首爾石鍋燒 (已結業)

剛剛同friend系朗豪坊看完電影，就系附近搵食。上openrice見到這餐廳幾多好評，就試下啦。Menu 好多選擇下，花多眼亂，唔好考慮甘多，叫返我之前想食的部隊鍋。 等左十分鐘左右就有得食啦。有塊芝士系上面，好香。有好多腸仔同埋午餐肉， d午餐肉系切咖！ 重有泡菜，雞蛋，辛辣面。個湯底除左有辛辣面的辣味仲有泡菜湯的酸辣味，好正！叫埋罐可樂一齊飲，覺得罐可樂都特別好味！我個friend就叫左個海鮮烤肉豆腐鍋，石鍋上。個鍋熱辣辣，香噴噴！ 我見個鍋有蝦，青口，豆腐，烤肉，雞蛋等，好多材料。d蝦系鮮紅色，新鮮的，豆腐好滑好好味，個底有粉絲，佢個湯底同我個湯底d味道唔同，佢個個系海鮮辣湯味，粉絲索晒d湯的精華，好好味，唔錯呀！另外我地仲叫左個海鮮蔥餅。個餅底本身整得唔錯，鬆軟好味。有好多蝦同蔥，材料豐富。個蔥餅汁係亮點，酸酸辣辣，味道特別，好好味！韓國菜黎講呢間餐廳都算價錢相宜，性價比高，值得推介！

一場嚟到旺角，一於試吓呢間網上評價唔錯嘅韓式餐廳。因為好肚餓，嗱嗱臨叫咗兩個下午茶set, 加多個沙律。呢個烤肉年糕石鍋烏冬個湯熱辣辣，烏冬又好彈牙，正！因為石鍋，個烏冬食到後期都仲係熱辣辣！抵讚！個湯望落去好清，但都好夠味。呢個芝士撈麵就稍為遜色啦。芝士味唔係好濃，雞肉都OK入味。份量望落少少哋，但就好似食極都未食完咁！呢個沙律個汁酸酸甜甜，好開胃。隻隻雞翼都好大隻，炸得幾脆，好味！佢仲有拌飯，同我好鍾意嘅豆腐鍋，下次會返嚟再試吓其他菜！

喜歡食辣的我，一直都鍾情韓式豆腐鍋，本人好鍾意韓式辣湯辛辣味道，大辣係我至愛！之前上 openrice search 過，發覺女人街此小店的豆腐鍋頗出名，甘我就拉埋朋友試下。我叫左番茄雜菌豆腐鍋配烏冬，大辣！先試個湯底，韓式大辣湯底，香濃辛辣，好正！味道剛好，唔會太鹹，good! 番茄同雜菌份量唔少，索晒辣湯，好好味。個鍋仲有雞蛋，豬肉，豆腐，個豆腐很滑，材料十足，夠飽！朋友就金菇肥牛豆腐鍋（小辣）配飯。因為唔係太食得辣，所以叫左小辣。朋友話個湯鍋都 OK好味道。除了金菇同肥牛，仲有滑滑豆腐雞蛋，韓國魚片，粉絲。金菇同粉絲索哂個湯的精華，很好味！鍾意食湯飯的朋友可以畢d湯落碗飯度撈埋一齊食，同樣好味！肥牛用熱湯浸住，熱辣辣，唔覺油利。個湯少少辣，唔食得太辣但又想試下, good choice, 朋友！

食過首爾幾次了，聽講開左分店，就去佢間分店試下拉！分店系過一條街，近登打士街個頭，門口都系有部大電視播住 k-pop, 好容易搵。先來四款前菜，泡菜，醃青瓜，韓式粉絲，韓式辣蘿蔔。泡菜酸味適中，帶辛辣，好味！醃青瓜同蘿蔔都唔錯，爽口，辣辣地，好開胃！我叫左芝士免治牛肉石頭鍋飯，免牛飯系快餐店就食的多，用石頭鍋上就第一次。出來賣相相當好，芝士焗到金黃色，好正！ 味道正常，ok好味，個鍋 keep 住 d 飯的溫度，唔會食食下 d 飯凍晒硬晒, 所以到最好我食晒 d 飯!男朋友就叫左烤肉石頭鍋飯。有好多烤肉同配菜鋪系個飯面，同埋有支韓國辣椒醬自己加辣。佢話都好味道同足料。我見佢加左好多辣椒醬，佢話個辣椒醬系個飯 gei “靈雲"，就甘個韓國辣椒醬撈飯都可以好好味wor.因爲覺得d泡菜都幾好味，我地另外叫左個小食叫泡菜煙鴨胸香酥餅，泡菜同鴨胸這個crossover都幾特別，第一次聽亦系第一次試，味道都match, ok好味！

今晚懶惰唔想煮飯，就同老公係公司附近食飯。上openrice search到這間抵食韓國菜，就試下啦餐牌都好多選擇，老公揀左咖哩雞石頭鍋飯，因為佢個人鍾意食咖喱。上枱時賣相很好,雞件都算多，有十件左右，鋪滿咖喱汁，中間有個生蛋，撈埋一齊黎食，好香好味！  咖喱味道香濃，如果喜歡咖喱嘅朋友不妨一試！我就叫左侍應推介嘅番茄泡菜烤肉豆腐鍋，呢個鍋確實唔錯， 香噴噴，濃濃的泡菜味，湯底濃郁，有d海鮮味。值得推介比喜好泡菜鍋的朋友，好刺激味蕾好好味。泡菜和番茄的份量也算多，鍋入面仲有豆腐，豬肉，雞蛋，粉絲等等，跟碗飯，飯連湯食一流，唔錯唔錯！因為個咖喱飯同泡菜鍋都係石頭鍋上，食物keep 住熱辣辣，唔會攤到凍洒，好正！ 

聽朋友介紹e間韓式小店價廉物美，今日終于把心一橫，約左兩個朋友仔過黎試下！首爾沙律　－　入面有生菜，粟米，番茄，蟹柳，蟹子，青瓜，配胡麻醬，材料新鮮，好大碟下，分量十足，Great refreshment! 泡菜餃子烤肉豆腐鍋　－　e個系我的至愛，可能我本身喜歡食任何類的餃子。泡菜餃子味道剛好，個皮亦做得唔錯，浸著湯食唔會爛，而且個湯同d餃子味道配合，好味道！ 香蒜牛肉石頭鍋飯　－　賣相好靚，牛肉大大粒，mix埋個生蛋黃同芝麻粒好香，yummy yummy！ 炒烏冬＋雞肉串燒－　賣相也唔錯，有獲氣，味道有點鹹，反而雞肉串燒（有兩串）味道剛好，也燒得剛好，味道唔錯！ 而加香港食野越黎越貴，e間小店都真得算是價廉物美，值得推介！

收工同友人食晚飯 路經呢間餐廳被門口好大聲既mv吸引行左去睇 友人見到係韓國菜就係咁嘈住話要試 見唔洗等位就同佢入去試下啦 座位都幾舒服既 睇下個餐牌簡左個傳統石頭鍋飯同一口雞 石頭鍋味道一般 相比韓國既石頭鍋黎講遜色左  味道唔似正宗韓國石頭鍋咁淡 味道重啲 簡直係港式口味再試埋個一口雞 味道咸咸地 雖然係岩岩炸起好香脆 不過老實講咁既價錢真係豪大大炸雞都好過佢 而且佢都唔係出面韓國個種炸雞 好似比人呃左咁 當堂怒啤友人 點解要試新野 友人只係講左句 比門面呃左 味道真係港式化 無d韓國風味!!!!

是日約個女仔朋友shopping,　行行下就到左食飯時間，未免人多擠逼，六點就黎左e間首爾食飯。其實之前在此店食過一次，覺得佢d豆腐鍋好好味，所以今次就帶我朋友黎試下。我依舊都系叫番茄泡菜烤肉豆腐鍋。個鍋上枱個陣仲滾緊，隨即傳出好香好“韓"既泡菜味。我最中意個湯底，泡菜湯濃郁刺激，配埋番茄更添酸濃味道，應講e個鍋系最多人叫之一，的確唔錯！朋友叫左番茄免治牛肉石鍋飯，個飯出黎個陣好香噴噴，有隻生蛋系上面，撈埋一起都幾好味。另外叫左煎泡菜餃子，個皮煎的幾脆，有五隻，裏面系泡菜加猪肉同埋韓國粉絲，這個配搭唔錯，亦煎得唔錯，可以推介比大家！另外，每張枱面有支韓國辣椒醬，用來加落石鍋飯都唔錯！

又到左星期六 心思思又想食泡菜今次到旺角逛逛 走進女人街發現呢間裝修頗新既餐廳抬頭一望 《首爾》 這個名稱有點印象仔細看看原來就是以前吃過的首爾新分店心想質素應該維持 於是走進一試今次點了泡菜烤肉鍋 配一碗飯 餐飲凍0茶上菜速度幾快  熱辣辣 第一口的感覺還不錯 味道唔太辣 不過就偏咸 點知一試到泡菜就出事 今次食到既泡菜味就頓時令我失望 由於我係泡菜愛好者覺得泡菜係韓國料理應該實無死既食物 個泡菜完全係似出面買既現成泡菜 都唔係之前所介紹既自家製泡菜 呢一點真係覺得好失望  等我仲對泡菜有所期望  雖然味道唔係話難食 不過對於超中意泡菜既人真係覺得今餐有點失望 抱著失落既心情 暫時都唔會再encore呢間餐廳! 希望有機會再黎既時候係食到啲較正宗既泡菜 而唔係港式韓國菜!!!

上次吃完韓國菜還念念不忘，這次來到旺角，尋找韓國滋味。被這間小店餐牌的圖片給吸引，很有韓國的風格。餐牌的選擇比較多，而且價格便宜，馬上下單。韓國炒粉絲韓國一般在宴客或節日時常做的節慶料理，所以一定要試試。粉絲是由紅薯粉製成，吃起來比較滑而且有韌度。粉絲吸收了香濃的醬汁和甜中帶辛的韓國辣醬，惹味！烤肉拌飯份量和材料十足，肉醃得剛剛好，拌在一起，香！好吃~海鮮炒年糕好大的兩隻蝦，還有青口和鳴門卷。味道比較辛辣而且偏咸，年糕有口感。這樣的價格可以吃到美味的食物算是非常好，值得推介一下！

香港人生活急速，食lunch只有一個鐘，今日同同事系旺角家樂附近見客，就近近地行入女人街搵野食。午市個餐牌都好多選擇，送餐湯（蛋花豆腐湯），同埋送餐飲（熱飲免費，凍飲加$2）見隔離枱哎左個雞肉拌飯，朋友就跟著叫左個雞肉拌飯試下。落單連上枱時間大概五至七分鐘，勁勁勁快！啱灑啲趕時間嘅人。個底系白飯，上面舖滿配菜和雞肉。配菜有韓式醃青瓜，粟米，韓式粉絲，青瓜絲，木魚絲。另外配一碗韓式拌飯汁。 因為肚餓，朋友就喇喇淋將所有配菜同雞肉同飯同汁撈埋一齊。味道唔錯，OK好味，雞肉份量多，個汁似似地日本d拌飯汁，甜甜地辣辣地，惹味！而且很大碗下，醫肚一流！另外，因爲我唔太肚餓，想食得清d, 我就叫左蕎麥冷面。呢個冷面系齋，無肉，凍食。冷面在底，滲住冷面湯。上面配菜有雞蛋片，青瓜絲，鳴門卷，粟米粒，木魚絲。個蕎麥冷面煙煙en en, 麵質唔錯，個湯甜甜地，有d似日式冷面湯，味道清清地，感覺健康清新，系夏天系一個唔錯gei選擇！

同朋友系旺角家樂行完街，累累地，在附近搵地方食晚飯。我地想食韓國野，但系又唔想太貴，就決定行入女人街搵下。從登打士街入左手邊，行左大概30秒，就經過里間首爾石鍋燒，播著韓國k-pop,比人一種好潮好青春嘅感覺，睇下餐牌價錢算平，就簡左里間餐廳試一下。里間餐廳啲食物質素中上，份量多，價錢抵食，比起一般韓國餐廳平好多,服務也唔錯，環境也舒適，可以再來！

今日收早， 同埋幾個同事食埋下午茶先返屋企， gossip gossip HEHE! 係女人街搵到呢間 ok decent 的餐廳， 叫左焗肉醬芝士拉面配熱飲， good ， $40蚊有找， d 芝士好香，多肉醬， 正！另外，叫左鷄翼石鍋烏冬， 鷄翼配個醬汁好好味， 隻鷄翼都 ok 大隻， 石鍋烏冬夠晒熱，加左 $2 蚊轉凍飲，爽! 真係好抵食， 下午茶呢個價錢，分量算大份，如果下次收早， 下次再試其它野食！

weekend 先去油尖旺 shopping， 行下行下唔經唔覺就已經九點幾，就甘就轉左入女人街搵下野食系登打士街行入女人街， 行左唔夠一分鐘，就見到呢間餐廳。門口寫住 “九點半後八五折”，見好似好抵，就走左入去。我叫左個金菇肥牛烤肉豆腐鍋 $70, 轉烏冬加左 $6，個鍋上枱個陣滾辣辣，好似打梗邊爐gum。 個鍋好足料，金菇同肥牛分量都好多下， 另外仲有烤肉，豆腐，韓國魚片同雞蛋。個湯底系韓式辣湯底，好鮮味好惹味，d 金菇同肥牛索晒d 湯，好好食！我朋友叫左個鐵板燒黑椒粟米肥牛$66, 上枱時好熱， d 鐵板汁仲彈緊，賣相很好！食落味道也不錯, 黑椒味很特出，黑椒加肥牛和粟米很香很好味。個汁系甜甜地gei鐵板汁，都幾好味！飲品跟主食半價，我地就叫左兩罐可樂 （半價後每罐 $8)埋單個陣折左$148. 我同朋友都覺得好抵食！ 因爲食物質素唔錯，亦座得舒服， 飲品半價，仲有85折，都算很不錯了！

今次是第二次光顧此店，上次是食石頭鍋飯，今次就試下泡菜烤肉豆腐鍋（跟飯）。上枱時d湯在滾緊，賣相不錯！傳出濃濃的泡菜味，很香很吸引。 飲下啖湯先，好夠味！香香辣辣的，連裏面既粉C都吸曬湯，正！個鍋好熱所以食得唔快，但一食就好想再食落去 。豆腐也夠滑，烤肉也很多。味道令人回味無窮，值得推介，不愧為此店的招牌菜。跟餐可以半價叫餐飲， 我叫左冰檸茶，有茶味但略為甜，如果是少一點甜會比較解喝！另外叫了煎泡菜餃子，圓圓的餃子，跟一般中國餃子外表唔同。本人覺得好好味，煎得很香，中間是包著泡菜和豬肉，配搭得而，辣辣的，很好味，感覺刺激！強烈向各位開飯朋友推薦泡菜烤肉豆腐鍋（跟飯）！