風月堂 (已結業)

一行人六個女仔黎旺角呢間Gathering好耐之前就知呢間好好食~就約左呢度坐落裝修幾靚，白色為主，簡單、乾淨Menu好Colourful好靚~叫左4個dish + 兩個甜品煙雞胸pizza︰餅底好薄好脆，好好食，同埋餡料唔會太咸三文魚什菌墨汁闊麵 ︰三文魚夠多，好香芝士味，好creamy鰻魚石鍋飯︰鰻魚份量夠，飯係鰻魚汁雜菌炒飯，好好食雜菌+腸旦包飯︰飯既份量好足，賣相爭左少少，不過d腸幾好食焗芒果香蕉班戟︰賣相好靚，不過芒果酸左DD紅豆窩夫伴綠茶雪糕︰Waffle好香，所有野加埋都好好食好香食物份量都OK，食得好飽~Waiter keep住加水，服務態度唔錯=)食完坐左好耐傾計，waiter都唔會趕我地走，服務超好 =)

未食過風月堂果日行過唔知食咩好就走左入去食一見到餐牌...食物款式都幾多wor日式野之外都有其他類型既食物叫左牛油帶子啦煮耐左少少je番茄湯海鮮意粉酸酸地...幾開胃...好鬼大碗呀仲有炸雞藍同埋雞肉芝士多士兩樣都不錯...另外環境都幾好成間野都係白色的都坐得幾舒服

不嬲都好鍾意風月堂 d dessert...等o左一個鐘先有位......今次冇食 dessert... for dinner only... 三文魚蟹籽炒飯: 好好味... 不過其實冇咩三文魚...日式雞柳炒烏冬: 冇咩特別... 只係普普通通一碟炒烏冬...洋風拼盤: 一個拼盤有齊四款小食, 啱晒 d 心大心細嘅人啦...芝士焗薯片: 好得意, 但係食少少已經有 d 滯...芝士煙肉焗青蠔: d 蠔一 d 都唔腥... 好味...蘑菇雞肉 pizza: 個 pizza 底脆脆地幾好味...

地點: 地鐵 D3 出口 再行10步 方便!!!裝修 : 白色簡約tone, 靚 主棻: 三文魚什菌墨汁闊麵 + 什錦照燒雞柳炒烏冬 + 香辛牛肉奄列飯 + 咖喱煎豬扒飯 主棻Comment: 味道屬中上級, 食物可以再熱些. 但有很多款式的食物供應, 加上Manu有圖!甜品: 焗芒果香蕉班戟 甜品Comment: 甜品Manu很靚, 亦很多款; 下次要再回去試多幾款!!!

去完迪士尼玩一日,夜晚11:00 0黎到dinner唔洗等位又無咁多人,而且有靚景窗口位。d waiter waitress 0既service都好好。講d 0野食,叫左個牛油果帶子焗飯,三文魚炒拉面,燒牛舌,仲有兩個summer menu 0既甜品三色班戟,同埋綠茶雪糕夾餅。樣樣都好有水準好好味,夠熱夠新鮮。但係略為覺得牛油果唔太好食 (個人喜好~ haha~)

11-MAY-08 9PM 初黎步到, 晚上8點多仍要等上大半小時先有位. 我同妹妹被安排坐係2/F 落地窗邊, 望住街外人來人往既旺角, 份外覺得寫意. 運動過後, 正餐反而唔想食, 因打開甜品餐牌實在太興奮!! 注意力集中於WAFFLE, 選擇眾多 , 鮮果, 芒果., 香蕉.....真係好想CALL班甜友開戰. 妹妹想食D snack打底，先黎個芒果鮮蝦米卷 ($48), 芒果冰雪芭菲杯 ($45), 紅豆窩夫伴綠茶雪糕. ($48) 芒果冰雪芭菲杯: 底下芒果smoothies 本應不錯, 但實在加太多cream了! 拌勻後實在勁漏~~ 妹妹努力食左大半杯仍要放棄. 不推介芒果鮮蝦米卷 : 清新之選, 內有蟹柳, 蝦同芒果, 沾上甜酸醬又幾開胃. 一客 6件己吃得半飽.紅豆窩夫伴綠茶雪糕: 雖等了 30 mins, 但不負期望, waffle 賣相一流, 黑漆漆的朱古力味窩夫上枱仍然香噴噴~急不及待食左雪糕先, 茶味頗濃, 當然不能和hd比較了. 窩夫非常對辦, 有3大件之多 .察卡切開, 以刀叉慢慢品嚐, 外脆內軟, 夾了厚厚而軟糯的紅豆餡口感very good! 然

本人今日放假,和朋友出遊,經過風月堂,朋友想試食這家,因為佢上次食唔到,就姑且一試,到左一樓,就請我地去二樓,坐下了,給了水,但沒有給餐牌,結果等左五分鐘,叫佢先俾,之後林好食咩,我朋友叫左(鵝肝扒肉眼扒拌薯菜),我就叫左生雞蛋轉熟雞蛋的(牛肉稻庭烏冬定食).過了十多分鐘,野食到,一睇之下,生雞蛋還是生雞蛋,更加重要的是主打的稻庭烏冬變左其他的烏冬,當然叫侍應啦,說這個烏冬一定不是稻庭烏冬,D侍應話等等去問問,等左一陣,佢地問左之後同我講,這些是讚岐烏冬,這餐廳是讚岐烏冬叫作稻庭烏冬,我就說,我係在酒店做日本餐的,不要亂說.然後就取消了這ORDER之後,甚麼食物都沒有左ORDER,我朋友還說那鵝肝只是用鴨肝假冒而已,最後到走之前說我要找經理,結果只來了一個女部長,我說明了剛才的情況,她對於事情發生,員工知識不足及經理不在聲稱抱歉,說了一大堆約五分鐘的門面說話後,我們便離開了.P.S.手打稻庭烏冬比讚岐烏冬更爽,更滑,更幼三倍,所以我一定要手打稻庭烏冬!!由於欺騙太過厲害,所以不會有下一次,都請各位食家小心~以免受騙!!

2.7.2008 (三)晌旺角做完私人野,請亞媽去風月堂食個lunch先!!!下晝1點半,都叫做過左最高峰的食飯時間~侍應帶了我們去上層,落地玻璃,陽光灑滿一地但又唔會直射搞到熱辣辣,very good! 白色的內部令人感覺良好~emm...d野都幾貴下o番原來,咁都係叫返個set lunch抵d。set lunch around $65(不同主菜有不同價錢) 包括沙律或湯、麵包、主菜、甜品&飲品~我就揀左羅宋湯、煙三文魚唔知咩天使麵(有翠肉瓜同埋蜆仔),幾特別呀~唔記得左亞媽食乜添,哈哈哈...佢好似同我食埋同一款?淨係知佢揀左沙律。個精選甜品係窩夫加雪糕,正s呀~~~~~~最醒o既係,我前一晚去左風月堂個網頁度睇下有冇咩著數,結果有喎! download左張九折coupon!! 嘩哈哈~登時覺得好抵~六十幾蚊包咁多野,仲要唔係縮水份量喎!味道亦不錯喎~lunch想食得舒服d,哩d真係唔錯的選擇!風月堂網址:http://www.cinema.com.hk/orchardgarden/chi/index.php

今日同家姐去左mk既風月堂食,之前都食過幾次,各方面都okay,但今次我覺得應該要有d改善。~*食物>>家姐食什菜seafood(?)焗意粉,家姐話okay,幾好食,我食左佢一條蟹柳,都覺得okay,cheese幾多。~*我食既係什菜豬排烏冬,幾好食。~*另外要左個牛肉金菇卷,幾好食,不過我覺得個汁肥膩左少少,一個人食既話會好滯,share lei食既會好d。~*環境>>okay既......感覺係舒適為主,但okay多蚊滋仔,都幾討厭.......~*服務>>我係響最高個層,個度d waitress服務真係唔係太好.......講野好粗聲組氣,見到客人食完d野亦唔會主動收走食完既野,無笑容,亦都好唔主動,我見到一張枱叫左幾次,都無人理.....之前lei過幾次都唔係gum,今次好失望,我覺得今次唯一比較好既係一個負責跑餐(?)既女仔,佢係短短地頭髮,佢幾好,有笑容。但其他既真係唔係gum好。~*其實不嬲風月堂我都幾喜歡去,不過如果服務仲係gum既話,我唔suggest大家去,無謂食得唔太開心。~*

叫左和風帶子炒飯,拿破倫雞柳意粉,芝麻幼昔,蜜糖桂花蘋果荼和風帶子炒飯：份量太多，幾香拿破倫雞柳意粉：一般，比起和風帶子炒飯份量少好多所以叫ｅ兩樣份量ｏ岩ｏ岩ｂａｌａｎｃｅ返但兩樣下次都唔會再食～芝麻幼昔比較稀，蜜糖桂花蘋果荼好香好香，但可能我鐘意食甜，所以覺得ｏ個樽蜜糖唔夠～個ｍｅｎｕ上面ｄ飲品全部都好吸引人～下次如果再去一定要再試其他！

四個女仔order左A, B, C, D四個set dinner,有牛扖拼蝦, 海鱸魚雞卷, 三文魚鵝肝意粉, 日式帶子雞扖拼盤,四個餐都好有水準,我要的海鱸魚雞卷份量十足,海鱸好鮮嫩, 雞卷內釀有芝士菠菜, 十分美味,set dinner 還有沙律或湯, 雪糕+waffle, 同飲品, 食物的賣相十分精緻, 雖然餐廳沒有預約服務, 要等45分鐘, 但都覺值得, 因有折頭咭, 埋單每人只是100元, 相當抵食

個湯是咁多樣吃過最好的。個扒餐，竟然隻蝦幾好味。甜品：簡直係招牌菜。

在風月堂吃晚飯竟有胡椒盅奇遇記不過他們處理這件事的方法不錯經理懂得主動安撫食物方面奄列飯非常好味飯的口感一流意粉也不錯只是小食一向不討好我吃過幾次風月堂都不滿意它們的小食由其是牛肉類的小食非常難吃甜品是去風月堂必吃的不吃像缺少了什麼今次甜品是免費的

又一朋友生日.所以揀左風月堂慶祝去到睇menu,都幾多款式揀.5個人揀左不同款.自己就點左{大蝦帶子意粉}.taste was just ok..而且我地等大家上齊左先開始食,而我果個又早黎,所以都幾凍下..d蝦肉質太硬" 唔夠鮮味.帶子味道一般.總括黎講都只係average..朋友點ge 焗海鮮飯就好味好多!好多cheese.好正另外咖哩豬扒飯都吾錯. d豬扒幾好味=)食完主菜就到dessert.4個人share 1個{朱古力雪山}*wow! The taste was really good! 出面係白色全部都係mousse,入面係朱古力球.底下仲有好濃ge朱古力醬.(朱古力醬味道同M記新地ge朱古力醬味相若)配合黎食真係一絕!! d mousse真係食到人飄飄然囉!Highly recommend!-v-service就無乜特別.一直都有人好自覺咁黎加水.態度ok! =]因為無credit card,所以無discount.請埋生日果位朋友,4個人share每人$120.其實我覺得個主菜吾太reasonable`不過甜品搭救;)

果日響sony shop出黎諗食乜好呢? 對面就正正對著風月堂, 就試下佢啦我當我地用5分鐘由地面過馬路到佢樓下, 5分鐘研究佢個menu, 5分鐘行上3樓...上到去重有吉檯, 時間尚早....其實唔多餓所以只係叫左1個pasta諗住唔夠再order, 之後陸續有人埋單、附近d檯坐哂、人地落埋order、人地d飲品到、人地d appertizer到、人地第2個碟都到、但係我地唯一一個pasta都未到!結果呢餐我地用左1個鐘食既時間只係用10分鐘。食物味道ok, 但等得太耐... 由其是當我地望住周圍既人有得飲有得食自己依然無著落...感覺唔好, 呢間留番想同朋友傾計應該ok, 但係唔係target食