韓舍 (已結業)

今次係我地一家人第一次食「海鮮鍋」海鮮送上嘅時候，海鮮亦然生猛，亦證明佐啲海鮮好新鮮，海鮮種類繁多，鐘意食蟹同龍蝦嘅朋友，海鮮鍋正正滿足到你嘅口味！ 四人或以上先好去食，海鮮鍋真係好大鍋！多人食熱鬧好多！ 海鮮鍋有兩款湯底，豆乳豬骨同韓式泡菜！ 泡菜湯底唔算好辣！個人覺得，泡菜湯底令海鮮更鮮甜！入味！現場仲有好大嘅自助餐區！選擇都幾多架！建議唔好係自助餐部分食咁飽！ 但個人好鐘意 DIY 整野食嗰幾道菜！DIY 韓式芝士年糕同章魚丸，好玩又好食，不坊試玩下！整體來講，食物唔錯，但餐廳環境都幾迫！但值得一試！正！

今次專程去食呢個韓式宮廷海鮮鍋！期待已久，記得一定要訂枱！本身呢間餐廳係主打食韓燒加自助餐，呢個海鮮鍋係新出冇幾耐，我哋到步時見到其他枱都係食緊韓燒！價錢$298包括海鮮鍋同埋自助餐任食，湯底有豬骨湯同泡菜湯可以選擇。上鍋！超豐富，海鮮好生猛，所有野都好新鮮，麵包蟹同龍蝦仲郁既，蟶子皇，鮑魚，扇貝，海蝦，大蜆細蜆都有！唯一就係啲蜆有啲有沙。鍋下面主要係蔬菜為主，粟米，超甜！整體黎講呢個價錢真係超抵！時間限時兩小時，不太夠時間試盡所有野，開始時見到個鍋上咗我哋都唔敢出去食其他住，太大鍋，食哂海鮮都到最後沖刺既時候喇，出面嘅嘢食目測都好正，同埋都幾新奇特別，但真係實在已經有心無力啦！時間緊迫所以都冇影相，熱食有韓式，中式野，咖喱，壽司刺身等等，有得自製棉花糖，炒雪糕，章魚小丸子，適逢聖誕節，有少量聖誕特色甜品，但個人覺得甜品整體好一般！下圖呢個pancake睇落好好食咁款，仲要等左好耐，但係其實好難食讚👍🏽呢間餐廳嘅服務態度幾好，不時有人留意下我哋啲海鮮煮成點，提醒我哋邊樣野已經熟可以食，座位亦都好舒適！

早幾日訂位，生日優惠，晚由5時間始，小弟訂五人，太太5時5分到，稱訂枱人未到，不能入座，小弟因塞車，5時16分到，稱巳賣咗枱比人，只能留十分鐘，我問番太太，一早已無位，到見唔到有人入去，我真的想投訴，但生日，免生氣，但我一定唔會再去食囉無责任心，戲皮笑臉的態度，笑住講:嘻嘻，多謝晒，唔會聽人講，重覆:嘻嘻多謝晒

10:00宵夜時段一開始就衝入去，見佢好似好多野食，又有得食又有得玩，例如自制小丸子，點知出到去，乜野都無了，😠唔怪得之無人啦，拿左 d 熟食，係熟既，不過已凍晒🤢，肉類無肉味，只係鬆肉粉令到 d 肉好淋，唔洗點用力咬😅最後，因為無乜野食，所以轉戰女人最愛既甜品區，11:00乜野都無，得返爛溶溶既幾個選擇🤦🏻‍♀️連食慾都無埋，煎雪糕更不在話下🤮算了。。。。真係唔明點解有299 個😋仲要抽氣勁有問題，個爐開住係完全抽唔到煙。。唔知想點😰😰😰

之前未推依個海鮮鍋,黎過依到食韓燒,印象唔錯呀,今次試新野都無令人失望!"~只能講早黎早享受,咁既價錢食咁既野,一個字"抵"依個就係主角,海鮮鍋,一上枱,個勢真係幾有氣勢,好長好大個鍋爐!'~個湯飲落口超甜,咁多海鮮唔甜就假!睇下隻龍蝦都不小膏!'~

韓舍使用的爐非常有趣，店員會為客人加入芝士和泡菜蛋在左右兩邊,而上下兩邊則加入上湯用來涮東西食,而中間位置則用來燒烤這個爐的優點是抽風系統非常好,食完身上沒有一陣味基本飲料是免費,要飲啤酒就要另買,不過價錢很超值的

好耐冇食韓燒，經過創興，見到呢間又有得韓燒，又有得食自助餐，見有咁多選擇，一於同朋友試下。我地8:45前入座，唔洗等位，加埋一，每人$220都唔洗！肉類有好多選擇，豬、牛、羊、雞、醃嘅、冇醃嘅咩都有，當中我覺得豬扒最好味又易燒，一塊薄薄地好快熟，又大塊，又唔會un。仲有好多蔬菜可以燒。燒薯仔同茄子都唔錯！爐邊燒雞蛋泡菜、芝士粟米，食完waiter會幫手添！海鮮就有青口、海蝦。熟食都唔少選擇，當中有幾樣係韓式食品，我就鍾意食蟹粥同芝麻糊。有多款刺身甜品方面，除左有普通自助餐嘅蛋糕、布甸、雪糕之外，仲有得自己炒雪糕同整棉花糖添！章魚燒、窩夫、炒年糕都可以整！

上開飯啦book位，韓式海鮮鍋,要4人以上先可以book~多謝hello pinki 推介壽星女食得好開心，4人都食唔曬😅再加上有刺身，熟食，甜品，真係好飽,298$呢個價錢，抵呀

我一同9人大大細細，要分開坐沒事先講如要分開坐我地使咩一齊book!book位時已講有bb車來到店門口果位同事好似唔知咁冇安排 適當位置，結果我地全程輪流抱BB,因為擺bb車位置好危險周圍都係人攞野食！到食野仲嬲，5個人一爐果邊有一隻半龍蝦，有半隻龍蝦煮熟左發霉冇曬肉，蝦有一半都唔新鮮，同佢講蝦唔新鮮佢話因為我地煮得耐會係咁我話煮得耐會霉……O左咀，之後等左一陣都見冇人理同跟進 ，再問跟開果位待應，再過多陣佢就無啦啦送多隻麵包蟹仔，同一牒蜆同幾隻蝦，全程都沒跟進事件只係送野想了事都算，點知送果d仲衰…麵包蟹送果隻又係臭的……，蝦又係唔新鮮~蜆唔敢食本身鍋果d都多沙~9人食左2千9百幾，個人覺得只有食一次一定唔會再幫襯~唉…希望大家唔好似我咁唔好彩~

喜歡韓式燒烤，雖然好味，但肉食太多，有點單調。喜歡自助餐、但沒有即烤即食那般火辣感覺。如果韓式燒烤加自助餐來個crossover, 就必有火花。今日在創興廣場韓舍，終於可以一嚐這種滋味。韓舍推出韓式燒烤晚市放題加酒店式自助餐，包括韓式燒烤、刺生、壽司、甜品、DIY食品/甜品、中式熱葷及清酒汽水任飲。韓舍位於旺角創興廣場9樓，地方寬敞，環境舒適。不同時段入座，不同收費，晚市放題成人由$148至$198不等。另有韓式官廷海鮮鍋，成人每位$298。糧尾食每位$298的海鮮鍋，感覺有點奢侈，先食$198的韓式燒烤晚市放題加酒店式自助餐，等糧頭才食韓式官廷海鮮鍋。這個韓式燒烤晚市放題加酒店式自助餐，本身食品種類已超豐富。先吃刺生，刺生有三文魚、希靈魚、鯛魚、玉子、鮑魚片、冰山貝、蟹棒等，厚切三文魚，肉厚味鮮，整體刺生水準可以。此外還有凍蝦、青口、螺肉等冷食供應，凍蝦肉質爽嫩，口感不錯。另有多款壽司，任君享用。燒烤方面，除肉類繁多，還有海鮮和各式蔬菜和瓜類。種類有黑椒牛肉粒、牛肉片、雞肉、雞翼、豬扒、牛扒、金沙骨、芝士腸、金針菇、雞脾菇、翠肉瓜、南瓜、車厘茄、紫洋蔥、三色椒等。重頭戲還有多款中式熱

聖誕節是普天同慶的大日子！但如果挑選食聖誕自助晚餐，價錢不菲，所以一見到宮廷海鮮煱在聖誕節期間沒有加價，而且份量十足，所以於兩星期前訂位！可能是剛剛推出，大部分食客都是燒烤，我們眼前就一大盆海鮮！龍蝦🦐及麵包🦀及帶子非常大隻及新鮮,龍蝦更嘗試逃走，幸好服務人員立即幫我們加上一個蓋!在等待海鮮的時候，先飲一碗人參雞湯，然後去熟食部選擇美食，見到做得不錯的沙翁、炸雞..! 食新鮮🔪的冰鎮三文魚，十分滿意，而小朋友更加開心可以DIY棉花糖、鱆魚燒、炒雪糕....!大人小孩也十分開心地過🎄

平時很少食放題，12月當然要放肆一下。餐廳環境很闊落，餐桌很巨型，二人放題也可以坐大枱，十分舒服，坐下不久，店員立即準備了泡菜蛋漿，芝士忌廉汁，清湯和辣湯在爐邊。食之前先去繞個圈。看看有什麼好吃，選擇也頗多的。燒肉區很多款式，豬頸肉，雞排，牛柳粒，牛排，腸仔等等二十多款。醃製的醬料也很入味。蔬菜類也很多樣化，燒菠蘿，翠玉瓜，菇類，三色椒，豆類，應有盡有。熟食有焗蠔，烤肉，泰國魚餅，蟲草雞湯，蟹粥，咖哩牛肉，炒面，沙翁，還有我喜歡的豬腳薑！店員refill食物也十分快速。飲品也是隨意選的，有清酒，咖啡，朱古力，花茶等。甜品款式很多，還有自己炒雪糕，棉花糖，糯米糍，各式糕餅。今晚飲飽食醉，真的捧腹甘回家。

家中兩個年輕伙子，不但精力充沛，連食力都特別強勁，上星期才剛去完旅行，吃喝玩樂，轉個頭又鬧著要去吃放題。記得早幾個月同兩隻小鬼去旺角吃日本料理時，留意到同一食廈入面有間韓燒放題店。瀏覽過網上食評，見風評不俗，價錢亦唔算貴，星期一至五 8:45pm 前入座，每位都只係 $198，而且 7pm 前入座仲有買 2 送 1 優惠，就一於拍板來這裡預祝聖誕。餐廳位於創興廣場 9 樓，踏進內，環境唔錯，佈置雖然有點簡單，但地方幾闊落，座位舒適，而且設有大量卡位，很適合同朋友來聚餐。 自助吧檯設於餐廳中間，安頓後，馬上外出走一轉看看。嘩！食物款式好豐富，吧檯對面設有章魚燒機，客人可以 DIY 自己製作章魚小丸子，而旁邊的熱鍋就可以自製韓式拉絲炒年糕。吧檯同凍櫃入面擺滿各式甜點，啫喱、蛋糕、泡芙、曲奇、奶凍，樣樣有齊，而且款款賣相都好精美，色彩繽紛，令人賞心悅目，陣間一定要留肚試勻佢。糕點櫃上面係 Salad Bar，材料幾豐富，有紅腰豆、粟米、青瓜、車厘茄等，轉頭一於動手自製沙律做頭盤。轉彎位有稻庭烏冬、螺肉、枝豆，另外亦有不少壽司同刺身可供選擇。再往前走，雪糕櫃內有 4 款雪糕，包括最受大眾歡迎嘅

之前同朋友都到這裡食過，以韓燒為主，自己可以係自助吧取食物，而且重有熟食，加埋刺身同甜品，本身已經唔錯，但今次佢推出嘅韓式宮廷海鮮鍋就真係十分真材實料，於是同朋友一齊去品嘗一下，首先最少要四個人先可以點，朋友早就約齊腳，溫馨提示最好訂枱時已經指定，免得去到已經賣清！因推廣價位$298(原價$388)，所以唔係walk-in 可以就叫到，當然只吃韓燒亦會十分滿足！而海鮮選擇有二選一嘅波士頓龍或大麵包蟹，配埋其他七款海鮮，今晚就有花甲、鮑魚、白貝、基圍蝦、扇貝、貴妃蚌、蟶子，就見到已經贏了！另外跟住個韓式宮廷海鮮鍋還有五籠火鍋材料配上，當然外面嘅食物一樣可以享用，所以真係超值！而火鍋醬料亦十分細心放在桌上，六種口味按自己喜好配搭！香蒜生蒜加埋少少芝麻就係我嘅最佳配搭！而個海鮮鍋上枱時，真的比心中預期的高，見到生猛嘅海鮮在鍋上還會腳仔郁動！而店員推介個湯底就係泡菜味，加湯後就蓋上待一會就可以吃，呢個時間就出去周圍搵食，刺身，壽司，先吃，雖然吃海鮮，但外面有個蟹粥，都要一碗先，另外薑醋蛋都好入味！今次主角滾熱辣，出煙之時又係大家開動嘅時候，因為係海鮮嘅關係，時間要控制得好，所以要盡快處理，隻波

近排天氣終於轉冷，心血來潮想食韓燒。上openrice望一望附近有咩好野食，見到「韓舍」個名幾特別，價錢亦算合理，所以就去試試。搭lift上到9樓，一出門口侍應就：問幾多位？我望一望menu，再望一望電話7:15pm晚市放題：$198/位韓式宮廷海鮮鍋：$298/位望落好似幾特別，但我同友人一心想食韓燒，所以決定了$198/位一入到去，即刻有人來serve爐邊有4個坑，分別裝滿：右：粟米芝士左：泡茶蛋上：豬骨湯下：蒜味燒汁(好似係)見到檯面有個menu，原來有d海鮮同肉類要另外叫，睇落都幾吸引，但放題又散叫好似唔多抵，所以我同朋友出去望下個場有咩食先決定。自助餐區有好多選擇，有焗蠔、豬腳薑、水煮魚、日式餃子、吉列芝士火腿多士、就連麥樂雞都有！多到真係數唔晒！行過少少就是韓燒區，肉類選擇好多，仲有魷魚，秋刀魚，連我至愛的豬頸肉同羊架都是任燒！蔬菜區都有好多選擇，當然不少得雞脾菇同菠蘿啦~雖然唔知點解五花腩放左係蔬菜區，但韓燒又點可以無五花腩呢~行了幾轉，見到卡位有3-4檯都叫了龍蝦，搞到我都心郁郁叫了一客。點知侍應話餐牌上面叫任何兩客，會送一碟西班牙黑豚肉($28)咁我就想叫一客鹿兒島和