首爾石鍋燒 (已結業)

韓風旺自然電視音樂美妝連食物都韓韓韓！想過過韓癮不用花費很多，平民版有在女人街中的首爾家。晚餐$99包餐湯（？）小食，主菜和飲品，實在是價錢取勝！ 小食的韓國粉絲餃子，煎得很香脆，賣相亦不俗！朋友的海鮮薄餅，另加$12，都幾多料，沾上韓式豉油幾惹味的。 主菜我們要了石鍋飯，配烤肉最棒！石鍋感覺上不夠熱，四邊做不到飯焦，而醬汁是辣的，欠麻油，所以只有辣勁而做不到韓味。 用上珍珠米，配料有大豆芽菜，如果可以有點點泡菜就好了。 海鮮石鍋烏冬需要另加$9，料很足，還有我最愛的魚片糕！ 怕辣可以試一下鐵板烤肉飯，熱辣辣的，程度比鐵鍋更甚！ 散叫了一盤辣芝士年糕加炸麵，幾特別的，不過最好趁熱吃，不然底的麵會變黏糊。 飲品一般有的都有了。整體來說，叫作韓食有形無實是意料中事，價錢合理，並無掛羊頭賣狗肉之意。食罷，在女人街暗黑窄長的街道中，有感香港人靈活變通的精神依然存在，幾百萬人擠在地圖的一點，無任何天然資源下，生活不靠自己爭取，靠誰？

是日年初六，女人街都唔太多舖開左，記得以往lunch 時間呢間舖都幾多人，再係門口望下餐牌覺得都幾平就入去。一個人用餐，由於店內還有空位，侍應沒有要求我搭枱，感覺舒適很多。點左 泡菜烤肉豆腐鍋，跟餐送湯同野飲（$46）先黎個粟米湯，冇奇望所以冇失望，好過飲水咁解，作為韓式餐廳，我認為跟餐送一個泡菜/腌蘿蔔小吃比較合適，不過相信基於成本考慮才跟湯正餐黎，先飲一口湯，好濃泡菜味，酸同辣味正岩我口胃，飲完一淡食欲大增，雖然烤肉並不多且碎，豆腐和泡菜都是滿滿的差唔多飲哂今日天氣16 度左右，陰天濕度高，食完呢個鍋立刻溫暖起來

假期的最後一天，出左黎旺角片街，平時已經多人的旺角今日更熱鬧了，街邊檔灘、小食店全都濟滿人，行人路串步難行，好不容易迫到入去行人區，又累又餓，就到左隔離一間叫首爾的食店坐低。叫得咁嘅名都知係食韓國菜，睇下餐牌，價錢唔貴喎，新年都無加幾加幾嗰啲，一人套餐$99，有一湯一主菜一小食同一餐飲，就叫呢個啦唔使諗。餐湯係粟米蘿蔔豆腐湯，同韓國菜有關係嗎？飲落完全係罐頭粟米湯嘅味道，唔難飲亦唔好飲，無乜特別咁囉。餐飲要了熱檸茶，熱柚子蜜（$5）同可樂一罐（$5），檸茶有茶味有檸香，意外地好飲。朋友點的韓式鐵板飯配烤肉，上枱時勁香，熱辣辣滋滋作響，炸肉是豬肉來的，醃得味道不錯，鐵板飯都不算太油膩。海鮮鍋配烏冬（$9），另一人點了呢個湯鍋，烏冬要加九蚊有點小貴啊。鍋內有蝦，青口，豆腐，金菇等，幾鮮味的，湯底微辣，同烏冬一齊食啱啱好。甜辣醬炒豬頸肉石鍋飯，自己點了石鍋飯，上枱時超熱，小心掂到鍋邊。石鍋已加了韓式辣醬，等到有飯焦就開始撈撈撈，個醬汁甜甜辣辣幾惹味，飯是珍珠米，粒粒飽滿，個人覺得味道還不錯。海鮮蔥餅（$12），迷你煎餅，煎得幾香口，味道淡了點，點醬汁食會好味好多。香煎泡菜餃子，有三隻，有賣相

其實近排已經食過一次，但佢既石鍋手打鳥冬實在太吸引啦，所以今日又再去食首先我地叫完野食就俾左幾碟前菜我地，有一啲韓國普通既前菜（泡菜，醃青瓜，醃白蘿蔔同韓式粉絲）味道都吾錯我地叫左一個石鍋泡菜豆腐烤肉海鮮手打烏冬同一個牛肉粒石頭鍋飯，首先個烏冬有好多料，有青口，鮮蝦，豆腐，泡菜，烤肉，粟米，魚片，雞蛋，味道好會太咸或太辣，最緊要夠熱，好好味😋而個石頭鍋飯既料有粟米，牛肉粒，大豆牙，雞蛋，紅蘿蔔絲，好香好惹味食過咁多間韓國野，食間真心好味，雖然吾系話好正宗，但味道的確吾錯，一定會再次黎食

2017年嘅第一餐晚餐黎左首爾石鍋燒，可能係紅日啦，坐低冇耐就已經陸續坐滿~本來我都抱住會中伏嘅心一試，但見到咁多客人都放心少少。定價唔貴，屬於平價韓國料理，比food court貴少少~(餐牌睇文末)坐低前又話飽又話食唔落，結果居然叫到一枱都係，而且真係覺得唔錯，好過幾間韓國街嘅韓食好多可能價錢比較平，並冇好似韓國餐廳咁附送小菜，不過我地見有泡菜點，都叫左黎試下~自家製泡菜 $10/碟 (傳統泡菜+爽辣青瓜)唔錯喎，泡菜唔太酸，唔太辣，啱啱好；青瓜都爽口，10蚊碟唔貴。總好過你送碟垃圾俾我…佢地有個套餐幾抵食，$99起包一個主食+一個小食+餐飲一杯，我地點左其中一個餐。主食：烤肉豆腐泡菜鍋配飯小食：芝味泡菜炸薯條飲品：柚子蜜 (+$5) 呢度飲品冇乜花款，同茶餐廳差唔多烤肉豆腐泡菜鍋配飯整體點菜都冇失手，唯獨我最鐘意嘅泡菜豆腐鍋不似預期，喺香港食泡菜鍋好多時唔夠辣，好無癮…其實就唔係話太差，辣度唔夠，同酸左啲~不過都幾足料，裡面除左有滑豆腐、仲有粉絲、烤肉、魚糕片。烤肉稱唔上好好食，但唔係紙皮肉，而且唔會肥淋淋。(有興趣睇番我喺南門韓國料理嘅食評，果個係垃圾)芝味泡菜炸薯條小食揀左薯

好有驚喜嘅一個晚餐。冬至的晚上， 兩口子自己做冬嘅一個晚上，沒有選擇奢華嘅晚餐只係選擇平時鍾意食嘅。平常老公最愛食炸雞，呢間發現除咗炸雞之外仲會有我鍾意食嘅石鍋，滿足唒兩口子的需要。一如以往嘅韓國菜，一坐低就會有前菜俾你食。呢度嘅前菜係醃青瓜同埋泡菜。泡菜口味唔算太辣，但係酸度十足，非常之開胃。而青瓜會有少少嘅辣，但係醬油嘅味道更重。辣芝士年糕鐵板脆麵，呢一個淨係睇相已經吸引到我即刻好想叫，因為佢入邊有我不嬲都好鍾意食嘅煙un年糕，而且仲有我老公最鍾意食嘅脆麵。呢一個係我一百分推薦嘅食品，佢嘅年糕好軟，上面仲有一層非常之厚嘅芝士。夾上來嘅時候，芝士完全痴住舊年糕，非常之滿足。再加埋下面啲脆麵，仲有少少辣汁調味，配搭10分之好，勁好味！炸雞--有甜酸味同埋黑椒味。我哋就揀咗甜酸味。呢度嘅雞翼估唔到非常之大隻，佢果層脆皮係屬於厚身嘅脆皮，入面嘅肉仲好滑。拒調制嘅酸甜汁同出邊嘅唔同但係食落去好又會有獨特的風味，比出面更加好食。泡菜豆腐鍋--本身呢一個豆腐鍋入面每配有粉絲，如果你想轉白飯買這烏冬嘅都可以。入邊嘅材料除咗有豆腐同泡菜之外，仲會有牛肉。湯好重泡菜嘅味道，加埋有啲胡椒嘅香氣，惹味得來

夜晚收工同朋友黎到西洋菜街行，只見暗路都有多間韓國餐廳，見門口設計ok 又有情調 就入黎一試！一眼就被餐牌呢個99蚊套餐吸引。先叫左杯熱紅棗水 （因為餐廳內冷氣太凍，又要吹正小妹我個頭，當時非常頭痛）但叫左員工關一關個冷氣但關了五分鐘又開返。講返野食，先上既係炸雞，一食就知係剛剛炸起，無咩油痴身，非常好。朋友叫了個豬頸肉石頭鍋飯，好正。又夠大碗。食到最後仲有飯蕉，好好咬口。（try左淡）自己叫了個泡菜蝦炒飯，蝦爽飯香，我比7分好味。另外其他小食都好味。環境燈光好暗，冷氣太大，桌與桌之前好逼。環境方面有點差。

A really nice restaurant tucked away in the streets of Lady Market. It's tiny but has a nice menu of Korean food and decent prices. I didn't like the waiters but fortunately you don't really have to handle with them. We all had the Bibimbap which was amazing. You can also have it as a meal with side dish and drink for 99$. But be prepared that they add 10% service charge on everything.

旺角尋找韓國美食兩個人叫左一個set加一個炸醬麵set都算抵，有一個石頭鍋飯+小食+粟米湯+餐飲首先送上餐飲同湯湯加左少少粟粉，所以有少少羹feel整體都ok泡菜薯條未算話好特別，不過夠熱辣辣，新鮮炸出黎。但其實又凍又濕既泡菜同又熱又脆既薯條好似唔太夾泡菜攪到薯條淋哂…炸醬麵個樣都算正宗，不過無洋蔥改用青瓜絲。炸醬甜甜地，入面有少少肉碎，但都唔夠韓國既好食。分量其實岩岩好，因為會越食越滯…😂豬頸肉石頭鍋飯熱辣辣，sasa聲送上枱味到聞，聽到聲，食指大動趁熱攪下佢，仲要盡量將飯壓係石鍋度，務求整出更多飯焦個飯好豐富，豬頸肉分量好多，仲有少少粟米粒同蛋一隻飯焦都整得唔少見到呢度話自己出名豆腐鍋，有機會下次試下佢先

夜晚諗唔到食乜嘢，經過首爾門口就諗住快脆食完返屋企休息，點知入去個“戴眼鏡肥佬”waiter安排我坐門口位，我話我唔係門口位（開門關門果種會有熱氣攻入嚟），問去坐另一張得唔得，之後佢黑晒面安排我坐喺兩pairs食客嘅中間，果陣餐廳有2/3吉位，而且佢開頭係安排近門口嘅4人位俾我坐，其實我要求坐嘅位置只係離門口隔3，4張枱，唔明點解佢格硬安插我喺兩pair人中間?!果兩pair人都好驚訝，搞到我哋迫埋一齊坐，而且我張凳有水又唔抹，態度極之惡劣!入嚟消費仲要受你氣！😠我食咗個泡菜豆腐鍋，味道好一般，得酸同辣，而且肉很少，不過粉絲份量算多，可以唔駛跟飯。

原本同朋友想「掃街」但有點累，想坐下dinner。見女人街轉角位有間人少少但menu很吸引的韓食便試試～火山年糕芝脆麵，份量十足， 麵條如乾燒伊麵般上層脆， 下層軟，芝味濃郁入味，與充滿芝味的煙韌年糕一起吃，雙重「芝」味!另點了Set Dinner: 粟米豆腐蛋花湯， 粟米／豆腐／蛋絲足料，口感濃稠，嚐到材料的原汁原味～傳統韓式雞肉飯，份量十足，雞肉富濃濃的燒烤味，肉汁豐富，而中間的生蛋拌勻吃，令飯充滿蛋香，加上芝麻更香口～芝味泡菜炸薯條，外脆內軟，芝味十足，還嚐到薯香及芝麻香，而刨菜代替番茄醬，酸辣味醒胃又能中和油膩感～蜜桃味真露，濃烈有汽桃味，消滯又香甜。整餐嚐到芝味中的滋味又飽肚，每人原來只需夾返一百頭，下次去旺角可以再食～

好耐冇去旺角女人街搵食，韓迷朋友見到首爾石鍋燒播住佢最愛既韓星mv已經深深吸引佢，係咁話有taste間鋪，不如今晚就食呢間 lol 我同另一友人望過menu都唔錯，就照佢意思食啦😂(其實係某男團😂影唔到，決定食時已播第2個mv)女神雞翼岩岩好一人一隻😁雞翼炸得香脆唔油膩，而且仲有三款醬汁可以點，我同朋友最鐘意青bb芥末醬，聞起好香芥末，食落唔辣岩哂。至於韓迷朋友死忠泰式辣醬，因為唔可以分開。炒粉絲好岩食素既朋友食，所炒粉絲全部都係素菜，冬菇，草菇，蘿蔔絲都係大眾化既蔬菜，粉絲炒得唔油膩，味道清，想食重啲口味可自行添加甜辣醬撈黎食。芝味泡菜炸薯條其中一個晚餐驚喜，薯條炸得香脆冇油不在話下，芝士完全唔膩味，而且香滑，可能加埋酸微微泡菜因而醒胃，泡菜亦冇令薯條變得軟腍，朋友們都食得津津有味。口渴時候，柚子蜜同紅棗蜜係最好解渴既野飲，冰涼滋潤。愛酒既韓迷朋友酒不離口，叫左2枝真露燒酒同我地分甘同味，不過我地都係偏愛蜜桃味，聞起較香桃，入口較柚子易，女仔果然都係偏向蜜桃系。火山年糕芝脆麵係我地全晚最最最鐘意食既一道小食。兩種芝士熱辣辣混合埋一齊，芝士味double上，味道濃厚但唔膩口。加上炒麵吸

一條友仔在旺角唔知食乜好，行過女人街見呢間首爾石鍋燒，內裡都幾企理一於去吃碗熱騰騰的石鍋烏冬先。                                                            點了份石鍋海鮮烏冬$79配凍檸樂+$11都唔算便呢！石鍋海鮮烏冬都好足料吓，有海蝦，青口等，湯頭都幾好味加上用石鍋上熱辣辣冬天食一流而烏冬亦夠煙韌都對得起這個價錢這間韓國餐廳食物都算不錯，服務態度亦十分良好，下次要同老婆大人來吃過。

這夜跟J小姐來了一場飯聚，揀咗大家都就腳嘅旺角區，凍冰冰忽然間好想食熱辣辣嘅嘢，第一時間就醒起首爾石鍋燒 。不過這次到的分店不是上次跟車爸爸食的那一間，正好試下兩間有咩分別先！這間首爾的環境我覺得比較坐得舒適，而且較為光猛對於影相的我十分合適。睇睇Menu咩食先，看上去這間首爾像主打鍋類食物，其他小食 就比另一間分店較少！喜歡吃泡菜的我先點一客{自家製泡菜}$10，泡菜味道正宗，酸辣度恰好 ，泡菜青瓜就不算太辣，唔算吃得辣的J小姐亦都覺得好吃非常。可樂迷的我當然要嘆番罐可樂先啦凍檸樂$11。第一樣上檯嘅係海鮮鍋配烏冬$79🍜，配上熱騰騰的石鍋好吸引，湯底味道濃香最重要係吃罷沒口喝，內有鮮蝦🍤，青口🐚，牛肉🐮，魚蛋🍥和豆腐，海鮮尚算新鮮啦，反而最吸引係嫩滑香濃的豆腐，烏冬都算煙韌整體合格啦！{鐵板鮮蝦泡菜烤肉炒飯}72，J小姐怕辣但又想食這飯，店員貼心的將泡菜分開上，服務態度抵讚👍，炒飯夠乾身餸料亦頗足，尤其泡菜大碗到呢！味道也合格有餘。韓式甜酸炸雞38，炸雞不夠脆口，酸度亦頗高，味道單一還有很多進步空間！！

今天中午經過旺角~~突然想起1年前吃過一間韓式的湯鍋在女人街,便走了一圈終於搵返近登打士街旁邊的女人街~有著熟悉的味道"首爾石鍋燒"中午來到很多人,人流不絕,跟幾個朋友都好好彩有位可以坐低食返之前食過既肥牛鍋烏冬,餐牌上沒有變都是40元左右便可以吃到,飲熱飲唔需要加錢.跟之前來的時候沒有變呢~湯鍋的味道跟以前一樣咁美味,他們還吃了一些鐵板燒,上菜時還""咋咋聲""~~可惜忘記了影相呢,到最後埋單發現了多了加一服務費~以前來的時候記得是沒有的啊~~餐牌上也沒有寫著要收取~~店員都太忙了~~問了一聲都無反應就走開了~~可能旺角的租金太貴了~~要加在消費者身上~~