香味屋 (已結業)

Lunch Buffet,無論三四五星酒店,年前吃過不少,吃到怕,唯獨這間,夠膽吃到我肚痛.名字叫得做香味屋,顧名思義主力東南亞菜式.如果非前度上司在此來個餞行局,我寧願多睡一刻.純屬俾面派對,同自己肚皮過唔去.旨在俾面,炒雜碎照吞可也,魚生堅持不去碰,生蠔就忍唔住吃掉兩隻,離台三呎不聞其腥,心想不大差,事後才中招.回到公司,十個有八個肚痛,剩下兩個,沒有吃到生蠔.酒店午市buffet,正價一生發,用HSBC碌還有折頭,那又如何?平,就是賣點,一平,就多人光顧,食物質素,已淪為次要.但健康,亦同樣重要,無謂因小失大.除了四字真言之外,我沒有其他說話可講.

再來生日飯局，今次來馬可勃羅太子酒店的香味屋試試，因為上次訂唔到，那麼多人食，覺得應該不錯！果然無令我地失望，食物選擇以lunch buffet來說都已算豐富，魚生不停refill，壽司亦新鮮。環境亦比起上兩星期吃的marco polo gateway hotel的好得多。以東南亞食物作主題，味道亦對版。甜品亦有傳統的東南亞自製珍多冰、糕點及芒果糯米飯，但其他西式蛋糕則十分一般，雪糕跟coffee mills一樣是movenpick出品。以每位百五元左右價錢吃一頓豐富餐亦抵吃！

十月中某晚上到此店吃自助餐，主題食物是蟹，但部分菜式很取巧，如蟹肉扒時蔬，其實是蟹柳扒時蔬，海鮮菠菜羹,其實是蟹柳菠菜羹。至於薑蔥蟹,蟹不太新鮮,味道亦不好；炸蟹鉗比在酒樓吃到的差很多倍,只覺在吃一團粉；松葉蟹腳細小,但遲遲不補添.....總括而言,這頓飯既不便宜,食物質素又令人失望，下次也不會再去。

因為有優惠, 所以同個朋友去o左食buffet, 佢今次既主題係蟹。o野食既選擇唔算多, 而且全部偏向東南亞菜色, 而且味道尚算可以, 所以只係不過不失。如果唔係有discount, 我諗我未必會以咁既價錢去食。

今日中午跟生意伙伴這裡吃午飯,,那些三文魚刺身好食到不得了,好新鮮好肥美,難怪就算是午飯時間都勁場呢! 說真一句,幸好今餐可以食到兩時多,否則平日的一小時食飯時間根本不足以讓我坐下來慢慢享受那些美食佳餚呢!還有salad 和movepick ice_cream都好好,但甜品一般呢!遲一點跟朋友到這裡試試呢! 最好的便是慢慢享受三四小時的fine dining呢!

因有優惠, 又可以與同事們齊齊吃自助餐.食物種類不選太多, 刺身和冷盤的水準麻麻, 生蠔唔得, 好瘦, 而且我食到其中一隻有點"臭"味, 吐都吐唔切, 之後已經無興趣.熱盤食物較多國, 有片皮鴨, 松子魚, 小籠包, 酸辣湯, 咖喱, 冬陰功, 粉麵等. 片皮鴨好搞笑, 以類似班戟皮的卷住, 食多件都好濟. 松子魚個汁好酸, 但唔好食. 小籠包都ok, 餡有肉湯. 反而我覺得較好的係咖喱魚/雞/豬, 幾香, 唔係死辣, 咖喱汁配薄餅食唔錯. 已預留空間對付甜品, 但呢度款式唔多, 味道亦普通, 沒有深刻印象, 唯獨較特別的係炸雪糕, 外層炸漿唔厚, 唔會食到成口油, 加埋入面亦凍凍地的雪糕, 哈, 唔錯!!埋單每位約$170, 但以食物質素, 吸引唔到我再來呢~

試過其他酒店自助晚餐，都算不過不失。今次想試下太子酒店香味屋自助午餐，果然不錯。一入(屋)，waiter有禮貌帶我們到已book座位就座，時間到了(約12:00開始)，我地已急不及待看看有那些美食，果然都幾豐富，有各款東南亞美食，款式比自助晚餐仲要多，例如香港人至愛三文魚刺身，非常新鮮，不停供應。其他仲有...壽司、小籠飽、冷麵、湯粉麵、荷葉飯、泰國食品、蒸鮮魚、豆腐花、自選珍多冰、各款cheesecake、合時水果、雪糕等等，數之不盡，還可以親自自製夾餅，非常有趣。差不多食了兩小時，我地都飽了，但可惜未能食足全場，因為太多嘢食，若有機會會再吃多一次，所以值得推介給各位!!

記得之前同d同事食過宵夜buffet,記憶中都ok ga.不過琴日黎食下午茶buffet就不太好.特別係甜品類.dcake 賣相跟味都唔得,冇咩選擇,好記得佢d雪糕十分奇怪,有一隻黃色0既雪糕貌似雪尼拿但完全唔係雪尼拿味,我們4人都食唔出,得個甜字熱盤好d.不過總括而言都憬差差地..好彩恆生咭有25%off. 一人大約$125...

又一次跟小學同學相聚,雖然次次gathering都離不開食,但buffet還是多年來的第一次.今次'平'係大前題之一,其次是能容許4條友放聲喧嘩的地方.最後選址是Spice Market,因為我們當中其中有人試過,聲稱話不錯,好!即管一試!今天是公眾假期,但入座率不算很高,還好!否則便慘不忍睹.因為今日依然目睹不少食物被弄致爛溶溶的現象,挺教人倒胃呢!食物選擇不算少,但質素就一個'差'字講完.其實熱食是普通貨色,亦以東南亞/地道食品為主,如青咖哩肉片,咖哩雞蛋(怪怪的),什麼洋蔥漢堡扒等.甜品向來乃本人至愛,但今次呢,sorry,單看賣相已心中有數,mousse cake製作肯定打得不夠力,semi-liquid狀,其他所謂cheese cake,黑森林蛋糕,tiramisu亦比市面一般cake shop差幾皮.雪糕是Pappagallo的,不知道此對閣下來說會否是賣點,但本人覺得不impressive.酒店餐廳從來都不是甚麼質素保証,因為說到底還depend on 你去的是甚麼酒店.MP Prince?雖然都知道是二三流,但就無expect過流成咁.

2月24晚,一行8人到這裡試試,因為有朋友生日,想來這裡慶祝. 宵夜自助餐(9:15-11:15).因為價錢算抵食($148 一位,而且HSBS 及恆生CARD有八五折). 之前已經知道只可WALKIN,不可電話預訂.所以已經預早半個鐘到,來排隊. 此時他們突然話無8人枱.要分兩張枱坐. 如果一定要一齊坐,就要等.但無人知有等幾耐!!!他們說有機會等到10:00也不出奇.我們8個人已經到齊,根本無其他選擇.唯有分兩張枱坐.但確實不開心. 后來,有朋友食碗湯米粉的時侯,竟然發現了一隻"甲蟲". 嘩,這裡是酒店餐廳,怎能會這樣!!! 如果是荼餐廳. 就不用如此大反應.但這裡是酒店餐廳.確實不能接受. 起初他們想不了了之,后來經過商討后,他們回赠了每人一杯飲品. 唉..戀知這次真的十分不滿,而且也不知怎樣向朋友交代.食物質量,尚算OK 如沒有甲蟲.服務態度,差!

大年初一，年年如是與一眾姨媽姑姐團拜兼食buffet的日子。因為舅父係member，所以選了這間。我認為選擇不多，食物沒有特別，最吸引我的是烘麵包的焗爐，好有懷舊feel。先講頭盤，都是一般的沙律，沒有特色；生蠔、魚生算是肥美。熱盤方面則較多種類，最好是印度咖哩，咖哩雞、魚、豬等肉質唔鞋，味道較辣，未必適合大眾化口味，表妹就嫌過辣，但就o岩晒我。而配咖哩的naan，就唔掂，麵粉太多好厚身；串燒有雞及豬，燒得唔錯。甜品方面我就非常失望，一來選擇不多，二來唔好食，例如拿破崙的酥皮好諗、Tiramisu似普通的蛋糕，完全食唔出應有的味道，NY cheesecake亦沒有芝士味。幸好雪榚是pappagallo，而且有幾款味道任均選擇，我食了8個雪榚球才能滿足。三間馬可勃羅來講，始終係香港個間最好，其餘兩間都係唔多掂。

簡直不知所謂!!!!!頭先係lee度食buffet,差到無倫.由於電話壞左,所以自己打電話去confirm,點知o個個呀嬋竟然話無我個record,重要話姓李3個有好多張.激死我即刻打電話book第2間,點知好多都full,後來我mami打去又話有,離譜!!!!!!!!!!!!!第1個image已經差過人....去到d野難食到死,無樣野好食,連d cake都難食過人,d魚旦粉有d坑渠味,恐怖!!!!!!1句講哂,難食,唔掂!收得幾平都無用,食過咁多間buffet最差係佢,真係唔打出來唔得,不吐不快,bad list佢

1/1 12:30nn昨晚同親友bbq, 今日同男友黎食個元旦buffet,$158一位,吾算貴,我地用coupon買一送一.食物方面以東南亞為主:salad,salmon sashimi,sushi,冷麵.印度咖哩,nann,roti.星馬有沙爹,咖哩,港式有車仔麵,蒸石斑,鱸魚,炸子雞.西式有焗蠔,豬手.泰式有冬蔭功,自製珍多冰,芒果糯米飯,椰汁糕甜品apagallo ice cream:vanilla,mango,choco,strawberry.芝麻糊,豆花,麵包pudding,tiramisu,german cheesecake,雞蛋pudding,綠茶pudding,大菜糕,chestnut cake,coffee mousse,raspberry mousse,pancake.種類確實相當多,味道亦吾差!服務方面普普通通(本來芒果糯米飯系用大樹菠蘿,但無tag寫住系大樹菠蘿,男友以前有哮喘絕不能食大樹菠蘿,佢食左一啖立即吐反出黎並向經理投訴,經理道歉並立即叫廚房為我地整過芒果糯米飯,數分鐘後出面果盤大樹菠蘿糯米飯已換做芒果糯米飯),收碟速度吾夠快.環境方面則麻麻,枱與枱之

尋晚有一送一coupon 所以去試下, 款都幾多, 甜品對於唔多嗜蛋糕既我都有豆腐花, 腐竹糖水, 自製格仔餅, 自製鉋冰, papagallo 雪糕, 鮮甜水果, 選擇. 凍盤就唔得啦, 無凍蝦, 得生蠔, 魚生, 煙三文魚, 對於唔嗜生蠔既我就好似爭d. 熱盤ok la, 有瀨尿蝦(雖然細隻d), 蒸魚, 杰漿既牛仔骨, 印度食品, 粥, 炒雜菜不錯. d 野食見佢refill 得好快, 只係糖水龍眼一輪無晒, 菠蘿兩輪就無晒外, 其他都refill 得好好, 尤其生蠔, 魚生, 蛋糕, 值得讚下.包火鍋, 但不食無妨本來book 時話廳full 晒要坐入房, 但去到廳有位就比左我地坐, Lucky.忘記了講忌廉磨菇湯好味, 飲了兩碗. 整體服務不錯如果正價hk$268+10% 就唔值, coupon 或有八折都ok.

收$138蚊有各式各樣東南亞美食，刺身冷熱盤甜品加埋起碼有成六，七十種，雪榚仲要係papagello，雖然tiramisu同栗子mousse o的魚膠粉落重左手，但overall都係抵食o既，好過好多其他地方，HSBC credit card 有15% off。俾咁o既價錢有咁o既質素係食家賺左o既。