影片
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
向來鍾意食餃子，但就唔太like雪藏預製餃，多數搵間餐廳即叫即食，呢間小店標榜全部餃子人手即包，街坊價錢但絕不馬虎。餃子皮煙韌得嚟唔厚粉，豬肉餡日日新鮮剁，仲玩埋新派fusion口味，難怪晏晝未到12點已經要等位！至尊松茸餃(中碗) $80/8隻一上枱就聞到陣菌香，隻隻脹卜卜透住啲松茸碎。湯餃版本配嘅黑松露醬絕非裝飾，真係撈到松露粒！建議先飲啖狀元九鼎湯吊味，湯頭清甜無味精，跟住試原味，咬落勁多肉汁，松茸香同豬肉鮮甜層次分明；再點少少黑松露醬即刻味道昇華。牛角鮮蝦豬肉煎餃(6隻) $60造型夠晒gimmick，兩邊蝦尾翹起真係似足牛角。煎功了得，金黃脆底咬落「咔嚓」聲，蝦肉爽彈仲keep到汁，豬肉餡調味偏濃但唔會搶鏡。黃金原味皮蛋 $30真係全隻金黃！蛋白似啫喱咁滑，流心蛋黃帶淡淡茶香，配埋秘製醬汁，開胃首選。四川涼麵 $31麵質夠韌性，麻醬同辣油分開上自己撈，建議落多少少花椒油，麻香即刻出晒嚟。山楂雪梨水 $28 / 蜂蜜檸檬薏米 $20雪梨水酸度明亮唔死甜，飲到底仲有雪梨渣；薏米水微甜爽口，好多粒粒薏米係杯底，夠清熱！
繼續閱讀
放工之後想簡簡單單食個快嘅晚餐可以考慮嚟呢間餃子店 🥟 佢啲餃子全部都係手工製作嘅，好新鮮，皮薄餡正😍 有湯餃翼都有煎餃，而特別之處係佢個湯底好健康，叫做狀元九鼎湯，可以提升免疫力，亦都可以養顏保健😌至尊松茸豬肉餃 🐷 原來松茸有好多營養，之前食過咁多餃子店都未試過呢款，所以特登叫黎試吓😋雲耳椰菜豬肉餃 🥬呢度好貼心，可以揀少份量或者大份都得，雙拼就可以試晒兩款口味啦🤭栗米豬肉餃 🌽 呢款都係好多人揀嘅湯餃😊香煎軟心芝士餃 🧀 煎餃嘅可以試吓軟身芝士餃，咬落好脆口，芝士入口即溶😛自家製山楂雪梨水 🍐 食完餃子之後當然想飲返呢度自家製嘅山楂雪梨水啦，清甜解渴😆蜂蜜檸檬薏米水 🍋 健康啲嘅選擇可以揀蜂蜜檸檬薏米水，甜甜酸酸都好好飲㗎👍
繼續閱讀
煎得脆、香口、涵多，呢度嘅餃子前後試過韮菜豬肉同埋香菌素餃，最後都係繼續食返韮菜，湯都有嗌過，好啖口，冇乜鹽冇味精嘅粉葛湯，同重味嘅煎餃配搭，可以解膩。呢度嘅煎餃湯餃分十隻同七隻，如果有得揀半份，即係五隻，咁就可以再配搭佢嘅四川/麻醬撈麵，又或者half and half 一半煎餃一半湯餃，咁就好了～枱上嘅自家製辣醬，配上豉油同埋醋，正！呀重有時隱時現嘅酸蘿蔔，原來係逢星期一同埋星期二先會於堂食提供～每到食晏時間，都會坐滿人，雖然座位唔少，但係如果唔想排隊就要提早12:30前入座喇～
繼續閱讀
食物好一般 類似價錢其實有好多其他選擇 幫襯過幾次 今次煎餃直頭多油多到搞唔掂 價錢貴 而且併餃要加錢店員一句無提 我係睇菜單先睇到 仲要唔比取消唔比改 真心我覺得可以多啲幫襯隔離泰國菜/ 扒房仲好
繼續閱讀
本身我好鐘意食餃子， 咁今日下午大嘅五點幾入嚟，都唔係繁忙時間， 坐低左無人招呼， 唔緊要啦！ 可以等下， 跟著有位員左岩岩返入鋪頭，就問我要咩， 我好清楚咁講左要啲咩， 跟著仲想叫飲品時，個員工已經好唔耐煩咁想行左去。成個感覺都係好差， 佢俾我自己可以qr code落單無咁嬲。
繼續閱讀