領鮮鮮廚

營業中

休息中

何文田午餐無咩選擇，食尼間，每日最少午餐有9個選擇，自己選擇生炒牛肉飯，價錢正常，但係個飯想點？？？幾條生菜絲，幾粒蔥，幾粒蛋碎，細細粒牛肉，食材真係好貴，🤑🤑🤑超超難食😡😡😡😡😡❌❌❌🤮好食食多啲，唔好食食飽啲！🙏❤️

幾時都係在屋邨嘅茶餐廳食先夠feel，今日就係翻新了嘅大排檔位置變成嘅熟食亭，以前是坐露天位置，翻新後不再是室外，室內還有齊冷氣，朋友兒時在邨就通常會在這裡食飯，雖然現在已經變了，但往日情懷依舊，所以座下食個餐，剛好是下午茶時間餐牌內選擇多，而比較吸晴就係特餐，特餐香煎豬扒配美式漢堡扒，配黑松露炒蛋及丹麥多士外，麵可以選擇辛辣麵或出前一丁，今次就要了辛辣麵，飲品就加了$3變凍飲，上枱時一次過一份特餐，份量十足，最欣賞就係原包調味跟餐上，冇花冇假，當然要趁熱放湯攪勻，先食了件香脆丹麥多士，配上個炒滑蛋同香濃黑松露，味道提升了不少，還有塊香煎豬扒，雖然唔係太厚身，但入口依然香脆軟熟，還配埋我十分喜歡嘅美式漢堡扒，未食麵已經一半飽，加埋個浸了一陣嘅彈牙辛辣麵，真係十分滿足！加埋現在有個菇go eat 活動，食得飽又有機會抽獎，真係一舉兩得！

身為一個師奶，每日買餸，接返學接放學。難得有短暫me time，就喺小學附近食個下午茶，個人鍾意有特色的冬菇亭。領鮮鮮廚有派飯俾老人家，對佢印象特別好。冬菇亭嚟講呢度空間感好大，夜晚一家人嚟食飯，小炒有鑊氣，同埋有好多張大枱，最緊要有冷氣，夏天都唔怕熱，好爽又乾淨。脆皮特大雞髀呢度嘅炸雞髀真係好高質，即叫即炸，新鮮香噴噴。脆皮之餘仲係特別大隻size，貨真價實，好食過連鎖店多多聲。咬落皮脆肉嫩又多汁，雞肉啲汁真係多到滴落嚟！伴一個清新嘅鮮果沙律，好滿足！ 熱奶茶茶香奶滑，師傅手勢一流，埋杯茶去接放學就啱啱好啦！

返愛民邨母校 open day 🍄‍🟫順便探下冬菇亭，以前每日lunch都喺度食，有啲懷念，又去回味一下。現在的冬菇亭已經有冷氣了，乾淨企理，坐得又舒服，價錢一樣咁抵食。星洲炒米親民下午茶，快餐上菜好快！好掛住冬菇亭嘅星洲炒米，好有鑊氣，香辣惹味！星洲炒米上枱幾香，米粉軟硬度剛好，份量都幾多，配料豐富，食落好滿足。整體感覺幾健康，唔會好油，金黃色星米食落彈牙！推薦！最後嘆番杯絲襪奶茶，茶味濃郁，入口順滑，冇得頂！

之前係何文田愛民邨嘅冬菇亭食過晚飯, 覺得都幾好鑊氣, 今日咁岩係附近做完野, 所以就過來試下佢午餐D茶記野~如其他茶記一樣, 呢到都係有D鑊氣小菜、午市客飯同炒粉麵, 仲有常餐特餐~由於朝早食左個大麵包, 所以簡啤地叫個香煎雞扒米粉, 配火腿奄列及丹麥多士, 加多個熱奶茶!米粉初時上到我見佢個樣咁齋, 以為應該係無咩味, 點知都濃味, 但唔會好咸, 香煎雞扒都煎得個皮幾脆(試少少啦~), 雞肉的味道同肉質就正正常常,但可惜佢唔算好大塊, 如果大塊D會好D!!!火腿奄列又幾好, 個蛋都幾滑, 估唔到冬菇亭係有offer丹麥多士, 烘得多士邊脆多士軟, 最衰天氣凍搞塊多士好快凍, 如果唔係應該都幾好食!熱奶茶有D驚喜, 茶同奶的比例較得岩岩好, 有淡奶帶來的絲滑, 但又唔會搶走茶的味道, 幾好飲~(唔記得左影奶茶)

喺時間嘅洪流入面，舊日嘅人與事總會無聲無息甘消失，冬菇亭都唔例外。何文田愛民邨嘅冬菇亭喺2017年俾領展收返，無咗泰記嘅鑊氣小炒碟頭飯，明利嘅粥麵炸品，換返嚟嘅喺三間有冷氣嘅餐廳，其中一間就喺今日食嘅《領鮮鮮廚》。 《領鮮》嘅setting以四人枱同多人圓枱為主，早午餐喺一貫茶記嘅普通出品，夜晚搖身一變有大閘蟹冰鎮鮑魚嘅“海鮮酒家“。星期六 18：45嘅《領鮮》爆哂場，有源源不絕嘅外賣單！我哋兩個人等咗20分鐘甘上下先有位，真喺旺到估佢唔到。 兩個人嗌咗：〰️〰️〰️🐟 清蒸沙巴龍躉 $158 (CP：◼️◼️◼️◼️◼️)▪️ 目測約15両，都幾大條！師傅蒸功了得，骨肉分離，厚肉肥美嫩滑鮮甜，豉油鹹甜適中，對魚肉嘅鮮味有加持，大癲，真心推介！ 🥘 鮑魚雞煲 (細煲，中辣) $168 (CP：◼️◼️◾️◻️◻️)▪️ 鮑魚四隻，新鮮嘅味道，軟腍唔韌火喉啱啱好。雞件唔會碎濕濕，算得上啖啖肉，走咗油，肉質唔叫嫩但未算鞋。配料足，調味可以嘅，中辣嘅稱號微辣嘅味道，純雞煲本身就普通。 🍛 豉油王炒麵 $78 (走芽菜) (CP：◼️◼️◼️◼️◻️)▪️ 無返3~4個人唔好嗌！份量MAX，兩個人全清有負擔！麵炒得夠乾身，軟硬適中條條

我們叫左海鮮二人套餐。首先是白灼蝦，蝦肉嫩滑，蘸上一啲豉油味道更上一層樓。跟住果皮蒸鮑魚，鮮嫩的鮑魚蒸得恰到好處，軟熟而有咬口，果皮香氣讓整道菜更加美味。第三道是豉汁蒸䱽魚，䱽魚的肉質鮮美，淋上豉汁，入口回味無窮。最後一道是沙薑雞，雞肉嫩滑，沙薑的香氣令人垂涎。呢個海鮮套餐價格都合理，性價比很高。餐廳的服務也值得一讚，

又激發起我寫食評。但係今次值得寫。因為今次只係同朋友行完山經過［領鮮］。撞入去。坐底先望吓Open Rice 嘅食評有乜食。點知冇乜驚喜仲有D疑惑。但係太攰唔想四圍走。即管試下。坐底是但叫咗幾個餸。見隔離有海鮮食。問下主管。佢話咁啱客人訂多咗。有3隻大瀨尿蝦同聖子。問我哋食唔食。我哋毫不猶疑要埋佢。起初兩份海鮮加三個小菜。五個人食。點知D朋友仔話味味餸都好食。叫吓叫吓叫咗九個餸。真跨張。以下簡單介紹下食咗乜。［椒鹽鮮魷］少油。脆卜卜。零粉感。［蟶子］大大嚿肉鮮甜又爽口［小炒王］蝦乾等材料鹹鹹香香，加上鑊氣十足。  肉質細嫩好有魚油香味。相當鮮美。我最古唔到價錢好平。［避風塘炒瀨尿蝦］極為彈牙仲有膏。配料味道剛好不太鹹。［椒鹽九肚魚］內脆內軟。［黃金蝦］淡淡的咸蛋黃香味。我個人可以再多D咸蛋黃。蝦夠乾身。 酸酸甜甜配料可以味道尚可。最後一個餸係好驚喜。不過我唔記得叫乜名。總知係雞翼同薯仔。最特別係薯仔整到好似拔絲咁。完全冇諗過冬姑亭會有驚喜。仲有3小時免費泊車。

前排黎開愛民邨同屋企人食飯，無咩選擇底下就簡左依間小菜餐館食晚飯～以前依個位係傳統大排檔冬菇亭，依家就起咗個室內餐廳，叫做有冷氣，夏天食飯都舒服啲，但就爭咁一啲風味🥹叫左一d小菜，味道不過不失 環境就比較多人，都比較嘈，如果住喺附近貪方便都會試下既😆

今次唔係第一次幫呢間舖頭買外賣，因為味道來講響愛民邨都算係咁，最近呢一兩次都等坐底半個鐘，仲要搞亂啲單，比錯食物都唔係第一次，以後都唔會再有下次。😡食物質素係一件事，客戶服務都好緊要，如果冇時間坐低前都要諗清楚。

中伏佐特價豉油皇蝦，阿姐話做緊特價$68..平常價錢$98..我以為佢哋係疫情關係，做promote ..點知一吃全部係梅🤢🤮..好心D又梅又過咗期嘅嘢唔好用特價去騙人中伏啦！😠😡🤬

本身見openrice啲相有小炒/炒飯炒河先嚟1:00lunch hour 1:08分到餐廳 餐牌上面9個餐得番3個餐仲有賣淨係得碟頭飯 常餐都無晒 想問下係咪做生意架？你話我遲嚟啲餐無晒就話姐本身都預咗碟頭飯係開現金寶湯之類現成汁煮 點知碟野嚟到 啲飯又一patpat 汁又少雞扒又乾 豬扒又咸最後收我$57 成餐飯好似受苦咁呢個價錢真心可以食好啲仲要受待應氣 佢地當自己做緊澳牛？唔係淨係對我咁 對隔離枱都係咁隔離枱係食齋嘅 碟頭飯全部都有肉問待應可唔可以將豬肉轉其他野待應都耍手擰頭 但咁大間餐廳 餐牌得三個餐賣最後隔離枱坐左坐就走左以後唔會再嚟 食到好嬲好似比佢呃左咁

今日來到這間店本想叫咖哩牛腩飯點知買晒，所以就坐一陣間等叫下午茶豉椒排骨炒麵😁真好彩食到個唔錯的下午茶，個炒麵不油不鹹、麵好脆排骨夠軟非常唔錯，因為好多時在其他茶餐廳食炒麵時都會有一陣油煙味，今日這間就冇這個油煙味所以覺得真不錯，仲有食完唔口渴👍🏻

今日同行四人大約1點入座，仲有好多空枱。13:07叫咗一個常餐，其他三個炒粉，炒飯和生炒骨飯。大約5分鐘左右上飲品，一杯熱奶茶，三杯凍檸茶。店員指住其中一杯話少甜，友人話係要少冰唔係少甜。店員話：咁幫你攞番啲冰出嚟。友人話咁都唔係少甜。店員企係度唔郁，我話，咁攞個杯嚟裝番啲冰，攞少少糖水或糖漿出嚟算啦。之後攞咗個空杯嚟，糖水冇咗影😐之後常餐到，13:33另外三個餐都未嚟，催咗兩三次，最後要到大約13:45先上齊🙄唔講食物質素，咁嘅服務唔會再嚟啦。

愛民邨係一個比較舊嘅地方，剛剛翻身，有比較大嘅停車場方便有揸車嘅人入嚟食嘢。所以嚟到依間冬菇亭，其實之前已經自己一個喺度食早餐有壞印象，就係叫過羅宋湯通粉，個湯底勁鹹，不過可能因為當時都就完左早餐時間，個湯底煮到好濃。而今次因為揸車緣故，入咗嚟愛民邨食晚餐。4人叫左5碟餸。椒鹽鮮魷、生炒骨、蓮藕餅、薑蔥鮑魚、同一個唔記得叫乜嘢嘅薑蔥咩煲。今次嘅晚餐令我另眼相看，尤其是每一樣野都熱辣辣，唔會太多味精，而且價錢不貴，就算薑蔥鮑魚容易入口（$70內），所以在此食海鮮亦是不錯的選擇，海鮮又新鮮又不貴。而每一碟餸嘅份量都算大份，就例如生炒骨同椒鹽鮮魷嘅肉嘅份量都算多，平均每人都分到兩至三舊。（每樣餸價錢都不用$100）蓮藕餅亦煎得很香脆，熱辣辣，食到有蓮藕嘅爽脆，唔錯！總結：鋪頭位置算寛敞，有4人座位、亦有大圓枱（坐10-12人），適合有揸車唔想煩搵車泊、家庭或團體聚聚。另外，亦見到門面擺設雙或三送飯，一進餐廳已被香氣，如果住在附近嘅市民亦可以落嚟買餸回家加送亦不錯。