順譽滷味大王

營業中

休息中

美食集中地土瓜灣北帝街最近新開一家潮州打冷菜館「順譽滷味大王」，由米芝蓮師傅坐陣，嚴選優質食材，鹵水食物以古法鹵製；今天經過土瓜灣順道潮聖享用午餐-獅頭鵝片大拼 $228除鵝片外，有鵝腎、腩肉、鵝腸、紅腸、豬耳、豬頸肉、墨魚、豬大腸、豆腐、滷蛋及花生選材優質，鵝片緊實細緻，帶鵝肉獨特鮮香、鵝腎綿密、腩肉肥瘦相間、鵝腸及豬耳爽脆、紅腸入味、豬頸肉爽嫩細滑、墨魚軟腍鮮味、豬大腸甘香肥美、豆腐細滑帶豆香；加入花椒、八角等材料的滷水汁不死鹹，吃到食材的原味道-元朗烏頭 $128原條烏頭超過一斤重，潮式製法凍食配上黃豆醬；魚肉鮮美沒泥味也沒腥味，蘸上濃郁黃豆醬有提鮮作用-鹹菜豬肚湯 $98加入大量胡椒煮成，豬肚潔淨爽滑，湯品鹹辣平衡夠暖胃-白灼時菜 $45以滷水汁調味；菜心選用菜遠部份，翠綠鮮嫩

呢間位於土瓜灣北帝街新開嘅潮州菜館~"順譽滷味大王"係我外賣精選其中之一，因為餐廳專業做潮式滷味已經三十年；係用獨家秘方的老,古法鹵制,而且仲聘請左米芝蓮師傅坐鎮做主廚，味道非常好，我上次食過，真係一試難忘!😋我今日就叫咗🌟獅頭鵝片 $128/例- 獅頭鵝片肉質甘彈牙，而且滷水味十足，豆腐又夠曬香滑🌟胡椒鮮香雞飯 $45- 大大隻雞髀，厚肉又夠嫩滑，加上鹽水醃製,夠曬入味送飯真係一流!🌟韭菜豬紅 $48- 而我最鍾意嘅小食就係呢個韭菜豬紅，除咗份量十足之外，味道仲一流，用佢嘅醬汁嚟撈飯，盡對可以食到一大碗!真係夠曬平靚正!所有食物質素用料都非常高，價錢仲相當大眾化，真係性價比極高嘅傳統潮式滷味專門店。👍

去土瓜灣探朋友，佢話附近新開咗一間順譽滷味大王，係曾獲米芝蓮嘅廚師主理，用料上乘，使用獨家秘方滷製食材，食物質素和味道都係一流。廚窗內放置不同滷味，油亮剔透，令人垂涎欲滴。餐廳最近做緊優惠，外賣九折，堂食亦有特價套餐。聖誕二人特惠套餐B鵝肉雙拼：鵝肉片片厚薄適中，肉質鮮嫩，滷汁滲透鵝肉香氣十足，味道濃郁而不過鹹。大墨魚爽口彈牙，仲有豆腐墊底，浸在滷汁中的豆腐非常嫩滑味。潮州蠔仔粥：粥內的材料非常豐富， 有粒粒飽滿的蠔仔、魷魚、方魚、肉碎、芫荽和葱粒，各種配料比例均衡，能帶出粥的鮮甜味道和不同的口感。韭菜豬紅：豬紅份量好足，口感爽滑鮮嫩，醬汁香濃惹味，韭菜亦青綠，掛上醬汁好好味！送酸薑皮蛋：醃得酸甜適中的子薑，爽脆無渣，配上泛起溏心的皮蛋；一滑一爽，一酸一鹼，以醋酸味去掉皮蛋的灰澀味，互相中和，真是天作之合。

最近去咗土瓜灣一間平民潮食小菜館，呢度嘅環境真係好有人情味。餐廳門口掛滿咗各式潮式嘅食品打冷，氣氛親切熱鬧，好有地道風情。🍴🏮*潮式凍馬友*：凍馬友味道清爽，魚肉鮮美，口感軟嫩，鹹香適中，係一道非常開胃嘅冷盤。🐟❄️*春菜炆腩仔*：呢道菜嘅腩仔煮得非常入味，肉質軟嫩，春菜嘅清香滲透每一口腩仔，味道濃郁，非常滿足。🥬🐷*一碗蠔仔粥*：蠔仔粥粥底綿密，蠔仔鮮甜，每一口都充滿咗海洋嘅味道，口感滑溜，好暖胃。🍲🦪*滷水鵝肝*：滷水鵝肝味道濃郁，鵝肝嘅油脂香氣四溢。🍂🍗

今日同老公去左九龍城食潮州打冷，呢間店係新開，由米芝蓮師傅助陣，緊係要去食吓晚飯啦。餐廳空間唔算好大，燈光光猛，環境乾脆。除左餐牌上嘅菜式，近來節日，牆上亦貼上左特惠二人餐及三人餐，所有價錢相當平民化。我哋叫左滷水類別，另外再叫左D潮州打冷熱門菜式。等上菜期間，見到外賣不斷，而佢哋嘅全日滷味套餐，鵝片三拼飯都係$75，好抵食，住九龍城居民真係好。我哋同大廚傾過計，當我哋讚佢D菜式時，大廚顯得內歛謙虛。我哋仲請教佢一D烹煮技巧，佢亦願意分享傾談，好有大廚本色。韭菜豬紅：豬紅唔腥，口感軟軟滑滑，湯汁有好濃沙嗲醬味道，少少辣味但唔辣，韭菜爽口，吸晒湯汁，好惹味。炸蠔餅：即叫即炸，蠔肉大小適中，新鮮肥美，入口唔會滿口油，粉漿亦唔會過厚，咬落輕脆，可點少少魚露調味，好好味。蠔仔粥 ：湯底鮮甜，用料足，配料有肉碎、魷魚、蠔仔等，另外加左方魚乾增添鮮味，食落夠熱，唔錯。獅頭鵝片(例)：鵝片好大塊，一D都唔韌，好腍，啖啖肉，好入味。最正就係呢個滷水，獨門秘方，醃得好入味。鹵水雙併：墨魚片爽口帶鮮味，金錢肚好腍有咬口，下層仲有D滷豆腐，同樣入味好食。啤酒：潮州打冷必飲，青島啤酒係老公至愛。

舊公司在土瓜灣，所以經常留意有沒有新開的食肆。最近知道這裏新開了一間潮州食肆，今晚便專程來到這裏。這裏的招牌有個特點，便是著名由米芝蓮師傅主理，信心大增。馬友$148，如有份量十足，魚肉味道鮮甜，加點普寧豆瓣醬，帶出魚肉的鮮甜味道。據店主解釋，每天早上都會到魚市場採購，所以採購到新鮮的活魚。滷水鵝片$128，鵝片鮮嫩可口，帶點滷水的香味，而不會過鹹，豆腐嫩滑可口，果然是米芝蓮廚師主理。潮州蠔餅，外脆內軟，沒有覺得太油膩，反而香脆可口。蠔仔尺寸頗大，蠔味十足加點魚露味道更佳。蠔仔粥$98 ，除了蠔仔之外、還有方魚、土魷，湯底味道濃郁，粥底份量十足。可樂$$8 ，忌廉$8

土瓜灣朋友帶咗我嚟呢間潮州打冷滷味店食晚餐🤣小店雖然細細間提供大眾化菜式，但係食物水準高好味道，老闆好有禮貌仲招呼好好👍$148「馬友」：「潮汕打冷馬友魚」一邊魚皮打開咗食得好方便，「馬友」魚肉肉質相當細滑鮮甜，沾有鹹鮮味嘅「普寧豆瓣醬」食就更加好食😋$52「方魚肉碎粥1碗」：大大碗熱辣辣，好味道🤣$98「墨魚」：墨魚新鮮，非常爽口，切成一條條嘅薄片食得好方便🤣$85「鹽焗雞半隻」：「鹽焗雞」皮黃肉白非常有鹹鮮味亦都好雞味，半隻雞份量算係幾多🤩$68「春菜炆腩仔」：春菜煮得好腍，腩仔7成瘦肉3成脂肪 夠甘香，整體好食🤣$8「無糖可樂」：凍冰冰嘅可樂就梗係好飲啦 🤣小店值得支持👍

順譽滷味大王 (土瓜灣)土瓜灣北帝街33號地舖味道指數：⭐⭐⭐⭐⭐抵食指數：⭐⭐⭐⭐⭐環境指數：⭐⭐⭐⭐服務指數：⭐⭐⭐⭐食物推介：鵝片三寶飯 $81，炸蠔餅 $88，鹹菜豬肚湯 $68鵝片三寶飯：包括鵝片、鵝腸、墨魚及鹵水豆腐。新鮮的鵝肉，肉質鮮嫩，鹵製後切片，香氣四溢，味道香濃。鵝腸口感爽脆，和鵝片形成對比，增添了整體的層次感。墨魚口感滑嫩，，風味獨特。鹵水豆腐口感細膩，吸收了鹵水的味道，！😄😄😄炸蠔餅：新鮮的蠔仔，較一般的蠔仔大隻，數量非常多，肉質鮮嫩，餅皮炸至金黃酥脆，十分香口，點埋特製醬油，非常惹味！👍👍👍鹹菜豬肚湯：新鮮的豬肚，口感滑嫩，非常彈牙，經過長時間的烹煮後十分入味，鹹菜的酸甜與豬肚的鮮香相互交融，讓豬肚湯變得更加美味！😍😍😍

呢日去咗土瓜灣新開嘅潮州餐廳食lunch，餐廳係由米芝蓮潮州師傅主理，非常高水準。打開餐牌，見到啲嘢食都幾吸引。今次點咗幾樣嘢，首先係馬友，啲魚肉口感幾好，配埋秘製既醬汁，好味道。另外仲點左冰鎮墨魚，墨魚係生既，幾新鮮，配埋豉油同wasabi，好正。食潮州菜點少得蠔仔粥呢，呢個蠔仔粥除咗加入蠔仔，仲有魷魚同其他香料，粥底好鮮甜，非常高水準。春菜炆腩仔都幾入味，又抵食！配埋藍妹啤酒，一邊傾偈一邊嘆好嘢，Perfect ！

喺土瓜灣行完街，想食埋晚飯先返屋企，上網搵到北帝街呢間新開嘅「順譽滷味大王」。據說餐廳係由米芝蓮潮州師傅主理，室內環境整潔，座位舒適，而且定價親民，令人期待。先嚟一碟炸蠔餅 ($88)  蠔餅即點即炸，入口超酥脆，乾身又唔油膩，蠔肉新鮮肥美，分量十足，點埋附上嘅魚露吃，味道更佳。潮州凍馬友 ($148)  馬友好大條，肉質結實，魚味濃郁，嫩滑又冇細骨，沾少許普寧豆醬吃，惹味至極。本來想加碟大掌翼，可惜已經售罄，改點了這客中翼配鵝肝鵝腎。鵝翼富嚼勁，鵝肝粉嫩，鵝腎夠爽口，連墊底嘅豆腐水準亦唔錯，入口不會過鹹，帶微微滷水香。鵝片飯 ($65)  鵝片大大塊，完全唔韌，皮下脂肪夠厚，入口啖啖肉，加上滷得好入味，用嚟送飯吃一流！。最後嚟一道春菜炆腩仔 ($68)，春菜腍甜有菜味，腩仔肥瘦適中，非常好吃😋

土瓜灣「順譽滷味大王」，主打招牌潮州打冷‼️由米芝蓮潮州師傅主理🔥餐廳環境舒適，今晚黎到全場爆滿，好多街坊捧場😻😻🔹韭菜豬紅豬紅鮮嫩，韭菜清香撲鼻，搭配沙爹醬料，味道更加豐富，豬紅完全冇腥味，口感夠滑順。🔹花生炆雞腳雞腳炆得入味、花生軟滑、湯汁濃郁，雞腳充滿膠質，配上香濃花生，絕配！🔹蠔仔粥粥底細膩滑順，蠔仔新鮮豐滿，口感鮮甜。🔹鵝片三拼飯鵝片肉質嫩滑、鵝肝酥香濃郁、鹵蛋更添鹹香。三種食材都令人回味無窮，帶來美味享受！順譽滷味大王✨📍土瓜灣北帝街33號地舖

🍽️順譽滷味大王 (土瓜灣)📍土瓜灣北帝街33號地舖姐夫係潮州人，想食潮州打冷菜，揀咗土瓜灣呢間性價比高的，好滿意😃原來師傅都大有來頭，攞過米芝蓮㗎👍唔怪得知咁好味啦😁～鵝片 🦢🍖鵝肉片嫩滑多汁，鵝油香氣隨咀嚼越嚟越濃郁，真係令人口齒留香，絕對值得一試❤️～鵝掌🦢🦶香料的香氣恰到好處，既不搶味又提升了鵝掌的美味，很回味👍～鵝肝 🦢🍗有獨特的鵝肝口感，非常滑嫩，擺落嘴裏面即刻溶化，感覺好正 ，欲罷不能🌟～鴨舌🦆👅鴨舌彈牙有嚼勁，滷得非常入味，配搭啤酒一流🥰～墨魚片 🦑🍲墨魚片鮮美爽口，食落去有海洋嘅清新味道，口感非常正😄～滷牛展🐮🍲滷牛展煮得非常香濃入味，肉質軟腍得來有少許嚼勁，令人口齒留香😀呢幾道滷味真係色香味俱全，每一啖都係有濃郁嘅滷水香氣，令人回味無窮😋🍽️

土瓜灣的順譽滷味大王, 餐廳裝修企理舒適，新張外買有還有9折優惠。鹽焗雞腳皮脆肉嫩，鹽香與肉汁完美融合。豬手滷得入味，口感軟腍香滑，皮Q肉嫩，豬腳筋軟腍煙韌，脂香濃鬱。豬耳滷得入味，口感爽脆，回味悠長。豬大腸滷香四溢，滑嫩可口，無羶味。金錢肚嚼勁十足，滷香撲鼻，令人回味。鵝翼皮滑香嫩，滷汁香濃。鵝肝細膩滑順，脂香滿口，搭配滷汁更顯風味。整體而言，譽滷味大王的滷味系列，無論是口感還是味道，都令人印象深刻，而且新張還有9折優惠，買這麼多款，折後才200，真繫好抵食。

🍽️順譽滷味大王 (土瓜灣)📍土瓜灣北帝街33號地舖今晚喺土瓜灣「順譽滷味大王」試咗抵食嘅潮州滷味，忍不住真係要分享吓☺️貪心的我揀咗鵝片、鵝掌、鵝肝、鴨舌、墨魚片同滷牛展，款款都咁入味😍鵝肉肉質鮮嫩🦢；墨魚片爽口彈牙🦑；滷牛展吸曬滷水汁嘅精華，香氣撲鼻，軟硬度又適中🐮；鵝掌富有膠質，口感Q彈，每一啖都充滿咗濃郁嘅滷水味🦢🦶；鴨舌彈牙有嚼勁，係我嘅至愛🦆👅；鵝肝細膩綿密，入口即化，最緊要係滷水汁不會過濃過鹹，唔會搶咗鵝肝嘅天然香味🦢🍗😍總括嚟講，呢間小店嘅滷水汁調味得啱啱好，所以全部嘢食都咁好味👍可以話係一試難忘呀，已經決定下次嚟encore🤣

最近在土瓜灣新開一間潮州打冷＂順譽滷味大王＂我個潮州佬老公就帶我來品嚐品嚐🤭這裡的菜單選擇雖然不算多，但令人垂涎的多款經典打冷菜式這裡都有供應。這小店主打潮州滷水，首先必試的是 🌟獅頭鵝片三拼，切得厚薄適中的鵝片，肉質鮮嫩，十分有光澤，滷得夠入味，搭配爽脆的鵝腸，鮮味十足的墨魚片，連墊底的滷水豆腐都十分嫩滑，口感層次分明，蘸些蒜頭醋來吃，提升了整道菜的風味😋🌟元朗烏頭凍食，這道潮州凍魚飯，魚肉緊實鮮甜，蘸些普寧豆醬更加美味，讓人忍不住一口接一口，很快整條魚只剩下魚骨了😂🌟蠔仔粥也不容錯過，蠔仔粒粒都很肥美，粥底還加超多肉碎和方魚，非常足料，鮮甜惹味～正👍🌟春菜炆腩仔，春菜炆得夠林，腩肉的肉香與春菜的回甘搭配，帶來了獨特的口味，有潮州人家的味道😋總結來說，這家店食材新鮮，用獨家秘方老鹵古法滷制，烹調的技巧都非常到位，價格合理，值得大家一試！