

最近好興有好多唔同既關注組於是我都入埋一份啦☺️成為左米線關注組既一員！見到大家都有分享香港唔同地方好食既米線今日就帶大家去觀塘揾食🤤✅香格里拉米線專門店此香格里拉唔係我地熟悉既香格里拉酒店聽講呢間舖之前係旺角好出名入到舖頭俾酸菜魚吸引左所以一於試佢個招牌米線同酸菜魚🔆招牌香格里拉米線 $55感覺就好似過過橋米線咁，咩餸都有啲，有一般係譚仔會食到既餸，最啱咩都想試但又唔知食咩餸好，可以一次過試哂！但係佢平凡中又有啲不平凡，入面竟然有魚肚！第一次見到有魚肚加落米線🤣夠哂特別！另外佢個炸醬亦都唔同我地平時係譚仔又或者其他酸辣米線既味道，佢係帶甜甜地既，未必個個都會鐘意呢個味道今次叫左佢個沙嗲湯底，個湯頭好香而且好有沙嗲味，大家不妨一試！(但我對佢個酸辣湯都好有興趣)味道: 3.5/5賣相: 3/5🔆 酸菜魚 $88價錢就真係貴過就咁食一碗米線啦 不過又好想兩樣試哂 所以就叫埋佢啦！魚既份量好多，而且唔係用普通既魚片，食得出係用鯇魚片，好脆好爽 唔會一夾就散！ 份量兩個人share食都夠！入面有幾條粗薯粉，女仔食既話就夠，但如果男士們食既話應該要加個白飯送 。不過佢個味道我就覺得麻麻地了，佢酸

夜晚去食依間野 入去叫左兩位 寫完紙仔比佢 個姐姐入機入左10幾分鐘 等左30幾分鐘啲嘢食先到 佢地中途一路做外賣同外賣平台app 有冇諗到堂食感受 唔係淨係我果枱架 成3-4枱都等左好耐架 大家等到先去食 不了

今日2個人去食 繁忙時間 客人多 好忙我明白 等左20分鐘張枱咩都未有 就連一罐可樂都唔比我飲住先 20分鐘就拿唔到一罐可樂 我都係想問一下 怕漏單姐 點知個店員勁串咁答我：好忙呀 個個都忙呀 廚師好忙呀！ 洗唔洗咁講野呀 你唔答我都冇咁著😡😡 比錢買難受 冇下次！！！冇心情 咩都唔好食 冇野值得推介

店鋪叫香格里拉米線，但我更喜歡吃薯粉。點了bb辣，湯底非常棒，點了肥牛作為餸菜，配合溫熱的豆漿，感覺非常棒，門店乾淨，也有音樂，有一些雲南的照片。這個店鋪會再去！

麻辣米線🍜以前旺角鋪都有食下，有小小擔心搬左過嚟觀塘會無以前甘好食，點知又唔會喎，同以前一樣好味。豬紅冬菇牛栢葉麻辣中辣豬紅本身有小小底味，鮮冬菇吸收湯底嘅精華，牛栢葉(喺最底)好爽口，湯底好好味😋

可以說是香格里拉的超級粉絲，讀書時期成日都食，食極都唔厭。嗰陣知道執咗好傷心接受唔到😂。不過緣份呢家野...今日偶然搭車出觀塘係車上見到個名，即刻決定過嚟試下睇下係咪同一間。結果咁都比我搵到，超興奮。（之前係旺角先達對面嘅）雞翼好好味，我嗌嘅係酸辣湯底，之前食開嘅，朋友嗌咗蕃茄湯底（印象中旺角嗰間無）我試咗一啖都好好味。另外仲有麻辣同沙爹湯底。配料同小食都有小小唔同咗，但我覺得應該都會好好食！我之後一定會經常特登過嚟食下。😆

被門口的廣告吸引，見有酸菜魚，所以入去一試。係，我自已唸多咗，人哋明明都話自己係 “米線專門店”落，仲乜自己攞嚟丫但我真係無唸過酸菜魚會係用脆肉鯇，魚的份量偏少，一見望落去，如果唔講，真係唔知佢係 “酸菜魚”，全碗魚感覺只是配料之一。搵唔到酸菜，只偶然有一兩粒醉。我選了小辣，但感覺是化學辣，見唔到辣椒的蹤影，但好很辣，點解釋呢～ 全碗最好味係舊豆腐卜其實間店坐落都舒服嘅，d 姐姐服務都很正常，但就自已點錯嘢啫。

本身旺角嗰時都有食開，知佢觀塘開返都幫襯過幾次，我覺得嘢食ok，係啲雞翼無乜味，服務都算殷勤，但琴日去到佢大播啲大陸歌，好難聽，仲要播到超大聲，都算，廚房煮嘢食嗰2個呀姐都無戴口罩，應該話係將口罩拉到落下巴，仲要不停傾偈吹水，話一通返關就要返大6乜乜乜，嗰時我已經食梗碗米線，即刻覺得好不安，想像到有幾多口水已經落左我碗米線度，最後求其食兩啖就走左，短期內都唔會再幫襯，仲要宜家本地又爆返肺炎，咁嘅衛生情況令人好擔心，要幫襯就自己諗清楚。

Lunch time到香格里拉食米線，唔洗等位即刻入得！坐底叫咗個豬紅炸蝦卷蕃茄湯底米線🍜，唔食辣嘅我初嘗最小辣嘅四小辣。點知辣到飛起，逼住叫侍應姐姐可唔可以加水溝淡啲辣味，點知姐姐服務態度好好，即刻熱情咁話同我換豬骨湯底，換完湯底即刻食得好開心豬骨湯底都夠濃味，唔會似其他鋪頭啲清湯咁淡另外再加咗$6要杯熱咖啡醒下神成個餐都係$52。 係一間會推薦大家去嘅米線舖！服務態度又好、嘢食又好味，真係會再去食。聽講呢間酸菜魚都唔錯，可以下次一試。

他的環境還可以，屬於民間、有點復古型，我覺得挺好的，還挺舒服。然後它的服務也很好，這家服務是我覺得最好的一家，她會關心你吃不吃得了辣、辣的話會幫你加清湯之類，態度都非常好，服務周到！價格還算正常，食物值得這個價格，味道很好，我已經去吃過好幾次的水煮魚了，肉質鮮嫩，還有口感，加的佐料也很搭，辣度的話，我建議不能吃辣的可以試下四小先，能吃辣的可以試下二小先，因為它都好麻，但是味道真的好好味很值得一試！

同朋友 去到觀塘食lunch， 行到一間舖頭出面 ，一睇個menu就覺得價錢唔錯，啲嘢食都好吸引，一入到去啲員工都好熱情， 服務態度好好， 一來我同朋友都唔係太食辣嘢，所以就叫左個唔辣米線，仲以為分量好少嘅清湯酸菜魚， 仲有 佢哋嘅招牌香格里拉雞翼， 同埋 豬牛雞肉串，因為我哋兩個都好細食，所以啲嘢食全部都兩份分，個米線就嗌咗鮮竹蝦春捲同埋魚肚，魚肚幾爽口， 令人驚喜嘅係佢個解竹蝦春捲，咬落去表面脆脆地入面全部都係蝦膠，叫咗嗰個清湯酸菜魚湯底一啲都唔咸唔漏， 不過份量真係好多，同埋好啱大眾口味，而豬牛雞串 佢都沈上咗嫣然粉仲有跟碟沙嗲醬， 啲沙嗲醬有好濃嘅花生味，點串燒一流，而個招牌香格里拉雞翼，上面審滿咗香草，咬每一啖都滲透著香草嘅味道，仲有淡淡嘅回甘， 未食過雲南同貴州菜嘅朋友真係值得一試

最近朋友相約一同吃飯，因為疫情的關係，我們本來也擔心會不會沒有食店開門， 餐廳位於觀塘與牛頭角的中間，距離地鐵站路程約需八分鐘左右，地理上還算方便，可以接受， 餐廳主打的食物是米線， 最重要的是價錢合理，大眾化，食物味道方面， 辣味十足，麻中帶辣，沒有因為麻而失去了辣味的真諦， 配料方面，和一般的沒有大分別，但我最欣賞的就是他，鮮炸豬扒， 絕味香濃，入口嫩滑。 另外餐廳裝橫方面，簡潔全因為內裏的人數不多， 真的有點擔心， 看到小店的經營，我也知道我們也要努力下去。

在裕民坊附近見到這家新開的麵店，門口貼著宣傳單張及食物照片，竟然有酸菜魚及水煮魚吃，我很喜歡吃酸菜魚，價錢不貴，那就進去試試了。店如其名，主打湯麵米線，酸菜魚跟水煮魚也是主打之一，另還有小食及串燒選擇。酸菜魚大大碗的酸菜魚，除了魚塊之外，還有寬薯粉、生菜、豆卜、芽菜。魚肉較為爽彈，而非滑溜那種。湯底夠酸帶微辣，聽侍應說酸菜是他們店自家醃製，若然多點酸菜就可以試出真味道。底下還有幾條寬薯粉，彈牙有咬口。麵店竟然還有供應重慶味道的串燒，很新奇，點了幾款：墨魚丸、牛丸及雞柳。各款串燒主要灑上孜然粉及辣粉作調味，辣度不高。蒙古大汗烤豬腿 小食方面，不得不提這烤豬腿。豬腿連著整條骨頭，骨跟肉一咬就輕易分離，肉質軟腍，本身已經醃得非常入味，再在肉上撒上香料燒烤一下，惹味程度更加昇華。

從前這間餐廳在旺角先達附近，每次返夜都會放工同同事去食宵夜，果陣執左真係覺得好可惜，而早幾日在朋友口中得知原來再次開店，不過位置在牛頭角與觀塘中間，今日放假一於同友人來這裡想想這個回憶!看看餐牌，跟從前的餐牌食物差不多!炸醬腩肉酸辣米線，這裡的酸辣湯會加入了酸菜，酸菜的味道酸酸地甜甜地，湯底點了小辣，但辣度都幾辣，但辣得惹味!炸醬味道甜甜而且有咬口，唔會一pat pat，腩肉有點似煙肉的質地，連湯一齊食味道更突出!紫菜肥牛魚肚麻辣米線，麻辣湯底麻和辣度都剛剛好，魚肚很大塊又吸味，肥牛也不會太肥，紫菜也有很多，湯底唔會太多味精，味道惹味!蒙古大汗烤豬腿，這款小食是這裡的招牌菜，豬腿上沾滿了孜然粉，味道香口，豬腿用上甜甜的醬汁醃製，食落味道帶有少少甜，肉質很冧!香格里拉雞翼，這款雞翼非常刺激味蕾，雞翼上灑滿孜然粉和辣粉，辣粉食到人麻麻辣辣，非常過癮，加上孜然粉的味道，令口腔充斥著香草和辣味。雞翼皮燒到脆口，雞肉嫩滑，令人回味!墨魚丸串燒，墨魚丸上灑滿孜然粉才燒，令味道惹味，再點上他們秘製的醬汁，令墨魚丸更美味!這間米線一定會再來，米線好食之餘，小食的味道更令人回味。

真係好興奮!! 重遇舊愛可能會不自在, 但重遇舊愛食台,除了可喜可賀外, 仲有幸運既感覺!!今日行經觀塘,重遇返喜愛既米線店,以前係mk既,同老闆吹開水先知而家係到開左4個月!!唔好講咁多, 叫2個串燒食下先,又飽肚又好味水煮魚 - 湯底無比鮮甜,用左羅非魚,肉嫩爽滑又無骨,仲要有寬粉係入面!! 酸辣湯底米線,肉醬同腩肉,足料唔在講,湯底好味譚仔10倍, 味道好有層次重慶麻辣QQ粉, 要牛肉豬潤, 豬潤又爽又彈,牛肉夠嫩,個湯底真係無得頂,又辣又香同埋好豐富呢QQ粉老細用貴價料,食完都唔頂胃埋單二百幾,食左3個人既分量