頹飯 (已結業)

中環返工食晏一向難，平野有排排，貴野又無錢食，想要方便快捷就要幫襯外賣店。除左一般連鎖餐廳，利園東街幾間鋪都多人食，而當中既「頹飯」名字已經夠晒玩味，味道價錢亦都合理。我試過豬扒，去骨雞腿同薄牛肉，有平有貴。豬扒雞腿可自選醬汁，有黑椒汁/茄汁/咖哩汁。溫馨提示：我見鋪頭真係即叫即煎，等候時間較快餐長（人多都約10min)，最好先打電話或用app （好似叫Oopsie) 叫定餐，咁就唔洗點等。三個餐中，以下兩款食物我較欣賞：一口鬆軟豬扒飯（茄汁） $43名字係一口，但其實唔係一口牛果種一口，而係一整塊。豬扒鬆軟入味，煎得幾香。豬扒已經剪開左，方便進食。蕃茄汁我十分欣賞，唔係大x樂焗豬果種人造茄汁味，食落帶鮮甜又有新鮮蕃茄，而且唔會杰到一pat pat。招牌薄牛肉飯 $60價錢較高端，最緊要值。牛肉唔係日式牛肉飯果種薄，而係厚多少少，食到牛肉味又有咀嚼肉類既滿足感。牛肉配上燒汁送飯一流，燒汁酒味同甜味較平時食到的多少少，用牛肉點一點再配飯食就fit 晒又唔怕食太多醬汁。伴碟有栗米同蕃茄仔，感覺健康啲。$50 內有交易，而且即叫即做既小店，值得支持。