頹飯 (已結業)

人人都知中環食嘢超級昂貴，商業區中心間間餐廳嘅set lunch最低消費都$70-80，今日我意外地發現呢間超級平價快靚正頹飯！簡簡單單一間小店，才12:00正，已經有好幾個人喺度排隊。餐廳主打四款全日套餐，依家仲有額外兩款香煎龍利樓和黑椒牛仔骨，價錢由$38-60，平有平食貴有貴食，任君選擇。等左大約10分鐘飯盒就攞到手。打開飯盒，真係俾去骨雞腿扒的大小嚇了一跳，足足有一隻半手掌咁長，而且好厚肉！欣賞雞扒煎得唔油膩，而且雞皮好容易和肉分開，啱晒我呢啲注重健康飲食嘅人。通常食外賣小店唔會有咩期望，但呢塊雞扒煎得好香滑，雞肉有鮮味，食得出唔係千年雪藏雞😂👍🏽雞扒真係好大，食下食下已經好飽😝如果預計有購買到享用飯俠有一段時間，可以選擇將汁聆賞，今次揀咗番茄汁，質素幾好，裏面有唔少洋蔥、紅蘿蔔、蕃茄、雜豆等等，而且底板下面有其他配菜，包括車厘茄和粟米粒，算係有唔少蔬菜。意粉幾爽口彈牙，質素滿意，不過如果胃口不大，可以考慮扣底，珍惜食物呀各位。不過老實講，杯咖啡真係有啲令人失望，飲得出係用即沖咖啡粉炮製，但咖啡粉質素好一般...帶有輕微酸澀味，即使加咗奶亦蓋不過，我諗用咖啡機沖出嚟可能會更好，

中環返工食晏一向難，平野有排排，貴野又無錢食，想要方便快捷就要幫襯外賣店。除左一般連鎖餐廳，利園東街幾間鋪都多人食，而當中既「頹飯」名字已經夠晒玩味，味道價錢亦都合理。我試過豬扒，去骨雞腿同薄牛肉，有平有貴。豬扒雞腿可自選醬汁，有黑椒汁/茄汁/咖哩汁。溫馨提示：我見鋪頭真係即叫即煎，等候時間較快餐長（人多都約10min)，最好先打電話或用app （好似叫Oopsie) 叫定餐，咁就唔洗點等。三個餐中，以下兩款食物我較欣賞：一口鬆軟豬扒飯（茄汁） $43名字係一口，但其實唔係一口牛果種一口，而係一整塊。豬扒鬆軟入味，煎得幾香。豬扒已經剪開左，方便進食。蕃茄汁我十分欣賞，唔係大x樂焗豬果種人造茄汁味，食落帶鮮甜又有新鮮蕃茄，而且唔會杰到一pat pat。招牌薄牛肉飯 $60價錢較高端，最緊要值。牛肉唔係日式牛肉飯果種薄，而係厚多少少，食到牛肉味又有咀嚼肉類既滿足感。牛肉配上燒汁送飯一流，燒汁酒味同甜味較平時食到的多少少，用牛肉點一點再配飯食就fit 晒又唔怕食太多醬汁。伴碟有栗米同蕃茄仔，感覺健康啲。$50 內有交易，而且即叫即做既小店，值得支持。

不一樣的頹飯以前係大學，一講話食頹飯，大家都會知你好手緊😂今時今日，唔同啦，唔手緊都可以食頹飯，同埋頹飯都可以好有質素。中環既午餐時間，間間餐廳都會好full,為左唔想同人迫，食頹飯係一種好選擇👍🏼我講既「頹飯」其實係一間專做外賣的食店。午餐有多款選擇，我揀咗一口鬆軟豬扒飯配茄汁,仲有奶茶，四十幾蚊，抵食啦。仲要即刻整，快靚正。外賣返到公司仲熱騰騰，賣相一點都唔差，塊豬扒大大塊，又真係好鬆軟，仲要切好一塊塊，仲要有栗米粒同車厘茄。最細心係茄汁另上，茄汁大大盒，要幾多汁自己話事，又多料，正。另外一提，外賣盒係可以放微波爐架，好揼本👍🏼食完我都將個盒洗乾淨，留番黎裝野，又夠環保♻唔想外賣自取甘麻煩？好簡單，下載個外賣app就得啦！「頹飯」都送外賣架😂

趕緊project，係個胃投訴至記未食野，廢事傷腦筋，快快手手買個Lunch Box 醫肚。行過一間賣飯盒小店，正合我意。睇完menu， 選擇唔多，得四樣選擇，雞肉、午餐肉、豬肉，同埋牛肉。汁有咖哩汁、茄汁、 黑椒汁。飯盒仲包埋港式野飲，完全好似讀書果時，d 學校 Canteen 飯。 哈哈。選左咖哩餐肉蛋飯，餐肉係厚切，仲要有成三塊咁多，正。隻太陽蛋，仲係流心蛋，蛋白撈埋咖哩汁， 送飯真係唔錯。鍾意d咖哩汁唔太辣，味道唔會太搶。我下次應該會試埋佢d 黑椒汁或茄汁。快手滿足的一餐，又可以再開工搏殺。

在中環返工，差唔多有一半時間食外賣，所以每次有新外賣店一開，都會即刻去試下~尤其見到呢間個名咁得意，即管比個機會佢啦揀左個招牌薄牛肉飯~ 價值$60不算平~ 所以我有要求~ 而呢個飯盒亦無令我失望!牛肉好多~ 有10大塊!!! 而且牛肉質素高! 肉厚不韌~ 牛味濃郁~ 有果陣和牛油香，絕對不是吉野X水平!!飯好一粒粒，白淨!飯盒分開一格格，鐘意點醬、鹹D，可以自己點~最怕D飯比汁醬整到濕晒~ 熱奶茶：不頹!茶味濃~店鋪環境：不頹!好乾淨衛生~ 餐牌：不頹!清楚!圖文並茂!很好啊~總結：外賣店一D都不頹，所以係有下次嘅~ 我想試果個勁厚午餐肉煎蛋飯!

Thanks god it is Friday !!!開心星期五冇帶飯，同同事出去覓食去利源東街食一d都唔頹既頹飯！12點幾去到，都有唔少人等緊，但鋪頭都幾多staff，店員做野都好快手，落完單就即刻去準備選擇困難症既我地要左個一口鬆軟豬排飯，一個香煎去骨雞腿飯可以揀黑椒汁或者蕃茄汁，兩個都係配蕃茄汁，返到去發現佢個汁唔去淋起飯面，而係另上，啱哂一眾要瘦身既OL雞腿飯既雞肉鮮嫩juicy，煎得唔乾份量都唔可以睇少，男仔都完全夠飽蕃茄汁有少少似咕嚕肉既汁，甜甜地，顏色又夠開胃同事話佢個豬排飯都好大份，豬排諗身唔會韌下次可以黎試下最後飲埋加$2要既紅豆冰係香港地道既紅豆冰，唔係椰汁個隻奶既香味，配紅豆既甜味紅豆份量又夠多，真係超級正！夏天飲冰先夠爽，鋪頭仲有其他雜果賓治同冰類飲品可以選擇

Lunch time又起中上環搵食成日食黎食去都係個幾間Happy Friday 行遠d搵其他野食起利源東街發現呢間頹飯個名勁搞笑 即刻諗起以前讀書既canteen頹飯小小的外賣店 門口都堆滿左好多人款式唔算好多 但樣樣都好吸引四十幾至六十蚊一個飯都唔算貴我要左招牌薄牛肉飯$60加$2仲有紅豆冰等既時候仲發現佢個下午茶餐都好吸引有機會要黎食下後來發現原來lunch仲新推出龍脷柳同牛仔骨飯選擇都ok多飲品仲可以選雜果冰/菠蘿冰/雜果賓治等等都唔算好頹姐份量都幾大同事叫既豬排飯 汁係另上既 都幾貼心我既牛肉飯都唔差牛肉份量都幾多好香牛味配燒汁食一流配菜仲有粟米蕃茄仔 夠哂清新紅豆冰都係份量十足滿滿的紅豆仲係煉奶底係久違既港式味道 正啊！

睇食評講到佢真係「又好食」「又話即叫即煎」「更加話一d都唔頹wo」全部都係假的，真係唔可以甘易信，見到新新地諗住試下，點知一打開 就完全知道自己中伏，已經好肚餓既我就唔理食左先算，D飯唔知係咪落得太多水去煲啊？！淋到呢⋯⋯⋯我同同事叫左 香煎去骨雞腿飯 ，雞肉係醃到連最基本既肉味都無啊，咸到食唔到啊大佬！😩🤬個飯盒內有少少唔知放左幾耐粟米粒，總知成個飯就不知所謂的！愈食愈嬲，最後食到無一半就掉左，我係完全唔覺得飽！仲有杯苦到澀既熱奶茶！有無搞錯啊！四十幾蚊 不如去食大家樂咖哩雞飯仲好啦！我同事個個飯唔洗講都心照啦，塊豬扒都係好咸，不過好彩佢有兩雙蛋同餐肉，如果連隻蛋都煎唔好，不如早一點落班👋🏼👋🏼哩間舖個名真係改得無錯「頹飯」中環舖租係好貴 如果你唔係用心去做好自己既食店 麻煩你就開唔好啦 唔該！😩😫

There are so many joints on this street and I am currently going to try each one.Le Hea Rice does not have many options so I had the luncheon meat with egg in curry sauce and rice.On the menu, there was also a blue ribbon sandwich which I never would have guessed was ham and cheese or I would definitely have chosen it.Normally, you get these boring clear packets with chopsticks but the one here was black and fun!I wonder if they had Superman too.I was really happy with my simple luncheon meat in

又到午餐時間，樓下果幾間都食到厭晒，所以今日去遠d買外賣番公司慢慢嘆。同事話利源東街有一排既外賣店可供選擇，於去係云云鋪頭入面揀左個店名甚為特別既一間 - 頹飯店員表示12點前和2點後，買夠$200外賣可以送上樓添架。全日套餐有4款各款精選特飲是日推介既特別午餐落單後見到店員即刻拎食材出黎烹煮，真係非常驚喜，因為原本以為會係大量生產，原來係即叫即整架！煎既時候聞到非常香濃既肉味，令我更加肚餓上碟要裝入外賣盒時，仲見到塊扒大到要店員禁實先閂到盒添！黑椒雞腿飯+紅豆冰咖喱雞腿飯+紅豆冰茄汁豬扒飯+熱檸茶強烈推介雞腿肉，外面煎得非常香脆，拎筷子吉入去時仲有肉汁流出，裡面既肉極之嫩滑，雖然好大塊但我竟然全部清晒！紅豆冰亦好足料，夠晒紅豆。據同事所講，佢個豬扒都唔差，肉質唔會太鞋，而且份量十足。

今次我同BB姐嚟到中環講中環食嘢俾人嘅印象就一定係好貴同埋好高級咁今日就令我有一個唔同嘅體驗就係位於利源東街嘅一個好窄嘅巷仔充滿住好多平民嘅嘢食例如有貢茶同埋呢一間頽飯咁呢一間主要係外賣嘅就適合啲好趕時間嘅打工仔買完之後返去食唔好俾佢名呃到其實佢入面識嘅嘢一啲都唔頹，同埋都好高級例如我今次食嘅安格斯薄牛肉飯首先講吓個味道係非常之突出每1件牛肉食起上嚟一啲都唔韌仲有種好新鮮嘅感覺之後到飯粒因為個人鍾意食硬飯所以粒粒分明係好適合我之後配菜有小蕃茄配粟米呢個配菜就正正常常都幾開胃再加埋有一格系放照燒汁撈飯係特別好味嘅至於飲品方面就梗係要試吓凍奶茶呢一個港式飲品啦好明顯見到佢用嘅係絲襪拉茶所以沖出嚟嘅奶茶係有兩節色係好清楚見到奶同茶係分開咗兩層但係當你插支飲管落去咁你就會融為一體飲落去都同平時我哋去茶餐廳飲嘅奶茶係唔同，同埋佢哋會落咗少少煉奶落去所以唔會好甜 所以整體上來講以一個價錢為50至$60嘅飯來講係中環都可以食到咁快靚正嘅嘢食係一個幾特別同埋幾創新嘅餐廳亦都好推介各位與時間競賽嘅打工仔可以試吓呢間

中環真係好多食店都好貴，e間雖然叫頹飯但係其實入邊嘅選擇一啲都唔頹，而且佢嘅價錢同質素都好過其他嘅茶餐廳！今次我帶咗煎去骨雞腿飯，飲紅豆冰⁄(⁄ ⁄ ⁄ω⁄ ⁄ ⁄)⁄，你以為係中環食嘢一定好貴？錯喇！我今次淨係用咗$45就已經食到個飯而且仲飲到佢嘅特飲啊(´▽｀)！佢嘅雞腿飯可以揀醬汁，我今次就揀咗黑椒汁！佢有落單到拎餐嘅時間其實好短，你人意外嘅係佢真係即叫即製，唔似其他茶餐廳已經預先整好左再加熱，所以真係好高質㗎！我初頭仲擔心雞腿會小，始終$45仲要去骨，分量多極有限啦o(︶︿︶)o，但係意外嘅係真係好大塊，而且好多肉，非常適合食肉獸！佢返嘅份量都好多好多，完全唔使擔心唔夠食，旁邊仲有少少粟米同埋三四粒嘅車厘茄，其實$45就已經食到咁高質嘅嘢我已經好滿意！

喺中環食lunch坐底都要50蚊。如果想食平啲嘅，就可以買外賣然後攞返公司食。今次試利源東街嘅一間外賣店，之前都未試過，原來呢一條街兩旁都有唔少嘅外賣店。經過見到呢間叫做頹飯嘅店鋪門口，餐牌顯示有四個餐全日供應。四款餐分別係午餐肉餐、豬扒餐、雞腿餐同埋牛肉餐。我揀咗雞腿餐，即係香煎去骨雞腿飯，醬料就揀咗黑椒汁，因為覺得黑椒配雞扒雞腿等係絕配。另外，配嘢飲加兩蚊可以換紅豆冰。雞腿香口，唔算非常油膩，而且都係貪去骨方便。喺餐廳提供幾款肉類入面，我比較喜歡雞肉，因為有豐富嘅蛋白質可以增肌，下次有機會試埋個牛肉飯，因為薄牛肉應該都幾有咬感。個人覺得紅豆冰都唔錯，紅豆真係落足料，而且都只係加兩蚊就可以換到。服務方面，覺得效率ok，等咗唔使幾分鐘就可以拎走。

又到午飯時間，喺中環諗食咩真係一d都唔易呀，原因係選擇太多，但今日食既頹飯，同個名完全唔同，唔頹得來重好有心思！飯盒係便當外表分開一格格好清晰，睇過餐牌後最終都係揀左招牌薄牛肉飯，套餐加2蚊就有埋紅豆冰，炎炎夏日真係好難抗拒！招牌薄牛肉飯牛肉味超濃，而且肉質柔軟唔韌，配上特製燒汁令牛味同飯更融合！旁邊配菜有粟米同車厘茄，微微酸甜正如中和牛的油膩感覺！大大杯紅豆冰都係加2蚊炸！而且好足料，唔係冰多餡少，紅豆夠多而且甜度適中，夏天點可以唔飲呀！

中環放晏真係好難搵性價比高既LUNCH, 到到都排長龍。。。不過今日比FIF係利源東街發現一間唔洗排到身水身汗既外賣店。見又唔貴，就試下佢。見餐牌選擇唔多，有4款SET揀，不過貴精不貴多，就試試佢既雞扒飯。只係等左5分鐘左右就攞得，師傅都好快手。番到office打開個飯，「嘩！好大塊雞啊」，有成有6-8塊，塊雞都幾滑。同好多飯仲有蔬菜係飯底。食完真係好飽，食唔哂記住叫少飯啊。杯凍檸茶係出奇咁好飲，好香茶味。下次再去會記得帶家食物盒，咁就唔洗浪費左咁多膠啦。「大家都要記得，走塑啊！」