韓舍 (已結業)

#任食雞煲火鍋 ～230韓舍裝修完之後第一次食👅除了多左任食甜品可以選擇（定以前已經有），仲有一些自助涼菜可以拎。雞煲叫左BB辣都幾夠味，雞肉嫰滑，而且份量頗多。任食的食物選擇頗多，除左一般既火鍋配料；例如牛肉，羊肉豬肉片和丸類等，仲可以加$40可以任意刺身壽司🍣刺身推薦三文魚，質素好過放題🤣🤣另外員工服務很好，而且超級Nice🙈.🏠 韓舍 (旺角)旺角彌敦道593-601號創興廣場9樓

原本以為佢有韓燒，但無得翻火鍋不過佢火鍋兩個湯底唔係一半一半，真係勁奇怪🌚🌚🌚🌚🌚🌚揀左麻辣同蕃茄味，不過麻辣都算ok既。食物個類別都ok，仲有好多款飲品揀，有緣茶，蜜桃茶，酒都有，甜品就都算多款揀，但我覺得得個焦糖布丁係最好味，有少少失望。但係埋單每人138都算係咁，下次再去都未必會黎，情願比多100食好d。🤦🏼‍♀️🤦🏼‍♀️🤦🏼‍♀️🤦🏼‍♀️🤦🏼‍♀️🤦🏼‍♀️🤦🏼‍♀️🤦🏼‍♀️🤦🏼‍♀️🤦🏼‍♀️失望失望

朋友生日，諗緊大班朋友去邊度食好，發現旺角韓舍設有雞煲及火鍋任食。惠顧六位及以上，生日的朋友更是免費。入座時被安排坐卡位，位置舒適🌸，先黎一個雞煲，可選擇辣的程度🤤食完雞煲，雞煲份量足夠，食完雞煲就會用返個煲打邊爐，夠野味。食物方面，選擇甚多，除了有火鍋配料，火鍋配料最驚喜的是有海鮮。亦有熱食，刺身，如果要食刺身及壽司任食，每位只需加$20。大家都食到飽飽。食飽後再加甜品，甜品的食物選擇非常多，有雪糕、爆谷、格仔餅及各式各樣讓人賞心悅目的精美甜品。

旺角真係超多野食，今日想打邊爐，所以就試下韓舍。一上到去，門口有個影相道具位，寫明俾你隨便用，等位之餘都唔怕悶，好貼心。一入去，環境又大又新，好舒適。我地入到去先發現，隨左火鍋任食，仲可以當自助餐食，超誇張。另外仲可以選擇養生鍋，完全係滿足晒多人既慾望。先黎自選壽司，好新鮮，味道不錯。仲有好多款刺身，同樣新鮮好味。之後就係個養生鍋。好大隻雞，仲有好多藥材精心製作而成，好足料，而且個湯好甜，好好飲。難怪店員建議唔好浪費，一定要先飲晒個湯，先再開始打邊爐。實在太豐富，其實好到打邊爐都開始飽飽地。但打邊爐既美食多到唔知點選好。特別係牛肉同豬肉，好薄，好岩已經好飽又忍唔住繼續食既我地。

一行八人去dinner, 又慶祝生日，圓枱setting 方便大家傾計，第一次去依間餐廳打邊爐，坐低發現台台都有海鮮盤，原來要一早訂，我哋冇訂度所以唯有就咁打邊爐，任食既，我地選左雞煲同鴛鴦窩，麻辣同豬骨湯底，原來生日那個人是免費的，麻辣唔算好難，雞煲好味嘅。跟住出去自己攞任食材料，有生蠔，才熟食豬耳豬肚大腸，豬腳薑，甜品，打邊爐料就有丸，魚皮響鈴牛柏葉水魷公仔面，海鮮都算新鮮既，牛肉豬肉任拎，好味的，麻辣配牛肉一流！service都幾好，八個人一人免費埋單$14xx.又唔算好貴，quality仲不錯！

Happy Friday 最好當然是盡量吃喝玩樂！宮廷海鮮鍋見到大大隻龍蝦🦞、麵包🦀、鮑魚、帶子已經流口水🤤！我們雖然只有六個人，但安排了一張大枱比我們，分開兩個鍋，四個不同湯底，🈵️足大家不同的口味！另外只要每人加$20可以任食魚生、壽司，我們一order就每人每款一件，一上枱，立即有很吸引的效果！另外bar 枱上提供很多熟食給我們選擇，飲料方面比較少，但我欣賞他們把酒精飲料放在另外一個雪櫃，令未成年的孩子們不會飲錯！另外最受大人小朋友喜歡的是DIY 棉花糖及一口甜品！二小時實在有點不足夠⋯⋯

之前黎韓舍，都係食韓燒，近期韓舍轉左型，變左火鍋，雞煲魚煲同刺身甜品自助餐。刺身，壽司同日式小食就要自己寫紙。野食方面都好多選擇，有熟食，菜肉雲吞，咖喱飯，涼拌小食都有。火鍋配料有牛肉豬肉羊肉，仲有同蔬菜，丸類，海鮮，勝在夠多選擇。調味料選擇都好多，當然要落炒蒜。可以揀兩個湯底，蕃茄同三鮮湯十分濃郁呀。飲品同甜品都有自助，dreyers 雪糕最重本呢，仲有唔同甜品，芝士蛋糕Tim，蘋果批值得一試。加左刺身就每人$240,都抵食的。

旺角創興廣場成棟樓都係餐廳，大部份都係打邊爐呀、放題呀、韓燒呀，總之就係任飲任食為主。如果同時想食齊打邊爐啦、放題啦、自助餐啦，咁未要分3次食先得？貪心又為食如A姐嘅你，推介你去食韓舍，夠晒多嘢食又抵食！火鍋有多款湯底選擇，我哋今日就揀咗豬骨湯底同番茄湯底。而只要另加$20就可以食埋刺身同壽司放題。刺身刺身選擇唔多，但夠食就得。有三文魚、吞拿魚、北寄貝、帆立貝等，款款都好新鮮，味道唔錯。填完放題紙，咁打邊爐呢？原來呢度打邊爐係唔洗填紙架，出去拎就得，想食幾多就攞幾多。火鍋配料牛、羊、豬都有，好新鮮。特別鍾意豬肉，肉味好濃郁。仲有好多唔同配料，好似有牛柏葉、海鮮、丸纇同蔬菜等。除咗火鍋配料，仲有飲品、甜品、水果、格仔餅、小丸子同棉花糖等，真係拍得住酒店buffet。

三五知己最適合吃放題，慢慢吃慢慢聊，同學預約了韓舍放題，地點很容易找到，大廈墻身也有一個很大的招牌。創興廣場按電梯9樓開門就到，服務員很熱情，也有禮貌，裡面的座位夠多，整個場也夠大，服務員帶位坐下便先點了個鴛鴦鍋，三鮮和麻辣，然後巡場一周，哇～～發現好多食物，有甜品，壽司刺身，打邊爐食材，熟吃，沙律等等，甚至可以自助玩炒雪糕，款式特別多。有同學喜歡吃辣的，所以鴛鴦鍋就最能照顧到吃辣和不吃辣的朋友們。本來不太吃辣的我，試了一塊之後便不可收拾，這個麻辣香的程度剛剛好，吃完還是回味無窮。

在繁榮既旺角區，真的不容易才找到一間坐得舒服的餐廳食晚餐！ 今晚，我同朋友到位於創興廣場的「韓舍」晚餐！由於我們很早來到，一入到來，我們直接被安排窗邊一張卡位，地方很寬敞，環境很寧靜！我們叫了養生鍋+酒店式自助餐！ 職員很耐心簡介養生鍋，亦幫我們剪雞肉！ 我們先飲了湯，雖然湯沒有加任何調味料，但枸杞溫和， 加上原隻雞煮湯，煮後令湯味道更加清甜！之後我們出去拿火鍋配料，選擇十分多，牛肉、豬肉、羊肉、海鮮亦好新鮮。包羅萬有既配料任拎任食，很滿足！除此之外，好像自助餐一樣，熟食也是任拎任食！ 其中我覺得芝士忌廉雞肉雲吞很好食，值得推介！ 雲吞配上超香濃的芝士醬汁，Creamy又美味！最後，還有自助甜品吧，有多款賞心悅目的小糕點以供就選擇！ 每款糕點都很美味，賣相很精緻，而且細細件，一口的剛剛好，我特別喜愛是檸檬蛋糕同朱古力蛋糕，為我帶來無限驚喜！

今晚黎到位於旺角創興廣埸的韓舍，我記得以前食過好似係食韓燒，但依家轉哂形，變左火鍋自助餐。我地今晚一行四人，揀左$228/一位的養生鍋。因為個鍋要等一陣先有，店員就叫我地點住壽司刺身/拎住熟食飲品等~我地出去拎野食，嘩，超級大同超級多款，食物、飲品、甜品、水果應有盡有。仲有整格仔餅、小丸子同棉花糖機，真係睇到都滿足。首先我地點左D壽司刺身，種類唔少，會按人頭俾份量，擺放得好靚，細細件易入口。仲點左辣味螺肉，夠水準。之後雞湯就黎啦，唔同的店員都黎講話係無味精無調味料的，但一打開已經聞到好香。店員請我地飲左湯先，我覺得好鮮甜，因為有花膠、杞子同少量藥材，唔需要再落調味料。之後店員就好細心咁幫我地剪碎隻雞。之後我地都拎左少少火鍋料，選擇好多，但太飽啦，試唔到太多。女士見到甜品份外開心，甜品種類多，又好食，細細件可以試好多款。個人最鍾意朱古力果幾款，甜而不膩~雪糕係Dryers, 但因為太冰，盛唔到，放棄了。總括而言，餐廳環境舒服，食物種類多，又唔貴，係gathering 的好地方。

朋友話去韓舍食飯,都好耐無食過韓燒,好呀!大家係咪都以為係食韓燒? Nonono...你錯了,而家係食火煱,養心鍋,雞煲,海鮮鍋,烤魚等等..真係大鄉里出城,完全唔知轉左,我地叫左養心鍋,原隻雞上,待應話完全無落調味.所以枱上有樽鹽比大家自己調味用,待應會幫手將雞剪開,我地就先飲湯,一大堆材料煲出6碗左右既湯,真係超甜超好飲!除左個煱,其他火煱配料都係自助,好多選擇!就算熟食都有5,6款仲要唔係頹野!丸類蔬菜選擇亦非常多肉有牛豬羊,羊肉好so我覺得麻麻,另外仲有生蠔,魚皮,鵪春蛋等等最不滿既係,佢寫有dreyers雪糕,但我7點入座已經5盒無晒根本筆唔到,食到9點幾都無人換,聽到有人問都唔換,即係成個晚市都無雪糕!有d被騙既feel囉228加一,咁多款式真係好滿足如果唔係雪糕我一定比滿分,但而家扣晒分

最初係walk in去元朗食韓燒，雖然好耐之前但印象良好，今次想近自己揀旺角分店打邊爐，本來陌生電話係唔接，去到等朋友先聽住職員打比我跟進訂枱，估唔到我揀養生鍋係會原隻雞同其他藥材做湯底，好足料，開胃小菜又多選擇，不過同行友人就嫌雞腎頗硬難𡁻開，但整體不錯，會再捧場👍🏻👍🏻👍🏻

原本今日淨係想食打邊爐，但係好可惜因為星期六所以好多間都full晒。去到韓舍呢度發現原來佢哋仲有。所以就食咗呢間。兩個人叫咗一個養生鍋，入面配料超豐富有雞，花膠，螺頭等等。佢哋會建議你飲咗玩湯同埋食咗入面啲料先再打邊爐。所以覺得好體貼。另外打邊爐配料方便係任拎的，除咗有牛肉，羊肉，豬肉，仲有海鮮，魚蛋，牛筋，等等。另外啊順帶一提仲有一個自助餐，雖然熟食款式唔係太多，但係甜品種類有好多！有炒雪糕，炮谷，棉花糖， 芝士蛋糕等等

旺角創興廣場嘢食多，依間座位闊落舒服。門口仲有一個公仔好似歡迎你來.火鍋可以揀兩隻湯底，叫了豬骨及番茄，很大鍋，鍋係外圓及中間小圓，古銅色鍋很有風味火鍋配料係出面拎，勁多超多選擇。蔬菜及丸我最愛, 自由拎好開心.仲有勁多甜品選擇十分高興, 個燉蛋好食.有玫瑰花茶及薰衣草，夠晒健康。仲有蟹粥及薯蓉等, 同出面啲韓式熟食好唔同。有壽司及魚生，係寫紙落單，咁就新鮮啲。我見到隔離枱有海鮮盛宴，見到流口水，下次可以來吃。