韓韓館 (已結業)

好耐都冇寫過食評，見呢間餐廳有咁多負評，又話啲服務好差，我決定要幫佢平反其實黎過呢間餐廳今次已經係第三次，可能每次黎都唔係好多人，所以啲服務都幾好。完全唔似其他食客講得咁差。至於食物方面，我每次黎都係叫套餐，我覺得呢個價錢呢個份量我可以接受到。不過我老公就覺得唔夠佢之前你都會加肉。 我特別推薦佢哋嘅炸雞翼，尤其是辣嗰種。我本身唔食辣都好鍾意佢呢個醬。我媽咪試左之後都話好好味。其他食物嘅水準我覺得OK，唔算話超級好食，但係亦唔差。我之後都會繼續黎。

朋友喺朗豪坊做美容顧問，佢返埋今個個就放產假，所以今日我喺pure做完瑜珈就揾佢食個lunch佢話想試下韓韓館去到得兩張枱有人，甘就可以擇個濶落d嘅位坐喇，因為佢個肚都好大下，甘就擇個4人卡位吧，點知張張卡位都有預訂的牌，甘我話我地想坐lee張，個侍應冇出聲，甘我地梗係坐啦！之後佢話冇曬放題，因為時間吾夠，得返午餐，甘我問午餐有d乜，佢叫我地行出門口睇，😡😡😡我話你地冇餐牌？佢又吾出聲，真係吹漲！之後我地點左餐，再加多個紫菜卷，（餐牌冇寫有乜野味）佢問我要乜味？我問佢有乜味？佢答我有三隻味...我再問佢甘有邊三隻味？又再吹漲多一次😡😡服務非常差，難食，以後一定吾會再幫襯😡講真，食嗰d好平野韓國任食放題仲好味過佢多多聲!

首先侍應叫極都唔應人，野食水準差到冇人有，冇諗過俾幾百蚊食d咁ge垃圾，一路食一路吐番出黎，最離譜d炒年糕硬到好似細個讀書擦唔到ge擦子膠，水冷麵冇水又冇冰？點解叫水冷麵？叫左一客魷魚圈，原來係好似一隻手指尾ge白色條狀，咬唔開又無味，說好的魷魚圈呢？最後叫服務拎牙簽，點知支支又濕又有油，好嘔心，真係冇樣好，bad list!!!

mk韓韓館分店晚市都變埋放題style 有3款價錢揀我地要左最平$168/位 無海鮮無牛肉 主打豬同雞一人包2杯飲品小食方面試左炸雞同沙律炸雞同有原味/辣味2款 個人認為辣味個汁濃左d 原味會較好但整體都夠脆夠熱至於沙律比較有特色柚子汁酸酸地好開胃 配合生菜好味道肉類方面最愛甜味豬腩肉 肥肉烤完香氣四溢甜甜地既醬汁特別惹味另外估吾到蜜糖腸係禁正既吾係細細條個d腸仔 而蜜糖味配合烤既形式好夾順帶一提佢爐邊個d芝士粟米可無限refill芝味十足 一拉長長芝士絲吊住粟米本身好香牛油味 加埋個芝士正爆我足足refill左4次成餐可以不停烤肉 岩晒食肉獸

今日行左一陣朗豪坊，見到呢間野，好似唔錯，8點去到，見到只有2.3枱客等緊，攞籌，原來平日9點後2個人食够300有得減100，都幾抵，有3個選擇，我揀左198 豬牛雞等左半個中有得入了，一坐低就有份免費嘅豬腩，好肥美，職員倒左蛋漿同芝士粟米，上左生菜籃同前菜首先緊係剔左紙先啦，有牛舌，肥牛，豬頸肉等等，仲叫左辣嘅炸雞，泡菜海鮮湯等緊嘅時間燒左塊豬黎食，幾爽口，唔騷，但略嫌太肥燒左一陣，炸雞同湯上左，湯望落去好清，但原來撈到底有好多海鮮，蝦都有2隻，幾好飲，炸雞唔太辣，可以肉類都上黎了，望落好好食咁，牛舌同埋肥牛卷露筍最好食，叫左幾轉，最難食係腸，無味食到最後叫左甜品黎食，有驚喜，好好味總括真係好滿意，食物算高質，除左服務態度，叫極唔應，一係扮睇你唔到

三個男人去食 張枱細都算 落單舉手舉左兩分鐘都冇人理 收嘢又冇人收 攞個汁攞枝飲管啲人又唔記得 落左單半個鐘一片肉都未有 所有嘢都要催三催四 0服務仲要收服務費 200幾蚊食啲咁嘅嘢仲要嘢飲唔任飲 放題好過佢！絕對冇下次

放假有咩好做?當然去搵食啦～今次推介係朗豪坊嘅韓韓館🤗每次經過都見到好多人等位,今日約咗好姊妹行街,就順道去試吓呢間韓燒啦～呢間係任點任食嘅放題,有3款選擇:（雞豬）（雞牛豬）（雞牛豬海鮮）我哋就揀咗（雞牛豬）嘞,因為海鮮唔多嘢揀,所以叫咗$198嘅明洞放題嘞~其實除咗叫肉類食之外,我哋都有叫熟食,韓式炒粉絲👍海鮮大醬湯,必推😋...如果妳鐘意飲麵豉湯嘅話,妳實喜歡呢個湯👍韓式炒年糕都好味👍係手搖便當有失望,味道麻麻...燒烤肉類就牛五花係必推,牛味重,好香,雞肉粒都唔錯👍最回味係佢哋送果條長長嘅豬面肉,超好味👍👍👍今次每人$220都抵啦～

原本等埋家人後去瓊華食飯，後尾同家人決定試新野食~韓韓館。會合了家人，等埋晤洗10分鐘就入得坐了，我地都決好食明洞套餐。我地叫左個海鮮大醬海，海鮮得小量但飲落有d似麵豉湯。我地仲叫左牛，豬，雞樣樣都試點~有厚切豬腩肉，豬頸肉，五花露荀卷（食落好爽口），香草雞腿肉（肉質嫩滑），邊爐蛋（食落好比蒸水蛋），牛肋肉（因煮熟了點個都好美味），牛五花（食落有點薄燒牛肉xd），手搖便堂，水冷麵（咬口會略為有點韌度，食落shushu聲）。

韓韓館位於旺區商場 – 朗豪坊，是跟朋友飯聚的最佳地點，方便之餘價錢亦非常均宜。限時110分鐘，店員會先跟我們簡單說明一下後，菜單為牛肉、豬肉或海鮮類型的。讓我們選好後，再入座開始計時110分鐘任食，每人包2罐飲品(汽水、提子汁、芒果飲、烏龍茶等)，台面更提供凍水。是次我的朋友聚會共5人，所以是長台，2個燒爐。入座後，我們便可以點選菜單再提交，很快食材便送到了。肉類都很好味，並非廉價次等的肉，都好有肉味，除了生肉選擇，更有韓式的熟食，小食、沙律、飯、湯、甜品等。鐵板旁的是甚麼? 有兩格都是雞蛋，蛋有原味的蛋及辣味的，入面應該是夾雜了泡菜，另外就是粟米~爐開了大約10分鐘，蛋已經熟了。蛋很滑，好好味！如果焦一點更好味，下一次等焦一點再吃~肉類方面，不得不讚就連牛舌都分成厚切及薄切的，我還是比較喜歡薄切的口感、加上放上爐上15秒左右已熟透，很有牛肉味！而厚切牛舌，比較煙韌有嚼勁。小食方面，韓式炸雞更有原味和辣味選擇，兩隻味道我也很喜歡~不過挺辣的。脆卜卜的外層，配上韓式辣醬，辣得很過癮！至於湯類，共有三款熱湯選擇，辣牛肉湯、辣海鮮豆腐鍋、另有豆腐大醬湯，湯料很足~味道比較濃，咸了一點點，而

第一次同朋友到來的，原來任食韓燒價錢好抵食有厚切肥牛，有前茶任添加，有韓式芝士蛋內有粟米相比其它韓燒獨特之處就係有年糕煙肉卷，同埋露荀肥牛肉卷，而沙律係海苔豆腐連泡菜汁，生菜新鮮口感爽甜最後甜品特別有韓式柚子雪糕，內有柚果子

部隊鍋:底部好多菜, 仲有紅蘿蔔, 年糕, 腸仔, 午餐肉, 茄汁豆, 泡菜, 拉麵. 雖然睇落材料豐富但份量少, 加上部隊鍋材料都比較普通唔夠吸引.湯底係韓式辣醬, 味道唔辣比較普通, 整個鍋好似韓國公仔麵味道, 只係多配料. 年糕好好咬好煙韌, 拉麵最好味.加配料: 芝士, 豬肉, 魷魚:豬肉係五花腩薄切, 好快煮, 嫩滑有肉味, 份量算多抵食.魷魚都好新鮮, 好彈牙好爽滑.芝士必加, 因為有拉麵加入芝士好濃郁滋味.炸雞沙律:份量好多大大碗, 西生菜好多都算新鮮, 沙律醬用柚子醋汁好清新開胃. 有幾件炸雞, 估唔到炸雞做得唔錯. 有肉汁又唔鞋, 啖啖肉無骨, 炸皮好脆口.青瓜馬格利 :當日其他口味的馬格利沒貨, 所以只可以點青瓜馬格利. 青瓜好清爽都岩食熱食時飲, 馬格利米酒甜甜易入口, 好岩女仔飲, 而且酒精度低.

不愉快經歷！！同班朋友去係下午去食，食110分鐘$198。食到咁上下，有個staff同我地講仲有10分鐘last order,有無野要？我地叫左甜品。過左幾分鐘，當甜品上左，就有另一個staff走黎同我地講我地食過左10分鐘，要加時，每位$65半個鐘！！！！同一個看似資深既職員理論，佢只係識答，無辦法，公司政策係咁，張單已經出左。一係你打去office畀意見。前後理論左3次，佢地先肯讓步。最後發現原來係last order既職員過左時間先last order,但無同上司講……！！至於食物方面，質素還可以，份量多。喜歡爐邊蛋。因為無咩人，所以食物上得快，但員工只顧傾計，唔收野…食品選擇比較少…甜品唔錯。乳酪雪糕。

之前吃午餐仲好地地，麵條爽滑彈牙，醋算不上絕配但總算可口，然而今次晚餐再來時便出事，水冷麵麵條過腍有怪味，海鮮大醬湯配料比午餐少很多，牛肉紫菜飯卷中的牛肉完全沒有燒香了的味道，冷凍無汁，完全不像午餐吃的好！炸雞翼的炸粉亦過硬沒有鬆脆感覺，怪不得晚市亦沒什麼人光顧！事出必有因，水準非常不穩定，如要試就先試午餐好了！

本身我其實吾太好韓食,一來我吾食得太辣,二來對D醬汁無咩興趣但一次偶爾機會下去左韓韓館食   到而家都去左不下10次個人認为佢吾算好貴 地店又方便 而且好多時去都吾洗等位 的確方便每次黎野食前都會例牌俾D前菜,有蘿蔔,生菜,豆芽佢野食都算黎得快 通常ORDER完10MINS到都有野食店員會先幫你加D蛋漿同芝士粟米 仲可以REFILL叫左個海鮮湯 都好足料 有青口,蜆肉,凡立貝,再加埋豆腐 非常惹味但飲到尾個時可能會有D咸 韓式卷有幾款 我揀左牛肉卷 有D酸蘿蔔係中間酸酸地好開胃炸雞揀左HALF HALF 3隻辣3隻吾辣可能我吾太食得辣 我覺得吾辣好食D 而且無禁重濃味肉方面揀左朱腩肉牛肋肉果然邪惡食物係特別正正子個朱腩肉D肥朱膏同D朱肉一層夾一層 好有LAYER XD食落去D朱油香食在無得輸牛肋肉食落無禁肥膩 但牛味好香 仲吾會UN最後誠推大家要叫呢間柚子味既冰沙佢有好少既酒成份 妬飲柚子米酒一樣正仲要晚市飲BUY 1 GET 1 FREE 點可以吾試先?

裝修好靚俾佢呃左入去，點知係咁差。一斟水落不銹鋼杯度就浮起一層油，好噁心。叫左燒酒點個玻璃杯都無，俾隻好似打邊爐裝豉油嘅小碟我。厚切五花腩好薄，可能早餐食嗰塊豬扒仲厚啲。辣味豬腸一上台，就只係白色嘅豬腸係咁易有少少辣汁喺上面，醃都無醃下。全晚最正常就係紫菜飯同泡菜。一定唔會再去！