韓舍 (已結業)

同老婆想食吓韓燒，見呢間多人like便決定去試試！未入座老婆已經雙目放光，原來門口有部自助爆谷機丶炒雪糕機和自製棉花糖機，啱曬佢呢d大細路：又貪玩又貪食！我見d小朋友都玩得不亦樂乎！好適合一家大細嚟親子。座位都好闊喎，坐得都幾舒服。整體環境都好乾淨。職員隨即遞上燒汁丶豆瓣醬丶海鹽。配菜有醃蘿蔔丶泡菜丶海帶丶生蒜同埋生菜。全部可自行添加，十分好！老婆先出去睇有咩食，返嚟就話d嘢食種類多到每樣試少少都食唔曬！原來除咗成廿幾卅款燒烤用的肉和菜外，仲有魚生丶壽司丶海鮮丶沙律丶熟食丶炸物丶中西甜品(老婆又雙目放光)丶湯丶糖水丶水果、盒裝雪糕，最特別係仲有部自助軟雪糕機，又可以自製章魚燒和卡通人物燒餅！另有汽水機丶清酒丶咖啡機任飲。老婆話實在眼闊肚窄，都唔知揀邊樣食好！全部自助就唔駛吓吓落單等！想食乜就食乜！我就緊係燒肉行先啦！爐邊職員落咗泡菜蛋同埋芝士粟米！十分驚喜！烤爐上又有牛油紙隔住，燒咗一排黑咗職員便換了張新俾我地，服務唔錯吖！用生菜包住舊juicy的燒牛肉和生蒜，真係冇得彈👍🏻鍾意的話出面仲有不少醬料可以拎，選擇實在很多！雞心好爽口好好味，連平時唔係好食內臟的老婆都覺得OK。老婆除左燒肉

《甜品豐富之抵食韓燒》講到食韓燒，我一定要揀一間夠多甜品既，如果唔係點滿足到女皇既第二個胃呢！聽聞衣間多甜品，一於試下。餐廳內環境真不錯，整潔舒適，每個座位都有足夠空間，坐得好舒服。韓式蛋漿邊爐燒有特式，侍應會將D蛋漿倒入爐邊坑槽，再放入泡菜，烤熟後有點似蛋卷。蛋漿未熟時也可沾肉一齊煎。爐邊有4條坑槽，仲有芝士。冷盤方面有沙律，刺身，壽司，凍蝦不錯的。至於炸物，我最喜歡一個脆皮香蕉，出面比較少有。熱盤也算做得不錯，有荷葉飯，南瓜焗薯茸等，但我地冇食太多因爲要留肚食甜品。燒肉方面，推介雞翼，一口黑毛豬，豬頸肉，醃料好入味，肉質鮮嫩，其他肉類都有好多唔同味道既醃料。夠份量原條秋刀魚，冇腥味，啖啖肉的。食到飽飽地想起身郁下，衣到既特色係有自製章魚小丸子， 雞蛋仔，卡通公仔窩夫，棉花糖機，炮谷機同手製雪糕。有得食有得玩，見d小朋友玩得好開心。甜品總類真可比得上酒店自助餐，特別款式有水信玄餅，焦糖燉蛋，Cup Cake等咁多野食嚟講，繁忙時間入座都只係$188 唔使加一，絕對係非常抵食，一家大細去就最岩，慳荷包之餘，小朋友有得玩又開心。

又到放假天！起身約跑友跑翻個10K，跑完梗係搵嘢食🤣今次就揀咗元朗泳池附近一間，韓國燒烤餐廳，午市放題只係每人＄58另加一收費超抵食！入座後～環境唔錯座位寬闊鋪面乾淨，食物有多種選擇沙律丶壽司丶韓式泡菜、熟食丶甜品丶炒雪糕丶棉花糖丶爆谷等😋沙律吧壽司區韓式泡菜高級糕點老黃瓜豬骨湯丶蓮子百合紅豆沙肉類方面選擇亦多一應俱全自家製燒餅雪糕甜品生菜用嚟包住的烤肉食😋我最欣賞鳮亦、金沙骨、一口黑豚肉丶牛肉味道剛好不會太鹹😋炸物整體上用這個價錢可以享受到咁多美食超低👍🏻

餐廳名經常從朋友口中聽到，但自己幾次到元朗想一試，都找不到！今晚朋友帶路，原來是在元朗大會堂一直走。店前用黑金色配搭，落地大玻璃，看到店內卡位。店前有餐牌，列出不同時段及外賣收費入門便見到甜品櫃，有很多款式原來甜品有凍的，另一邊有糕點迷你蛋糕杯很萌沙律吧、凍蝦、青口、壽司、冷麵……有多款熟食自助汽水機、咖啡機，還有清酒有6款刺身、枝豆、胡麻醬豆腐有多款醬汁調味料供應，還有中式湯及蕃薯糖水沒有想過吃燒肉可有如此多疏菜選擇，有小豆角、茄子、薯件、粟米、車厘茄、冬菇、雞脾菇……等有多款肉類選擇，單單是牛肉已有3款，雞類有不同醬汁醃製的雞翼、雞塊，雞翼是雞中翼切成一半，方便客人燒烤免中心未熟透一邊燒同時爐邊四面煮蛋、芝士粟米及蒜片一口豚肉夾口又多肉汁包生菜、泡菜、生蒜吃，蔬菜吸收了肉的油膩感，令我可吃得更多。燒肉爐的爐因有食物汁而開始有焦，員工主動更換爐紙可自己親手做章魚丸子、雞蛋仔，我試做章魚丸子有做法說明，跟步驟做便可。章魚丸子麵漿倒入，我一位丸子放了3粒章魚粒，再加椰菜。做了3粒，但得2粒做到丸狀有沙律醬、紫菜、木魚花加上面麵漿調教的煙韌度剛好，章魚粒又彈牙。刺身好新鮮，我都忙了吃下多少

如果夜晚想同fd聚下又唔想食太貴，就可以黎呢間啦🙆🏻🙆🏻 雖然佢既款式唔算好多，但食物既質素算唔錯🤤 豬腩肉幾推薦👍🏻而且佢有得比你自己整野玩，連炒雪糕都有！😂😂甜品既味道都唔錯！朱古力布朗尼超濃幾jeng🤤 黎開一定要試！舖頭裝修亦唔錯，呢間係卡位，私人空間感大啲🙆🏻

去開附近想食放題，search到韓舍望落好似幾多野食價錢又Ok所以一試。環境唔錯嘅~ 座位寬闊舖面乾淨。熟食選擇亦唔小。可惜就敗向個"燒烤爐"度。向韓國食烤肉時我最鍾意食爐邊d煎蛋，呢個都係其中一個吸引我黎韓舍嘅原因，可惜店員話只有晚市先有，因為晚市同午市個爐唔同。而呢個爐好奇怪，唔可以落油，唔可以落錫紙/燒烤紙，煎本身多油嘅雞翼都好小小，煎扒就真係全部變曬又乾又硬嘅柴皮，就連粟米腸仔南瓜一陣焦嘍味好難食! 最後只好放棄熄埋個爐剩食熟食。我明白一分錢一分貨，剩係黎食免烤我覺得相當唔錯，但如果$98嘅係個烤唔到肉嘅烤肉放題，我寧願加多$20蚊去第二間食烤到肉嘅烤肉放題!

夜晚9時半左右來到元朗這邊，很多餐廳都準備關門的時候，這家位於元朗泳池附近的韓燒餐廳正處於優惠時段，每人$128，任飲任食於是便被價錢吸引了餐廳店內客人不算多，我覺得挺好，可以安靜地和朋友一邊聊天一邊慢慢吃餐廳提供的食物也很多元化，有壽司、沙拉和其他頭盤我也想不到，$128的價錢，竟然還有即叫即切的刺身吧，刺身選擇有三文魚、呑拿魚、希靈魚、蟹棒等，選擇也挺多燒烤食物方面，也有很多的選擇，包括秋刀魚、多春魚、蔬菜等肉類方面，都是那些金沙骨，牛柳，雞扒等，有不同的口味，但沒有什麼特別的選擇，不過基本選擇也一應俱全夾了一些蔬菜和燒烤類食物，食材也挺新鮮，味道不錯更可以配上不同調味料自己烹調出適合自己的味道肉類方面，我覺得味道有點過重，但整體來說也可以接受除了頭盤和燒烤食物之外，也有很多的熟食選擇日本的炸物、大板蛋炒麵等也少不了，更加有不同的中式食品如水煮肉片、豬腳醋等，十分多樣化個人認為這個黑松露野菇燉蛋挺值得推薦份量不多，剛好適合我這些喜歡什麼食物也試試的人味道方面，黑松露的鮮味配上野菌的清甜，在平凡的蛋味散發著啖啖的香氣，簡簡單單，卻挺不錯口感方面，蛋也挺滑，令我也挺滿意另外一提的是，燒

女女好鐘意食放題，因為鐘意自己去拎野食，朋友介紹元朗韓舍有好多小朋友至愛收費又經濟既韓燒，決定帶女女去試下。晚上七點去到唔算多人，但坐低之後陸續多客，好彩早到，原來宵夜時段仲抵雖然係自助燒，爐邊都有芝士粟米，泡菜雞蛋，真係有驚喜整體食物款式多，除咗燒物外，熟食、甜品、刺身都有好多，真係試唔哂😍我覺得雞腎最好味，好有燒野食feel DIY 章魚小丸子同燒餅除外有雪糕球外仲有軟雪糕，雪糕夠滑，好味道員工好好見到女女望住部棉花糖機，就幫佢整咗棉花糖，開心死佢仲有Popcorn 唔就得影相😭整體放題大人小朋友都啱食，滿足哂大家既胃口，下次要約埋朋友仔再食

那天在元朗下午吃完甜品,繼續四圍走, 除咗行吓商場, 又要諗下夜晚吃什麼!老婆問元朗有沒有buffet食, 上網睇到有間韓舍他們提供韓式燒烤, 所有食物都是自助形式！食物供应很充足,也有很多蔬菜類,這就平衡食物多元化,可以幫助消化.可以吃多D!還有扇貝供應添喜歡吃燒烤肉食的我們,真是高興！有豬扒,牛肉骨,羊架,腸仔...而家很多韓式燒烤爐都做到四邊蒸蛋的槽,另到客人可以吃到更多花款！除咗燒烤食品外, 餐廳亦提供很多熱食...這款是西班牙不海鮮飯！仲有很多甜品,自己動手攪的綿花捧, 章魚小丸子,自助咖啡,茶,日本清酒, 生果...記住食得哂先去攞, 不要浪費食物!

之前去元朗探朋友，記得附近有間好大間嘅韓燒店。今日入元朗特意要去試，因皆因好耐冇食個韓燒，之前經過呢間食肆，覺得門面好大，感覺應該坐得好舒服。睇埋價錢都吾貴⋯坐位都好寛，坐得舒舒，食得開心。食物種類很多，有扇貝、多春魚，金沙骨.雞腎⋯各種燒烤食物。肉類選擇多，而且新鮮。自助形式，不用等侍應送，這種形式我 like . 除左生肉煷烤，還有熟食選擇。甜品亦有不同 cake 類，macaroon, 雪糕⋯最特別是可以自製棉花糖，大人小朋友都好開心。仲有爆谷、同自製鱆魚小丸子 同 自己攪嘅軟雪糕。有得食又有得玩。一個唔錯嘅選擇。

放工後，唔想係屋企煮，但又想食得舒舒服服，慢慢食，呢間都唔錯，乾淨不在話下 ，食韓燒最緊要抽風系統勁，唔好食完全新都係燒肉味，呢間的確Ok 店內食物相當多選擇，肉類亦非常足夠，而醃製食物亦好夠味，基本上唔使點醬汁已經非常好味，而且食物亦不會雪得太耐而有雪藏味，我擇左必食既雞翼，牛肉，肋骨，豬頸肉，都好新鮮唔會梅晒，爛晒咁，所以食落味道加口感都滿足另一個值得推介下，有好多甜品選擇，馬卡龍都有不同款式，當然要試下，食完肉類再食埋甜品，簡直係一大滿足

平時行過元朗呢間韓舍晚飯時間，超級多人排曬長龍， 為咗避開咁辛苦嘅等候，於是約埋朋友仔9點半後先嚟 韓燒一番。其實九點後已經係128一位好鬼抵食而且人有冇乜，如果就到嘅，我都鍾意呢個時間過嚟， 舒舒服服咁食。外面韓燒嘅肉類款式有很多 揀咗幾款自己鍾意食嘅，返嚟慢慢燒。牛柳粒係我嘅至愛，當然要攞大量啦， 每邊燒幾分鐘熟透就食得啦，如果唔係就會太韌燒落佢個腎同埋雞翼都唔錯，好入味。食多幾隻都唔會太飽燒到咁上下側邊嘅泡菜蛋，可以食得㗎喇， 口感好幼滑 同好juicy。燒魷魚都好推介呀， 爽脆好味道。除咗韓燒， 試咗幾款 佢哋嘅小食都好滋味。黑松露蘑菇蒸水蛋， 又滑又幼細， 忍唔住食咗兩碗添我自己都幾鍾意佢個焦糖燉蛋， 上層脆卜卜下層滑捋捋， 其他幾款甜品都幾好食。外邊其實有好多嘢食，不過我食咗好多烤肉已經飽啦，唯有留返下次先食啦

趁九點半後有特價128蚊一位，約埋幾位朋友仔一齊去咗元朗韓舍度食韓燒放題。記得好耐之前食過一次 側邊係乜野都冇， 依家多咗個 泡菜蛋同埋芝士忌廉喺旁邊。泡菜蛋熟咗可以就咁食都幾綿幾幼滑。芝士忌廉就可以攞嚟點肉類， 用係攞嚟點燒熟左既牛柳粒 ，真係一流絕配頭round攞咗少量 雞翼豬扒同埋雞腎燒左轉先。味道都很不錯而且很入味， 雞翼還帶點辣非常惹味。再來就係攞咗金沙骨，牛扒同埋雞扒， 其實一下燒咁多肉都有啲溜， 不過 每樣攞少少一人一塊乜都食下都覺得ok嘅。牛扒雖然比較薄但係 口感都不錯。食咗一堆肉類 在燒下其他野， 多春魚同埋魷魚燒完 口感爽脆， 仲可以 encore再encore食完熟食咁當然係食下甜品啦，其實呢度嘅甜品種類款式好多，每樣一舊包你一定話飽。朋友仔就話我知佢最愛係食 tiramisu， 仲話好味道一食嘅食4件。而我自己就比較欣賞 芝士蛋糕， 細細件 一 件一口。甜品冇興趣，唔緊要仲有甜爆谷仲可以自己玩下碌棉花糖卷下卷下都幾過癮甜品控見到個雪櫃應該會自罷不能 ，肉都唔食淨係食甜品超多款式嘅甜品任你揀我自己個人就好小食熟食，不過呢到既熟食嘅款式都有很多， 任君選擇

因為慶祝朋友得到學業的肯定，所以決定一於去韓舍食好東西。我們是晚市去食的，每位168蚊。到了才發現，午市平很多呢！不過晚市提供的食物應該會較多類別選擇吧！？當晚的選擇超多，很多不同種類的肉可以燒。雖然肉是有醃製，但仍覺得不夠味。幸好它的醬汁很好味，可以沾上它來吃也覺得不錯。而它的甜品竟然很好味，這是我不預期的。因為很多韓燒的店也只會隨便放一些很難食的甜品，但這裡的甜品一點也不求其!!啫喱有很多顏色選擇，很吸引。味道亦不錯，不會很淡!

今日同朋友約左係元朗行街，行到咁上下，見開始有啲餓，我朋友同我講附近有一間食韓燒嘅餐廳可以一試，於是二話不說就去左排隊試試。入座之後啲職員自動波咁為你服務，態度友善，唔錯唔錯！而家呢度啲爐有一張牛油紙隔住，當燒到黑左，換張紙就得。呢度啲食物全部放哂出黎，自助形式，鍾意食幾多就拎幾多，咁都幾好嘅，行多幾步又可以食多啲。呢度仲有扇貝食！由生煮到熟，熟左之後，嘩！加小小海鹽，簡直就係配合得天衣無縫，好鮮味！呢度啲甜品都好出色，又好多款，真係食甜品都食得飽呀！哈哈哈～～仲有棉花糖！今日係星期日＄１８８一個（星期本至日及假日最平＄１４８），比平日＄１２８（平日星期一至四最平＄９８），精明消費者嘅我，一定會平日先黎多次