飯Ee (已結業)

每個星期都習慣咗嚟飯ee食甜唔，尤其鐘意佢既餓媽卡寫雪冰雪冰底再由老板發板打料，今次加左牛奶布甸同蜜瓜雪條，朱古力味雪冰配布甸自然正，個冰加雪條更係意想不到既組合，鬆鬆軟軟既冰砂同雪條硬硬地有質地既口味好夾，大推。另外推薦心太軟同千層蛋糕，依兩個都好襯個雪冰。

宵夜點左2個心太軟，一個灸燒布丁梳乎厘pancake, 一個朱古力oreo 梳乎厘pancake。眾友人一致認同2個梳乎厘pancake好食。灸燒布丁pancake有啲似creme brulee。上面有焦糖脆脆，又唔會好膩。朱古力oreo果個有奶蓋同幾粒威化。兩個賣相都幾好，奶蓋唔會好甜，pancake亦唔會食落一陣風咁，有蛋香，絕對會翻兜。心太軟應該係預製品，但價錢同凍肉店買嘅差不多就不如人地幫我整埋啦～

太安樓小食野飲多但甜品就冇咩幾間，飯ee 就填左依個坑。主打梳乎厘同牛角酥窩夫，兩個性價比唔錯又好食，仲可以加唔同topping，幾推加焦糖生果仲有雪冰可以食，我就密瓜雪冰加左窩夫，冷熱搭配又唔錯哦。個人應該有段時間都會時不時去報到下

太安樓食物款式多，但講緊甜品依樣野， 少次又少。 難得近期開左一間， 網上評價偏好。 就去試下。食物款式以甜品為主， 除左蛋糕外， 仲有啲綿花糖。諗左一輪，決定左試下蜜瓜雪冰（$38） 。等左大概5-6分鐘，師傅就整好了 。賣相唔錯， 上面加左cream 。 份量也算大老細真係勁細心咁會提番你最好係店食 因為太熱怕出面食會唔方便😂😆味道上 蜜瓜味幾濃， 加上面既cream就令刨冰更清涼，好豐富。 依間質素唔錯老細熱情又有有禮。