韓牛韓式燒烤 (已結業)

前排同朋友講開食韓燒，就記起創興1/F開左間新韓燒，咁就一齊去試下睇下點！😁見返入面選擇都少，小食同前菜選擇都比較多！大路如泡菜、莧菜、芽菜、韓式煎餅、薑醋同豆腐花都有！總有一款岩口味掛！當然唔少得有多春魚同魚柳！魚柳醃得幾入味，唔會太咸，件件都幾足料唔會散開哂！多春魚不過不失，始終來貨野，唔好要求太多！另外值得一試係前菜嘅莧菜同泡菜。泡菜雖然唔算正宗，太幾岩香港人口味，唔算太辣同幾易入口。莧菜調味足，入口夠淋，唔又唔老，要encore!另外都有D蕎頭，比你食到咁上下開下胃！仲有薯餅、魚干仔呢D小食過下口癮！😌😌😌

呢日嚟到創興廣場一樓嘅韓牛食韓燒放題。餐廳面積都幾大，裝修略帶韓國風格，座位闊落，坐得舒服。攞食物嘅地方成“L”型咁設喺餐廳其中一角，一part part咁分門别類，夠晒清晰。韓燒肉類有十幾二十款，大部份都已經調好味，其中嘅羊肉、牛脷、肥牛同五花腩，肉味濃郁，調味得宜，口感唔錯。仲有好多新鮮菇類同瓜菜類，任君選擇。另一個位置係泡菜區，泡菜連煮好嘅蔬菜加埋有十幾款，泡菜最適合配啱啱燒好嘅肉一齊食。熱食區有韓式海鮮煎餅、蔥餅、泡菜 餅、韓式雞翼、春卷……等等，各適其式。當然唔少得好多人都鍾意嘅壽司同埋 海鮮啦，食咗蟹柳壽司同八爪魚壽司都新鮮甜美。食到滯滯地仲可以自製返一盤沙律refresh 一下。除咗好多款啤酒同汽水 任飲之外仲有水蜜桃汁同豆漿可以揀。最後當然唔少得老婆至愛嘅甜品、軟雪糕同埋朱古力噴泉啦原味軟雪糕加上香甜嘅士多啤梨醬及七彩繽紛嘅朱古力同脆脆，好睇又好食。桂花糕清甜爽滑，芒果布甸芒果味濃，椰汁西米糕亦係個唔錯嘅選擇。食埋甜品，呢餐食得十分滿足！

男友心血來潮話想食韓燒，在旺角區原來有好多韓燒的餐廳選擇，於是我地就上網搜集下資料，最後決定嚟呢一間評語都唔錯嘅韓牛韓式燒烤晚餐。坐位都幾寬敞。肉類、海鮮、蔬菜類等燒烤食物選擇很多。我最鍾意的冷盤區，各款韓式小吃十分惹味！熟食區有不少炸物，又有炒飯、炒粉絲等等鮮蝦、蜆肉和薯仔雜果沙律估唔到連壽司都有咁多款式自助沙律吧呢估朱古力噴泉十分吸精，小朋友見到一定好開心～甜品選擇很多連綿花糖機都有雪糕機，鍾意食甜品既人士一定要黎

朋友是這裡的常客這晚即興的飯局，嘻嘻哈哈歡聚一整晚食物種類超級多，的確有點眼花繚亂有冷盤炸物，豬腳薑，煎餅，老火湯等等凍海鮮，青口，海蝦等幾款壽司，跟沙律任飲汽水，啤酒，果汁燒烤肉類/蔬菜肥牛，羊肉，牛肉粒，牛脷，五花腩，三文魚骨，墨魚仔等等這裡的泡菜，酸度高而爽口用來減一下油膩感雞翼醃得很夠味這晚大家一致認為牛仔骨是最好味的肉質嫩滑，且多汁最後用甜品來結尾地方乾淨也企理，價格相宜難怪朋友會這樣喜歡 旺角彌敦道601號創興廣場1樓

✿╮❤╭✿ ✿雜感女生 好味日記✿ ˚*•✰。韓牛韓式燒烤．任食韓燒放題。✰•*˚ ✿✿小資女的Dolce Vita✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 旺角的放題總是百花齊放 愛吃的人，一定找到放縱的好地方 創興廣場1樓的「韓牛韓式燒烤」 也是一個不錯的選擇 「韓牛韓式燒烤」的花樣與款式都多 率先入眼的是棉花糖機、軟雪糕機、朱古力噴泉 更有木桶豆花！單是甜品自取區已非常吸引 刺身、壽司、手卷、凍海產類都很新鮮 甜品CAKE與沙律的選擇也多 令人意想不到的是中式糖水也有3款 除了大量韓式前菜、炸雞、煎餅外， 連薑醋、炒菜都有 這放題店的熟食區可說包羅萬有 在自取肉類區內 無醃製的五花腩、肥牛最多人取 魚肉、海鮮、吊桶仔、魚仔等等應有盡有 可以選擇的實在不少 最愛腎片的爽脆，五花腩的肉汁 飲品主推韓國果汁、韓國汽水 但必飲即磨豆漿，必食豆花 因為豆香真心濃，豆花滑出界 由於很多小朋友已在玩棉花糖機 本小姐作為大朋友，就禮讓一下吧 加杯自製軟雪糕甜筒就滿意了

突然想食燒肉 就搵到呢間 好方便係創興1樓 入到去 都幾闊洛 環境都唔錯 座位闊 通道都闊咁係自助既 用餐75分鐘有刺身 有海鮮 有炸物 仲有其他熟食刺身真係麻麻 海鮮無試 炸物擺到凍哂 不過蝦片幾好食咁肉方面都有十幾款揀 食哂咁多款豬扒 雞肉 牛仔骨 係最好食 其他都係一般所以主力食呢幾款肉就得野飲同其他放題差不多 甜品都係雀巢同自家制甜品 一般黎主力食肉都ok 既

早兩個月好友請咗我去荃灣食韓日燒自助晚餐，禮尚往來，這個月就一於由我做冬，請返友人去食韓燒，而今次就揀咗位於旺角創興廣場嘅「韓牛韓式燒烤」。餐廳喺商場 1 樓，唔駛搭𨋢，一上完扶手電梯就會見到。店內環境唔錯，雖然佈置有點簡單，但地方幾闊落，座位舒適，而且設有大量卡位，很適合同朋友來聚餐。先介紹一下收費，星期一至四，9pm 前入座，成人每位 $198，而 9pm 後就每位 $178；星期五、六、日、公眾假期及前夕，9pm 前入座，成人每位 $228，而 9pm 後就每位 $188，場內所有韓國飲品同啤酒任飲。安頓後，先出去自助吧檯走一轉看看。食物款式比預期豐富，有沙律、壽司、刺身、熟食、中湯、甜品及飲品等，花款多到數都數唔曬，就先由 Salad Bar 開始，材料有紅腰豆、粟米、青瓜、車厘茄等，一於動手自製沙律做頭盤。凍海鮮選擇不多，只有青口、凍蝦同大蜆，不過全部都可以任取任吃。刺身只有三文魚一款，不過壽司嘅花款就唔少，而且排列得好整齊美觀，相當吸引。三文魚雖然唔算好豐腴油潤，但食落嫩滑無筋，味道都唔錯。凍蝦水準亦不俗，夠曬大隻，而且好新鮮，食落爽口有蝦味。前菜區足足有 12 款選擇，包

朋友和我到了韓牛食燒肉，店很大！雖然很多人一齊燒緊，但竟然沒有煙霧迷漫沒有臭煙味，抽氣系統做得 非常好，值得一讚唔怕食完後個個都知你食完燒烤。自助型式的燒烤，有好多唔同種類既食物，有 d已經熟左可以直接食用，有刺身，熟食，甜品。什至有自家製既錦花糖機，岩哂小朋友。熟食有很多種類~炒蜆幾惹味， 芡汁濃郁入味又唔會過咸！蜆肉新鮮無沙，還有凍蝦！肉質相當彈牙，質數不錯。燒牛仔骨覺得幾好，入味香嫩，整體肉類質數幾好，入貨來源不是下價貨！值得再去。還有甜品雪條呢！

起韓式燒烤入面都搵到日本壽司，果然種類取勝。基本款齊曬，卷物、三文魚、八爪魚壽司等.......可能時間尚早，好齊影出黎特別靚沙律類，岩曬食完想清清腸胃的朋友菜類新鮮，不會苦澀呢張極似酒店食自助餐咁因為有齊蝦、三文魚、青口.....蝦大大隻，剝殼不痴身，三文魚大大份我係第一Round食既朋友，未幾人開始多，就被人掃清光但餐廳的人好快都Refill返起未開爐前，我地仲可以食返D熟食先~~小菜類都比想像中多，偏向韓國一小碟一小碟咁~~由肉類到蔬菜類，成兩個櫃都是...蜆無沙、蝦身又大又厚肉，正好似去左麥記，輕食一下佢地炸物，味道同出面小食店一樣醬汁不錯，好有香港地道避風塘口味大愛佢地既泡菜，夠曬入味夠曬辣，芽菜好爽脆同埋D烤物一齊食就特別不油膩肥牛金菇都是永恆的配搭。仲有D牛肉粒、牛仔骨等，全都醃製左，味道不用醮醬都好好食熟後的肉類色水好靚最後一ROUND就是蔬菜SOLO，燒後特別爽口估唔到會有芒果糯米飯，椰汁同奶味十分重，有驚喜喎

食過好多間韓燒，自問都唔係要求高要食靚野，食飽又唔錯就好了。但真係未試過食韓燒係食到唔想食、食左唔夠一個鐘就埋單走人。其實坐位、間隔係幾好坐幾舒服，服務唔錯。但主題係韓燒，重點係韓燒嘅肉，但真係覺得連肉都唔好味，唔夠入味，肉類選擇少；其他海鮮、熟食、壽司、甜品選擇多，但唔係話特別好食。同埋當海鮮嘅選擇仲多過肉類的話，會唔會改名做海鮮燒烤比較好呢？題外話：整餐就泰國嗰款雲尼拿+朱古力杯裝雪糕最好味。但抱歉，只此一次。

約左個仔在旺角行街同食飯，我倆都好耐沒出過了旺角，個仔又忙著返學、補習，踢足球、平時真是好少見面，同檯食飯，一星期都唔會有一、兩晚，難得他今日放假，唔需要補習得，就叫左他陪我行街食飯。小朋友，最愛是大魚大肉的，加上任飲任食，就最適合的，行到食肆林立的商廈，見到好多人在樓下排隊，又見到一樓是食韓燒，即上去，開餐。門前擺放了一對韓國人形紙版公仔，都好吸引！場內擺放了中日韓美食，鮮甜美味，相當吸引胃口。兒時常見的棉花糖，現在已少見了，但在這，擺設了一部，小朋友可以自已做棉花糖。目不暇給的燒烤食物，任食，有牛肉、雞肉、雞翼、五花腩，魚柳、豬扒等。雞翼、牛仔骨好入味，肉質嫩滑，多汁，加上小小的烤焦味，入口香濃，美味，停不了。豬腳雞蛋醋，酸酸甜甜，好開胃，豬腳煲得好稔滑，有好黏稠，富有骨膠原。飯後甜品，有中西甜點，豆腐花豆味香濃、布甸嫩滑、桂花糕清甜花香，不可缺少的甜品，大滿足！

近排經常食放題/西餐，今晚改食韓燒去左創興廣場一樓呢間韓牛韓式燒烤。門口擺放兩個紙牌公仔幾cute。多元化品種豬，牛，雞，羊，牛柳粒，蝦，腎，魚和蔬菜等。燒牛肉和牛柳粒都好好味，肉類又醃得好入味，雞腎燒完又爽口陣牙燒扒又不是韌好嫩。小食有芽菜仔，泡菜，泰式鳳爪，酸甜蘿蔔，醃青瓜，酸蕎頭等。泰式鳳爪好入味，醃青瓜又爽脆。不同種類的肉類。冷盆有青口，蝦🦐，三文魚刺身和蜆仔又有沙律熟食都有泡菜餅，瀨尿蝦，炸春卷，炸蟹和菜類。仲有少量的壽司🍣，壽司飯好軟熟。甜品櫃有芒果布甸，貴花糕，牛乳布甸，啫喱和水果。啫喱夠硬不會淋，牛乳布甸好香又滑。熟食種類又多。

今日同老婆去左旺角行街，行到咁上下，肚仔餓，老婆話要食韓燒，咁就去左附近呢間韓牛試下了。呢到好大下，空間夠，座位舒適一出去第一眼就見到有棉花糖同雪糕機，非常特別。冷盤種類多：蝦、三文魚刺身、沙律、壽司、青口等等⋯⋯各式炸物和熟食，其中炒蜆同埋椒鹽蝦我最欣賞當然唔小得一系列韓式食品。肉類、海鮮類和菜類選擇正常。中式甜品有豆腐花同埋各樣糖水。西式甜品有布丁，啫喱，生果等等⋯⋯ 各式各樣嘅雪糕同雪條。飲品種類繁多。總結：我同老婆都十分喜歡呢間韓燒，因為呢到同以往食開既韓燒款式比真係多左好多好多，熟食、飲品同甜品既款式之多，我地都食到超飽，超滿足，真係值回票價

姐妹聚會梗係唔少得要任食，今次我地就揀左食韓燒，朋友話對呢間韓牛韓燒好有興趣，我地就捨命陪君子啦！呢度既食物種類都好多，除左韓燒食物仲有冷盤、熟食沙律同susi，乾淨企理冷盤有青口同大蝦熟食都好多選擇，淨係炸物都有幾款前菜選擇都一樣好多，我地就特別鍾情呢一區，泡菜同其他醃菜都好好味燒烤類好多品種，而且全部都擺放乾淨整潔，令人食慾大增燒烤既食物質素都唔錯雪糕既款式一樣好多除左即食雪糕，仲有DIY棉花糖同新地筒自己斟大大杯

同男朋友在旺角行遇到好多人派餐廳傳單，見創興好多韓燒店，秋天就好想燒下，所以就揀咗一樓呢間😂任食比我想像中多野食，連日式韓式都有😂不過我既重點係食肉肉肉，所以一開波就主攻肉都幾多款式揀，同埋都fill得幾快，最多人食既牛仔骨一無咗，過幾分鐘就補番同埋蔬菜種類都多，呢點我比較欣賞左邊係牛仔骨，最好味，右邊係一口牛柳粒，也不錯，我拎咗第二轉仲有各種豬飲品方面仲有另一邊雪櫃，我拎咗可樂飲，男朋友拎甘蔗汁，都幾多唔同種類唔算人多，所以坐得舒服，仲有部電視播韓文歌，有exo、少女時代、bigbang呢啲最common既歌👍🏻最後食埋雪糕，勁難打開個雪櫃門😂😂😂應該係好耐未溶雪，所以啲冰stuck住個門，建議店家得閒溶下雪同埋唔好放咁多條😂結論：啲燒肉幾好食，特別推薦牛仔骨，同埋都幾多醬揀，我男友專食蜜糖芥末，我專食七味粉