韓川

營業中

休息中

餐廳睇落幾型格，所以就黎試下好唔好味啦～～得一個女侍應招呼咁多枱客，但係佢做野好快手，讚！韓川燒生蠔燒蠔有4隻，叫左黎試下。WOW!！好多蒜蓉喺個燒蠔上面！雖然蠔唔重蠔味，但係蒜蓉幫到佢，所以整體係ok既。牛肋骨湯配白飯同我想像中和食開既牛仔骨湯唔同，湯底奶白偏黃，似牛腩而唔係牛肋骨。牛肉多舊，肉質淋得黎有口感。配飯食唔錯。韓國米酒白葡萄味3％酒精，好香提子味，易入口，好好味！不過要100蚊我覺得有啲貴。哈哈。

放工想飲番杯 chill 一chill，但唔想太傷身，首選韓國米酒 Makgeolli (馬格利) ！韓川呢度係以韓國傳統專用既黃鋁壺同碗奉上, 店員會幫你開同倒酒。呢款好重白葡萄味！甜甜易入口，酒精只有3%， 唔怕醉。燒生蠔見依家做緊買一送一優惠，我點4隻total $96，真係好抵食。燒蠔肥美, 上面鋪滿蒜蓉，好惹味！真露蒜蓉牛油粉絲焗蜆食得出同平時一般既唔同，可能因為用咗真露嘅關係，食落比較香，再加上用上韓國粉絲口感更好！鹽燒牛仔骨估唔到係可以咁presentable, 有個爐仔以燭光溫住，另有一籃生菜，芥末醬料同生蒜。配搭起黎一齊食，好開心！同埋要讚讚生菜好爽口，又乾淨，唔會好似出面嗰啲"梅dum der"咁。🤣🤣牛肋骨湯肉腍，配白飯就最岩。真心讚個後生女店員服務一流，做嘢快又爽手，serve哂咁多枱都面不改容，處世不驚，仲好有禮貌同斯文！👍👍請到呢種員工真係褔氣。

通菜街整條街充滿美食 今日就揀咗呢一間韓國餐廳🍻 食物選擇豐富 而且韓國金蠔仲好抵食😍韓國金蠔🦪超大隻 12隻都係$298 岩哂朋友一齊share🥰 一邊食生蠔 一邊飲番2杯🍻 韓國金蠔大隻飽滿 口感比較creamy 好重蠔味👅真露蒜蓉牛油粉絲焗蜆🙌🏻蜆份量好多😝 韓國粉絲特別彈牙 吸哂d汁勁惹味🤤鹽燒牛仔骨🐮上枱有2個蠟燭係底保持温度👍🏻 配有洋蔥 蒜片 燒肉汁同芥末 包生菜食減少油膩感😋 不過就咁食鹽燒味道都好食☺️牛肋骨飯牛肋骨好腍 湯底奶白濃郁唔會太鹹👍🏻韓國米酒白香桃味女仔一定鐘意😍 唔會好重酒味 入口甜甜哋 勁有去左韓國feel🌟

~精選時令生蠔12隻($198) 🦪就咁睇同影相好似去咗食西餐咁🍴，d蠔隻隻都夠哂肥美😚。加埋檸檬汁同海鮮醬岩岩好🍋，食唔到腥味👍🏻。而且呢個價錢食到生一打都幾抵🤑。~真露蒜蓉牛油粉絲焗蜆($118)🥘個汁好鮮甜仲帶啲牛油香🤤，中哂我口味😚。蜆冇咩沙同幾鮮甜😌，不過我同朋友都覺得粉絲先係精華😎，吸收晒牛油，酒香同鮮味😜。~鹽燒牛仔骨($168)🥩牛仔骨係預先燒好在放咗喺個爐上面一直熱住嘅🔥，仲跟咗啲配料例如蒜頭🧄洋蔥🧅同埋生菜🥬仲有啲調味🫙。配撘埋牛仔骨一齊食岩岩好呀(不過生蒜頭我試咗一粒真係搞唔掂😂)。~溫泉蛋虎蝦芝士湯烏冬($98)🍲烏冬夠哂煙靭👍🏻，個湯底因為加咗芝士🧀同整穿咗個溫泉蛋🥚所以比一般更加濃稠同濃郁😚，但又唔會覺得好滯口🤓。個蝦會建議食咗先或者可以拎咗出嚟先🧐，如果唔係就會浸到冇哂燒過的香味🫠。~韓國米酒白葡萄味($100)🍺因為未飲過米酒所以就試吓🤪，一上枱已經覺得好特別🤩，因為真係好似韓劇咁用銅碗做酒杯🍺，仲有個水煲特登攞嚟斟酒添🫖。而且呢個都幾推介俾唔係好飲得嘅朋友👯‍♀️，因為佢酒精濃度同埋飲落去嘅味道都比較低😙，加上白葡萄味甜甜地其實幾易入口😝。

《韓式地道料理夜🎆》———————————————#韓川 🇰🇷-旺角通菜街出咗名多野食，我哋weekend專登去覓食，見到呢間韓國菜非常吸引，出面有個大燈牌，十分吸睛💈-🦪 韓國金蠔比較少聽原來韓國都有蠔出產，而且質量都唔差，隻隻都非常肥美，無臭腥味，口感啖啖肉，加上價錢親民，計返都唔洗$30/隻，過口癮一流👍🏻-🍖 韓川燒肉拼盤呢款拼盤夠哂豐富，有齊哂豬、牛同雞，醃製得幾香，帶點孜然同椒鹽嘅味道，上枱嘅時候已經燒好咗，餐廳好貼心咁用個小火爐保持住溫度，用生菜包住夾埋洋蔥、蒜片同燒汁一齊食夠哂有韓式風味🤤-另外我哋仲叫咗溫泉蛋虎蝦芝士湯鳥冬，啲蝦好大隻🦐烏冬爽口，湯底帶有淡淡嘅芝士味～而蒜蓉牛油粉絲焗蜆加入咗真露令蜆肉鮮甜得嚟帶點酒香，鮮味突出，而粉絲底入哂味🤭-🍻 馬格利米酒食啲重口味野就想飲啲酒，店員推薦咗我哋呢款米酒，甜甜地都幾易入口，帶點輕微嘅奶味同酸味，十分開胃～以傳統飲法以茶壺裝落銅碗裡面飲，感覺就好似去咗韓國咁🇰🇷-⭐價錢參考：（另收加一）溫泉蛋虎蝦芝士湯鳥冬：$98韓川燒肉拼盤(豬、牛、雞）：$178韓國金蠔：$298/一打真露蒜蓉牛油粉絲焗蜆：$118韓國馬格利米酒：

久別韓菜,今次生日飯同朋友訂左位食呢間位於旺角既韓國菜,菜式選擇都好多豐富~#韓川 #旺角美食 #旺角餐廳 真露蒜蓉牛油粉絲焗蜆溫泉蛋虎蝦芝士湯烏冬牛肋骨湯配飯韓川招牌燒肉拼盤韓國米酒桃味 埋單總計$640食物都係即時製作,當然飲住等啦~個泡菜都幾夠辣,開胃小碟韓國米酒係香甜順口,越飲越好飲,酒精度數又唔高,岩曬食飯配住飲先上蜆,作小碟小菜出色,蜆肉走沙肉質細緻鮮味粉絲加牛油加蒜仲有真露酒香,無敵好食,香氣留在口中久久不散接上係牛肋骨湯,牛骨乳白色,飲一口好濃郁醇厚,個湯先係主角再吃一口牛肉,炆至如港式牛腩一樣咁軟淋入味,別有一番香氣味道最好食個人推牛骨湯,個湯真心好飲再接上就係招牌燒肉,雞豬牛各一有預先調味,雞扒嫩又有彈性,牛肉味濃有8成熟,豬就帶點脂香夾住生菜食一流,口感豐,肉豐好食最後係芝士濃湯蝦烏冬麵身彈牙配以濃郁芝士湯汁,蝦肉鮮爽大隻,份量好大碗,抵食之選~人平均消費$350服務good,坐位舒服韓川 旺角通菜街27號地下Shop 27, G/F, Tung Choi Street, Mong Kok

上一次食完燒肉拼盤之後就一直好想再過嚟食，今次誠意推介朋友過嚟食，朋友鍾意食生蠔同串燒，所以主要都係食生蠔同串燒為主。韓國金蠔一標準 (12pcs) $298呢隻生蠔又大隻又鮮甜，除番開都係$25隻，好抵食😋！如果唔鍾意生蠔，都有燒蠔揀。真露蒜蓉牛油粉絲焗蜆 $118可能因為我同朋友都飲緊啤酒，酒味唔係好重，反而牛油味更加出，啲蜆都好鮮甜無沙，搭配粉絲就食到停唔到口。左:韓國白艾爾手工啤 ( 綠色jeju pellong Ale)$58右:韓國閃耀艾爾手工啤（藍色Jeju Wit Ale) $58之前都有推介到呢兩款手工啤酒，jeju pellong Ale飲之前可以先聞後飲，聞嘅時候香香甜甜，飲落似荔枝味，不過唔會太甜。Jeju Wit Ale就果香味，甜啲似1664😆鵝肝石鍋拌飯 $128鵝肝都好有份量，四件都大大件，喺一間韓國餐廳食呢個質素係合理同接受👍🏻串燒LIST：＊墨魚咀＊ $21 超好食，又香又爽口，必食串燒推介！豬頸肉 $18雞髀菇 $13雞中翼（2隻）$18雞頸肉 $15娃娃菜 $13整體而言，食得超滿足，不過因為食一打生蠔，所以價錢偏貴，但如果唔食生蠔嘅話價錢都好合

平時去食韓國嘢都唔係炸雞就係食炸雞🤣🤣今次去左間開業半年嘅新派韓國菜食🥰韓國hite Terra啤酒🍻 半打 $100CLS😂出面飲啤酒可以飲到呢個價，都真係幾平下，如果想大家吹吓水飲下酒食吓嘢呢間真係好介紹👍🏼👍🏼時令生蠔🦪 12隻 $198採用法國生蠔，隻隻都非常肥美👍🏼🥰食生蠔成日都好怕一陣臭腥味，🦪嘅味道好甜都食到有海水嘅鹹味，各方面都好平均👍🏼👍🏼當然價錢都好平🥰韓川菜包五花腩 $128食韓國菜就必定要食五花腩😍😍 五花腩醃製得好香，食落好似用咗孜然粉或者椒鹽去燒過再放入一個小型火爐保持5花腩嘅溫度，包生菜包嘅時候都會保持到佢嘅溫度👍🏼配上洋蔥🧅蒜頭🧄燒汁及芥末，包埋一齊食少少嘅五花腩油脂深入左生菜🥬，整體味道好好味😋芝士牛油燒帶子 $88 2隻帶子都幾大隻下😌有帶子嘅鮮甜味，唔會係冰鮮帶子嘅質素，芝士都幾多👍如果鍾意燶啲既話，可以叫店員再燒耐啲😌😌溫泉蛋虎蝦芝士烏冬 $98隻🦐好大隻😳唔知大家會唔會食🦐頭❓蝦頭係好食到隻蝦質素同熟嘅程度🤣食落都有蝦膏流出，爽口鮮甜👍🏼烏冬爽口好味，湯底用左芝士湯，飲落味道會有淡淡的芝士味，唔會話好濃烈😌

旺角通菜街不嬲都出名多食店，係漫無目下左右兩邊望一望，無意中發現到《韓川》，比佢出邊嘅招牌同單車吸引咗入去，由於時間比較早同落緊雨嘅關係，店內暫時人流相對比較少，係店員嘅推介下揀咗四樣嘢食同一支米酒🥰🥰🥰❤️韓國金蠔 🦪 12隻可選刺身上同燒的，不嬲喜歡生食嘅我哋，當然要刺身上啦！隻隻蠔都超級肥美同鮮甜，仲要每隻平均都係二十幾蚊的，非常抵食之選呀！😲😲😲🧡真露蒜蓉牛油粉絲焗蜆🥘唔怪之得味道鮮甜得來帶了一點酒味，原來加入左啲啲真露去提鮮，蜆肉夠大粒又夠鮮甜，而粉絲底又夠入味！超正呀！🤤🤤🤤💛韓川燒肉拼盤（雞、牛、豬）🐷🐮🐔喜歡那簡簡單單嘅一份併盤，配埋生菜及不同醬料，仲要已經集齊了雞、牛、豬，食落不油也不膩，二人份量剛剛好，不會造成浪費！👍🏻👍🏻👍🏻💚鰻魚石鍋拌飯🍲呢個飯望落去賣相又靚又豐富，除咗鰻魚之外，仲有好多韓式配菜，加埋佢哋個秘製醬汁，簡直冇得頂呀！仲要食淨左，翌日翻熱食都同樣咁好味！😍😍😍💙白葡萄味韓國米酒🥛第一次飲白葡萄味嘅米酒，只係得3%嘅酒精成份，超易入口，真係好似飲緊果汁一樣，仲要用上韓式茶壺同酒杯飲用，儀式感滿滿！😝😝😝感恩給我食到一餐咁美味嘅晚餐！♥️ @hanchua

星期日約朋友係旺角食飯，上網揾到呢間叫韓川既餐廳，望到裝修好靚好有feel！餐廳環境佈置都幾有特色! 因為冇裝上傳統韓國燒肉店既烤爐同煙通，冇油煙味，環境光猛坐得幾舒服!！呢度係自助落單嘅，見到韓國餐廳竟然有生蠔食，平時法國生蠔就成日食，反而韓國既生蠔就未食過，但食物送到時，感覺好驚喜！隻隻生蠔都超級肥味，我最享受原味，完全食得出生蠔原有嘅鮮味。 另外叫左真露蒜蓉牛油粉絲焗蜆，好多蜆肉而且蜆肉都好甜，粉絲係韓國嘅粗粉絲，入味又有咬口，係一定會再點既菜式之一。 唔好以為冇韓式烤爐，就冇燒肉食! 好奇心驅使之下，叫左個韓川燒肉拼盤，侍應端上左精緻嘅爐具，小小鐵板上有齊牛，豬，雞，伴碟仲有沙律、生菜、蒜頭、洋蔥同兩款醬料。肉份量都唔少，醬汁中嘅芝麻先係精髓！飽肚之選就揀左鰻魚石鍋伴飯，芝士控就當然加埋芝士啦！ 石鍋飯配左一款廚師秘製嘅醬汁，加埋入飯真係提升左石鍋飯嘅味道！加埋韓國米酒，有啲回味好耐之前係韓國旅行嘅時光！值得一讚係，待應非常友善且介紹食物細心又仔細。下次想再食生蠔，同埋今次未試到嘅芝士串燒烏冬

好耐都食韓國野🥲🥲冇得去韓國唯有食韓國餐止下癮🥲🥲上網見到呢間街頭風裝修好正，就試試呢間😋—————————𝑴𝒚 𝑯𝒐𝒏𝒆𝒔𝒕 𝑹𝒆𝒗𝒊𝒆𝒘 🍽 𝗧𝗮𝘀𝘁𝗲 :▐ 炭燒韓國金蠔(4隻) $128▐一上枱勁香🤤🤤隻隻蠔都手掌咁大，蠔肉肥厚多汁，上面嘅蒜蓉汁令蠔嘅鮮味更突出🤤🤤🤤▐ 韓川燒肉拼盤 (豬、牛、雞) $178▐燒肉係預先燒好，上枱時連埋小爐，確保食到最後都仲係熱辣辣😋又唔會令d肉過熟，跟拼盤仲送好多生菜同配菜，生菜多到用唔晒😂😂仲有較剪同鉗俾我過下燒肉癮😂😂又唔會有油煙味💕▐ 鵝肝石鍋伴飯 $128▐用鵝肝黎做石頭鍋飯咁重本我都係第一次見🤤🤤大手筆地有4大舊厚切鵝肝，裡面嘅配菜夠晒多，食晒成碗都膩😋😋個醬汁係小店特別調製，同平時食到嘅唔同，甜甜辣辣好開胃😋😋▐ 鹽燒虎蝦 $78▐上枱又係令人震撼，兩隻虎蝦好巨形🤤🤤蝦殼燒到脆卜卜，加檸檬汁充分提鮮😋▐ 韓國米酒白香桃味 $100▐店長推介我地試呢隻米酒🤤🤤酒精濃度唔高只有3.5%😋易入口有香甜桃味，配埋燒肉食真係令人越飲越多😂😂😂酒上枱係用韓國黃銅水煲同酒杯🤤🤤好有韓國포차 感覺😋🌐𝗔𝘁𝗺𝗼𝘀𝗽𝗵𝗲𝗿𝗲 : 餐廳有兩層，走街頭風

今日同個好耐冇見既朋友食飯，佢話想飲下酒，然後我地搵到呢個韓式料理既餐廳，又有手工啤酒又有韓國燒酒，岩晒我地。入到去啲服務員都好細介紹啲食物比我地，於是我地就試下韓國金蠔，第一次食呢種蠔，好適合鍾意清淡啲口味既人，比較無咁海水味，但都好鮮甜，可以食多幾隻都唔怕既感覺。另外仲叫左一堆串燒，燒茄子係必點，其他串燒都燒到剛剛好，配酒簡直一流。牛油粉絲焗蜆都好唔錯，啲蜆除左冇沙，都幾大隻幾甜，同粉絲一齊係絕配。下次想再飲下燒酒可以推薦朋友過黎。

今日食韓國菜，不過唔係烤肉係食串燒。去到旺角好容易就見到間餐廳，因為門口有一個好大嘅霓虹燈牌寫住「韓川」。我哋揀咗幾款串燒：七里香（雞尾）、羊肉、台灣腸、豬頸肉、雞中翼、墨魚咀、雞髀菇同埋韭菜，食串燒冇理由唔飲酒架，望到牆上面一幅幅嘅海報，Oh ! My God 🥰 孔劉！原來係孔劉啤，唔該半打！😂因為而家做緊優惠（$100/6支）咁抵無理由唔叫。我哋仲叫咗蒜蓉燒茄子、椒鹽雞翼尖嚟到送啤酒👍🏻最後我哋揀咗芝士蕃茄雜錦海鮮泡菜湯烏冬做壓軸，職員同我哋講，呢個湯烏冬係用咗三款芝士，所以會好濃嘅芝士味，我聽完之後好期待😍串燒 - 有三款沾醬（韓式辣醬、燒肉醬，蜂蜜芥末醬）喺香港應該好難食到燒七里香，所以我特登揀咗，食落口好似食雞髀肉咁，好香好好食，因為佢哋處理嗰雞尾嘅時候係用咗好多心機（拆骨、清潔等工序）羊肉唔騷，墨魚咀好大粒……蒜蓉燒茄子 - 唔會燒到個茄子好乾身，仲有啲水份，蒜蓉味好香，我想叫碗白飯嚟送飯😂椒鹽雞翼尖 - 呢個餸就真係一流而且佢揸到好香好趣有少少蒜蓉味，重點係一啲都唔油膩👍🏻芝士蕃茄雜錦海鮮泡菜湯烏冬 - 石鍋裝住烏冬啲湯仲滾，一夾係啲烏冬就呈現拉絲既芝士（心心眼出現😍）

#foodiegun #guns_food_旺角一直係我嘅蒲點🤣 咁啱經過通菜街, 見到應該係一間新開嘅韓國串燒店, 裝修又幾靚, 就一於去試下👀.一坐低, 就先嚟咗兩碟前菜, 蒜香麻油生菜同泡菜😍 店員仲話啲前菜係佢地店親手整, 唔係買翻嚟🙈 啲泡菜又真係同岀面唔同味, 係偏甜嘅泡菜, 辣辣地, 又幾開胃喎🤪 而個生菜又幾好食, 加咗麻油係入面, 又真係特別惹味!!🤤.青提米酒 ($100)好解渴, 只有3%酒精, 飲落去酒味唔太重, 啱曬chill drink, 反正提子味好岀, 唔係死甜, 飲落去好順喉, 係會想再飲嘅米酒😛 唔知岀面有冇得賣呢🙈.雞翼尖🤩 ($38)想講$38, 完全冇except過有咁多隻!! 仲要燒得好香脆, 加埋炸蒜, 好好食!! 真係有好多隻😂 食雞翼尖都食飽😂😂 值得一讚嘅係, 食到最後仲有幾隻, 都冇話因為放得耐而變諗, 仲保持到個脆口感👍🏻.串燒拼盤有三隻自家制嘅醬俾你點, honey mustard(?), 有啲似韓式辣醬, 同燒肉汁 (個人最愛✌🏻) 韮菜唔會太乾, 食嘅時候仲有啲肉汁mix埋一齊, 好惹味🤤🤤豬頸肉仲有肉汁, 好juicy👍🏻

🔥每逢冬天，就好想食韓食，夠熱辣辣，今次就第一次食韓式串燒。🔸係旺角新開既韓食店，所以人流唔多，不過環境算不錯既，手機落單幾方便🍺韓國Hite Terra啤酒 $100一坐低，店員就熱烈介紹Terra 啤酒，話韓國多左人飲依款，而家100蚊有成桶6枝，都真係幾抵飲，幾個朋友黎岩曬。第一次飲依款，飲落都算順滑易入口既🍽前菜送既，店員話係鋪頭自己整。食落泡菜入味但唔辣，岩唔食得辣既朋友。🍢串燒：韭菜$13, 牛丸$18,火雞腎$16,豬大腸$19,燒賣$18,娃娃菜$13,七里香$28,羊肉$28叫左一大盤串燒，下面有火保温，大多十幾蚊一串，價錢都相宜既。其中有幾款我比較鐘意，七里香，娃娃菜，羊肉同燒賣（韭菜豬大腸我本人唔食，不予置評😂）🐓七里香係店員推薦，我地叫果時都未知咩黎，原來係雞尾，但食落係有驚喜，好香油脂，好岩做串燒。🐐羊肉我本來都唔太好，但呢串無咩羶味🟡燒賣燒完口感很不錯～🥬食完幾串口乾，最後食串娃娃菜岩曬，燒完仲keep 到好多水份🍆蒜蓉燒茄子 $58一大條茄子另上，皮脆肉軟，落左好多蒜蓉都幾入味🍲芝士蕃茄雜錦海鮮泡菜湯烏冬 $168食之前要撈一撈，因為落左三重芝士～好足料，