飛鷹餐廳

營業中

休息中

除咗太子嗰邊有啲懷舊扒房，深水埗呢間飛鷹餐廳都好出名㗎，今日就嚟到試吓佢哋嘅懷舊港式鐵板。喺門口入到去，好似返咗幾十年前咁樣，所有裝修好懷舊。雜扒餐($138)呢個價錢，有牛扒，豬扒，雞翼，腸仔同埋煙肉，係正常雜扒嘅種類同份量，牛扒同豬扒嘅肉都唔會好嚡，好易咬。佢哋嘅黑椒汁好出色，配搭鐵板真係好正，我另外仲加咗蒜蓉喺面，呢個係必叫嘅。牛柳餐 ($137)牛柳配咗蒜蓉汁，我個人覺得黑椒汁係比較惹味，牛柳都係一樣好容易入口，口感唔錯，都好有牛味。

🪄 鐵板新西蘭肉眼扒餐 ($137)配鮮油餐包 • 羅宋湯 • 黑牛 (特飲+$20)另加意粉 🍝 （+$10）.🪄 萄國雞飯 ($59)配羅宋湯 • 凍可樂汽水.之前揸車經過比佢吸引咗！除咗成間餐廳裝修好有年代感之外，佢個招牌字體好特別，同埋用咗異體字「飱」 廳，有食飯/ 晚飯意思 🍴搵日就夜晚去試下据扒～一推門就發現入面裝修都好似停留咗喺舊時香港咁，自70年代開業到而家一直保留嘅佈置，好warm嘅花紋黃燈、有啲年歷嘅皮椅卡位、格紋桌布，好有復古情調🔸 仲有送餐嘅升降機，同埋有七個字電話number 嘅餐牌☎️.❥ 鮮油餐包 • 羅宋湯 🍅餐包超大個！（兩個人食嘅份量） 同埋脹卜卜，食落好香牛油好鬆軟，好有驚喜！！羅宋湯酸甜調味啱啱好，好多雜菜，幾有咬口～ 點埋餐包啱啱好🍞❥ 鐵板新西蘭肉眼扒配意粉 🥩🍝 肉眼扒都唔錯，肉味都濃同好大份～好鐘意鐵板上扒，英文叫法Sizzling Plate （而家好多都係Iron Plate) ，聽到「滋滋聲」，會好期待侍應上菜，同埋準備打開張紙巾唔好俾啲油彈到 （好有食嘢之前嘅儀式感🙂‍↕️）意粉係蕃茄味，但味道偏淡同埋意粉偏腍，覺得夠飽可以唔叫都

見到佢.. 好懷舊好耐無食過試一試我諗… 差過花園餐廳.. 乜都加錢唔在話收人錢，另加.. 但乜都無做好包加五蚊轉意粉估唔到個意粉勁難食勁淋.. 一pat pat 意粉變左米線…. 牛柳多筋.. 肉眼都咬唔到..薯條乾到爆，炸左唔知幾耐…叫少汁又耳邊風啲汁多到瀉… 連汁另上都話加錢..🥹可一不可再餐飲都係差，咖啡奶茶都無乜味… 待應無禮貌都預左佢唯一可取係餐廳環境都算唔錯幾乾淨裝修懷舊，因為都好舊啦⋯⋯真係食情懷先好去如果唔係就失望到爆

其實我都幾鍾意鋸扒嘅，因為食肉肉不會肥咁啱嗰日真係經開嗰邊，朋友就介紹咗我去呢一間都有啲歷史嘅扒房有歷史嘅扒房味道一定唔會差啩～個字嗌咗個扒餐，我叫咗個雜扒餐，我朋友叫咗個牛柳餐，我想講其實我個雜扒已經係汁另上，冇點醬汁嘅情況之下，我依然覺得好鹹～佢跑房我都一定會留意佢哋個餐包係點嘅，餐包嚟講佢都出色，好巨型一個，食完個餐包都有一半飽價錢嘅話都同平時扒房一樣百零蚊左右，不過再三都要講多一次，啲肉真係好鹹🥹咁餐飯嚟講會比較有少少失望

本身好鍾意食扒類嘅懷舊鐵板餐！呢間位於深水埗嘅飛鷹餐廳係好有特色同埋傳統！保留以前嗰陣味道！我嗌嘅係牛扒餐！都跟餐包同埋薯菜！肉質超級腍，完全係有驚喜冇飲過鐵板餐嘅肉質可以咁好,算係我暫時食過最好味嘅！

男侍應態度好差！！叫咗個扒同埋個飯，等咗半個鐘以上個飯仲未到，於是追左兩次。第一次冇跟進，淨係話係咁架啦。第二次呼喝我坐返底。比我哋遲入座既都已經差唔多食完，我哋都係想睇下有冇漏單都要俾人呼喝仲有杯華田，淡如無味，唔講都唔知係華田

點了新西蘭肉眼扒餐，味道ok. 但收費有點建議首先只收現金（連八達通都冇得用）其次加10%服務費. 如果是新式餐廳無可厚非. 但老式餐廳比較少見.最大問題埋單145（付150）找錢是一個個一蚊仲係侍應銀盤上（沒有放低）. 好似叫客人唔好要嘅感覺.既然係咁不如標價150然後冇加一冇小費.大家舒服啲.講真就算再好食都唔會再去

飛鷹餐廳1977年就開業至今🍽️見證住香港嘅變遷🕰️盛載住幾代人嘅回憶🫶🏻浪漫的黃色燈光🪔皮椅及格紋桌布，為呢間老餐廳營造出濃濃的復古情調，好似即刻返左70年代餐廳最出名就係鐵板牛排$132🥩跟餐仲有紅/白湯🍲餐包🍞同飲品🍹驚唔夠飽仲可以加意粉🍝/白飯🍚鐵板牛排上台咋咋聲，牛扒調味味道岩岩好，食物有水準！💡隱藏食法：牛扒配上喼汁，又開胃又match😋😋📍九龍深水埗荔枝角道256號

深水埗站到飛鷹餐廳大概5分鐘路程行路，距離鴨寮街步行3分鐘，海鮮飯加羅宋湯加凍飲加起身先$50 ，就算係牛扒亦都係130幾蚊，非常之好食，推介飲羅宋湯同埋食海鮮飯，不過呢個套餐好似只有午市先有，凍奶茶，凍咖啡同埋凍齋啡都好好飲

經過飛鷹飱廳就被門面嘅「飱」吸引，入到去見到室內佈置就知道係比較傳統嘅舊式扒房！特別要留意係水吧前細細嘅升降機，叮一聲就代表樓上廚房已經預備好並將食物送到樓下～..二人分別叫 牛柳(上)及  肉眼扒 (下)，都係$132 跟餐湯餐包及餐飲。先嚟到係大大件嘅麥餐包，微暖及鬆軟。接着係羅宋湯，雖然搵唔到牛肉，但牛肉及蕃茄味都非常濃郁！..主角當然係鐵板牛扒：送到前待應已經先落左黑椒汁，鐵板絕對係熱嘅，所以送到不但咋咋聲亦充滿燶煙。牛扒叫左5成，切開預料之內大概78成熟，肉質唔錯亦冇乜梳打粉味，正！..閒日午市餐廳一直都有街坊入坐70-80%滿，代表到佢嘅實力及口卑！今時今日嚟啲舊扒房真係買少見少，希望佢能夠繼續經營下去，同時保留著香港嘅文化。～

👍🏼抵食指數：⭐️⭐️⭐️⭐️😋好食程度：⭐️⭐️⭐️⭐️⭐️香港嘅 #港式扒房 已經買少見少，好多都係呢幾年都執咗。深水埗區仲有一間懷舊嘅扒房，而且仲可以食到傳統嘅 #鐵板餐 。陳年嘅格仔枱布、暗暗地嘅燈光、還有一張健力士嘅海報，俾人一種摩登年代感。前菜 #餐包 好大舊，比平時一般嘅餐廳仲要大，抵食夾大件！ #羅宋湯 都夠足料，唔係好甜，飲落味道唔錯！ #肉眼扒 好大塊，加上淋上黑椒汁，「滋滋咋咋」嘅鐵板聲，濃厚嘅黑椒味慢慢撲鼻，好有以前据扒嘅感覺！肉眼扒好厚肉，份量相當十足，而且非常嫩滑，好易入口。成塊扒下面仲有唔少薯條同雜菜，包大家食得飽肚！整體上，價錢唔算好貴，而且餐廳氣氛有老派港式感覺，係一般情侶約會之選！

港式扒房已經越來越少，環境很有韻味，Menu除了有招牌扒餐還有意粉和飯。突然想吃豬扒燴意粉，便叫了常餐。選了羅宋湯真的沒有選錯很多雜菜，而且酸酸甜甜的口味是喜歡的羅宋湯。餐包很大，常餐沒有的，是朋友叫的午餐才有。不過牛油香就欠缺，感覺較健康。拿朋友的麵包沾湯，很棒。洋蔥豬扒燴意粉，多洋蔥。醬汁身為靈魂。如果在甜甜酸酸些便更惹味。豬扒太腍身，如果不這麼淋會比較好。意粉正常發揮。奶茶實物顏色正常，但味道沒什麼特別。$56有湯有飲品有主食，性價比算高。

今晚同阿媽黎食晚飯，之前已經黎左好多次，都鐘意呢度d鐵板餐，但今次唔知做咩，我地叫左兩個餐，先黎餐湯，但黎左一個，第二個要等成十幾分鐘再吹先黎，跟著黎左一個扒餐，我食完，阿媽個份都仲未到，吹左兩次，但d侍應應左你但又冇左件事，有個仲唔係咁好態度，再等左差唔多廿幾分鐘，都仲未到，隔離兩枱五個人d野都到晒（遲我地十幾分鐘入黎）谷鬼氣唔食買單走人，仲話計返我地碗湯（咁飲左碗湯要俾錢嘅）原來碗湯要成38蚊（一碗普通忌廉湯）仲要唔好態度，真係以後唔使黎

今日中午去食個肉眼扒，份量係大， 但食落口就無肉味，亦俾梳打粉𢲡到鬆泡泡， 所以乏善足陳。 最驚喜嘅係，食食下頭頂突然有陣風，跟住“撻”一聲， 嘩！ 手指公咁大嘅曱甴跌左落枱面（如以下示意圖），我當堂嘩左一聲，個女仕應望過嚟呆左兩秒，跟住個男仕應講左句：“咦，邊度走出嚟？”跟住就一手用紙巾執走左，然後當無件事發生，期間完全無道歉、慰問或補償， 最尾仲要照舊收足埋我加一，真係香港食咁耐嘢最差嘅一次體驗，呢啲老字號餐廳真係要好好改善衞生同妥善應對呢啲突發事情，今次遭遇感覺真係太差大家話報唔報食環好？

突然好想食肉，所以星期六嘅下午就嚟咗同朋友食鐵扒牛。同區另外兩間（金X同金X）我都食過，食呢間之前都有睇過金X，發現一個set都已經要成$208，所以最後揀咗呢到。雖然喺深水埗長大，亦都成日經過呢到，但係我都係第一次食飛鷹。一入到去就係電影見到嘅懷舊枱櫈同暗黃燈光，座位都算係幾逼。睇到menu價錢相宜，我哋就各叫咗一份肉眼同牛柳。餐包非常大個同軟熟，跟咗一個牛油，另外仲有餐湯（紅白二選）。同金X唔同嘅係，侍應會喺鐵板餐上之前另外喺吧頭倒咗汁先，就唔會有彈到油嘅問題。肉眼我揀咗3成熟同洋蔥汁，而朋友嘅牛柳就係3成熟配黑椒汁加蒜蓉。我覺得洋蔥汁味道唔係好濃，感覺無乜特別。牛扒好大份，我嘅肉眼仲要係兩塊上。循例都係有薯菜做底，而且有蘑菇同番茄，薯條比例上無咁多（不過都好，因為我都食唔晒XD）總括嚟講，舊港式西餐廳嚟講飛鷹係最抵食，而且一路聽住侍應姐姐們閒話家常更顯港式風味。