食遇上海料理

營業中

休息中

.食遇上海料理性價比極高既貼地上海菜📍天水圍天湖路1號嘉湖新北江商場地下A93號舖上海菜既午市套餐, $4X 有野食有野飲~湯底有4種供選擇1 . 豬骨清湯2. 花生擔擔麵底3. 麻辣湯底4. 酸辣湯底（內含冬菇絲，肉絲，豆腐，筍絲，木耳絲，蛋絲）材料豐富⭐️花生擔擔麵底配花雕醉雞湯底濃郁加埋花生醬嘅味道！超級正宗~鐘意食濃厚擔擔麵底既一定好喜歡而且味道好正宗! 十分好食醉雞件, 酒味香濃~而且好入味唔似出邊只有酒香, 食落係實實在在一啖啖入味濃厚既醉雞味~~午餐套餐會奉送黑白豆漿一支!!! 唔洗$50 有野食有野飲~ 仲要食得飽~真係無咩地方搵到! 而且係好味正宗!份量都非常足夠!!⭐️酸辣湯底配招牌口水雞 比較辣少少, 但辣得幾過癮！雞都好嫩滑⭐️上海小籠包 $32/4隻皮厚薄適中，湯汁燙口，即叫即整十分好食~價錢都十分合理

呢日去咗天水圍搵食！好多年冇去新北江商場，都冇咩大變，呢日發現咗呢間好高質嘅上海餐廳朋友係咁讚👍🏽首先佢價錢一啲都唔貴我哋叫咗幾樣食物。❤️上海排骨擔擔麵$44上海排骨即係炸豬扒 呢個上海排骨都整得相當好味道炸得香口又唔厚粉 最正係佢個擔擔麵底朋友仲話係佢食過最好食嘅擔擔麵添呀花生味好香濃😋😋麵條口感都做到滿分❤️上海小籠包$32/4小籠包一咬落去就有啲湯汁流出嚟肉餡高分 肉汁豐富 成個口感都好好仲好食過之前去上海食個啲 可能更啱我口味朋友話聽到好似係上海人開所以好正宗👀❤️上海鮮肉鍋貼$28/4同樣肉餡都係好正 肉汁豐富鍋貼底煎得好香脆鍋貼皮係屬於有啲咬口嘅皮唔係好薄嘅皮鍋貼同小籠包同樣高質如果一定要二選一我個人更加鍾意小籠包❤️蒜泥白肉$40估唔到份量有咁多白肉比想像中厚身蒜泥都好多 不過我有啲貪心想要更多😂❤️黑豆漿$12好推薦附近朋友仔去試吓😋如果我住附近嘅話一定會成日叫佢外賣添呀🥲小籠包咁高質真係香港少見💯

很久沒再再到天水圍了......1995年在天水圍上班，主要是轉乘輕鐵至樂湖站下車，然後在新北江商場的快餐店吃早餐，然後步行至工作地點。今天與老婆舊地重遊，再尋昔日拍拖消閒之地，新北江商場內的日資大型百貨公司已不在在，換上民生小型舖位，衣、履、鞋、維修水電店舖，蔬果超市及小型食店左右兩旁交集，各式其式。地鋪各食店中，有一間名叫~「食遇。上海料理」，名字有點心思，更感到有點格調...不禁吸引我們坐下試菜，我們選了：菜肉雲吞擔擔麵、椒鹽排骨擔擔麵、小籠包、花雕醉雞及兩枝黑豆漿。豐富的一餐，擔擔麵湯底充滿花生香，滑雞肉以花雕酒浸配，啖啖酒配滑雞，吃小籠包記緊要趁熱吃就可啜到肉汁精華。此小店是家庭式經營，看得出樓面姨姨與廚房師傅默契配合，來此店就會感受到上海家廚的料理味道。

今日又同老友食晚餐，佢話想順便係新北江玩夾公仔所以就選扯新北江搵食，作為美食家既我當然就上網搵下有無d新野食啦，發現到呢間應該新開無耐既上海餐小店未試過，就一於黎試試啦。新北江小店都出晒名真係好小，所以堂食就一定唔會好坐，鋪仔細細擺到出門口都係幾張枱，所以好多人都選擇外賣，見到店家都係咁收外賣單。好啦坐底睇下餐牌，主打都係上海麵食，都有菜飯，配菜都大同小異，係睇下跟飯定跟咩麵，小店形式貴精不貴多。椒鹽排骨擔擔麵擔擔麵湯底好濃厚，好細微既辣味加少少花生香，個人認為再加d花生碎就完美，上海拉麵估計係手拉麵，麵質爽口彈牙唔易斷，椒鹽排骨新鮮炸外皮香脆內裡就略乾dd唔太過份，加上椒鹽就比較惹味d。上海排骨擔擔麵擔擔麵同樣出色唔多講啦，上海排骨就比起我果份椒鹽排骨略淡d，但就炸得無咁乾同樣都好香脆。上海小籠包新鮮蒸起上枱已出晒煙，湯汁豐富，係外皮厚左dd。黑豆漿跟餐加8蚊有枝裝豆漿，有黑有白，不過都係來貨野味道一般，順帶一題呢度飲品只有豆漿同汽水，無奶茶咖啡果d的。整體黎講呢度擔擔麵幾出色，食物質素算唔錯價錢都唔貴，我會再黎食，環境就一般般介意既多數選擇外賣。

去天水圍食個lunch 食左午市麵套餐，選擇豐富， 有熱氣可口的椒鹽/酥炸雞翼麵，又或是椒鹽排骨麵，麵食配雲吞/水餃 2 隻，價錢由$45-$50 ，如需轉粗麵，+ $4 湯底有4種供選擇👍🏻👍🏻1 . 豬骨清湯2. 花生擔擔麵底（有分辣/唔辣）3. 麻辣湯底4. 🌟酸辣湯底（內含冬菇絲，肉絲，豆腐，筍絲，木耳絲，蛋絲）材料豐富今次同家人叫左雪花肥牛粗麵配水餃2隻 （豬骨清湯） 大大碗，肥牛份量多，略嫌有少少過熟，嗌呢個既可以同職員講聲唔洗煮太熟水餃係菜肉餡的，皮唔厚椒鹽雞翼麵配雲吞2隻 $50 酸辣湯底湯底同幼麵一齊食好入味，酸的效果好出，雲吞以為會細隻過水餃，點知都好大隻跟餐加豆漿 $8 我揀左黑豆漿👍🏻炸饅頭（跟煉奶） $26 /4隻炸得好香脆，點埋煉奶上海小籠包 $32/4隻熱辣辣薄皮小籠包，一咬落去，小籠包的肉汁爆曬出黎，食時點埋醋，yummy蔥油海蜇 $28 （細）海蜇好爽口，加埋蔥&麻油，好香呀店的餃子/雲吞/湯底都係自家製的特別推介酸辣湯底

招牌口水雞 $46/例雖然係例牌，但兩個人食份量都非常足夠！呢個相比其他菜式係會比較辣少少！但辣得幾過癮！雞都好嫩滑，雞皮嘅雞油香味都好突出！手拍小黄瓜 $20/ 份20蚊一份，都幾抵食！份量仲要係唔少架！黃瓜清爽幾新鮮加埋酸酸嘅汁非常開胃！椒鹽排骨擔擔麵 $50呢個小編都非常中意食！擔擔麵夠曬彈牙！湯底濃郁加埋花生醬嘅味道！超級正宗！椒鹽排骨就比想像中更好食！外脆內嫩！冇錯！真係外脆內嫩！小編係真好少食到椒鹽排骨係咁好食！超推薦！超推薦！上海小籠包 $30/4隻黎到呢度又點可以唔叫小籠包呢！差唔多枱枱都叫！小籠包大大隻，會動L動L咁就知佢勁多湯，咬開個小籠包最尖尖個位都唔會覺得好厚皮！肉汁香濃好好味！紅油抄手 $30/8隻紅油抄手就小編最愛30蚊8粒真係好抵食！雲吞皮又多肉！直情皮薄餡靚！汁又唔會太辣搶走肉嘅味！超推薦超推薦！

.放工返嚟,唔想煮飯喔🫠🫠帶埋BB走去附近搵食先～🍽️💲價錢親民,美味嘅上海菜——食遇.上海料理 🥢🐓香酥雞翼擔擔粗麵✨雞翼外皮炸得酥脆金黃,口感非常好,雞肉多汁嫩滑,配上擔擔粗麵帶有微微辣味&酸味,麵條有彈性,入口滑嫩〰️🐷椒鹽排骨菜飯✨椒鹽味排骨外層酥脆,帶有微妙嘅鹹香味,肉質鮮美,配上簡單.營養豐富嘅飯菜,既美味又滿足飽腹感〰️♨️上海小籠包✨小籠包外皮質感柔軟,內充滿了鮮嫩多汁的肉湯,湯汁濃郁,仲帶有肉嘅鮮香〰️🧱蒜泥白肉✨肉質嫩滑,經過蒸煮後,仍保持咗肉質嘅鮮嫩多汁,而蒜泥醬汁帶有濃郁嘅蒜香&微辣味道,能夠提升白肉的味道〰️@foodmeetshanghai_restaurant 門市地址📍 天水圍天湖路1號嘉湖新北江商場地下A93號舖 #ufoodphoto #foodie #hongkongfood #香港美食...#hkbabyboy #hongkongbaby #hkmama #hkbabymodel #hkkidsmodel #香港媽媽 #寶寶日常 #寶寶穿搭 #成長記錄 #新手媽媽 #親子好去處 #好物分享 #親子kol #香港嬰兒 #hkmom #hkbaby

一貫新北江小店格局，鋪面不大，枱細，平民風。不過係度搵食都放心，因為呢度唔好食嘅店好快消失。何況呢間晚上8點仲要等10分鐘先有位嘅，應該唔差。小龍包 $32見有蟹粉小龍包😍，可惜售罄🥲，要食要早。唯有點小龍包，皮厚薄適中，湯汁燙口，原來係即叫即整👍。手拍青瓜(大) $36見有大小之分，以為會好大碟，其實都係小食份量😅，蒜味濃，有點咸。排骨炒年糕 $62意外驚喜，排骨大件，炸粉唔厚，香脆好食。炒年糕唔會黏埋一齊，舊舊分明，但一啲都唔油膩👍。花雕醉雞 $46/例正常發揮，可能係雞胸，唔算滑，酒味香濃。擂沙湯圓 $28都係即叫即整，所以係熱㗎😍，湯圓皮軟糯，餡味道幾好不太甜，不過唔係食開嘅黑色😳😆，但不影響我對佢嘅愛。點飯麵+$8有黑豆漿🌟總體來說食物質素味道不錯，性價比高。不過冇環境，坐位有點窄，食飽就要走，呢個係新北江特色。

性價比高平民上海菜館🤩新北江係我心目中嘅天水圍小型葵廣，不過老實講，近排開咗好多菜檔同水果檔，但都有好多有心嘅小店選擇喺度開舖，走平民路線。平時好少留意到呢條小巷，咁啱見到有間新開嘅上海菜館，價錢優惠，食物種類亦多，小店竟然有新鮮即整嘅小籠包，決定俾個機會試一試！ 食遇上海料理地址: 天水圍天湖路1號嘉湖新北江商場地下A93號舖電話: 95894878=====================粵菜嚟講，我好鍾意上海菜，佢冇北京菜嘅油膩，但要重口味又得，清淡又得，炒麵煨麵菜飯任君選擇😋去得上海菜舖，花雕醉雞係我嘅必選，其次就係擔擔麵！呢度嘅花雕醉雞有例牌同半隻俾大家選擇，我哋兩個人食叫左份例牌，花雕雞汁我帶少少香甜，飲落唔會覺得嗆口，食完舊雞仲偷偷地不左幾啖黎飲🙈唔錯，稍為覺得如果在凍多少少就更好🧊擔擔面湯底嚟講絕對係佢嘅主打，平時食擔擔面最怕就係啲麵食到半路會淋哂，同埋個湯底變成好糊，一pat pat,呢間嘅份量好足夠，要一碗兩個人每人識到兩三碗仔，亦冇出現麵條好林嘅情況，而且我哋叫中辣味道啱啱好，湯底亦濃郁，值得一讚！👍🏻👍🏻我哋嚟嘅時間係晏晝3:30，咁啱係佢哋嘅午餐時間，午餐套餐

今日放假,約左朋友去天水圍新北江商場行街和食嘢,朋友就話嗰度開左唔少鋪頭,有好多唔同美食。我地見到間食上海菜,都幾多客人。餐廳唔算大,地方都乾淨,服務員有禮貌。我地點左上海小籠包$32(4隻)上枱熱辣辣,皮薄肉多,咬落去有湯汁好鮮甜。炸饅頭$26(4隻)一碟有4個,每個都漲卜卜,應該係即炸的,好脆,十分滿足。上海排骨擔擔麵$44排骨都幾酥脆,麵都好食,但湯底唔係好夠味。花雕醉雞$46(例)花雕香濃,皮爽肉嫩,份量足夠。

朋友話去天水圍新北江行下,因為新北江果度有好多野食,咁啱行過見到有間新開張食上海菜嘅「食遇上海料理」。見到好多人買外賣,應該食物質素唔錯,就入去試下。舖位唔算大,地方乾淨企理,服務員態度親切。📍上海排骨擔擔麵$44排骨炸得鬆軟香脆,擔擔麵軟硬適中,仲有好重花生味,麵條又掛汁,好好食。📍花雕醉雞$46(例)花雕味濃,雞肉嫩滑。📍上海小籠包$32/4隻皮薄餡多,一咬落去肉汁流出來,配埋黑醋和薑絲,真係唔錯。📍上海鮮肉鍋貼$28/4隻每隻都飽滿又多汁,口感上的滿足。📍炸饅頭(跟煉奶)$26/4隻即叫即炸,上枱熱辣辣,咬落鬆脆可口,加埋煉奶特別好食。跟餐加8元有黑豆漿/白豆漿一支。豆漿豆味濃,微甜,好飲。

新北江商場地下有一間其貌不揚的上海料理，別看是小店，其招牌擔擔麵和小籠包都十分出色，媲美酒樓水準。🥟小籠包必點！一盅四件，上枱時熱氣騰騰，咬下去爆湯鮮味，皮薄餡靚。想更清爽的話可沾薑絲醋汁。🥩排骨炒年糕炸排骨薄身香脆，煙韌年糕用蔬菜和醬油炒香。份量非常大，再加一份小菜，足夠2個人食。建議年糕堂食，外賣🥡年糕會變軟影響口感。🍜招牌擔擔麵一流花生🥜麻醬湯底配一流上海幼麵🥰不少人特意來外賣擔擔麵，這款很值得回頭光顧。手工菜肉雲吞有三粒，貓太太下次會試試選擇其他餸菜。🐷蒜泥白肉滿滿一碟，上有生蒜和青瓜碎。

落街整頭髮，係附近搵左間食上海野既餐廳食午餐，之前好少行黎呢邊，都唔知呢個位開左間新餐廳咁岩係午餐時段，所以就同朋友一人叫左一個午餐，午餐包飲品，所以都幾抵食蒜泥白肉麵配雲吞2隻 （花生擔擔麵底）$50湯底有四款選擇，我揀左小辣擔擔麵湯底，湯底唔算好杰身，但麵條好掛汁，而且唔膩。蒜泥白肉肥瘦均勻，重口味香酥雞翼粗炒 $58雞翼即叫即炸，熱辣辣，外脆內嫩，粗炒好有鑊氣，唔油上海小籠包$32/4隻皮薄，肉汁多，配上黑醋同薑絲，味道更佳招牌口水雞 $46/例牌雞肉嫩滑，口水汁惹味，帶有少許辣叫左一黑一白豆漿（跟餐免費）幾大支，唔太甜

10月10日,黃昏時份,在天水圍新北江,見完客,很餓.入了一間上海小館食嘢.名幾貼當時情景“食遇 • 上海料理”叫咗以下食物：+ 小籠包,熱騰騰,一咬肉汁流出來,好味.+ 紅油抄手,蒜葱加熱醬汁,唔講都知好惹味.+ 花雕醉雞,好入味+ 上海排骨担担麵,呢碟麵,令我留下深刻印象,非常回味.上海排骨,即是豬扒,達到外脆內裡juicy, 肉味香又厚身,好好味.担担麵,麵身不過淋,淥得好,湯,很香,花生麻醬香濃,高水準之作.外買了冰凍blue girl, 兩個人邊吃邊飲,聊天吹水,食品不错既上海菜小館.食客來吓幾個, 又走了,又有人來.很多街坊熟客幫襯.

由細到大都住天水圍，但已經一段時間冇去過新北江。喺OpenRice見到開咗間新嘅上海菜，評價都唔錯，就去試試了。餐廳唔太大，星期日20:00左右嚟到，都幾多客人，幾受歡迎，要等10分鐘左右。價錢真係幾平，大部分食物都係$50內。🍜上海排骨擔擔麵$44因為想試多啲野，所以只係叫咗一個麵。呢個決定好正確，因為麵既份量超多！擔擔面湯底都幾有花生味。排骨炸得唔錯，片薄，肉亦鬆軟。$44真係佛心價🐓花雕醉雞$46酒味濃郁，亦都好入味，雞肉嫩滑。🥡上海小籠包$32/4隻味道都唔錯，皮亦唔算厚，入面包既湯亦都足夠。🍞炸饅頭$26/4隻本身我都好鍾意食炸饅頭所以覺得好好食，即時炸起，熱辣辣，好脆口！入面饅頭亦很鬆軟🥟紅油抄手$30/8隻呢個又係佛心價，本身冇睇到一份有幾多隻，一上菜見到有成8隻真係擔心食唔曬。仲要包得很豐滿，滿滿都是肉。如果可以再辣少少就更加正。加$8有黑/白豆漿總括嚟講，真係大件夾抵食，其實兩個人食嘅話，叫一碗麵+一個小食都已經夠。我哋唔知份量咁大所以叫咗好多，飽到傻。