影片
食家推介
同friend約咗係旺角食嘢唔知食乜好，見到呢間店都幾出名就係呢度食😚打開個menu覺得好邪惡呀🤪於是我地order咗餃子同丼飯一齊share😆🍽️用餐人數：2▪️雙拼餃子（粟米芝士豬肉x翡翠墨魚）$63粟米芝士豬肉餃呢個配搭真系邪惡又吸引！！因為從來都冇食過所以就嗌黎食下，食落個口感係好豐富😋粟米嘅清甜同芝士嘅香濃加上豬肉係特別match👍🏻嗌咗個咁邪惡嘅口味另一個就淨係嗌番嘅比較清淡嘅翡翠墨魚餃去中和下，因為加咗墨魚所以食落口感爽滑彈牙，鮮味十足😋每隻餃子份量都好夠👍🏻▪️火炙明太子芝士蟹棒丼飯$63火炙明太子芝士蟹棒丼飯同樣出色，見到個飯個陣比佢份量震驚咗，啲蟹棒好似唔洗錢咁落咗好多‼️蟹棒火炙之後表面微焦，明太子同芝士簡直係perfect match，忍唔住一啖接一啖咁食，呢個飯都加咗啲沙律菜，令到成個飯食落唔會好滯👍🏻
繼續閱讀
明明係佢自己system 出錯，個呀姐大大聲話我哋落錯單。呢啲咪叫惡人先告狀囉同個大粒啲嘅講，仲叫我哋出去講，話唔好影響食客。細鋪仲要咁嘅態度，good luck！ 各位食客睇路
繼續閱讀
平時成日經過但冇試過 今日就try try 佢我地叫左麻辣忌廉牛舌丼飯見好似幾新穎就Try try 牛舌切粒有少少硬 同埋飯多個汁唔夠食埋成個飯🤣味道係ok重點推介火炙明太子蟹棒丼！呢個真係好好食佢個明太子汁係超級濃郁 連埋蟹棒加芝士 超正仲有啲麻醬沙律菜喺側邊 60幾蚊好抵食小食叫左火炙明太子芝士粟米餃 粒粒飽滿明太子醬冇得輸 仲有茄子都幾大條 即叫即燒 好有蒜味 竟然仲有甜品食😂爆芒乳酪小丸子 超誇張勁大碗😂我地食到好飽見到個size 嚇左嚇 小丸子超級煙靭
繼續閱讀
📍🇭🇰今次嚟到位於嘅旺角嘅日式餐廳🥄暫時未有分店一睇個名以為係專門賣餃子嘅餐廳🥟原來有好多日式丼飯😝仲有甜品🍮見門口啲相同埋價錢幾吸引就入咗嚟 🌿環境 一入到嚟係一個屏風🤍擺放住綠色植物🪴木色主調，和風風格嘅餐廳🪵令人感覺超舒服😌大約有40個位，仲有2個對住牆嘅位比人me time下🤣餐廳仲一路播住日文歌🇯🇵有feel有feel🥰🐂食物 🥚日式牛舌溫泉蛋丼 ($78)牛舌淋得嚟保持到應有嘅口感❤️味道醃得啱啱好！有燒汁味+七味粉，帶微微嘅辣味🤤好好味！而且牛舌數量都比意料中多💓份量一啲都唔吝嗇飯嘅燒汁比得足，好似我咁鍾意食汁飯嘅人都唔洗額外再加汁🥰白飯做到粒粒分明🍚沙律菜就加咗我好鍾意嘅胡麻醬🥗溫泉蛋啱啱好！拌飯嚟食超好食🤩✨推薦分數 : 8.5 / 10
繼續閱讀
前排喺旺角食完飯，決定同朋友一齊行街消化下。行行下經過一間餃子串燒店，店面裝修好有特色，吸引咗我哋嘅注意。點知一望menu，竟然發現有開心果糊！呢個組合真係好少見，即刻覺得要試一試，順便當飯後甜品，滿足一下甜品胃🤩。點咗之後，開心果糊好快就上枱。望落去，質地夠杰身，顏色淡綠，仲見到啲磨碎開心果嘅碎碎，感覺好有心思。食落第一啖，口感滑溜，不過開心果嘅味道比想像中淡咗少少，可能期待咗更濃郁嘅堅果香，所以有少少失落。但係，表面灑咗一層開心果碎碎，鹹鹹甜甜、脆脆地，開心果碎碎應該係加咗鹽一齊炒香，呢個做法真係好出色，為整碗糖水大大加分👍🏻。整體嚟講，係一款有驚喜嘅甜品，值得推介俾鍾意試新嘗鮮嘅朋友！
繼續閱讀