1串白鱔：以為有2舊，但只係一舊2隻手指咁粗嘅白鱔，仲要有泥味
2隻磯煮鮑魚：呢個最好食
1串虎皮青椒：青椒甜而不辣
1串和牛粒：比正常嘅細粒。偏熟左啲，又無和牛味
1串牛舌：過熟。未食過咁韌嘅牛脷心

以上串燒類味道正常，未至於去到好食。

點完呢堆串燒都已經二百幾，所以叫多碗麻辣熨。味道唔錯，但份量都幾小。2個人食完好似半飽都無。


連水都無一杯, 餐具都係即棄, 仲要加一。咁就$300。性價比極低。食唔飽仲要轉場去另一間食過。

O係串門子食完又唔飽, 又唔好食嘅串燒之後，6:30PM朋友帶我嚟呢度第二ROUND。
O係門口已經見到入面人頭湧湧. 姐姐先安排我地坐大枱，後來搬左我地入最入面嘅二人枱。都好，唔洗同人拚枱，亦唔洗阻住姐姐出入。
一見到張點菜紙，係前一間嘅1/3 至一半價錢。即係勁點!!  點左:
雞全翼 $29/3串 (帶點甜, 全熟得嚟, 肉質JUICY) 秋葵 $11菠蘿 $11/2件 又係好JUICY 茄子 $23 都係好JUICY!! 金菇肥牛卷 $16/4 呢個要點埋沙嗲醬食，會更好食!!! 嚟到果陣見到4件，我以為係$3X 4件。睇返張點菜紙, 原來係$16!!! $16!!! $16!!! 無上鏡嘅仲有: 蜜汁叉燒 (真係好蜜!!) 台灣腸，豬大腸，墨魚咀同雞軟骨
佢地D 串燒唔會燒到乾晒; 除左孜然粉, 仲有少少砂糖, 帶一點點甜。味道無咁單調。
墨魚咀有D 腥同雞軟骨好細粒唔推薦。其他都好好 。
枱頭有沙嗲醬同辣椒油比食客自己加。沙嗲醬唔夠花生醬同無花生碎，呢度差少少，但味道係OK 嘅。
飲品O係雪櫃自己攞。誠實報數~
前一間食左5串+一碗麵要$300 (仲要加一) 呢度埋單都係$245~ 條氣同個肚仔都順返晒~

尋日同朋友去食LUNCH. 時間尚早, 唔洗等位。睇緊餐牌果陣侍應送上餐湯(有D 似冬蔭功)，但佢係每個客人一碗，行過見你無湯就派一碗，所以湯唔熱。
叫左一個大蝦泰式炒金邊粉, 一個咖哩軟殼蟹配蒜蓉包。

大蝦泰式炒金邊粉
得2隻蝦。青檸有....1/8 個, 好刀功! 唔夠味。鑊氣僅僅合格

咖哩軟殼蟹配蒜蓉包
一直諗緊個汁入面好似鼻涕咁嘅野係咩... 以為係芡汁太多, 透明嘅... 應該係未熟嘅蛋白?
個汁無黃咖哩味... 似港式咖哩+泰式咖哩

唯一好食嘅係蒜蓉包~ 焗得脆脆~

同行朋友都話上次食無咁難食... 唔通下午個廚師唔同?

一直對呢間野有期望&興趣, 因為我又係林太, 又係叫阿叻, 又勁鍾意馬拉野~上次九點幾lei, 已經被拒門外. 難得今日放半日, 點都要試下

失望至極!!!!!

48蚊gei跌錢午餐:
首先我係叫通心米線, lei 左碗好稔gei 米線. 懶得換, 算!
湯得個辣字, 無椰汁味, 無蝦味
炸魚片薄過塊護墊,又係無味,
魚蛋白烚左唔知幾耐, 唔洗講, 無味!!
豆卜兩舊, 入面gei 係...水...都係無味!!
蝦有兩隻, 一隻好鮮, 一隻霉霉地...
蜆三隻~ 呢樣最好, 但d 肉營養不良的細...

服務方面: 有杯熱水, 係出煙gei...而家廿幾三十度wor!! 仲要佢係冷氣開放~ 真係貼心到....
張枱搖得好利害都無人理gei.

衛生亦唔好, 成日有野o係度飛

其實耀東號一向幫襯開gei~ 質素有保證, 真係好食gei....
無諗過有一日會唔想再幫襯佢...
就係今日! 今晚同友人去耀東號食咖哩豬扒飯~$34
飲凍飲加$7.
我地要左杯凍檸茶, 我無飲到, 比左友人飲...(友人無食野, 淨飲)

耀東號每人最低消費$10... 我地應該係$41丫, average 先係廿蚊左右.

埋單佢收我地$46!! 我地問佢點解, 佢話: 你地兩個人lei 食丫ma!!
之後眼尾都唔望我地一眼!!

唔係話果幾蚊比唔起, 而係, 我諗全香港無一間食肆會咁做生意!!
擺明屈錢!!

雖然都知佢地平日都係寸寸的gei 朋友, 但都未至於令我想放棄佢gei 食物
食野jei, 點解要受無謂氣?
經此一役, 死心lar...