順日本料理 (已結業)

唔係時時過海嘅大胃，對於彼岸嘅老字號，不外乎都係冰室、中菜之類但原來嚟天后，有間開咗卅年嘅日本料理，都好出名㗎喎當中最馳名港九新界嘅，就係厚燒牛舌，老闆娘好有信心冇第二間厚得過佢，就算有，只會係嚡果然呢份自信係源自實力，一碗飯有五大塊牛舌，全是激厚，咬落嫩滑juicy，冇返咁上下廚藝都做唔到，仲要連飯底都好開胃除咗牛脷，其實其他嘢都好好食吉列豬扒同樣係好厚，但炸得爽脆，豬肉彈牙肥筋參半，咖喱好有日本家庭料理嘅感覺除咗定食，有好多小食都值得試。沖繩燴豬手亦可展示到呢間餐廳嘅實力擔當，就咁睇以為係爽彈型豬手，點知腍到不得了，煮得又綿又入味，一條豬毛都冇，同時唔會煲爛豬手，究竟點做到？對於食物賣相，老闆娘亦有要求。煎鵝肝整到呈心形，睇得又食得，非常香口唔會膩，仲有沙律中和濃香螢光魷魚都砌得好細緻，排到靚靚仔仔，鮮感非常衝擊味蕾，太驚艷喇

每次去串燒店都必食牛舌，當知道呢間已開左三十年既天后專門店，真係要去朝聖一下😋門口簡單一個「順」字，舖內細細簡單一張吧枱，另有小量沿牆邊既座位，一邊食一邊都有人入座仲以為已滿，但原來樓上仲有二樓。店小小但都有不小員工而且仲好有禮貌👍來得朝聖當然必點重點推介，一人一份主食厚切牛舌，真係厚到以為午餐肉，入口香軟而且無根，廚師好用心煎香，外面脆香入面剛剛好；慢煮關東煮牛舌又有另一種感覺，香淋鬆軟，連蘿蔔都吸收左牛舌既香味。其他小食也不錯，清酒煮蜆隻隻都大蜆厚肉，連湯都好好飲，難得同菜單不附既分別竟然係實物比菜單更吸睛👍

本人好鐘意食牛舌😋一聽到有朋友推薦呢間牛舌店就即刻走去試下🤩一入到餐廳睇都唔洗睇就叫左厚切牛舌飯黎試😚牛舌一上到黎果然真係好厚切🤤仲要有5大塊迫爆左個碗🫢牛舌食落好嫩同時有淡淡火燒嘅香味😝淨係食2塊就食曬成碗飯😂而佢果d配菜同麵豉湯就正正常常啦👌🏻反正我都係主力黎食牛舌👍🏻Overall 黎講$138再加一我覺得係物超所值因為真係好難有餐廳有d咁厚又好食嘅牛舌🤩會係我再黎嘅餐廳🥰價錢：8/10味道：9/10環境：7.5/10服務：7/10

這間日本餐廳位於天后，鄰近天后及炮台山站，已有三十年歷史。店內一共分為兩層，環境寬敞舒適，裝潢充滿傳統和風。午市時段分別設有十多款定食及麵食套餐，另收加一服務費。菜式均即叫即製特別新鮮、美味。厚燒牛舌便當 - $170招牌厚燒牛舌是必叫的主打菜式，厚切的飽滿口感，外焦內嫩，簡單撒上黑胡椒同海鹽，咬開油脂豐腴甘甜，肉香四溢，柔中帶韌；捲成玫瑰花狀煙三文魚，嫩滑帶點煙薰味，入口甘香濃郁；冷蕎麥麵煙韌爽口，蘸上柴魚高湯，冰涼又鮮味，甚至可加入香蔥、蘿蔔蓉、山葵等配料；雜菜沙律伴以柚子醋酸甜清新；味噌湯內有香甜的白蘿蔔，富豆香；幼滑細膩的日本抹茶雪糕富茶香，甜而不膩。香煎野菌鵝肝飯 - $145超大塊香煎鵝肝，豐腴的油脂細膩綿密，入口溶化，滿嘴鵝油的甘香；圓潤飽滿的米飯用上新瀉越光米，吸飽鵝油及野菌醬油汁，有大量爽脆的金菇及香菇片；同樣跟配味噌湯及沙律，還有日式漬物解膩。

平時喺天后覓食呢間舖頭坦白講有啲不起眼😅 原來係開咗30年嘅日本料理感覺都裝修有啲經典 見到咁多人都推薦佢嘅牛舌就專登嚟試吓🥰 果然有驚喜啱晒我呢個牛舌控 其他菜式選擇都唔少而且好驚喜❤️ 真係非常推薦⭐️ 厚燒牛舌飯 👅見到有五塊超大塊既牛舌就知有幾豐富🤣外面輕輕嘅燒香咬落去非常之軟淋🔥 咁大塊但係一啲都唔韌 配上甜甜地嘅厚燒醬汁點綴係超滿足💞⭐️ 照燒銀鱈魚定食 🐟除咗牛舌出色我覺得其他菜式都被低估😛銀鱈魚新鮮得來油香好豐富😜 入口嫩滑而且照燒醬汁唔會太濃恰到好處🤩⭐️ 廣島蠔鍋 🦪湯底比較清甜🍲更加突出蠔肉嘅飽滿同埋鮮味💙⭐️ 雞肉棒 🍢燒得夠焦香好有口感好有居酒屋嘅風味🍻⭐️ 沖繩海鹽雪糕 🏝️入口Creamy 得黎帶絲絲既海鹽味🧂感覺好清新

呢間嘅厚燒牛舌好出名，可以話係牛舌專門店，我都算等得耐而家先去食。晚飯時間都幾忙。👅厚燒牛舌便當 $180第一次嚟呢度牛舌係必嗌。我見單嗌厚燒牛舌飯係$158，但加多$22可以嗌個便當，有煙三文魚、雜菜沙律、味噌湯同雪糕，仲可以跟冷蕎麥麵，所以就叫咗便當。牛舌真係超級無敵厚！但食落一啲都唔韌，係屬於腍身得黎帶少少爽口嘅，牛味適中，幾好食。但一個女仔要食曬三大嚿好高難度，同朋友share食就啱晒啦。🍤天婦羅定食 $1252隻大蝦+蔬菜天婦羅，配麵豉湯、飯同漬物。天婦羅炸得夠乾身，食落脆卜卜唔油膩，大蝦夠彈牙。🐟紫菜金槍魚蓉 $95吞拿魚蓉配生洋蔥、蛋汁同白芝麻。用好脆既紫菜包住嚟食，每一啖都係新鮮同滿足感。🍺啤酒 $28🥃梅酒 $48呢度嘅梅酒係有埋粒梅俾你㗎，我飲左2杯😋

話說我朋友係牛舌控, 佢話帶我去食大大舊牛舌我就一齊去試下呢間主打牛舌既鋪頭咁多數人食牛舌都係配飯, 我但今日就偏偏想食麵 點知又真係有得簡麵喎 Very good 今次我叫左關東風慢煮牛舌素麵，個關東風應該就係多左舊厚切蘿白。蘿白幾入味唔錯! 而牛舌雖然好厚但因為係熬煮既關係都十分入味JUICY!

牛舌關注組唔少網民都推薦食呢間位於天后嘅順日本料理 作為牛舌愛好者嘅我當然要搵日去試吓啦！店舖開業至今已有30年 環境都好闊落 有兩層 裝修望落好似日本嘅小店～·厚燒牛舌飯 $158我同朋友一見到碗牛舌飯都忍唔住「哇」咗一聲！佢竟然足足有五大塊牛舌 而且厚度係我哋平時喺坊間食嘅Double有多 超誇張！表面有少量黑椒同海鹽 牛舌燒得外脆內軟 入口略有煙韌柔軟嘅口感👍🏻牛味都好香濃 旁邊亦都有啲小菜解膩 絕對係必食之選！·炸軟殼蟹沙律 $110佢個軟殼蟹沙律份量都唔細 軟殼蟹切到同青瓜同車厘茄一樣嘅大細 方便同其他人share食～·清酒煮蜆 $145每粒片都大大粒亦冇咩沙 食落非常之鮮甜！·香煎鵝肝 $130鵝肝下邊有烘香左嘅麵包墊底 有解膩嘅作用 一啖食落去成個口腔即刻充滿鵝肝油 再配合香脆嘅麵包 真係超邪惡啊～·榴槤雪糕 $20本身諗住食完上面啲嘢食就走 但係有無意中見到個餐牌上面有榴槤雪糕 榴槤味勁香濃 當飯後甜品食都唔錯啊📍 順日本料理 (天后)天后永興街23號地舖

離遠已望到好大個招牌寫住牛舌料理，就被吸引左！餐廳望落好細，但原來地方好深好長，仲有兩層！👉🏻厚燒牛舌飯 $158呢個牛舌飯真係不得了！大大件，件件都激厚，好有份量！肉味好香濃，彈牙嫩口有肉汁！定食配有前菜同湯，要讚下個湯唔鹹，好清甜！👉🏻紫菜金槍魚蓉 $95有生蛋同洋蔥同呑拿魚蓉一齊攪勻，按喜好加wasabi同豉油，用紫菜包住食，非常夾！柔滑嘅質感加埋紫菜嘅脆口，口感豐富！👉🏻香煎鵝肝 $130Creamy，唔腥，咬入口有絲滑質地，配酥脆多士，非常享受！👉🏻壽喜鍋 $120牛肉唔鞋唔韌，有豆腐冬茹同娃娃菜，入味，個湯底夠濃郁！👉🏻梅酒 $48濃郁嘅梅子香氣，帶有微酸口感，餐後小酎一流！

我諗呢間嘢我都食咗幾年，牛舌水準保持咁好😍厚切之餘肉質軟淋，但又唔會淋到好似爛嘅感覺🌟計計埋埋都食過10次，每次都有食牛舌。差唔多一塊有2.5cm! 仲要有4塊咁多😆❤️可惜嘅係，已經冇咗炸雞食🥹另外今次叫嘅蠔，唔夠鮮甜，可能冬天食會好好多！始終都要跟返個季節食時令海鮮天婦羅定食都唔錯！炸皮薄、乾、脆，無油膩感。想講白飯都煮的好好食😂😂😂我平時戒飯，但係呢個咁大碗我食曬😂已經推薦過好多人嚟食💓

前幾晚放工終於試咗牛舌關注組推介咗好耐嘅厚燒牛舌飯，原來餐廳已經開業30幾年，除咗招牌牛舌飯仲有其他日式定食同炸物，質素冇令人失望。  厚燒牛舌飯 $158今次叫咗招牌厚燒牛舌飯，跟餐仲送麵豉湯同沙律。一碗有五大塊超級厚嘅牛舌，煎到外脆內軟，中間好juicy，就咁用鹽同胡椒調味已經好好食。(๑>◡<๑)香煎野菌鵝肝飯 $155鵝肝好大塊，煎到好香，好重油脂，唔會太膩。野菌索晒啲汁好惹味。 廣島蠔鍋 $120朋友鍾意食蠔，所以就叫咗個廣島蠔鍋。廣島蠔有3隻，加咗蔬菜同豆腐。湯底鮮甜，好啱送飯。 

厚燒牛舌飯 $158 我同朋友係餐廳開門前15分鐘左右到，不過已經有好幾個人排隊，我哋就即刻加入排隊去等。店舖唔大，大約有10幾個座位。幸好我同朋友食到第一輪，唔係就至少要等多一個鐘頭🙈🙈 不過其實入到去都要等大概20分鐘，因為大家都有叫牛舌飯。我同朋友一人叫左一份招牌牛舌飯餐，跟餐會有一碗麵豉湯，沙律同漬物。一碗牛舌飯裡面有5片厚牛舌，餐廳用了黑胡椒和海鹽調味，還稍微煎過表面。牛舌入口超級軟滑😊，但溫度只是微微暖的，雖然煎過但香味不夠，調味方面算是普通水平，吃起來感覺就像一般的烚牛舌。其他配菜表現還可以，但性價比不太高😔😔。總的來說，牛舌的厚度不錯。如果不用排隊而且住在附近的話可以試試看，但我不會特地去吃。#北角美食#日本菜#燒肉#香港探店 #旺角#foodie#hkfoodie#香港 #一人食吃什么 #探店 #香港美食探店#北角必食#香港美食推薦#香港美食#香港美食攻略#moodzfoodie#moodzfoodz

喺天后附近想食個美味午餐，即刻上網搜尋一下，見到呢間日本🇯🇵料理，問吓朋友👩🏻‍🦳有冇反對😆，佢話OK，咁就嗱嗱聲同朋友👩🏻‍🦳行過去開餐🤣呢度有多款 Lunch Set 可以選擇，揀咗$145「香煎野菌鵝肝飯Pan Fried Goose Liver with Mushroom on Rice」同埋 $170「特別推介／Special Recommendation • 厚燒牛舌便當 Grilled Ox Tongue Bendon Set」「厚燒牛舌便當」包括有~~厚燒牛舌3塊、煙三文魚、雜菜沙拉、冷蕎麥麵、味噌湯、雪糕，都好豐富🤩「牛舌」勁厚切🔪，油脂好豐盛，食落香口🤩「冷蕎麥麵」夠彈牙🤩，喺咁熱嘅天氣食特別好味😋煙三文魚、雜菜沙拉、雪糕 等都好食🤩「香煎野菌鵝肝飯」：鵝肝夠滑夠creamy，都係油脂極豐富🤩；米飯上邊仲有大量野菌/金菇，加埋醬油撈飯食，好惹味🤩

牛舌關注組長期榜上有名之牛舌飯呢間勁出名嘅就係佢哋嘅超厚牛舌！厚到應該有2-3cm🤣？男朋友搭起啲牛舌係可以高過個酒杯就知咩料😂上檯有成5塊勁貴嘅牛舌，食落佢哋只係簡單用黑胡椒同海鹽調味，而且唔會太咸，牛舌中間好軟心，不過食多幾嚿就有少少膩，夾埋啲薑食就啱啱好！飯底係用日本進口嘅越光米，都幾好食！唔怪之得咁出名！嗰日想叫紫菜金槍魚蓉，但師父冇返工食唔到🥹炸芝士年糕就係普通平時食到嗰種，價錢相對偏貴就唔建議叫～瑩光魷魚好高質！係Omakase食到嘅level🤣豆腐雪糕都好surprise！真係好似食緊豆腐咁lolOverall 除咗牛舌其他都好高質唔伏！回頭率很高！

同個仔游完水，佢話好肚餓，老婆就搵咗泳池附近呢間日本料理。叫咗三樣嘢，一個係牛舌素面，一個係牛舌飯定食，最後仲有一個煎鵝肝飯。三樣嘢嘅味道都唔錯，個仔又唔游完水之後比平時食得多好多。