韓韓館 (已結業)

韓韓館都食過好幾次，吾算好貴又吾係平！ok啦我最like 佢鐵板邊有蛋漿及芝士粟米！食完仲可以添食前菜例牌泡菜，蘿蔔，及生菜我地叫左個豬肉拼盤 $188肉吾會硬，豬頸肉幾爽口，豬腩肉香滑煙肉年糕 $58煙肉快熟快燶！所以我會分開煎！整好再卷埋一齊紫菜牛肉卷 $48吾知點解來親都要叫來食！好鍾意食 整體上吾錯，吾太貴！ 我地係會員有會員卡有9折，埋單$294 ，算ok啦！可以再來食

終於有時間相約舊同事食飯，大家一排無見，見到真係雞啄唔斷！幾個女仔最緊要搵間舒服乾淨而又坐得耐ge食店。為左睇最近當紅的蛋黃哥，所以就約左朗豪坊。大家揀左食韓風大熱的—韓韓屋早排都有睇到雜誌介紹下，今日終於一試首先環境唔錯 油煙唔多 而且枱與枱之間都夠寬四個人叫左個二人餐 再散叫小小講左二人餐先有 兩條五花腩，一份牛肉，一份豬肉。再有大醬湯，牛肉拌飯，海鮮煎餅，兩杯飲品，兩份雪糕。 二人餐就大概四百幾另外散叫左份半半炸雞 同 炒年糕。炸雞不得不說真係好普通，如有下之唔會再叫；年糕就正正常常，而且份量充足。至於大醬湯，個面鼓醬未拌好就上菜，要自己不停攪勻，味道是ok的。拌飯味道唔算辣，怕辣的朋友都食到。海鮮煎餅夠哂脆，而且用料豐富，絕對可以encore。肉類方面，五花腩比較肥同多油。除左泡菜、生菜蛋漿同芝士栗米都係無限refill , 所以encore左好幾次，蛋真係好滑，而芝士栗米就夠哂惹味！上菜速度超快，所以張枱放唔哂野食，店長好快就開多張枱仔比我地放食物，相當貼心

本身之前黎過一次，諗住等睇戲就食餐開心啲，點知今次好大落差，失哂望一入去即刻點野食，點左個厚切味噌豬腩肉，牛肋湯，同涼拌冷麵，蛋醬任添，滿心期待前菜有3碟，蘿蔔片，泡菜，泡菜味蘿蔔，蘿蔔片幾好味，而另外2碟，唔需要擺入口啦，咸到食唔到，同埋係一樣味既😑其他野未到，發現隻匙羹污漕左，叫人換過隻😒點知佢比番隻更污漕既比我，隻匙羹係有上手既蛋漬。。。第二隻既漬仲勁過第一隻。。。厚切豬腩肉同平時既豬肉片無分別，分量有4塊，好消息。。。係有肉味，不過味噌只係求其擺啲醬係上面😅，一啲味噌味都無。。。牛肋湯好重味精，好咸，飲耐左，真係咸到唔會再飲得落個拌麵，等左半個鐘都未到，追左一次，個待應應完我之後無左影，到追第二次搵個年資大啲既黎講，當我地話未落就唔要之後👿，5分鐘左右個麵就到左，個麵睇落都可以。。。一擺入口，啲麵淋到想反胃，好努力食左2啖之後，即刻埋單走。。。個個待應好似唔想做，以後無可能會再黎😡伏位其多，主要食朗豪坊既租金

大概12點半到達，只有一圍枱。叫了泡菜海鮮豆腐鍋，完全唔得......首先勁多麻油，差唔多成個面都係，把泡菜味都給蓋過了。咬了口泡菜，由於湯把辣味都帶走了，只有咸菜味，很失望。至於海鮮，都是細細粒的，唯一最滑算是豆腐了。這麽"特別"的泡菜海鮮豆腐鍋，我想不會有下次了。泡菜味道正常，可再添。

好少可會忍唔住特登寫負評，用膳時間己經就十點，唔係full house.叫完餐，送左碟肉黎就算，等好耐都無人開火，算，我自己開，但爐邊蛋，芝士，泡菜，生菜小食個d等左勁耐都無，忍唔住問佢，佢話唔記得，我回佢一句已經燒緊架啦喎，不過佢應該聽唔到，呢d嘢應該未上肉己經要攪掂啦跟住叫佢加生菜，睇住佢拎住碟生菜行左成個場都揾唔到我地，周圍問其他枱係咪佢地既，遊魂到咁！到full house個時咪亂到七彩？再講d肉。。。牛無牛味。。。豬都係一般紫菜飯卷味道ok但飯太濕，口感麻麻，但己經係最好食個樣唔講以為個餐只係二百幾蚊⋯服務質素都無樣可取

我們2人叫了一個水晶套餐加炸雞原味，共499。首先，上了前菜，細細碟，有泡菜，不知名的菜同芽菜，但味道不錯，有小小驚喜。再來就是在爐邊放了芝士corn、泡菜蛋，同蛋only，好像韓國姜虎東韓肉店一樣，味道好好，可能我們喜歡食芝士，蛋的就好滑，味道剛剛好，沒有很salty，btw, 他們也有jammy cheese ribs食，下次可以一試。開始試炸雞，真的好像香港某連鎖快餐店的炸雞，味道是好的，因為炸雞都好難唔好食，但不是韓式有小小失望，都是李家的好。份量有6份，還好，有蘿蔔陪碟，好好味，這同韓國的有得比。上大醬湯了，外表真的一般般，但好好味，沒有很salty,很香的大醬味，足料湯料，有豆腐，好滑滑的，海鮮什麼的，一口一湯，感覺好舒服，湯對韓餐來說好重要。主食當然是燒肉，有牛肉，豬頸肉同重點的五花腩，自己燒自己控制火候，友人燒肉手藝一流，我這大懶人就是等食，牛肉同豬頸肉都泡得很入味，可惜就是沒有太多包菜提供，也沒有醬料提供，不過是夠味的。重點的五花腩是韓燒的重中之重，半肥瘦，脆波波，好好味，是的，我的形容詞很泛味，總之五花腩是必食燒物。其他的石頭鎬飯同海鮮煎餅也很足料同好食，加上跟餐的

昨天是我生日所以想去食喜歡的韓式BBQ，所以去呢間試下，結果很失望！雖然話是韓式但只是皮毛：泡菜3款少少地用一位小碟仔上，沒有上韓式辣椒醬及豆板醬及醬油（要叫才攞少少辣椒醬嚟，但味道差）。我們點了加拿大豬腩肉，調味豬腩肉，大腸，啲加拿大豬腩肉是冇肉味，調味嘅豬腩玉肉味道一般⋯ 水冷面比較我以前食的糊⋯ 呢餐只有個韓國壽司比較好味，及在爐邊有煎蛋醬、泡菜蛋醬及芝士粟米比較特別。啲服務人員水平也是一般⋯ 所以都費事影相。

難食到離譜，牛肋肉無味，食到一半已經唔想食，汽水一杯得七成，炸雞味道還可以，但呢個係港式炸雞唔係韓式，鐵板燒一次就有炭屎，叫佢換塊新嘅都係禁，不知所謂。😖😖😖

今次嚟到韓韓館食燒肉午市套餐, 叫咗牛舌套餐同牛胸腹套餐, 每個餐都包一碟生肉, 前菜, 湯同埋飯 牛舌五十九蚊, 而牛胸腹就六十九, 都算合理.內在嘅裝修都幾新, 好韓國feel 尼到多圓檯, 啱哂一班三五知己聚舊, 一路燒肉一路談天說地每碟生肉量都幾大, 唔洗驚唔飽. 牛舌好爽嫩, 好好咬囗, 而且鹽燒都醃到好入味可惜牛胸腹就唔太新鮮, 一上碟已經係暗啡色, 有兩三塊略肥, 而且冇乜牛味, 建議大家唔好喊

如果想食韓燒，呢間野真係麻麻。雖然我在星期六，6點半去到唔洗等位，我同朋友2人叫了1份豬面肉，1份牛肉，1碗水冷面。豬面肉係好食嘅，不過失望係因為原來D蛋，食完無得再加。 唔係呀麻。。。韓燒喎，無得再加 之後到碗水冷面，一拎上枱，水呢～雪呢～ 連最基本嘅都無，D面變咗撈麵，仲要淡而無味添。我朋友第一次食水冷面，佢仲問我水冷面係咁㗎？唉。。。。呢餐真係好失望。

是日同朋友一齊到朗豪坊覓食，搵左呢間開左有一段日子嘅韓韓館嚟試下 本身一眾同行友人都係韓燒熱愛者，見到有新韓燒餐廳當然二話不說衝左入去  由於係閒日，午市人流唔算多，所以唔洗等位就可以入座！最令人意想不到嘅係呢度嘅lunch都幾抵食呢！我地一共叫左幾款唔同嘅Lunch Set share嚟食，牛、雞、豬都叫齊哂 而每一set都配有泡菜作為前菜、牛肉湯、一碟肉類、一碗白飯同埋飲品，認真抵食又齊全。叫左咁多樣之中，大家一致認為最好食嘅係牛肋肉、豬頸肉。牛肉由呈上時已經見到色澤幾靚，脂肪與肉比例亦好平均 雖然份量睇落唔算多，但其實佢係厚切的，加上白飯唔夠食嘅話仲可以任添，非常貼心 至於豬頸肉就稍為略遜於牛肋肉，但都仍然好食，唔太肥膩，調味料仲好入味。不過要注意，爐火好快就將豬肉烤熟，建議大家都要小心啲燒，好易燒燶呢  我地另外仲有叫到雞肉果一set，不過味道就冇咩驚喜嘞，相比之下，如果下次再嚟食就會選擇返牛肋肉/豬頸肉！

是日晚餐朋友想食韓式BBQ，所以睇戲前為方便起見就試試呢間餐廳點知…等咗大約半小時就有枱侍應先給水杯給我們，一加水後發現如前文所提及有層油浮面，要求換新一套杯後再試，結果一様！唯有好似飲茶前般清洗一番由於洗杯所以都順便抹下個碗，一抹下真的不能相信白色的紙巾上即染成淺橙色食慾即時大減！但我們都叫了紫菜卷、年糕、牛排、簿豬片及厚切五花腩紫菜卷，好似小學生第一次做的，鬆鬆散散，不能完整夾起，賣相差，味道一般炒年糕，味道清淡不辣燒牛排，味道一般。反而燒簿豬片可能有調味味道較佳，厚切五花腩都係比牛肉出色！所以想燒肉嘅大家都係擇豬比較好了！前菜、調味漿、生菜都係叫才會付上！如有需要一定要自己先提出哦！總結：只會試一次！清潔差！味道一般！應該不會有下次吧

早前朋友話想食, 但繁忙時間只可以walk in所以先派朋友黎等位, 未夠七點, 本身有檯, 但我地四人, 侍應話要有半數人先可以入得點知當我地到時, 已無位, 只得番最入果張8人檯, 由於我地4人, 又唔想再等, 所以唔介意搭檯之前食過第二間韓燒, 唔係任食果d, 人地既燒板唔係用呢d佢呢個圓烤板好易痴燶底, 要換左3次側邊既蛋汁, 一條是加左泡菜, 一邊就原味味道ok 的, 不過就無得免費refill喇, 要比$28至於前菜, 3小碟例牌必有泡菜, 椰菜, 辣蘿蔔我只好說, 連基本的做不好, 相信其他都不好吃韓國菜的基本菜"泡菜"都泡得唔好, 我不知怎能辦到韓國菜館?!!完全唔入味的泡菜, 我真係第一次食, 怒! 雖然是free, 也可無限refillbut i'm sorry, bad comment真的要給!叫左豚, 牛肉各4款, 煙肉年榚卷是最好食同特別的d肉唔知點解, 燒完都幾乾, 無乜肉汁唔似出面既韓燒, 燒完有肉汁諗住問侍應有無醬汁 , 無錯....是要問的, 請不要忘記我地坐的位置, 好似一間隔離房, 完全係無人理叫野, 加野都好辛苦, 我建議佢應該好似沙x王, 加個

星期一晚上8:00pm, 都幾多人等位, 要等30分鐘到. 終於到我同友人啦.我地諗緊散叫定二人餐, 散叫都貴貴地, 二人餐雖然抵食, 但超飽. 而且最後坐左陣都冇送上雪糕.加上我地都太飽都忘記左雪糕. 最後回家時先記起佢地冇上雪糕, 唉.而且店員唔夠, 加生菜, 泡菜都有難度, 仲要一開始冇俾前菜(泡菜)我地.- 二人餐 ($468) : 加拿大豬腩肉 - 2大塊分量十足, 睇唔出燒好會甘多, 食得好飽. 夠嫩入口油甘香, 燒得香口, 用生菜包住食一流. 而且好有豬肉味.牛肋肉 - 又嫩又有點咬口, 肉味越咬越出, 不過牛味唔算重.豬頸肉 - 爽口有彈性, 帶點油香. 薄薄地易咬口, 配泡菜好正.海鮮大醬湯 - 好似味噌湯, 唔算太咸, 熱熱地易入口, 飲得好舒服. 海鮮料好多, 但只係雪藏細細粒個d貨.冇咩味道, 反而豆腐滑滑更吸引.海鮮香蔥餅 - 海鮮料同上都是雪藏細細粒個d貨. 不過個香蔥餅就好香好軟綿, 只係油左少少, 都好味.石鍋泡菜牛肉飯 - 呢個最岩食, 因為拌勻後, 用石鍋既熱力, 除左令個飯熱落去, 仲有飯焦. 好正.飲品2杯 - 雪梨特飲, 清甜爽口, 仲有生果粒

新開韓國店,一行8人去試新野,裝修好特別,我好喜歡佢的椅抽氣都好強,好似去左韓國禁,入到去就遠離左香港禁啦*^O^* 朋友和我都超喜歡,而且可能多人食,樣樣我們都試,叫左12碟左右,可惜當日無我想食的甜品和特式飲品……唔知點解好多都無了＝0＝ 我們食左好多款肉.最值得推介一定要選厚切,佢地唔會鞋又好咬口,我喜歡配生菜+泡菜+蒜頭, 配左菜就食極都膩,呢到小菜係任取添加的,我們添左好多次……另一推介係蛋啦,佢會送一次蛋醬係爐邊,又唔老喎,蛋醬應該加左d野,佢會放d泡菜成為泡菜蛋,好特別,見到有個手搖便當,又order試下,食前搖佢先,我們每人都搖左佢幾下,呢個飯盒其實幾好架,放工要發洩可以黎叫呢個飯,當佢仇人禁搖,然後食佢落肚,重點係搖完當然唔靚仔啦,但又好味喎,即拌飯禁囉!海鮮煎餅有虾,八爪魚,帶子仔都幾香脆,普通煎餅,會推介大家去試,注意旺角韓韓館同中環韓韓館名字一樣,但食物唔同架,中環主要係食部隊鍋,旺角主力韓燒,我都有係到試部隊鍋,呢到細鍋d味道淡d……最大問題係漏單好嚴重,大家有心理準備追下佢呀!