香格里拉米線專門店

營業中

休息中

今日都係使用外賣平台嘅外賣自取，因為好多餐廳都有六折優惠😋咁啱就見到香格里拉米線有六折優惠，所以就試吓。因為講起米線平時都係食譚仔多。咁我就揀咗佢香格里拉米線套餐，可以試盡佢咁多款菜式。咁價錢方面，六折折實個價係$43.8。算係比較經濟實惠，但係如果真係去食嘅話就好似要60幾蚊。味道方面，我選擇咗蕃茄湯底，雖然佢嘅湯底好好味，啲米線都浸得好入味，但係好似感受唔到蕃茄嘅味道，所以喺度失咗分。而佢啲配料就係不過不失，配餸包括雞肉、腩肉等。而講起佢嘅豬膶方面，相對份量就比較細，希望佢會喺份量方面改善。總括而言，呢間係值得返去嘅米線舖，因為湯底真係好入味，（雖然冇蕃茄味）😂😂，下次試吓其他湯底先。

每星期仲有一至兩次食米線，超級推薦沙嗲湯底，可以選擇辣度😋其他湯底還好 ， 不作推薦配料方面，必選魚肉春卷/ 魚腐 / 司華力腸及炸豬扒，全部新鮮熱辣辣，司華力腸及豬扒記得碎上飲品一般🥲因為老僱主所以落單姐姐態度10分良好

落單畫多咗個韭菜 跟著刪左，跟著個啊姐借d易話睇唔清楚，篤機時大鬧唔要韭菜 廚房做過俾佢，明明我已刪左 佢就借題發揮 鬧客人。間舖好似佢開既咁 一d都唔尊重客人。做得咁辛苦係屋企好過啦

落單畫多咗個韭菜 跟著刪左，跟著個啊姐借d易話睇唔清楚，篤機時大鬧唔要韭菜 廚房做過俾佢，明明我已刪左 佢就借題發揮 鬧客人。間舖好似佢開既咁 一d都唔尊重客人。做得咁辛苦係屋企好過啦

有個呀姐係咁落錯第二枱單，我地行出去遞張落單紙比佢，佢仲出手推開我地話睇唔到，枱枱張單都唔收，咁辛苦不如係屋企唔好做啦過嚟食嘢好似欠左佢咁，比錢買難受食物方面:野食係幾好食既，不過咁既態度幾好食都冇用啦

透過外送平台點餐，食物好快準備好，食物包裝完善，並且完好無缺送到指定地點。係外送平台叫左司華力腸，腩肉，豬潤，豬腸，沙嗲米線。收到食物後數下有冇漏時，完全大開眼界，想特別講下豬潤同豬腸，以防大家中伏。其他食物味道正常，但千萬不要叫豬腸同埋豬潤！大家睇圖就會明白。豬潤：味道少苦，量少，薄切又細塊豬腸：量少，仲要切絲成本低既食物都做到咁，餐廳愈做愈差，非常失望，不會再幫襯。希望食評可以幫到大家，以防大家中伏。

呢間經過好多次，今次終於入左去食。食完覺得，咁耐冇入去，而家先入去食，係正確既。開頭諗住叫沙嗲湯底，但係唔知點解又會叫返麻辣湯底🤨🤨🤨可能食慣譚仔掛🤣🤣🤣叫左個腩肉米線，加2條鮮蝦春卷，再加碟湖南雞翼。米線正正常常，不過湯底我覺得一般般，味比較啖，麻辣味又唔多香，食落唔會想飲多啖湯春卷只要9蚊，又熱又香，但係食落...🙄🙄口感有啲怪，中間唔係一隻隻蝦，似普通車仔麵啲春卷，都ok既。湖南雞翼熱辣辣，都係好香，但係食落又覺得普普通通，45蚊5隻，我覺得好唔抵囉😵‍💫😵‍💫😵‍💫你話差咩？又唔係喎，但係咁既價錢，衰啲講，我寧願食譚仔囉🫠🫠🫠

午餐時間由落單到食物送到時間超過40分鐘，催單仲要比人鬧話好忙，不斷食物亂送無跟檯號，要客人自行處理，反映送錯檯仲要大聲比人鬧仲要大聲夾惡話因為忙，豬肉未煮熟照比都客！有錯係正常！千錯萬錯係顧客錯！

最鍾意食米線🍜既我會周圍去搵好野食最緊要係湯底夠濃 又夠辣哩間已經食左兩次都覺得好正😊麻辣中辣 比平時較辣牛肉好淋👍🏼豬扒即炸好脆好淋蘿白無特別香格里拉雞翼炸得好脆口^_^總括來說 好食😋不過d姐姐態度就一般😍

麻香湯底配必食豬扒，加巨型檸茶，好飽又好食喎🐽！・・・・・・・・・・・・・・・・・・・・🍜 麻辣湯米線 BB辣 HK$32＞ 蘿蔔$6、鮮竹蝦香卷$9、豬扒$13・味道：湯底似係麻香奶湯，先有一浸麻香，但慢慢又會有浸舒服嘅奶/魚湯底平衡下，最後微微辣味帶出。如果呢個湯底係個人，佢應該係一個可愛又好曳嘅臭屁孩(＾Д＾)ﾌﾟ！豬扒好出色🐽，半肥瘦好香口，0豬羶味。蘿蔔失色TT，唔甜唔苦又唔淋。鮮竹蝦春卷幾香蝦味，不錯的～・口感：豬扒外皮煎到焦脆內里好軟綿，掂👍！鮮竹蝦春卷同樣外脆內彈，可以一戰。米線幼身但食到最尾都幾彈口，唔會淋晒不錯的，不過個人鍾意粗身啲嘅米線keke・・・・・・・・・・・・・・・・・・・・🤰性價比：高～🤰9衝度：9衝～🤰結論：見到關注組組員話呢間差咗，本波第一次食比較唔到啦😗但今次嘅體驗係幾不錯的，我會為咗個豬扒去下次！・・・・・・・・・・・・・・・・・・・・

我成日都聽人介紹呢間米線，但最近先真係試到，可惜嗰日個胃唔太掂，食唔到麻辣，淨係叫咗沙爹湯，不過呢碗沙爹湯米線加埋上滷肉都唔錯。首先，米線嘅質地真係好出色，係我鍾意嘅口感。佢嘅口感比較軟，但掛到湯又吸到沙爹嘅味。每一口都帶嚟滿滿嘅滿足感，真係令人愛不釋手。其次，沙爹湯嘅湯底獨特而精彩。佢以花生醬同各種香料熬煮而成，味道濃郁而醇厚，帶有微妙嘅辣味同微甜嘅滋味。呢種湯底同米線嘅結合，創造咗一種令人難以抗拒嘅美味。滷肉雖然唔多，但肉質鮮嫩，唔係平時食嘅咁鞋。佢吸收咗湯汁嘅滋味，帶嚟一種濃郁嘅肉香同鮮甜嘅味道，同米線同湯底相互融合，營造咗一種令人難以忘懷嘅美味。雖然呢碗沙爹湯米線嘅價錢稍高，但係味道真係值得。佢嘅口感同風味絕對能夠讓你感受到物超所值嘅美食體驗。

叫左薯粉，一嚟到個薯粉未熟，入口硬，問個侍應薯粉正常唔係煮完會半透明嘅咩？？佢答我唔知，响度做日日對住碗嘢都可以話唔知，我真係想鬧岀嚟，我自己食左咁多次薯粉呢間真心差，食物質素服務態度差，連個魚腐個心入面都重係凍，服務又差，我坐正响對住水吧，樓面嘈到拆天，啲食客望住佢地都唔覺得有嘢，又頭嘈到落尾無諗過啲客嘅感受

睇到香港米線關注組有人推介食呢一間，作為最鍾意食米線嘅，我就決定咗即刻嚟試食啦😏香格里拉米線主打雲南、貴州傳統的米線。配料都好多: 菜類分別有雲耳、蘿蔔、腐竹、豆卜、豬潤、包心丸、牛丸、貢丸、雞肉、腩肉等等，同埋唔係度度都有嘅豬腸、司華力腸、豬扒、豬耳等😏😏今次就叫了四小辣（其實四小只不過喺BB辣高一級😂😂😂平時吃譚仔3小辣)但覺得個辣度就唔係好辣但就非常之麻！ 鍾意食馬味嘅大家，我覺得係幾好食！另外個豬紅很夠味，吸曬個麻辣湯，而腩肉只有2塊，冇咩太特別。個炸豬扒呢就係即叫即炸嘅！上到枱嘅時候係非常之香，同埋熱辣辣！個炸豬扒嘅粉係一啲都唔厚！ 個厚度亦都非常之啱晒我食，口感非常之有。同埋我哋都嗌咗個豆漿，諗住食完重口味米線飲啖豆漿清清個口。

🍜🍜🍜失望，性價比低米線🔘米線 （沙嗲湯） -$32一個餸都未包就$32，Menu寫秘製沙爹湯料，惹味濃郁，但事實一點都吾濃，只有淡淡沙嗲味，佢話配菜有芽菜、腐皮、韭菜，但芽菜得幾條，少到差啲見唔到，而腐皮更是一塊都冇，貨不對辦。米線係比好多，多到你食唔晒，但好淋，冇咬口，都係浪費晒。🔘豆卜 / 腐竹 $6@呢兩個餸都收$6，豆卜有三粒有雪味，叫腐竹俾咗炸支竹？！想點？🆗腩肉 $8 腩肉好大條，但仲有軟骨係入面☑️鮮竹蝦春卷$9蝦春卷得兩條會另上，幾脆口同彈牙，但係份量都較少。圖片係兩份☑️蒙古大汗烤豬腿 - $50呢個一份三件，上面落咗好多孜然粉，個皮烤得幾靚，微辣惹味，肉都吾算老，算係比較出色。

有個米線控朋友帶我去咗食米線，本身唔鍾意食米線嘅我竟然愛上米線,呢間嘢真係不得了酸辣味岩岩好，米線夠淋雞肉入味唔食辣叫左4小辣佢真係得小小辣又唔會唔辣必食之選酸辣雞肉豬皮米線