順譽滷味大王

營業中

休息中

在土瓜灣上過興趣班後，途經這由米芝蓮師傅主理的滷味店，頓時被掛在玻璃櫥窗裏大大隻的滷水鵝和從店裡透出的濃郁滷水香味所吸引，便決定點些外賣為今天的晚餐加餸。這店除了外賣，亦有小量座位可供堂食。店子出售的潮汕滷水食品款式可謂應有盡有，同時亦有一些例如煎蠔餅和蠔仔粥等家鄉美食可供選擇。～獅头鵝片（例）一客例牌的鵝片份量不少，師傅的刀功厲害，鵝肉切成均勻的薄片鋪滿一盒，只看一眼已讓人不禁垂涎欲滴，食指大動！這店的鵝片是用上大而肉厚的獅頭鵝精心滷製而成。啖啖肉的鵝片肉質細嫩，完全不會有羶味，既香滑又有適度的溶化感覺；滷水汁帶有一股特別清香誘人的香料味，不過濃卻又滋味十足，配上鵝片入口就是一大享受，獨特的美味和口感讓人無可抗拒。墊底的滷水豆腐亦十分吸引，入口綿滑又畧帶嚼勁，且又豆味十足，完全吸收了滷水鵝汁的精華。～胡椒鮮香雞（半隻）胡椒鮮香雞果真泡製得皮爽肉滑、雞味濃郁，鮮味突出。廚師掌握烹調的時間精準，雞是剛熟，肉質飽滿爽滑又帶上胡椒獨有的香味，入口完全不會有韌或有渣的感覺，感覺確是一流。個人覺得這咸香胡椒鮮香雞加上白飯或啤酒是上佳配搭，絕對容易讓人吃不停口；如果將雞放進雪櫃裡稍爲冰凍一下再來品

喜歡和朋友到處發掘特色小店，這一晚來到土瓜灣，為的就是這一間新開張的潮州菜。吸引我們的是這裏有米芝蓮大廚坐陣。鹹菜豬肚湯 $68 例 冬日暖胃之選，對胃寒人士有效 (⁎⁍̴̛ᴗ⁍̴̛⁎)。湯品一上枱已經好香嘅胡椒味，一入口係期待中嘅微辣刺激感，慢慢再感受到鹹菜嘅香味。雞肉增添咗層次，有雞湯感覺，豬肚乾淨一啲都冇腥味，令人想一飲再飲。獅頭鵝片拼鵝腸鴨舌 $168 大廚用獨家秘方老滷去炮製，獅頭鵝片嘅味道令人喜出望外，鵝油香味越咀嚼越突出。滷水調味鹹香剛剛好，唔會搶咗肉嘅滋味。拼盤配咗鵝腸同鴨舌，都冇令人失望 (⁎⁍̴̛ᴗ⁍̴̛⁎)。鵝肝 $78 例 大廚採用潮州頂級獅頭鵝製成，滷水味鹹香配以粉肝嘅纏綿口感，呢個價錢絕對係值得。炸蠔餅 $88 呢道菜份量絕對唔細，建議三至四人分享。大廚將蠔餅炸得酥脆而唔會油膩，蠔仔份量都足夠，粉漿唔會太滯。蠔仔粥 $52 又一道蠔仔菜式，湯底鮮甜，啖啖都食到蠔仔、肉碎、魷魚等，用料豐富，熱辣辣夠滋味。總結來說，呢餐令人喜出望外，有米芝蓮大廚嘅獨家滷水秘方，加上食材嘅新鮮，用料豐富，冬日暖笠笠值得一試 (⁎⁍̴̛ᴗ⁍̴̛⁎)。

今日嚟到土瓜灣決心要食最地道嘅美食😋見到未夠七點順譽已經坐滿人即刻入去試下😍坐低先見到餐廳曾經受過專訪仲有米之蓮大廚坐陣睇下餐牌已經覺得好抵食🥰我哋叫咗二人餐😆已經十分豐富首先嚟個韭菜豬紅🥰豬紅相當入味，食落都新鮮個汁用咗啲花椒八角去煮，令豬紅好入味相當有心思☺️滷味就唔會得個鹹字入面仲有香料味和藥材味，滷肉淋軟，味道偏淡嗰種仲有必叫嘅鵝腸😋一啲都唔係好韌嗰啲🥹完全同平時食落嗰啲嗰唔同下面仲有豆腐添🥰仲有蠔餅🦪雖然蠔比較細粒，但食落新鮮唔會有腥味，蠔餅脆得來又唔會太燶💯總結嚟講絕對有驚喜😍埋單大約二百幾，真係十分抵食🥹每樣餸都十分足料🥰 除咗好味，仲好有人情味👍🏻

其實初初開既時候都成日幫襯，佢地既雞同魚都好好食，當飯堂。整整下愈嚟愈差…有日買馬友話冇貨，介紹食‘英國魚’，我都唔知咩，是但啦試下。嘩，簡直垃圾。睇到條魚個樣已經驚驚地，食落啲肉除左用乾、柴、散、無味、唔鮮、唔似魚，都唔知仲可以點形容。有相，你地睇完自己判斷….😵‍💫

❤️加餸加餸！今日翻工咁辛苦懶得煮飯，一於買外賣加餸～🧡有無人同我一樣都係咁鍾意食滷水～滷水係嗰種又濃郁、但比起豉油嗰種鮮咸，更加多層次同豐富複雜嘅味道。🩷所以今次特意試下呢間專做滷水嘅專門店！果然名不虛傳～滷水有陣回甘，圓潤又唔霸道！有撲面而來好香、好複雜嘅香料香氣！非常之入味。💙今次食嘅滷水拼盤，足足有齊11樣餸～有獅頭鵝肉、豬頸肉、豬大腸、豬腩肉、墨魚、紅腸、鹵豆腐、鵝腸、鵝腎、鹵蛋、豬耳！好豐富～🩵鋪頭環境好乾淨，到手嘅外賣係暖笠笠，等外賣期間店員仲會邀請客人到店內坐喺度等，好親切！

今天第一次幫襯，見話幾抵食試下啦，中午點左鵝肉雙拼飯，自選鵝肝，瞓啦唔算少其實可以講話抵食的，外觀望上去都正正常常，諗住唔好差得去邊咁大碟都冇用食唔落呀.....總之鵝肉又乾又柴....最奇怪一陣苦苦地中藥味，好似擺左好耐咁，真係世一之最難食😣😣😣適合喜歡中藥的人，sorry....唔係我杯茶, 我平時都鍾意食鹵水的，呢間 前身都係鹵水轉咗手，然後轉左手後定價平咗，估唔到之後咁難食，食過最難食的鹵味，一分錢一分貨便宜莫貪

果然係名不虛傳，30年以上嘅老字號米芝蓮大廚坐鎮。我叫滷味鵝半隻，滷味豬腩片，同滷味豆腐，佢哋用嘅香料果然有所不同，鵝肉嘅肉汁香甜濃鬱，咁好味嘅鹵水鵝先至幾十蚊半隻真係好抵食。仲有豆腐唔會太淋爛，加埋香濃嘅鹵水味可以食多兩碗飯。佢哋嘅豬腩片層層分明入口即溶齒頰留香。用嚟加料真係一流。怪唔得連tvb都有介紹過，所以先買嚟試下，下次一定返轉頭。店舖都好乾淨仲有小菜小炒叫，店員師傅都好有禮，實在值得推介。

經過呢間舖頭，喺出面都聞到幾香嘅滷水味，就試吓買外賣返屋企食！價錢都幾抵食！樣樣都想試，就問下侍應姐姐可唔可以樣樣都幫我執小小，最後就嗌咗鴨肉、豆腐、墨魚片、腩肉，仲有豬紅！老闆都好好禮貌！如果經過可以試吓😋😋✨滷水鴨肉既味道幾濃，個滷水汁都幾香，又 唔會太鹹。✨墨魚既質地都幾柔軟，✨滷水豆腐真係幾嫩滑同埋索晒啲汁，都幾好味！✨腩肉食落去又唔會太肥，又幾入味。✨韭菜豬紅真係好大碗，啲豬紅好爽口，下次都會再嗌👍🏻👍🏻

屋企人好鍾意食潮州所以專登去咗土瓜灣買美味嘅潮式滷水返屋企食由美米芝蓮大廚主理門口掛上琳瑯滿目嘅食物：獅頭鵝、鵝片、鵝肝、各式滷水、蠔仔粥、打冷…好吸引～🤤.一入到去就聞到超香嘅滷水味！✅餐廳好整齊乾淨👍🏻加分我揀左大滷拼點完菜 師傅就即刻切鵝將滷物淋上幾次熱滷水去加熱好有心機返到屋企即刻開嚟食滷水膽、鵝片、腎、豬腸都十分出色💯全部都入哂味充滿滷水香料嘅味用料又好新鮮👍🏻鵝肉彈牙軟滑真心好食 值得一試！✅諗住下次試佢哋嘅鵝肝哩度嘅套餐都好抵食而且每日都會推出優惠套餐可堂食或外賣

餐廳堂食位置不多，只有4 張座位，主要做外賣。一入門口已經聞到好香既滷水味道。餐牌主要有潮汕滷水及潮汕打冷等。價錢相宜。滷水鵝肉併墨魚飯，切得每件均稱，賣相不錯。鵝肉甘香肉嫩，滷汁滲透鵝肉之中，味道濃郁而不會過鹹。墨魚質地柔軟。仲有滷水豆腐墊底，好豐富。仲有碗家感覺的紫菜湯。大大碗韭菜豬紅，有陣微微的沙嗲醬味道，微辣惹味。豬紅爽滑，唔腥。很好送飯。蠔仔粥，一碗足夠兩個人分享。 好足料，蠔仔肥美，粥底鮮甜。

今日係土瓜灣呢間新開嘅滷味店買潮州滷水返屋企晚餐加料我叫咗個大嘅鵝片拼盤 $238 裏面有超多料 鵝片 豬頸肉 墨魚 豬大腸 鵝腸 豬腩肉 豬耳朵 鵝腎 豆腐 超級豐富 份量好大超級抵食鵝片 食潮州鹵水鵝我最鍾意就係食鵝片 因為起曬骨啖啖肉 呢度嘅鵝片新鮮有肉汁豬頸肉 肉質爽脆啖啖肉墨魚 爽口彈牙豬大腸 鵝腸 D腸清得好乾淨冇怪味豬腩肉 半肥瘦 肥肉相隔一層層 有油脂香豬耳朵 QQ口感有咬口鵝腎 我唔食內臟 不過家人話都唔錯豆腐 鹵得夠入味 而且又夠滑另外返屋企炒個菜 煲埋飯就可以完完整整夠食一餐

同媽媽喺土瓜灣辦年貨，想食潮州菜，於是嚟到順譽滷味大王。難得食潮州菜，梗係要叫鹵水鵝片啦！今次我哋叫咗鵝片同蠔仔粥，估唔到份量都好多呀🤭 鵝片薄薄地吸晒滷水汁嘅精華，仲啖啖充滿鵝既油香，而且鵝肉嫩滑又有咬口。 滷豆腐都好入味，同樣出色，滑嫩之餘唔會太鹹，底層仲有花生呢～我哋仲叫咗碗蠔仔粥，人多嘅話仲可以叫一窩一齊分享，蠔味濃郁，真係真材實料呀。蠔仔粥除咗有好多蠔仔，仲有魷魚同大地魚乾，材料超級豐富，充滿鮮味！✨蠔仔粥✨鵝片飯併鵝肝 ✨獅頭鵝片

餐廳位於土瓜灣，主打的就是潮州美食，當中我的最愛一定是打冷。這家潮州滷水店的氛圍簡單而舒適，讓人感受到濃厚的地方特色，進入店內，立刻被香氣吸引。獅頭鵝肉，絕對讓人驚艷。鵝肉的色澤誘人，經過精心滷製後，肉質鮮嫩，口感滑順。每一片都充分吸收了滷水的香氣，搭配上特製的醬汁。這道菜不僅味道豐富，還感受到潮州料理的精緻。滷水牛展配大腸則是一道經典的組合。牛展的肉質軟嫩，滷水入味，與大腸的彈牙口感形成絕妙的搭配。大腸的香氣與牛展的鮮美相得益彰，每一口都欲罷不能。店中提供多款配菜，像是滷蛋和豆腐，都是絕佳的搭配。

估唔到土瓜灣鋪頭仔隱藏左米芝蓮廚師係到！而家新年外賣滿$100仲有9折，仲要送鵝肝！門口見有錶位，就叫左盒鵝片、滷水拼盤，再加鴨舌外賣番屋企食！一打個盒相當有驚喜，真係大大份好足料，4個人食都好夠食！入面第一層：鵝片、墨魚、鴨舌、打開第二層：大腸、肥豬肉、豬耳、腎，第三層先係豆腐，真係超足料，好抵食！🤩🤩🤩味道方面都無咩可以挑剔，估唔到土瓜灣都有咁好食嘅打冷，下次要去埋鋪頭食埋其他小菜先得😋Btw, 呢盒拼盤真係加餸番屋企不二之選！🌟推薦🌟

週日經過見到呢間新開嘅潮州嘢諗住買外賣返屋企加料叫咗個獅頭鵝片拼盤加咗鴨舌拼盤好豐富，好好味，好滑嘅豆腐墨魚片，豬耳仔，豬腸，豬腩肉仲有鴨腎，好爽口好正👍🏻下次會想試吓堂食