頑石燒肉所 (已結業)

全靠HKU人帶路 才會懂得去的必食隱世小店頑石燒肉所 @rockwagyuhk 裝潢充滿日本氣息主打100%⽇本A4和⽜🐄CP值高 $200內成交包括熊本 鹿兒島及宮崎和牛 提供不同部位選擇亦有自家製10款日式醬如昆布鹽 鹽麴 和牛醬汁·🐮吉列A4黑毛和牛牛小排黑毛和牛牛小排炸衣厚薄適中 只要輕炙兩面即可做到外酥脆內軟腍 入口鬆化充滿油脂香蘸點日本昆布鹽或者蒜味燒汁食 平衡油膩感升級御膳套餐🍲味噌蜆湯 雜菜沙律 月見飯 特別係蜆湯很驚艷！超級鮮甜 好想單點一碗·🥩極上薄燒A4黑毛和牛西冷薄切A4黑毛和牛西冷油脂豐腴 石燒後香氣四溢只需幾秒就熟透 質感軟嫩 加上昆布鹽更能提鮮配搭御膳套餐中的月見飯🍳 蛋汁令口感更滑溜伴碟的翠玉瓜 杏鮑菇 甜椒也可石燒 juicy多汁·🐟吉列池魚夏天當造的池魚經油炸後 肉質依然肥美嫩滑黃金色的外衣配上七味粉蛋黃醬🥢入口好鬆脆·🥃日式威士忌梅酒西柚特飲本來想試富士山特飲🗻打卡一流 可惜當晚售罄威士忌x梅酒x西柚梳打 微酸能解燒肉的油膩感酒味唔會太濃 幾易入口 大大杯冰冷感足 好爽！

住喺講到咁耐都搵唔到邊間專食和牛嘅石燒，睇上網介紹有間專門店梗係去試吓啦。首先環境都幾舒服樓底好高，不過啲枱有啲細。但係見佢價錢200內就有，都真係幾抵之前出去食和牛嗰間差唔多三百幾先有得石燒。A4黑毛和牛三角腩$168油脂平均而且好香嘅和牛味，而且都幾厚、可能因為係黃牛我食幾件就已經飽咗。另外仲加咗$48 轉定食，會有蜆嘅豆腐昆布湯，而且仲有蕃茄粟米沙律，同埋有隻蛋蛋飯，啲汁醬都幾有特色。舖頭姐姐好Nice，同我哋講抽氣系統啱啱改善好好彩我哋而家先來食，唔錯唔錯服務態度良好。

西營盤竟然都有燒肉食，石燒 都幾過癮。兩條友去食，就黎收檔冇乜客，但想坐窗邊方便睇車。聽講門口都容易抄牌，小心為妙。Burger都幾難煎下，好彩有個哥哥仔出黎教我要煎兩面等佢定左形先，先好再郁佢🤣朋友食個個壽起燒三食，真係有個壽喜燒汁撈生蛋俾佢點肉，再問姐姐拎啲蔥醬黎加料，正。份量都幾多，同埋擺盤靚好多唔同款式汁。連個湯都落左硯同豆腐，有心有心。仲有個好靚嘅打卡牆，啱啱開，小店加油。下次試埋其他餐、好似都幾多款！

一人燒肉岩曬放lunch💮勁鍾意食吉列牛嘅我一知道西營盤開咗間石燒牛當然拉埋同事過去試吓🥰難得係唯一一間。定食餐好抵食+$48 已經會有清酒蜆湯，蕃茄粟米沙律，同埋蛋汁燒肉飯😝另外仲送埋汽水。和牛牛小排外皮酥脆、入口軟林，但又好滿和牛油香。同事叫咗牛舌兩食☺️都係百幾蚊有交易，朋友因為唔識生蛋所以加$38一樣有白飯，沙律同埋湯。又真係唔錯喎，厚牛juice又爽。薄牛舌經過石燒之後有少少脆口，very good 👍 最緊要望住靚靚打卡牆，即刻賞心悅目。

呢篇係你哋餐廳第一篇食評，請好好細閱。做餐飲除了食物質素要過得自己過得人，同時要設身處地代入客人位置，先會發現問題所在。職員態度殷勤，要一讚。新開張餐廳，營運上有甩漏係可以理解。餐廳環境座位比較狹窄，因為石燒用上酒精膏石板爐，當店員將整個餐從客人頭頂放到枱面的時候，這個動作是非常危險，請好好考慮重新安排落餐的程序，恐怕總有一天會出事。酒精膏基本上一餐飯裏邊最少要加一次，所以喺狹窄嘅環境裏，更加多添一份危險。另一個敗筆處係「零」抽風。不止成身油煙味，煙燻直頭醃眼。無論店員同客人到新受其害。食物質素只屬於中下。除肉本身外，套餐的汁醬配料都沒有將整個套餐加分。有的連執仗都冇，基本上係冇味。另外最基本碗白飯只係室溫，仲要係硬硬地熟唔透。三五知己開間舖頭仔玩下冇問題，但係如果維持呢個環境質素，恐怕捱唔到第一份租約完。