飛鷹餐廳

營業中

休息中

During my father's generation, steaks were served on a hot sizzling iron plate. Served with vegetables on the side, it had to be sizzling. There was always a bowl of Western soup (either cream or borscht) and a fluffy sweet dinner roll. It was western in the eyes of Hong Kong back in the day.  This was fine dining. Now, these restaurants have dwindled away but they can still be found!飛鷹餐廳 (English: Flying Eagle Restaurant) is one of these old style steakhouses. Entering the restaurant is like  b

今天路過飛鷹餐室，前幾年食過下午茶，質素不錯，看見門口下午茶餐有我喜愛的鮮油多士，所以入去幫襯。客人不多，只有兩三枱，伙記看見你不會主動招呼，一定要你呼叫才過來。叫了一份香腸雙蛋鮮油多下午茶，過了五分鐘便送來了，香腸是最廉價的那種，雙蛋煎得太熟，一點流心蛋黃都沒有，最失望是那塊鮮油多士，只是薄薄塗了一點點的牛油，而且多士又薄又不脆，完全摧毀我對鮮油多的盼望。飛鷹在深埗很多年了，為何愈做愈差，浪費了多年聲譽！

從細食飛鷹食到大，少時好喜歡去，因為焗海鮮餐是我首選。但近五年，我越來越少再去。原因1是服務態度勁差。等位齊人是入坐應該，但唔明點解入面有空枱，但都要客係出面等。唔通要扮出面多人排隊？待應大部份都無記性，叫佢拎杯水，總要叫多一兩次，或者拎錯去另一枱。原因2是環境清潔問題。枱布究竟幾耐先會換？一枱客走，象徵性拿走餐具，沒有抺枱墊，就放餐牌上枱，餐牌下面壓住之前一枱客食剩的骨頭。衛生情況可想而之。原因3是食物質數。叫火腿雞絲燴意粉，就好似蕃茄汁浸意粉，雞絲無乜幾件👎。叫焗芝士肉醬意粉，個意粉煮法跟燴意粉一樣，又係汁浸意粉，但芝士肉醬就好似同意粉分開碟焗，之後上枱前先夾做一碟👎。相信大家樂的焗肉醬意粉一定好食好多。叫牛扒，要七成，但來到就似五成。👎焗海鮮餐，不如以往，得龍脷魚無乜其他海鮮都叫海鮮餐，雖然點餐前有講明，但又如何。字面上真是騙人👎。總括，裝飾四十幾年一點都沒有變過，餐牌沒有變過，餐飲個杯跟少時一樣那種杯size沒有變過。但因為老牌餐廳，所以出名多了人來食，但服務態度反而一年比一年差，食物質素同樣一次比一次差。其實如果無心做的話，不如早點接埋。

今日經過就試下呢間懷舊式扒房~點左個鐵板牛柳餐同雜扒餐~先黎餐包，真係大大個，羅宋湯味道唔錯，夠酸~牛柳同雜扒份量都好大，揀左配黑椒汁，味道唔錯，但少少鹹，薯條唔夠脆~

聽講係區內老牌餐廳，約了朋友慕名前往，坐二人卡位。食左半個鐘左右，我個碟斗仲有舊切好既牛扒，當我飲緊水既時候，老板娘突然一手抽左個碟。我O左咀，表示未食完。佢就好大聲話，你地快d走啦，出邊仲有人等緊，我地一晚要做兩台生意架！仲要賊喊捉賊甘叫我地吾好阻住佢做生意，有d台吾知我地食左甘短時間仲以為我地賴係斗，出黎道德幫口，超無奈。講真，食甘多餐廳，未見過有間甘過份！就算限時，一般都有個半鐘啦。我地食得半個鐘，食得快吾代表就應該趕我地走先，更何況我碟上都仲有牛扒，真係好無禮貌，好吾尊重人！仲要都吾係好食，我去太子第尾，金鳳etc都大把選擇啦，講真，食老麥都好味過食佢，仲吾使受氣！

食物：質素越黎越差，肉質又鞋，西冷完全唔似西冷，冇牛肉味，似好cheap既肉質，壓落啲薯條度，薯條林到完全唔想食，啲汁好鹹，大快活都高質過佢，仲冇佢咁貴。環境：有雙人座位永遠都擺個牌寫留座，但食完成餐飯未見到過有人真係（留座）啲位情願吉係度都唔俾人坐。檯面塊膠墊好污糟，痴笠笠咁。服務：想order嘢飲，個侍應直行直過，完全唔應機，再大聲啲講多次唔該，又突然話佢聽到，仲走去廚房講：叫佢自己入黎沖囉，咁趕😑😑😑 （哇，好大既官威）總結：祝佢早日執笠喇，服務差，嘢食流一個人咁講都算喇，睇完啲評論冇個好，好心佢檢討下喇

回到沒有dry /wet aged ,和牛澳洲和牛或韓牛。普通人家想鋸扒會去邊？美而廉、皇上皇、第尾定花園？小時候屋企甚少出街食飯，如果出去食又點會唔去酒樓而去餐廳吖。有收入後自己會去飛鷹。貪佢餐包夠大、以前跟飯仲唔駛加錢！餐包—拳頭咁大個是標記，翻熱已覺得好好食，仲要搽埋屋企人粒牛油先安樂！羅宋湯—鐘意佢足料同落咗麵撈，飲落去杰杰地果種感覺。鐵板牛柳餐黑椒汁—有段時間怕油煙食親都叫碟上，而家人老咗又回歸鐡板。蒜蓉汁黑椒汁免費，洋蔥汁加$3。8安士以上牛柳肉質有化學處理過但比金鳳輕手，要拗五成定七成無乜意義，只知夠熱唔韌加埋索晒汁嘅粗薯條已收貨。埋單一百有找又満足到心理生理需要，今時今日仲想點？

之前因為係Fb睇完土炮既介紹,覺得一間可以由70年代經營到依家既扒房一d都唔容易,希望可以一試呢種舊式餐廳!一入到去餐廳環境好舊式,令人回想起以前,餐包非常大個而且軟熟,同依家一般既餐包仔好唔同,我地叫左一份西冷,一份牛柳,兩種各有不同風味,我個人覺得黑椒汁一定要試,非常香同好惹味,而且我覺得牛扒同黑椒汁係最夾既,一個餐亦唔貴,$98+1,依家係出面好多地方都食唔到,好多時出面d鋪頭會張貨就價,但呢間鋪頭就冇,一件扒大過手板,而且唔會好薄,值得一讚!最後,我叫左杯熱0茶,茶底完全冇苦澀味,檸檬非常香,為一餐寫上完美句號,有機會真係要再黎食

食物：用偏咸重口味醬汁掩蓋既一塊軟淋淋毫無口感既扒﹐一pat野咁，全無肉味，一睇就知係垃圾級食材，比錢食醬汁味。環境：環境非常逼，地方清潔度一般。服務：根本無服務可言，咁都要加10%，咁大快活晚市送餐都要加啦。總結，去任何一間連鎖快餐店食扒都必定新鮮、好食過佢N倍﹗

無意中行經這間店，看見門口有人在等位，外觀又似金鳳嘅格局，所以就等一下位啦。大約等了半小時，終於有位了。我分別點了一個牛柳餐和一個咖喱雞飯。值得一提嘅係個餐可以選餐包或白飯，二揀一，如果要選意粉，就要加錢。我選了食餐包，誰知送來的是一個超級巨型，類似提子麥包嘅巨大餐包。餐包好味、軟熟，不會是硬硬的。另外，那個羅宋湯味道都好好。反而主角牛柳size是很足的，但是味道就很一般了。如果你食過金鳳嘅扒，咁我覺得金鳳會好味啲。那個咖喱雞嘅雞都好軟身，味道不錯。如果你喜歡懷舊的感覺，可以一試。

深水埗和太子區內其實都有好幾間傳統舊式的西式餐廳! 飛鷹餐廳是其中一間! 論位置, 飛鷹餐廳比較偏僻，不算近地鐵站!走進餐廳內, 坐位比較窄小, 若是大男人, 應該不會坐得舒服!! 至於價錢, 都算大衆化水平, 連加一都是百餘元一個鐵板餐!!而於味道, 個人覺得不錯! 牛排很腍, 很容易入口!!蒜蓉汁味道香濃!兩者配合起來好好味, 是小時候食過的那種味道!!而金鳳餐廳由於位近飛鷹餐廳, 加上2間都是歷史悠久的西餐廳，不少人都會將它們來比較!其實質素2間都差不多, 不過這間比較少人輪候!不用辛辛苦苦等位!

叫左個鐵板雜扒, 入面有豬, 牛(我地改左雞), 火腿AND 腸。豬扒大塊厚肉! 雞扒好滑, 火腿同腸正常。不過薯菜好少好少, 同埋好似無炸過咁, 唔香, 又林。餐湯叫左白湯, 夠大碗, 餐包是提子包, 好大個! 餐茶好細杯。另外叫左香蕉SUNDAE, 好多香蕉片, 好甜, 雪糕得一球, 但混左3隻味, VANILLA, STRAWBERRY AND CHOCOLATE, 大球D就好了。無叫牛, 好難JUDGE佢GE 王牌好唔好。

睇食評寫到好差，昨日親身識過，味道不錯，服務正常比想像中好牛既肉質口感不錯，值得推介會再幫襯感覺到用心經營既餐廳，現在香港這類集體回憶已經買少見少，推介各位試試

以前經常光顧因為價格便宜味道還湊合可是今天！雞扒里竟然吃出訂書釘 老闆也沒什麽後續處理 就說了一句不好意思 差點進醫院好嗎？？？？以後誰還敢來這種殺人餐廳？？？？垃圾

（扮留坐）話說星期日晚，約咗兩個老友食個晚飯，金鳳金翠飛鷹 SSP必食扒餐廳 。今次輪到食飛鷹，20:00到場人齊大概等5 -10分鐘 ，叫餐快，不過就會發現餐廳裡等食扒既人比外面多，其間會聽到食客指指點點，不過唔阻心情扒餐正常 一餐包 一餐湯 一扒 一飲品。先講麵包點解變咗大大個，可能記錯，細食既記得留肚； 餐湯正，有牛味，小辛辣，開胃 ； 扒係鐵板上已落汁（如果大煙同D汁要彈彈下可能要去另一間）5成熟應該通用，西冷好似多咗D膏，肉眼睇落剛剛好，T骨大大塊，飲品都係正常果D。人多唔敢叫香蕉船。