韓牛韓式燒烤 (已結業)

想平平地食任食韓燒就揀左呢間 晚市都幾多人客 好熱鬧 而且呢度環境都算唔錯 空間大 抽氣好 裝潢好有古典韓式風味 餐廳採取全自助式模式 但食物區和飲品區係分開既 要分兩次拎食物區有好多種類 燒肉選擇都唔少 牛羊豬海鮮等基本有齊 仲有多款菇類啲肉都醃得唔錯架 唔係每款都一樣味架 特別推驚牛仔骨 一口牛肉粒 同埋墨魚仔 魷魚牛仔骨同牛肉粒牛味濃 牛仔骨啲肉厚實 嫩滑 有口感 而一口牛肉粒就相對更爽口啲  而墨魚仔有啲泡菜味 同魷魚一樣咁彈牙爽口另外又可以拎啲菜包肉 可以冇咁油膩自助區都有壽司同刺身 種類都唔少 質素都ok既 可以趁未燒熟啲肉既時候食下熟食區都唔錯 選擇好多另外甜品選擇都好多 除左呢度一件件自取甜品外 仲有朱古力噴泉 軟雪糕 自製棉花糖 同埋多款雪條雪糕杯 包括韓國melona雪條添都幾滿意 軟雪糕雖冰感重 但奶味濃 都值得一試 

估唔到平日晚上都幾滿場, 唔怪得咁高分! 一入到去已經覺得無平時既韓燒咁大味, 而且環境好乾淨企理, 坐低之後好快就有職員幫我地開爐/加醬油開始食之前先行一圈, 飲品係分開擺, 有3個飲品櫃, 有汽水/茶/啤酒都有幾款, 唔岩飲仲有豆漿/糖水等等, 梗有一款岩你飲!燒肉選擇方面, 都係D大路野, 牛/豬/羊/多春魚/三文魚骨/墨魚仔, 仲有多款菇類菜類, 值得一提既係, D肉類唔係全部同一種味架XD 而且醃得幾好食, 唔會太咸! 因為餐廳仲有沙律吧, 我就選擇用d沙律菜包住d燒肉黎食, 無咁肥膩呀嘛熟食方面, 泡菜有十幾廿款, 有泡菜/芽菜/魚仔/酸羅白/薯仔等等, 大推酸羅白!!!仲有好多熱盤, 豬腳薑, 幾款炸物, 粉粉絲, 羅白炆牛尾等等, 牛尾炆得好淋好好食!壽司刺身都KEEP住refill, 三文魚刺身都好新鮮, 壽司既款式都幾有誠意, 有成5-6款, 而且都幾好食! 甜品方面, 最驚訝既係竟然有綿花糖機同埋朱古力噴泉!另外仲有雪糕機, 幾款糖水, 芒果燸米飯, 草餅, 1個甜品櫃 (入面有jelly/mousse/奶凍等等), 生果都仲有3-4款, 係真係唔會試得晒!ove

呢排愛上食放題，因為唔洗煩，咩類型都有得食第二次來呢間食，地點好方便！座位好大，坐得好鬆動食物種類超級多，肉類我最中意食牛仔骨，仲有雞肉，好夠味海鮮類燒蝦都好正！蔬菜類都差不多有10類，食得多肉燒返d瓜類茹類清下油膩都唔錯岀面仲有好多前菜，仲有賴尿蝦，蟹，四川蝦食添，好正熟食區有炸野，炆牛尾非常好食！炒蜆都ok，仲有好幾款野食海鮮區同沙律區都唔差，真係選擇太多朱古力噴泉我最愛，可以食返夠本中式糖水有豆腐花，番薯糖水，木瓜雪耳仲有軟雪糕，雪條同雪糕杯，軟雪糕幾好食另一區仲有西式甜品，生果呢間餐廳嘢飲種類唔算太多，但係都已經好足夠

繼去完韓國之後，好耐都無食過韓燒了！趁今日老公放假就同佢黎到旺角撐枱腳！！我地行左陣街晚上7:30到入座，價格$208再加一。呢到環境寬敞舒適，食物種類超多元化，小食、沙律、壽司刺身、海鮮、炸物、燒烤肉類、甜品雪糕.....應有盡有、包羅萬有地方真係好大，可以容納好多客人行完一圈已經拎到成枱都係野食，我唔客氣了炸物稍為放涼左，所以我地就放落個爐到熱一熱佢再食！！食完熟食再開始燒生既食物啦，本人食左咁多款至愛魚柳，本身已經調好晒味，味道岩岩好，又唔會過咸其次就係蝦，食落爽口彈牙。食完正餐到向甜品出發了，有自助雪糕機、朱古力噴泉、各式各樣雪糕雪條！！呢到除左有晚市外，星期一至四亦都有午市免烤或燒烤放題下次可以下午黎試試！！

今天食咗一間位於旺角創興廣場一樓的韓牛韓式燒烤餐廳，雖然嗰名叫作韓式燒烤餐廳，其實提供的食品都算係多元化。除咗有肥牛丶牛肉粒丶牛脷丶五花腩丶時令蔬菜等燒烤食品之外，亦設有甜品吧丶少量壽司丶中式小炒丶中式老火湯、各款韓式泡菜等。另外有熱辣辣既豬腳薑，好適合女性朋友，如果客人唔中意燒烤食物，咁亦都可以有其他選擇。首先講番前菜先，既然係韓式燒烤餐廳，當然唔少得各類韓式泡菜，款式多樣，有泡菜大豆芽辣蘿卜海草等。仲有泡菜煎餅，泡菜煎餅唔會好辣啱啱好超好味。其次介紹下燒烤食品，我哋揀咗牛肉粒和墨魚仔，牛肉粒味道0k，甜羊稔。墨魚仔用左辣醬腌。值得推介的係餐廳的老火湯，人參雞湯落足料，好濃的人參味。甜點吧有朱古力噴泉丶泰式西米和爆漿麻糬，睇落都唔錯，但係因為太飽就冇食到。仲有各式各樣嘅支裝雪糕同埋雪條。食咗幾舊蜜瓜清下腸胃，好甜。吃到最後餐廳都特登送上一碟白灼鮮蝦，都極大隻。咁嘅價錢咁多選擇，我覺得很好。

今日大約10:45p.m入座，餐牌又話有刺身、海鮮食，結果乜X都冇！食條鐵！D肉黑過非洲乞兒雞，簡直就係賣剩菜！要乜冇乜，全部都係空盤。我知，你地依家差唔多收檔，但係都可唔可以俾返小小質素嚟啊？！我哋比同樣嘅價錢但係食到嘅係不一樣的質素，仲要服務費10%！樓面一個人都冇，換鐵板都係自己換，完全自助模式！what happen？？？中曬伏！！！啱啱寫緊評論嘅時候個經理同我地講，唔使寫啦，下次你嚟我請你食！？What！！！我哋似乞丐咩，我哋博貪免費飯食咩？！仲話好小事，喂大佬食落肚㗎，俾返少少質素好唔好？！仲有投訴佢哋冇服務仲要比服務費嘅時候，個經理真係好鬼搞笑話:我哋冇服務都係要比服務費㗎~~~笑鬼死。。。本來諗住放咗工Hea下食餐好，結果食到成肚氣，我餓死都唔嚟呢度食！！！

有一段時間冇食自助韓燒了，其實都幾好，可以食下丶坐下丶行下去攞野食，又有唔同款式選擇。首先，行一圈睇睇有乜野食先。有甜品區。沙律吧，沙律菜都幾fresh，又有幾款唔同沙律醬。傍邊有個海鮮吧，中間吉咗其實係三文魚刺身，只係我未等到，而我又比較鍾意食蝦多啲。熟食蝦都ok爽口。熟食區之炸物，其實仲有熱食。有印尼蝦片同炒蟹，熱辣辣特別好味。熟食仲有瀨尿蝦，唔算大隻，但味道ok。另外，小白菜同芽菜。熟食區之涼菜，都有好幾樣菜合我心水，啱食。涼菜... 大荳芽菜同西蘭花，清清地，可以緩和燒烤嘅野食。燒烤區之蔬菜及菇類，款式類別都多。洋蔥丶青瓜丶南瓜，呢啲都可以燒，但南瓜水份較少，要留意唔好燒太耐。燒烤區之肉類，見到都有好多款，大類嘅肉類，如雞翼都有兩丶三種唔同調味。呢款雞翼係辣味，少少辣幾野味。另外雞腎丶牛舌同牛肉味道都好好。整體，肉嘅味道幾好，都新鮮。有兩丶三種雪條，食雪糕就要加錢了。飲品都有好幾款選擇，有啤酒同氣水，仲有清熱氣飲品。港式及韓式氣水都有。有啲飲品我都未見過。呢兩款都幾好飲，冰糖雪梨又唔會好甜。位置都幾闊，可以坐得舒適啲。海蝦幾大隻又幾靚，食落又幾爽口。仲有生菜，包住啲烤肉食會冇咁

食物既種類都算多，例如 三文魚(影個陣咁岩冇曬），壽司，青口，賴尿蝦同長腳蟹呢啲就比較少見韓燒會有，而且9點後$188，呢個價有海鮮食就算唔錯。環境都幾闊落，坐得都幾舒服。前菜都算多款，蟹同埋賴尿蝦都係咁岩俾人攞晒影唔到😂賴尿蝦佢就將頭同尾剪開一半，都係睇返隻蝦有啲肉就好足有啲肉就好少。小食都有啲炸物，粉絲、牛尾自己就冇試 但個蜆就唔錯，有2款蜆。可惜嘅係想食炸饅頭但係冇練奶。跟住就有3款唔同既湯，我冇飲 但打開全部都好香。前菜都有啲沙律，我見到幾多人食。主角就係呢啲，對比要填紙有人攞俾我，我更加喜歡自己去攞，佢加野都好快手，唔會話10點幾就清場冇乜嘢食，雞翼就辣辣地都幾好食唔錯嘅，但係肥牛就有啲難咬，太肥，我覺得最好食就係牛仔骨，牛肉粒都唔錯，朋友就推介豬扒。壽司對比就唔太多人食，自己都食咗幾夠舊口感味道都可以。呢個大福我就唔太鍾意食，食落有少少覺得似食緊擦膠，佢仲有一個芒果糯米飯我覺得唔錯椰汁好夠但係芒果就酸左少少。朱古力噴泉好唔好食就見仁見智，但係勝在夠特別，加水果都唔錯，加棉花糖我就覺得麻麻地。隔離仲有一個棉花糖機，可以自己整，真係好特別我未見過其他出邊有，自己試吓整其實都幾過

很喜歡過來韓牛食，因為好多選擇，當燒緊嘅時可以先食熟食，唔駛喺度捱餓🤣佢哋嘅魚同埋豬脚薑真係極力大推，正到無朋友。咁嘅價錢仲有咁多牛可以揀，唔係間間韓燒可以做到。飯後甜品有生果同埋朱古力噴泉🤤🤤

想和朋友聚餐，上網搜到這家評語好像不錯，就去試試。這家的服務竟然可以氣到我寫下第一篇評語。基本上，吃任食都沒有期待什麽服務，自己拿自己想吃的，拿自己想喝的。侍應也就幫你收收盤子。可是這家韓燒的侍應每次收盤子不是撞到我朋友，就是把放在椅子后的雨傘撞掉，總之就是超級不小心地收盤子。這都不算是什麽，在剩下三十多分鐘的時候，經理就拿著賬單讓我們付錢，這很正常的，方便店家之後安排。問題是 我們付款后，經理就問我們一行人也差不多要吃完了，可不可以換坐到另一邊比較遠和比較窄的位子，我們就說：我們剩下的時間也不多了，不如讓我們吃完吧。那時候我們桌子上還有幾盤熟食，還有飲料，甜品什麽的，所以我們就打算吃完就走。經理就說你們要是不換也沒關係的。那時候， 我們還真以爲沒關係就坐下繼續吃。結果沒過多久，有一個男侍應就推著車子過來，什麽都不説也不問， 就把坐在最外頭的兩個朋友的盤子，筷子，飲料的都收拾掉了。我們就很驚訝，問那個侍應我們還沒到時間呢，那個侍應還要大聲說時間到啦。我們的用餐時間應該是到8點35分，他過來收拾的時候，我們看到時間是8點18分。如果沒有人叫侍應過來收拾，我想侍應應該不會這麽粗魯和大聲的和

話說同事前一日share左個menu出嚟，見到佢d lunch set平均$4x唔算貴又幾多選擇就決去試下了😛間餐廳主打韓燒，所以環境好闊落（兼且有wifi 🤫）叫左個牛肉石頭飯，$53，免加一，包前菜2碟、豆漿/ 湯同埋糖水上菜時個賣相都幾吸引，前菜份量多，不過款式似乎係random出，我地個個都唔同（可以share食🤣），有泡菜/菠菜/青瓜/生菜/芽菜….等等講返個飯，配料勁多，但其實除左牛肉、蛋同紫菜，其他配料都喺前菜出現過🤔望落OK，不過味道就真係好一般，所有野都冇乜味，牛肉個味唔出，D配料亦太雜亂，撈勻成個味道唔係好平衡，加左韓式辣醬都幫唔到忙🤦‍♀到最後佢地無上甜品，我地亦都因為時間關係冇問佢攞整體嚟講性價比唔高，應該唔大機會再幫襯🤭

係旺角想搵平價韓燒唔難 但我始終都係鐘情韓牛👅即使我地只有兩個人 都可以坐大大又舒服既卡位😛忍左成日就係為左呢一刻 身為食肉獸既我地即刻出去作戰😈淨係肉類都有成十幾二十款俾我地選擇🤭第一轉就拎曬雞翼 一口牛 牛仔骨 豬肉 魷魚 龍脷柳 冬菇 金菇 呢啲必食既番泥🤤🤤放番上鐵板度燒真係睇番都流曬口水😆不得不提既係佢地啲肉都醃得好入味 正！😝當然除左任食任燒之外 呢度亦都係任飲🍻兩大櫃飲品任君選擇 連啤酒都有好幾款俾我地揀😽亦都有平時必飲既忌廉溝鮮奶 道地烏龍茶等等😎最尾一點要讚既係除左有好多韓式小菜 呢度仲有刺身海鮮吧🐟三文魚刺身 蝦 螺 一應俱全😈一個價錢滿足埋我地食海鮮既欲望😆

呢間韓燒系自助餐形式，自己夾好方便，唔洗驚漏單，等好耐都冇等食😂。佢肉類都好多款，肥牛、牛仔骨、五花腩，仲要連鴨胸都有。燒鴨胸真系好好食，一個人都食左十塊。而且，有好多海鮮揀，淨系食海鮮都返到本。除左燒肉，佢仲有熟食比我地拎，當日有炒瀨尿蝦、炒茶、炸雞翼...仲整得幾好食。最驚喜系食韓燒竟然有刺身同壽司食，三文魚刺身好肥美，真系好抵食。最後，佢有雪糕比我地任食，食完韓燒咁油，再食返幾杯雪糕先清到熱氣。呢間真系又平又抵食。

已經有好幾年沒有吃過韓式燒肉自助餐了。有的餐廳，味道其次，吃的是環境、氣氛；吃的就是一種青蔥歲月的回憶，韓燒就是其中之一。我的少女時代，都是在吃韓燒。餐廳環境頗寬闊，所有食物井然有序。餐桌夠大，能放置不同種類的食物。一晃多年，原來現在韓燒的選擇那麼多，肉類應有盡有，除了牛、羊、豬，還有內臟，如鴨腎、魚柳，還有海鮮，如魷魚、多春魚、蝦等，至於韓牛，這個價錢就看不著了。各式蔬菜和丸類。還有不少前菜，如沙律、各種韓式醃菜、泰式鳳爪等。還有壽司、三文魚刺身、煮蜆、炒硯、豬腳薑、湯等。泰式鳳爪酸酸甜甜，吃了好幾次。還有海鮮，例如青口、蝦等等。最驚喜的莫過於炒瀨尿蝦和蟹，不過是限量供應。炒瀨尿蝦肉質算不上新鮮，肉質軟乎乎的，但太久沒吃了，實在有點感動。肉類我比較少吃，整體肉質只是一般，這個價錢也不能要求太高。燒魷魚不錯，新鮮爽脆。吃過燒肉，開始吃甜品了！這裏的甜品選擇很多。另外還有汽水和甜品，甜品頗有驚喜，有軟雪糕、雪條、雪糕杯、芒果糯米、布丁、豆腐花、奶凍和水果等。朱古力噴泉旁邊還有各式配料，我也吃了幾回。中式糖水也有，很意外吧？▫️這家餐廳勝在選擇多，食物質素不算有驚喜，畢竟自助餐吃的並不是質素

今日同屋企人係旺角創興買米米電話，行完都已經到食飯時間，係旁邊成棟大厦都係食野既，我地都不用想，就行過隔離醫肚，老實說真係花多眼亂架，但最後我地揀左食韓燒係門口已經勁多人等緊，我地等左10分鐘左右就有枱，超近拎野食既bar，超正，成間鋪都勁香燒烤味。流口水🤤我已經急不及待行去拎野食，係勁多！勁多！勁多！款野食。太重要，要講三次😂雞牛羊豬全部有齊，仲有海鮮，菇類，蔬菜，腸仔等等配菜都成張枱都係。任君選擇！食肉既同時亦有蔬菜落肚！熟食都有好多款，我最鐘意佢既炒硯，超級惹味，無沙！我食左2碟！連凍盤都有，蝦好新鮮，三文魚勁搶手，仲有花螺，青口同龍蝦沙律！豚肉嫩口，雞亦係我最愛，醃左辣辣地。當然我都真係煎得不錯架。哈哈😄甜品有個凍櫃凍住，保持住溫度，旁邊仲有個朱古力吧同棉花糖自己整。總結泥講地方乾淨光猛，食物質素亦很不錯，款式亦多，食到你夠！仲有一樣係不定時會有炒蟹架，要留意住。好食俾人夾哂勁搶手。