養心殿台式養生鍋 (已結業)

地方闊落，屏風隔開一格格獨立空間，三、四人可自成一角，傾計唔會嘈到人，都唔會被嘈到。服務員加湯、加水都幾主動，而且無限食用時間。食物新鮮，丸、餃皆有半份，唔怕人少唔能夠叫其他食物，麻辣併酸菜，湯味濃郁，少辣嘅麻辣，已經好香，酸菜湯底唔辣，但湯濃。推介：雜菜籃：有菜、有菇、有粟米，唔怕太多食唔晒，但又可每樣食啲。牛肉：件數不算多，但樣靚，而且肉質不錯。響鈴：新鮮炸，脆口。淮山麵：好食。汽水只有枝裝，如果可以有罐裝，會更好。酸梅湯亦不錯。價錢雖不便宜，但可接受，值得再去。

係台灣食過無老鍋好正，好中意佢個藥材湯底，但香港比較少好食既藥材湯底邊爐。依間有d時段係會有7折什至半價，我揀左半價時段食，抵食好多。湯底比起台灣既無老鍋係爭d，唔夠台灣好飲，但係香港過下癮都可以。食材質素都唔錯，幾新鮮，響鈴，肥牛打邊爐必食😍雞件幾滑幾嫩，入口唔鞋。蟹子墨魚滑同出面既差不多，如果唔係半價就唔會叫。總括而言，半價左之後咁既價錢，每人二百幾蚊，湯底食材質素都ok，性價比係唔錯！！！

7点前埋單，有半價優惠，所以今日又早d食，早d訓！😂叫左個鴛鴦鍋，酸菜白肉及寧神養身鍋，酸菜鍋內有qq粉，吸晒d汁，酸酸地，好開胃！寧神鍋內有半隻烏雞同一個大魚頭，十分足料，個湯好濃好甜，我飲左2碗先開始打邊爐。手切肥牛，上台時見到花紋好靚，果然冇令我失望，食落好林，好有牛味👍👍👍櫻桃鴨片，冇乜特別，不過個口感都ok突然好想食蠔，⭐️留意海鮮冇半價⭐️蠔俾一般既細隻好多，6完再細，只有個5毫子大小，又冇乜鮮味，早知叫多碟牛老油條，老公見到個名，話想叫黎睇下，咪就系細細條既油炸鬼囉😂😂拎黎打邊爐好奇怪，我就甘空口食，不過都好炸既！埋單，半價左都要700蚊，偏貴，如果冇半價就吾去啦！

出外食飯，食物的味道固然重要，但衛生環境同樣重要。這裡的廁所無疑在侮辱食客和員工，廁所天花板漏水、4格廁所只有一格沒壞、廁所污穢，如同身處於鄉村廁所。若員工如廁後工作，不見得食物處理有何衛生，加上配合後勤地方混亂，醬油又在廁所附近，很可怕

一年四季，都冇阻香港人鍾意打邊爐嘅決心。近幾年，食得越嚟越招積，除咗一如以往嘅日式Shabu Shabu，就連泰國菜都出咗火鍋。今次要介紹嘅係，最近呢一兩年新發起的台式養生鍋: 養心殿位於智選假日酒店入邊2樓，這一間台式火鍋店的裝修富有東方特色! 鴛鴦鍋底選了麻辣和養生鍋。麻辣入面有鴨血和蜂巢豆腐，又可以免費追加多一份鴨血。而養生鍋用了烏雞和一些藥材，感覺有少少藥材味。追加的鴨血份量都唔少手切牛肉首設牛肉入口即溶，油脂分布好平均，值得推介。不過始終係台式火鍋，牛肉嘅選擇都唔算好多。台式餃拼盤除左每次來都要點的新鮮韭菜豬肉餃之外，仲有今次試咗麻辣牛肉餃。當然仲有鳳城水餃及雲吞，每一款都很有特色。手打丸拼盤咁多個選擇入邊，我最鍾意嘅就係手打墨魚丸。非常彈牙！手打墨魚滑質感彈牙炸響鈴新鮮水蓮菜呢個咁特別嘅菜，係普通港式嘅火鍋都比較少食，根據店家所講，就好似台灣青梗菜及A菜一樣，都係由台灣新鮮空運。水蓮菜入口爽口，有少少似韭菜，但係有冇韮菜嘅濃烈味道。真心滿足！不過略嫌醬料嘅選擇唔夠多。😂

去完歐遊太掛住打邊爐，所以去左樓下養心殿，今次試左麻辣小辣，仲有一份免費鴨血送，連我呢啲唔食得太辣既都食到，幾好！我地四個人叫左份大既本地手切牛，雖然份量未算係驚喜地多，但牛肉質素唔錯幾淋唔韌，都唔錯！亦叫左手工丸拼盤同餃子拼盤，手工丸入邊最鍾意鵝肝墨魚丸同梅菜豬肉丸，呢兩款較為特別，其實蝦丸都非常唔錯，爽口彈牙！餃類全部都係自家裝，自己最鐘意鮮蝦雲吞，入面隻蝦幾大隻，足料既！其他方法一定會叫水蓮同寬粉，水蓮唔係度度有得所食，吸晒啲湯實在必叫，而寬粉又係一樣，吸晒湯既精華又飽肚，正！

去完日本番黎， 陸陸續續幾天都約了好朋友派手信。見好耐無打邊爐，朋友話她的姐姐食過養生殿其他分店幾好，所以我地約咗喺最近嘅將軍澳分店食。湯底我們選了美人鍋+寧神養生鍋(鴛鴦鍋/$188):寧神養生鍋有很濃烈的藥材味，未打邊爐先喝上一碗，鮮味十足😍美人鍋相對清淡，很適合用來解油膩。姐姐還推介了我們3款必食😋手切牛肉(細/$238):牛味濃，油脂夠食落口好似即溶咁❤鹽酥雞($58):好香脆，湯底未滾起我地已經食晒🤣炸午餐肉($58):超厚切，唔打邊爐淨食都好好食😍我們還另外叫了千層凍豆腐($48):索湯汁一流🤭手工丸類拼盤(12粒/$108):可以一次試晒6種丸👍🏻雜錦蔬菜盤($68):份量好多，食左咁多肉梗係要食啲菜中和下☺

之前已經食過其他養心殿嘅分店，成日都想過翻尋味。朋友喺將軍澳返工，點知原來將軍澳都有分店，位於酒店裏面，比起其他分店寬躺舒適。今次叫咗麻辣鍋小辣。本身湯裏面已經有豆腐同埋鴨血。如果唔食得太辣，可以預早夾起少少辣椒。墨魚滑都幾大份，要一整舊上，要少少功夫，小心用匙羹將表面嘅飛魚子混合墨魚滑，分成小份，先放入鍋裏。豬肉新鮮唔肥膩，而且夠豬肉味。見到一啲都唔肥膩。麻辣鍋本來已經附送鴨血同埋豆腐， 份量相當多。另外仲可以再免費追加半份鴨血。呢度嘅鴨血絕對係食過最好食嘅鴨血。非常滑，唔腥，亦都好入味。墨魚丸同埋韭菜餃就不過不失啦。另外仲帶咗唐生菜，味帶苦，亦都好快吸收湯裏面嘅辣味。如果唔太食得啦，可以避免叫。兩個人食，埋單$600有找，坐咗三個鐘，性價比算唔錯。

聽過幾次藥材火鍋，終於有人約食了！叫咗鴛鴦湯底，其中一邊係酸菜白肉鍋，佢除咗鍋入面放好咗酸菜白肉之外，仲另外加一碟俾你，啱哂鐘意呢味嘢嘅人有人話滾咗之後，放嘢食落去之前飲下個湯先，但飲咗兩啖，對我黎講太鹹了但落嘢食落去食係好正嘅例牌叫響鈴，連埋藥材鍋真係另一番風味呢個魚滑真係相當大舊，連埋啲魚子黎食又幾過癮。佢仲有唔少湯底可以揀，見佢近排仲有個的士優惠，又有早離座優惠，真係勁識做生意，令人想再黎試多次。

之前9點半後嚟食過一次 不過個陣得7折所以食左唔係好多野 兩個人都600幾蚊但今次半價之後 4個人都只不過係食左800蚊 超抵食今次嗌左養心鍋同養生鍋一個教為解鮮甜 一個較為甘甜最抵讚係佢地啲湯底好用心 好足料 真係會有桃膠 烏雞等材料個人最推介響鈴 黑松露墨魚丸同手打肥牛響鈴係佢地自家製 同出面個啲好唔同 呢到食落更有質感 同啲甜味係由腐皮自己散發出嚟 唔係一昧得炸味而手打肥牛有牛味 但又唔會太肥太油 好啱兩老黑松露丸就特別嘅 好新奇 但易入口 可以一試

I have always wanted to try YXD in TKO but I didn't know where it was even though I knew it was in some hotel near Popcorn.Finally found it so went there for hotpot.We picked lots of vegetable dishes and the snow fungus was the best as you get a whole one.The luncheon ham is ready to eat as it has been fried. Each piece was thickly sliced and crispy.For the broth had the usual silkie chicken and herbs and the beauty pot.The silkie chicken was really tasty and nourishing so be sure to eat it soo

阿妹住在將軍澳，附近酒店內有一間養心殿台式養生鍋，今日我剛好去那酒店見客，做完野就叫阿妹去食晚餐，我喜歡養心殿的養心鍋，之前在其他分店食過，真材實料，最岩我呢d工作煩忙，冇時間在家燉湯的人。寜神養心鍋，以川芎、天麻、當歸、鮮魚、豬肉、鮮雞熬成，再加入煎炸過的魚頭和半隻烏雞煮成養心鍋。湯濃郁鮮甜帶藥材香味。有益健康，十分滋補！嘉美農場雞肉，雞肉鮮嫩口感滑溜，冇骨啖啖肉，值得一試！自家製極品水餃，水餃都好大隻，餡料飽滿，原隻蝦和木耳絲好爽口。蝦丸，食得出是用新鮮蝦手打成，並將原隻蝦切段加入蝦滑，令蝦丸除了鮮味彈牙，還有口感。即炸響鈴，剛炸好的響鈴熱騰騰，豆香撲鼻，即食香脆美味，也可以浸湯數秒，吸收湯的精華，又是另一番風味！

人越大就越覺得要珍惜跟身邊人的相聚時間，突然掛住大阿哥，那便馬上約他，想做便做。大阿哥工作非常忙碌，成日都唔夠休息，身體自然有些毛病，所以今晚我帶他來養生。之前已到訪過一次，內裏裝潢沒有改變，古式古香，環境優雅，以通花屏風間出卡座，每枱也是木枱配木長櫈，座位都幾多，枱與枱之間有一定距離，坐得舒適。枱上放齊餐具、餐牌和點餐紙，先細閱兩版餐紙，分門別類，有六類湯底、巧手小食、精選肉類、生猛海鮮、豆品類、手工丸類、餃類、滑類、其他和新鮮蔬菜。另外，飲品有自家製特色飲品、特色飲品、汽水和生啤。******************************都話吃飯要留心視察周圍環境，否則就會執輸.....今次就發現餐牌上的優惠，原來只要讚好店子的專頁就送一杯飲品，可揀Watson’s 檸檬草味蘇打水、黑糖烏梅汁、杞子菊花圓玉露或汽水一杯。我倆都揀了黑糖烏梅汁($0)，冰涼透心，酸酸甜甜，消膩開胃，邊喝邊打邊爐就最適合不過。******************************招牌鹵味拼盤($118)是大阿哥的心水，滿滿一大碗，份量唔少。共有三款，包括鹵大腸、鹵牛展和牛肚，全部都弄得很入味，味

14/5/2019 @ 將軍澳 養心殿台式養生鍋 今日放早左少少，同同事去食火鍋， 在popcorn 只知道有這間養心鍋， 要乘搭升降機上二樓， 電梯是到不了的。我地就係睇中七點前埋單有半價！我們叫了一個鴛鴦鍋，美人鍋和酸菜白肉鍋， 美人鍋材料非常豐富有一隻烏雞還有大量桃膠和一些藥材，但湯底不會苦不會好濃的藥材味，反而帶點清甜。酸菜白肉鍋另外會有一份酸菜和白肉給客人自己淥的， 湯底比較濃味，帶點酸。若配合百頁豆腐 那些材料吃， 則十分惹味非常開胃。冰菜和百頁豆腐韮菜餃和 鮮蝦雲吞特色丸類各兩粒霜降肉眼肥牛蟹子墨魚滑 超大的唷 成個拳頭咁大！ 而且非常爽口彈牙食到粒粒墨魚酸菜白肉響鈴御選梅花豬各樣食物都不差十分新鮮 而且份量不少， 麵類也很多選擇我們選了關廟麵， 也十分爽口。可能這間分店人流不多，我們6時55分埋單 ，7時五分才離座也可以半價， 平均每人 大約150元，但吃得十分飽，料靚又抵食！超值！

唔明白book咗位，眼見鋪內仲有咩大把吉位，都要安排我哋坐廁所附近，該處有積聚未洗嘅碗碟，我哋要求轉位，跟住𠴱張枱上面天花個冷氣又漏水，給人印象差極了，店舖如果見到評語希望改善一下啦。雖然野食係高質素，但環境真係好差，地板好污糟