韓閣 (新都城中心二期) (已結業)

週末晚上閒來無事，來到寶琳照吃的，這家店位置不大，菜品種類不少，選擇了一個炸雞槌，味道真的還不錯，而且價格不高，不過當日點了好幾個都是買空了，失望，拌飯味道正常發揮，烤五花肉味道很好，肥肉略多，飲品很解渴

將軍澳foodie又嚟啦！知道寶琳新都城新開咗間韓國菜，就趁平日夜晚去試下😛試業期間滿$200仲會減$20喔😆我地六點半入座，都差不多滿座了，過無耐門口就好多人排隊了～·✨傳統甜辣味炸雞(少辣半份) $118 半份炸雞就有五舊咁多啦，分別有一隻雞髀、一隻雞翼同埋三隻雞胸😂我自己就食咗隻雞髀雞翼同半隻雞胸🤤🤤🤤要讚下個炸雞🍗，首先真係即叫即炸熱辣辣，甜辣味叫咗少辣，感覺會似甜酸味多啲，但係好開胃同好惹味嘅，炸雞外皮脆卜卜，雞髀同雞翼又夠juicy😍👍🏻雞胸我不嬲都麻麻哋，但佢呢隻係韓式炸雞來講唔算鞋嘅，接受到👌🏻餐廳仲好貼心地有比一個筒裝骨同埋有兩對手套🧤打食評時望到餐牌先見到可以免費轉雞鎚翼，半份就係8件omg😱但唔知係咪變咗細細隻嗰種，因為5舊係每舊都好大隻嘅🤔·✨蟹三式石鍋飯 $72蟹三式就係松葉蟹肉、韓國蟹膏醬、蟹籽🦀石鍋飯仲有一隻生雞蛋、蘿蔔絲、菠菜，仲比咗樽韓式辣醬，按個人喜好加入啦😉攪勻之後我個碗有加辣醬，但重口味嘅辣醬會蓋過晒淡淡嘅蟹肉味架，想真係試到蟹肉味就唔好加辣醬好啲🤪呢個飯以個價錢嚟講真心唔錯👌🏻不過如果下次再嚟我會揀返牛肉😼·✨海鮮煎餅🦑🦐 $78大大份海鮮煎餅

唔係講笑，真心有韓食一定會揀韓食！開正係屋企樓下商場～點都要去試啦🥰💘無骨豬手 半份 hkd 92 🇰🇷滿滿既骨膠原呀～～～有埋生菜俾你包～個辣椒醬真心ok！啖啖肉😍一定要加埋泡菜一齊食！完全韓國風味出晒黎^o^💘鐵板甜雞 hkd 68 🇰🇷白飯再加6蚊！唔係講笑！韓料理甜雞乜乜乜真係正到癲！啲菜/蘿蔔/肉煮晒啲汁🤭一定要配飯食！唔經唔覺食晒成碗～唔會膩架！肉都多！同埋佢包左個碗牛骨湯都好好味🥺自己變湯飯又得💘玫瑰真露雞翼 hkd 68 🇰🇷原來係凍食既..不過玫瑰味幾重！唔算假，又係甜甜地，女仔會中意多啲💘跟餐加野飲～試左個400次咖啡🇰🇷甜又真係幾甜！但又抗拒唔到😭😭好好飲喎！

之前已經食過荃灣既分店,最近係將軍澳都開左,雖然而家夜晚無得堂食,但外賣全單有9折,特價小食25折再9折,午市下午茶都有9折,又平又高質🥰蜂蜜牛油炸雞(半份)($118)雖然冇係堂食咁熱辣辣,但口感仲係好甜脆,而且有成盒蜂蜜牛油汁可以點,每舊炸雞都可以蘸滿醬汁好邪惡,而且食落去吾會感覺好油膩,炸粉吾會好厚邪惡拉絲豬仔肶($98)外賣無左邪惡既拉絲😭豬仔髀煮得好軟淋嫩滑,醃得好入味,而且食落去吾會好乾身芝士岩漿炒飯($98)雖然外賣芝士岩漿同炒飯係分開盒上,但將芝士滑蛋加落去都仲係有拉絲效果,啖啖都係芝士,炒飯用左泡菜同韓式辣醬黎炒,再加埋五花肉,食落去味道甜甜辣辣好香口🥰

今日同好友嚟寶林食Lunch, 因為疲情影響 飛唔到去韓國，決定要食餐韓國野。朋友介紹呢間新店...果然有驚喜。先講菜式選擇好多種類。揀咗「芝士熔岩炒飯」忍唔住要影相...勁多芝士拉絲，裡面非一般粉飯，加入泡菜，少少辣好惹味呀。「芝士拉絲豬仔肶」wow...豬仔肶點滿 熱辣辣有明火滾著嘅芝士，味道好夾。推薦推介👍🏻「韓國甜辣年糕拼粉絲」粉絲索哂醬汁，又唔會太辣，年糕好煙靭，有口感。「脆香雞翼」有三款醬汁味道。我地揀咗柚子味。酸酸甜甜脆卜卜，好開胃。「蟹肉沙律」沙律菜入口咬落索索聲，好新鮮，啖啖蟹肉😋「菠蘿可樂冰」超大杯，原來夾菠蘿味道可以咁夾...好飲😋今餐好滿足，試咗好多菜式，部份款式唔偽間間韓國餐廳都食得到。唔怪得過咗Lunch Hour依然坐滿食客啦。朋友大讚...下次一定要再嚟食。

在手機app訂餐，當時話20分鐘可以攞，但準時到達後，仍然要喺門口等30分鐘。向員工查問仲要等幾耐，佢話: 呢個app成日講到好快有得攞，然後就走開。其實等唔係問題，但點解唔喺app講清楚話要等50分鐘？至少我可以喺屋企慢慢等。另外，客人等得比較耐，可以講聲唔好意思，唔係話 “係要等咁耐喇” 然後就走開。食物味道不錯，但外賣無跟泡菜。牛骨湯味濃，不過應該有放味精 (因為食完味精我會頭痛)。推薦黑糖雞翼，但醬好好味。

新店開幕，小食有優惠，可以在the gulu app攞飛等位。星期六的下午，門口已經有不少人等位。店內座位與座位間比較狹窄，起身要大家遷就一下。侍應其實是足夠的，但他們好像很忙，走來走去，想下單也要等一段時間。下完單，就會遞上餐具及賬單。紫菜雞肉捧，咬下去有一粒粒軟骨，有咬口，味道一般。凍百香果桂花烏龍，只有百香果味沒有茶味，同期望有落差。魚膏湯有3塊魚膏，湯太濃味有點鹹，湯面好似好油。泡菜豬肉芝士手卷，豬肉帶有脂肪，泡菜汁跟飯溶為一體，微辣。整體味道比另一間韓國餐廳失色。食到一大舊芝士，芝士控可以一試。牛肉石鍋飯，一上台就要極速拌飯，避免有過硬的飯焦出現，餸偏濃味，拌混就剛好。雖然今次食物麻麻地，但都想試下其他食物。

我好似末試過一餐入面食咁多芝士😋🤤，好幸福呀(⁎⁍̴̛ᴗ⁍̴̛⁎)​.​🧀芝士岩漿炒飯（$98）​成隻碟滿滿嘅都係芝士，超級吸睛，芝士迷見到一定流晒口水😍，中間嘅係泡菜五花肉炒飯，個飯微辣，肉嘅份量超級多，仲多過嗰啲炒飯，五花肉好香好入味，唔會好油膩。​好食程度：🌕🌕🌕🌕🌗​.​🍖邪惡拉絲芝士髀（$98）​一開始佢會擺啲芝士係個火爐上面，等啲芝士慢慢融化，等到佢哋半融狀態就可以放豬仔髀上去瘋狂用芝士包住佢啦！豬仔髀好入味，好有BBQ風味，不過有少少韌。​依家佢哋做緊個推廣活動到七月尾，只要將芝士拉到30cm高就可以享有半價優惠，好抵食，我就成功咗喇，你哋快啲去試啦。​好食程度：🌕🌕🌕🌗🌑​.​🍳韓閣雜錦蛋捲（$62）​蛋捲上面有滿滿嘅蟹子、蟹柳同芝士，好似仲有啲沙律醬同明太子醬，如果蟹子同芝士包係蛋捲入面應該會再入味啲，因為蛋捲中間係冇任何嘅配料。​好食程度：🌕🌕🌕🌘🌑​.​🍗傳統甜辣炸雞（$118半份）​甜辣炸雞係可以選擇辣度嘅，今次叫咗半份炸雞，小辣，小辣係完全冇辣味，如果鍾意食辣嘅朋友可以叫辣啲。 佢總共有五舊，分別係雞髀、雞翼同三舊雞胸，炸雞嘅質素有啲參差，雞髀、雞翼位就好滑，但係雞胸

🍗邪惡拉絲豬仔肶 四隻 $98本想點選人氣的芝士岩漿炒飯，但既然選了這個就沒有點炒飯了。香甜的豬仔肶略嫌搶了本身帶鹹香的芝士風頭，沒預期般美味🙈🥓五花腩片石鍋飯 $52味道一般，好像Hungry Korean的比較好吃🤭🍳韓閣雜錦蛋卷 $52推薦吃這個！芝士蛋捲上擺放着酸酸辣辣的泡菜和許多蟹籽。這個辣度應該不能太吃辣的人也會接受到，而且令人非常開胃😋💚傳統雜錦海帶湯 $98賣相一般，勝在選料豐富，有手工魚膏片、惹味的泡菜豬肉餃、餃子皮都爛掉了的豬肉粉絲餃、幾隻當中有隻開不了的白蜆、彈牙大蝦、滑豆腐和海帶😗

今日work from home，坐到呆咗。趁午飯時間，同太太落商場食午飯，乘機鬆一鬆。記得樓下商場開咗間韓食，叫韓閣，一於試試。叫了兩set午餐，包括韓式拌飯及五花腩炸醬麵。韓式拌飯賣相不俗，可惜牛肉份量略少，但加了韓式辣醬，撈埋啲餸一齊食，效果卻不俗。五花腩炸醬麵份量非常大，但麵卻非常腍，完全冇彈牙感覺， 五花腩非常少，得少量腩肉碎，另加上大量薯仔，食幾啖麵已經有非常飽滯感覺。這碗麵不合格。不過以午餐價錢來說，每人約$50 ，勉強收貨。

入座時被安排坐近廚房對出位置由兩張二人檯合併的檯，我地坐近牆邊，位置狹窄又熱，真的想起身走！因為坐得非常唔舒服，所以我就要求轉檯，轉了另一張4人檯，舒服得多！叫左個石鍋牛肉飯、海鮮煎餅，味道尚可，牛肉飯偏小，我都明白一分錢一分貨，$52又會有幾大鍋？！海鮮煎餅同平時酒樓煎薄撐無乜分別！最後，就要講下服務，依家雖然帶左口罩，大家接觸可能真係靠眼神，尼度D男侍應個個都好唔想做，眼神好似小丸子反白眼咁，真係要大大改善！

叫左傳統甜辣味（正常）同蜂蜜牛油味~甜辣味幾惹味，個人覺得隻味調得幾出色蜂蜜牛油味好濃味，但食兩舊就會開始有d膩，好彩有酸蘿蔔解膩但d雞炸得有d過左火，所以有d鞋份量睇落唔多，但其實三個人食係夠嘅!半半雞 • HKD$218傳統甜辣味炸雞牛油蜂蜜味炸雞魚糕比較薄，不過都大塊個湯冇味精，飲完唔口渴魚糕湯 • HKD$6紫菜粉絲卷 • HKD$8呢個我次次食韓國野見到有都會叫用黎點炸雞d醬好味而家新開張外賣有優惠，滿HKD$200減HKD$20，仲要小食半價添呀!

《去唔到韓國 食住韓閣先🇰🇷 》———————————————-#韓閣 Korean Loft Cafe👯‍♀️呢間韓國菜係新開嘅，據我所知，佢堂食平時都排長龍～佢嘅食物選擇非常多，有韓式炸雞、拌飯、部隊鍋，仲有最出名嘅芝士熔岩炒飯。不過今次叫外賣，就等我試吓佢啲基本款先啦！-叫咗個韓式炒粉絲配牛肉同石鍋飯配炸魷魚，份量都相當足， CP值極高！韓式炒粉絲炒得好香，非常惹味。石鍋飯炒得好香口，最驚喜嘅係個炸魷魚，就算外賣送到黎凍咗少少，都食得出係即炸，值得一讚👍🏻-⭐ 參考價錢︰韓式炒粉絲配牛肉︰$56石鍋飯配炸魷魚圈︰$56-🍌 抵deal 指數：9/10💰人均消費：$56

將軍澳新開左間韓國菜，諗住去試，點知激多人等⋯⋯礙於疫情嚴重，都係買外賣番屋企食算⋯⋯基於新開張，連外賣印刷紙都未印好，要用住荃灣個張先，價錢上有少少分別～～點完食物就話要等25分鐘左右，但係呢⋯⋯我就足足等左差唔多1個鐘⋯⋯連收銀姐姐都唔好意思，送左枝搓手液安撫我😓😓仲幫我去跟進番先快手執好我份食物咋～～咁我地點左4樣野，鐵板牛柳絲、韓式燉牛骨湯拉麵、泡菜豬肉芝士手卷、傳統甜辣炸雞（半隻），因為番到屋企都唔熱了，有點失色～～下次試下堂食會唔會好番啲啦

將軍澳區內的韓式餐廳不多，最近在openrice這裡發現寶琳開了一家新的韓食店於是提議老公一起來試試～～～在COVID-19疫情最新發展下，晚市堂食被禁止了，我們就來吃午餐！星期六下午接近2點，食客不多，不用等位就能入座！入座後，店員先送上兩小碟芽菜作為前菜～～略帶麻油香，味道普通！店內貼上了一些韓國電影海報，加強韓feel老公喜歡吃海鮮，他選了濃蕃茄帆立貝海鮮湯另加$6配一碗白飯～～～因天氣太熱，我就選了水梨牛𦟌水冷麵！一冷一熱的搭配水梨牛𦟌水冷麵，與一小殼白醋及黃芥末一併送上除了水梨和牛𦟌外，還有青瓜絲與半隻烚蛋～餐牌介紹，麵條是選用韓國蕎麥麵！自己吃韓食的次數不多，只在一家連鎖式的韓式餐廳試過水冷麵，那餐廳是沒有附上白醋及黃芥末的於是，我先試試不添加任何白醋及黃芥末的味道是如何，味道相對較淡～～加上少許白醋，酸度增加了，味道比較好吃！後來再加入黃芥末，黃芥末內加入了芝麻，令整碗水冷麵的味道更香更濃郁開胃水梨爽口清甜多汁牛𦟌大大片，味道幾香，但始終不是熱食，質感不夠軟嫩，只是尚可接受！蕎麥麵麵質煙韌彈牙又滑溜，所以必須先剪開才進食！！即使冷塊溶化了，味道也沒有變淡～～比起那一家連鎖