首爾石鍋燒 (已結業)

近日轉涼想到吃韓食感覺對口胃在韓國這女人街店点了正價牛肋骨即單一收80多元有5 塊非常新鮮入味濃郁晚餐送上粟米豆腐花蘿蔔湯解渴清潤牛塊每件帶骨好吃但也會熱氣他們的湯往往很快清熱著名辣豆腐海鮮湯也放牛肉和豬頸肉2只虾很夠熱專業一口炸雞件隨99元晚餐上大量晚餐都99元。這什菜沙律也是隨餐小吃汁兒開胃醒神讚白飯水準 中上湯鍋選烏冬所以2主要飽腹的糧都試點很老實一店樣樣做得*在行*，即夠專門許多年輕力壯人客真的韓國晚飯很結實飽肚粗獷，卻好味比較強烈刺激我們江浙人歡迎韓流藝術性較高到處壁畫吊飾價格合宜看看美好裝修沉鬱的心情也放鬆一下。中國人總以食為天~這樣多好。在一個初冬周6吃到暖烘烘！

韓國野係我最愛，今次同朋友行完街，諗都唔諗就去咗食韓國野，都係亂入，但又幾好食wo.Kimchi係韓國國民健康腌制食品，間間餐廳都有唔同既味道。呢間就超岩我口味，偏辣，但很爽口，作為開胃菜真係一流。食韓國野又點少得五花腩呢？呢度既烤五花腩啖啖肉，烤得又香又惹味，加上少少濃味既味噌醬，再夾塊生菜，平衡返油膩感，讚！話明石鍋燒梗係要有個鍋啦，熱辣辣咁食拌飯真係最好不過！簡單，美味，牛既味道也十分香濃，加了一點粟米，吃起來甜甜的。最後來個最邪惡的亦都係我最愛的！鐵板+芝士+年糕+港式脆麵=火山年糕芝脆麵！超香濃，超可口，這個配搭簡直係一流，年糕煙韌，麵底脆脆，芝士流流。一次過滿足哂三個願望呀。

首爾石鍋燒難得兩姐妹得閒一齊去旺角行街shopping, 零零碎碎都使左堆錢, 所以都想食番D平靚正嘅好西，啱啱係H&M 出黎, 無意間就係通菜街見到黎間野，係出面見到餐單D食物相都好似好正甘，而且又幾抵下，諗住試下都無妨啦 <3一入到去，環境都好令人滿意， 成間店乾淨企理、格局寬敞舒適， 都算有充足可以郁動的空間，唔驚同D三唔識七嘅人擠埋一齊，同埋時不時揩到隔離嗰個。甘我就點左招牌嘅泡菜烤肉豆腐鍋，睇落簡單普通，貌不驚人， 但係一食就停唔到口，出乎意料地好味，泡菜酸辣度適中易入口，而 且煮過之後依然風味十足。所有食材都被D泡菜湯浸到入曬味，豆腐滑嫩鮮甜，粉絲彈牙滋味，D肉 一咬落即時滿口都係泡菜味的肉汁，尼個鍋配白飯真係絕配。 我地仲點左幾個小食，素質都頗不錯，尼個女神雞翼外脆內嫩，配上三款不同醬汁都非常惹味，綠色應該係蜜糖芥末，我就好鐘意尼個醬，芥辣一點也不嗆，再加上蜜糖的香氣，十分順口 ，沙律醬亦很香甜 ， 泰式辣醬同雞翼也很配。五花腩生菜 包鮮嫩的肉質加上煙韌的豬皮，嚼起來很有口感 ，配上蒜片、泡菜、生菜等配料 ， 口感更豐富更有層次 。牛肋 肉生 菜包就算淨食肉不加配

黎旺角同男朋友食飯，今次行到黎女人街見到首爾石鍋燒既餐牌好抵食禁，就入去試下先！黎食韓國野當然唔小得泡菜，叫左店方自家制泡菜同爽辣青瓜，泡菜比出面黎講偏辣，但非常入味，青瓜爽口，酸味適中，勁開胃之後叫左個fusion新食法（火山年糕芝脆麵）,熱辣辣既鐵版配上芝士同年糕，未食已經聞到香味，韓國年糕配上港式炒脆麵，味道和口感出奇合襯。年糕煙煙韌韌，脆卜卜炒麵配上香濃既芝士，三重口感，好食到唔停口之後點左個牛肋骨生菜包，肉質鬆軟，生菜包住牛肋骨，自己再加埋泡菜，辛辣後清爽，正！黎到石鍋燒店當然唔小得烤肉豆腐鍋，加$9配埋手打烏冬，送到黎d湯仲滾滾下, 入面有泡菜, 烤豚肉, 超滑既豆腐, 成個石頭鍋酸酸辣辣, 烏冬夠彈牙，索哂d湯汁，好好食！整體環境舒服闊落，食物價錢又超值，值得再黎！

女人街兩邊餐廳類型多，無正式數過但我估兩邊加埋成百間餐廳都有，加上價格相宜，我最近成日會去搵野食。早兩日中午經過，本身想食個間星期日無開，向前行見到呢間韓國餐廳，40$左右一個石鍋拌飯，就入去試下先～先講下環境，入到餐廳，環境比較暗； 佢d檯4人檯為主，有個高高地的侍應帶我同朋友坐落其中一對情侶旁。佢d位好怪好窄，每檯有個位好難先入到去坐，因為仲有大量吉檯，我地要求坐第二張，侍應表示ok, 但一陣都係要搭檯，我地無所謂，反正個場仲吉吉地，就開始揀食物。準備落單時，侍應帶左兩個高大男士坐落我地張檯。當時餐廳仍然有好幾張吉檯，而我地奇怪點解唔安排搭之前d檯而特登搭我地檯。我地張檯對住吧檯，見到沖飲品的員工好似唔多注意衛生，加上侍應俾我地感覺好差，我地決定唔試呢間餐廳，走人～成街餐廳大把選擇，無謂勉強人地，委屈自己。

旺角通菜街食肆林立，選擇雖然夠多，但大多數都是以港式和日本菜為主，難以令人留下深刻印象。不過早兩天來旺角上堂，下課後會合老公，途經女人街，發現密密麻麻的攤檔後面，竟然有間以韓菜作主打的餐廳《首爾石鍋燒》，門外更放有餐牌和易拉架。走近細看，原來店裡的菜式，價錢好經濟，幾十蚊就有交易，由於兩口子都愛吃韓菜，所以就決定入內一試。踏進店，見餐廳呈長方形，以黑白兩色為主調，座位分成左右兩邊，細心一數，約有十張四人檯，而最入端就是廚房，地方雖然不大，但裝潢骨子企理，讓人感覺舒服。先揀了張桌子坐下，安頓後再環顧室內，牆身上掛了好幾幅美食照片，趨前細看，有好幾款菜式賣相都很吸引，挑起人食慾。拿起餐牌，菜式選擇非常豐富，有比較健康的田園風光、適合食肉獸的五花腩和牛肋肉、邪惡的小食韓風脆味、大韓蔥餅、年糕、水冷麵、鐵板飯、石頭鍋飯和烤肉豆腐鍋等等；就一於先點幾款香口小食，過過口癮。被這款女神雞翼 ($28/三件) 名字吸引，而且見分量不多，所以亦二話不說，先點了一客。雞翼上桌時見 Size 較一般大，炸得色澤金黃，賣相對辦，而且還附上三款醬汁，包括沙律醬、芥末沙律和泰式辣醬。用手拿起入口，雞翼外皮非常香脆

韓風吹吹吹，吹到而家都仲一直愈開愈多。首爾石鍋燒年多前同朋友食過一次，一直都好想再泥多次，趁住今日放假，就同朋友去回味一下！ 今日再來，已經開左分店，分店坐位更加舒適，食物選擇更多更有特色。牛肋肉生菜包 三件（$50） 牛肉油脂滿滿，包在青翠嫩綠的生菜試再加上蒜片、辣醬等，口感非常豐富！ 韓風一口雞（$25） 炸雞外層脆卜卜，香口且肉質嫩滑，配上茄汁又幾好味！ 香煎泡菜餃子 三件（$28） 泡菜餃子一份三件，餃子入面包住泡菜、粉絲等，香口惹味，餃子皮薄易入口。 女神雞翼 三件（$28） 雞翼是珍寶size的，肉厚肥美，外層香脆，內層肉質嫩滑，配有三款醬汁包括芥末沙律、沙律、泰式辣醬。 海鮮蔥餅 5.5吋（$40） 蔥餅比外面吃到的做得非常出色，一般吃到的麵粉太厚，而這裡的麵粉比例剛剛好，香脆可口，配料還有蝦仁呢！ 阿豬媽炒雜菜（$38） 雜菜有西蘭花、玉米筍、菜心、冬菇等，清甜爽口！傳統烤肉石頭鍋飯（$65） 石頭鍋飯粒有嚼口，很香！烤肉份量夠多，配合不同配料和辣醬風味十足，惹味又好吃！ 泡菜窩（$65） 跟飯 轉手打烏冬加$9 泡菜鍋份量超足，而且夠熱辣辣，手打烏外

平時上openrice搵食多，寫就未試過。今次發現了一間唔出名的韓式小食店，就寫左第一篇食評support一下。我地兩個人，叫左韓式炸雞（甜酸味）$35, 芝味泡菜薯條 $25, 江南炒意粉 $69, 金菇肥牛石鍋飯 $70.江南炒意粉有大蝦6隻，爽口，仲有冬菇，磨菇等，似系西式炒意粉，很重牛油味，加埋韓國辣椒粉一齊炒，意粉亦煮得剛好，好味道。金菇肥牛石頭鍋飯唔太突出，用料算多，要加檯面支辣椒醬先夠味。韓式炸雞我頗中意，分量少少地，一人兩件剛剛好。酸酸甜甜味道濃厚，沒有太重油益味，正合我心意。泡菜薯條都唔錯，薯條剛炸起熱辣辣，芝士融化了在薯條上。泡菜加芝士加薯條，此組合不錯，味道複雜，又熱又辣又香，25蚊算很抵食。埋單二百蚊左右，平均每人一百，有兩個主食兩個小食，性價比算很高了！

近幾年韓流興起,香港相繼開左好多間韓國餐廳,而水準都有返咁上下!以為香港的韓國料理水平提高左,而網上又咁多好評,應該唔會差得去邊.但點知今次堅中伏晚市menu沒有套餐,只有做飲品跟主菜有半價的優惠.我跟朋友分別點了海鮮鍋和烤肉石頭鍋飯share食.點完無耐海鮮鍋就上枱了,一望個樣就已感到不對勁,同menu上張相差好遠.再試啖湯,即刻失望透這湯底鹹中帶小小甜同小小辣,無咩海鮮味,十分奇怪唯一覺得可以嘅係兩隻海蝦幾有蝦味,肉質彈牙.其他野都好普通,而且配料唔多,感覺好空虛石頭飯個樣正常啲,但見到加上西蘭花就覺得唔係傳統正宗. 石鍋夠熱,有飯焦可惜烤肉味道麻麻,有啲鞋.而且配菜又同menu中唔同,變到好似好求其咁完全唔係傳統石頭鍋飯另外,呢間餐廳係無前菜俾,泡菜都無碟(係要另外點)一個飯收$6×~7x(仲要唔係咁好食),連泡菜都唔俾,真係唔抵食

要喺旺角搵食好西，除咗大街之外，其實小巷內亦有不少美食！友人之前介紹過首爾石鍋燒，抵食夾大件，諗住去試試。原本去左總店，但因為人太多無位，所以要前往隔幾條街的分店進食。分店(旺角通菜街1M-1T號華發大廈地下C舖)係附近都幾方便～香煎韓國泡菜餃子(5隻)($45)，皮薄脆口，可惜泡菜味稍為不夠濃烈。海鮮烤肉豆腐鍋配飯($70)，原本以為係石頭鍋飯，但原來白飯另上。鍋內滿滿的海鮮和湯汁，將白飯倒進湯汁內變為湯飯更有胃口。傳統雞肉石頭鍋飯($65)，鍋底有濃脆的飯焦，雞肉肉質鮮嫩。雖然為石頭鍋飯，但飯上淋了少許醬汁，飯粒不會太硬而無味。香辣年糕芝脆麵($65)，好得意嘅配搭！看著芝士慢慢融化在年糕上，而底下的麵條仍然非常脆身，軟身和硬身的對比。推廣期內點選香辣年糕芝脆麵送餐湯及餐飲，餐飲點了韓國柑桔蜜($18)，不過有點淡……

成日喺女人街捐窿捐罅揾野食嘅我，今次係第一次食呢間韓國菜，之前都有食過另外兩間，但我覺得呢間係最抵食！套餐都只係86蚊，已經包咗前菜，湯，主菜同埋餐飲，完全係好食又抵到爛之選呀！

今日去行女人街，行過見到間未食過既韓國菜，決定把心一橫去試下！😋門口有大大個牌，好易睇到！大大個招牌！見到首爾兩個字好吸引呀！於是同媽媽入去食！入面都幾寬敞架，好有感覺！餐廳入面既牆都貼滿餐牌！店員都好貼心呢，自動自覺比杯水我地，然後亦好有禮貌介紹唔同菜式！之後就由我黎介紹比你地我地食過咩啦！前菜有韓式粉絲、泡菜、青瓜！好好味！< 海鮮烤肉豆腐鍋 $70> 傳統既韓國香辣湯，配上傳統既食材，豬肉、豆腐、青口、大蝦、雞蛋、粟米粉絲，整體不俗，如果可以更鮮味會更好，個湯亦可以再濃啲，呢個鍋跟埋白飯或者 +$5 配烏冬，份量都幾大兜幾抵食！< 韓國燒牛肋骨配生菜蒜片 $80 >牛肋骨味道及質素唔錯，味道香口，冇出現牛筋或極多肥膏既情況，如果可以醃得味道濃啲會更加正！牛肋骨齋食既話比較寡同膩，記住包住跟住既生菜、生蒜同青瓜絲食，會多一份清新，更加惹味！< 大韓鮮蝦炒意粉 $72 >我反而比較中意呢到既意粉，配料有洋蔥、蘑菇 粟米、車厘茄、大蝦！食落都幾清新架，而汁果方面今次就冇乜，屬於比較乾身果隻，但係意粉都充斥住忌廉奶油香味，整體可以既！

香港而家有好多韓國餐廳，今次嚟到旺角，朋友話帶我去一間好特別嘅韓國餐廳食嘢。地址唔難搵，係好多餐廳嘅通菜街，方便塭食！一坐低就見到張Menu好吸引，有好多新菜式，首先試吓Cool魔冷麵。嘩！見到一團團煙圍住個冷麵tumtum轉，視覺效果滿分，好特別。味道酸酸甜甜，又有少少辣，好開胃另外朋友就試咗金菇牛肉豆腐鍋，一上枱見到個湯係個石鍋入面滾下滾下就知道個湯好夠熱，熱辣辣食好似真係特別好味，我最喜歡中間嘅蛋，而且個湯有少少辣，好啱我胃口。牛肋骨好有牛味，肉質都好林，好易入口，唔錯。小食方面，我哋食咗一口雞，係無骨炸雞，肉質柔軟又嫩滑，點解隔離嘅韓式醬都幾好食。

在旺角shopping 完，又到晚餐時間，剛剛經過呢間舖門口，望到首爾2字，令我聯想到我旅行首選韓國首爾，甘就入去試試香港的首爾吧！餐廳大算大，但坐得舒適🙂。餐牌有好多選擇，我點了：海鮮烤肉豆腐鍋、海鮮葱餅和韓風一口雞，味道一般，但份量夠飽。海鮮蔥餅：有蝦、魷魚、蔥等，煎得非常香脆，不用加醬汁都夠味！韓風一口雞：普通的炸雞，香口，名符其實一啖一舊的一口雞。海鮮烤肉豆腐鍋：有蝦、青口、魷魚、豬肉、豆腐、粟米和粉絲。配一碗白飯。睇落材料都豐富，但可能石頭的熱力是可以維持很久，所以上枱後，鍋裏的海鮮和湯不停地翻滾，令到海鮮過熟，縮曬水，味道一般。

經朋友介紹下, 去左旺角通菜街橫巷仔既一間韓國料理食左個dinner, 地方唔算大, 以石鍋系列做主打, 價錢約HK$80左右就有一個石鍋飯/石鍋烏冬, 而且小食款式比較多~前菜有韓式辣青瓜同泡菜------------------------------ 【蕃茄泡菜烤肉豆腐鍋】HK$68 轉韓國手打烏冬 +$6石頭鍋送到黎好夠熱, d湯仲滾下滾下, 好濃既泡菜味刺激味蕾…入面有大量泡菜, 有幾片烤肉, 烤肉既味道近似燒汁咁甜甜地, 再有超滑既豆腐, 配上幾片蕃茄…成個石頭鍋酸酸辣辣, 好醒胃!! 不過個鳥冬就比較普通, 唔太彈牙...【海鮮烤肉豆腐鍋】HK$70 跟飯有一隻爽口既大蝦、幾隻青口、魚片、同樣有超滑既豆腐, 低層再有韓國粉絲, 索左湯底既精華, 極之入味...個白飯係另上, 如果中意食湯飯既朋友, 成碗飯倒哂入去, 仲可以食到泡菜湯飯tim~【韓風一口雞】HK$39每件雞肉都細細件, 可以一啖擺哂落口, 炸過之前都冇咩油, 雞肉似係雞脾位部分因而比較滑~【海鮮蔥餅(6吋)】HK$55呢個蔥餅煎得非常香口, 而且算乾身, 唔太油膩, 煎餅入面有幾隻細細隻爽口既細蝦, 同埋香