非凡小廚 (已結業)

北帝街差不多全條街都係餐廳，日式韓式台式星馬菜什至新疆菜都有。因為時不時就會經過土瓜灣，呢條街嘅餐廳都試得七七八八。最近見到呢間餐廳改左名，鋪頭裝修咗光猛咗，就入嚟試吓啲小菜啦！呢度適合一班人 因為大部分都係大枱，不過唔緊要 兩個人同樣拆得，叫咗三個餸！大良炒鮮奶呢度菜口感似賽螃蟹，分別在於傳統嘅賽螃蟹係唔會落鮮奶。呢度菜要做到細嫩幼滑，就係靠廚師嘅功夫！呢個炒鮮奶有淡淡的奶味，加上有蝦嘅配搭，值得一試！欖菜肉碎四季豆最冇得輸嘅送飯菜式 乾身又唔油膩！黑金蜜糖蝦球黑金即係黑松露。呢個多工序的菜式一上菜就聞到好香既蜜糖味，外面好脆好甜，入面好爽好新鮮。呢間鋪頭係土瓜灣入面絕對係數一數二好味既廣東菜！

見這小店好評不少但多數都係有關晚飯嘅評語，就等我寫寫下午茶嘅經驗☺️咖央金磚西多士 - 果然色澤金黃，麵包切成四份才炸香，客人較易處理。跟其他茶餐廳一樣 - 自落糖漿。唯一美中不足是咖央味道較淡，甚至食不出咖央的味道😐今日下午超過30度，配埋杯凍奶茶好消暑，感覺涼快😎朋友點嘅星洲炒米係下午茶餐嘅份量。上枱熱辣辣香噴噴😽米粉炒得非常乾身，咖哩味聞落同食落都好香。入口微辣，材料亦足👍🏼此店果然小炒了得，下次嚟試晚飯😋

放假起身落街買早餐，落到樓下見到呢間野新開諗住試下啦，就叫外賣諗住拎返屋企食。我11:00叫餐，叫完我就話轉頭返黎拎。過左陣返去，佢地整好，咁我就坐低左。係到等，等左陣個侍應就拎左個早餐出黎，叫我坐多陣。咁我以為佢仲有野未齊啦，我就一路坐係到，等等等，等到搭11:45。我就問佢仲差d咩。佢就嬉皮笑臉咁同我講，無嫁啦，齊晒嫁啦。我即場o 晒咀。我個早餐齊晒你叫我坐做乜野呀。等左我9個字，我坐係到咁耐你唔覺得奇怪？我個面都冧晒啦我返到 屋企打開個早餐，發現仲要係錯野我要嘅係白菌炒蛋，佢俾乜餐肉我呀我發誓佢唔洗錢我都唔會再食呢間垃圾呀。

港九新界離島咁多地方，唔知有咩地方你係未去過呢？同A姐傾開計，唔計啲山旮旯無人島，原來佢未去過土瓜灣㗎！唔知等幾耐先等到沙中線開車，所以我今日一於就帶A姐去土瓜灣旅行啦！其實我都唔知土瓜灣有乜嘢玩，不過，呢啲時候當然要懶man咁帶A姐四圍去啦！去土瓜灣最出名嘅當然係牛棚藝術村，睇吓唔同嘅藝術小攤檔啦！睇完牛棚，當然要去食飯醫肚。今日A姐話想簡簡單單，食啲住家餸，咁就隨意搵間小廚啦，就去非凡小廚Flavor！今日所有餸菜都畀A姐發版，有魚有雞有肉又有菜呀！茄子炆倉魚：A姐好怕食魚，最驚多骨，所以少骨嘅倉魚就係佢嘅favorite！倉魚煎過再炆，好入味呀！仲用咗好多茄子去炆，夠晒份量！XO醬雞煲：雞煲就食得多，但今次就唔係重慶版，係XO醬版！雞肉鮮嫩惹味，煲仔入面仲有好多三色椒同洋蔥。醬汁味濃郁，好入味，唯一瑕疵係雞比較多骨。涼瓜炆排骨：鑊氣夠，係全餐飯入面我哋兩個嘅最愛！涼瓜唔會好苦，排骨唔肥，有咬口，成個餸都好好味，真係可以添多碗飯呀！

椒鹽蝴蝶魚抱住試下嘅心態叫呢個魚，因為大家都唔知道咩係蝴蝶魚。一上菜，簡直係嚇親我哋!條魚大大條，炸到外脆內軟，加埋炸蒜蓉，香口都不得了!沙拉骨呢個沙拉骨有少少似京都骨。醬汁咸咸地，送飯一流!櫻花蝦肉碎炒飯炒飯粒粒分明，拍得住酒樓嘅炒飯。而且廚師一d都唔孤寒，灑咗好多蝦花蝦喺炒飯到。焗豬手我離遠都見到隻豬手有幾大!連旁邊嘅人都望住我哋!豬手加上黑椒汁非常惹味，肉質出乎意料的柔軟，比扒房食到更好味!我哋4個人都食到飽飽。豆沙餅本人最近愛上豆沙餅，所以喺呢度都叫咗一個。熱辣辣嘅豆沙餅同軟綿綿嘅忌廉好夾，好好味!炸雪糕同行嘅朋友更愛呢個炸雪糕，外熱內冷，口感豐富!

今日又去探朋友仔, 係佢屋企附近開餐人地成日話土瓜灣好多正野食!果然係真!呢間小菜店位置非常開揚 好易就搵到今日好早食飯 , 7點鐘 唔駛等位 so good!先叫左個黑金蜜糖蝦球黑松露係面,好香既黑松露味加埋好多既蜜糖 少少酸酸甜甜 幾清新開胃!唔錯!再黎個沙拉骨,細細個最鐘意食呢味!都好耐無食過!整碟先!少少香脆, 個排骨個醬本身係甜甜地 加埋拉律醬 酸酸甜甜咁配搭 幾好食又係開胃之選,我最like!食左咁多肉, 整碟菜先!八珍豆腐煲!大鄉里平時無叫過呢味餸!本身以為係真係淨豆腐煲哈哈點知多料成咁!有豬潤, 蝦, 冬菇, 魷魚 ,小白菜, 八珍豆腐, 叉燒 非常多料 全部都好入味D菜又夠哂多油 幾新鮮 入落口好爽口 讚!總結:土瓜灣真係多美食, 下次一定會再黎尋找更多既美食!呢間小菜店一定會再黎幫襯!睇得出師傅既用心!good呀!

櫻花蝦肉碎炒飯，成隻蝦仔，蝦仔份量激多，味道方面做得好出色而且淡口味，不會有味精，與住家飯大致一樣，令人一試難忘，而且價錢相當經濟實惠份量夠足料。難得一間食小菜既飯店有'椒鹽軟殻蟹'食。一上碟椒鹽蒜香味直飄，份量有7-8件，算多份量，味道十分香脆鮮甜, 肉味極其鮮美 ;蟹殼特軟，可連殼一起吃，軟殼蟹表面金黃色味道香脆鮮甜, 肉質鮮美 ，蟹殼軟軟的，可連殼一起吃過癮~連炸蒜茸、紅辣椒粒及椒鹽味同食， 炒至極香，佐飯一流叫一碟蔬菜'上湯香蒜莧菜'均衡今餐飲食先，不能變成食肉獸~見到有上湯莧菜$ 48咁平呀，便立刻叫了，果然好大一碟，有大量原粒香蒜和皮蛋，味道很易入口，適合大眾口味。脆皮燒腩仔，一般酒樓叫的燒腩仔，一碟只有數件，價錢不便宜，但非凡小廚的燒腩仔只是$ 8x但燒肉卻超超超厚的，燒肉皮雖不是脆卜卜那般，但亦非常香味肉嫩！味美炸雪糕 果然是名符其實'非同凡響'炸雪糕有焦糖和士多啤梨味、朱古力3款醬選擇，但雪糕口味都劃一係原味，呢個炸雪糕1個字「掂」炸皮吸收了少許雪糕雲呢拿香滲到炸皮加上焦糖醬香甜，為一頓豐盛晚餐劃上完美句點總括食物材料很好，店員服務得很好而且有電視節目睇，加哂分！

尋晚去土瓜灣搵舊同事借 notes，之後順便一齊食晚飯~佢帶我黎到非凡小廚，食小菜。個menu 都幾多野食～ 睇落好多都好想食！ 我地先點左個粟米羹，好多粟米，而且飲落有d 蛋花，唔會似平時罐頭又杰又假甜～ 黃金蝦碌～炸得金黃色，好靚，賣相唔錯！食落蝦肉彈牙爽口，而且非常惹味 =] 櫻花蝦肉碎炒飯份量好多，每人食到 2.5 碗~炒飯炒得好乾身，一粒粒好有咬感，不過櫻花蝦肉碎就唔太多，如果多d就好！ 蒜蓉炒菜心～菜心好翠綠，同屋企炒得一樣！好有住家的感覺～ Overall 埋單勁抵，每人$150 都唔洗～有湯有菜有餸有飯！好滿足 =]

朋友住欣榮花園, 有時經過土瓜灣, 都會約她出來吃晚飯 欣榮附近好似愈開愈多食店, 舊區真的不愁找不到好東西吃 就像這天, 她帶我來到她的"飯堂" 說這裡沒有茶位和加一 是充滿温情的小店 主打小菜, 價錢不貴又坐得舒服, 食得開心呢! 店子不算少, 佈置裝修不錯, 很多大大的圓桌可供一家大細到來吃飯! 就連椅子都敷上軟綿婂的墊, 不是一般木登, 坐得闊落又舒服~ 食物方面, 選擇超多, 海鮮, 各式小炒 潮州菜一應俱全 就連上海酸辣湯都有, 望望價錢亦不貴, 很抵吃! 點了三個小菜- 分別是咸水鴨, 花雕醉雞和黃金蝦碌~ 上菜時本以為價位不高, 或多或少份量不多 但這裡卻不會呀!!!! 你看, 鴨子多到快滿瀉了!!!! 雖然叫"鹽水鴨", 但我覺得似鵝多點! 鴨肉肉質鮮美, 一口充滿肉的鮮味, 但卻沒有鴨酥味 不怕肥的更可以連皮一起吃, 皮脆肉嫩, 充滿盈盈肉汁! 來到 花雕醉雞, 本以為是上海店的樣子和味道, 但上桌時卻似是我們平常吃的菜胆霸王雞~ 份量亦一樣強!!!! 雖只是半隻, 但好似吃極都還有!!! 最後更要打包回家繼續吃!! 雞肉火喉控制得不錯, 肉真的很嫩

土瓜灣這個地方，對很多人來就像一個獨立的小地區，沒有地鐵直達，晚上也份外寧靜，不過，對我來說，這個地方挺方便，舒舒服服的坐巴士就能到著，而且這裏的美食非常多，加上朋友家住附近，每隔一段時間，我就會過來這裏與他開餐。 這晚他就帶我到專吃小炒的非凡小廚吃飯，餐廳沒有華麗裝修，但勝在人情味濃厚，店員親切，坐下後會火速為我們送上熱茶，還主動向我們推介菜式。 先上西湖牛肉湯羹 - 湯羹稠稀適中，味道不會偏鹹，口感潤滑香醇，牛肉味濃而鮮，肉細嫩滑，絕不粗鞋，喝一口便停不了下來。 蒜香骨 - 不得不讚這裏的小炒真的相當夠火喉，不但碟頭大，而且上菜時間亦快，蒜香骨煮得超入味，蒜香味濃，加上肉排的脂肪含量不高，吃後不會感到肥膩飽滯。 什燴炒麵 - 本來想吃肉絲炒麵，可是這裏沒有喔，但卻被我發現了什燴炒麵，材料非常豐富，包括有鮮蝦、豬潤、雞肉、叉燒及菜心等。鮮蝦爽脆，雞肉嫩滑，豬潤軟淋，而麵條炒得酥脆，入口脆卜卜的，非常好吃。 肉碎蠔仔粥 - 蠔仔雖然不算很大隻，但蠔身挺飽滿，而且相當鮮味，一點都不腥，言談間知道蠔仔是今日新鮮運到，所以份外新鮮，讚。

朋友喜歡吃煮家菜，西餐他不喜歡，那就一起食中菜吧！黑金蜜糖蝦球($106) 蝦球數量一打有多，外層鬆脆，蝦質新鮮爽口彈牙，師傅細心的把黑松露放在每一顆蝦球上，保證每一顆蝦球都有沾上黑松露～～ 甜甜既蝦球配上黑松露，兩種味道相映成趣，幾特別既食法！脆皮燒腩仔($88) 燒腩仔脆卜卜，燒得好靚，唔會過火！ 食燒腩仔最忌就係個皮唔脆變靭，但呢間既燒腩仔食落索索聲，食唔停口:3燒腩仔肥瘦適中，充滿豬油甘香，邪惡但美味！朋友同我都中意食呢D麻甩野(´౪`)同樣價錢下，係薑蒽魚腩煲同沙茶粉絲牛肉煲作了個選擇，既想食魚又想食牛肉，最後粉絲牛肉煲勝出了！而且也沒有令我失望（>∀<）沙茶粉絲牛肉煲($78) 牛肉份量很多，以肉片的形式呈上，底下的粉絲也是超多！！粉絲最棒的地方就係吸收晒所以牛肉汁同沙茶醬既精華呀！ 非同凡響炸雪糕($32) 好耐都未試過食炸雪糕，第一次食好似係長洲，而家竟然係中菜館有得食(^q^) 雪糕外脆內軟，應該不是雀巢牌雪糕，不過外皮好快就凍同粉漿比較厚，所以食食下我都係食入面個雪糕就算：Ｐ 餐牌:

行過見到有片皮鴨食，口痕忍唔住入嚟試。北京填鴨兩食都係二百零蚊，價錢唔算好貴。平時只會喺茶樓可以食到，呢間有啲似茶餐廳&茶樓嘅fusion餐廳，幾特別。數量唔算好多，大概有十塊嘅薄餅皮， 配菜包括有：青瓜，秘製醬，同埋韭黃。 個皮燒得好脆，有啲都切得幾薄，有啲就連埋肉， 大大塊咁樣包落去食，口感好好。 值得一讚嘅係呢度嘅填鴨唔會好多油，唔會一咬落去d油就係咁流出嚟。 乾身啲， 食落就冇咁肥膩。青瓜好脆，食得出好新鮮！個秘製醬同填鴨好夾， 個熱辣辣既嘅皮包住，一咬落去感覺真係好好！如果個皮再薄少少就會更正啦！令我更加有驚喜嘅係呢個北京填鴨二食，用鴨肉絲去到炒銀芽，裏面除左芽菜之外，仲有韭黃，青紅椒，仲有一啲青瓜絲瓜咁樣嘅蔬菜，成個口感非常之好！而且好有鑊氣！味道調得啱啱好，用黎配飯一流 食完啲重口味嘅嘢緊係要叫番兩個甜品黎中和下。 平時都係長洲食炸雪糕，出咗黎就好難買得到。難得喺呢度見到炸雪糕就緊係要叫啦！不過呢個炸雪糕同長洲個個有啲唔同，唔係直接攞個雪米糍落去炸，出面嗰層粉應該真係自己整嘅，凍凍既雲呢拿雪糕包係入面，出面嗰層粉炸得好脆，好似係放題嗰啲紫芋波波出面嗰層粉咁樣。一個字：

雖然我住係附近，但係好少行到去北帝街果頭食野（多數都係食糖水多），今次行過見到就諗住入去試下佢既「非凡」啦入到去睇到Menu，睇落同其他小店都差唔多姐，跟住個姐姐就同我地講：「牆上面呢Ｄ菜係Menu上面無架!」一見到個德國咸豬手竟然只係$110！！我諗都唔諗就已經嗌左等左一陣就已經熱噴噴咁黎到我地枱頭啦～呢碟豬手好大碟，而且肉係勁多勁多既！真係抵到爛啊！！職員姐姐幫我地切開之後，我地個個爭住食啊肉質十分香嫩、煙煙UN UN既口感，再搭配上一層肥膏真係無得頂！而且呢隻豬手雖然有一層肥膏係度啊，但其實都算係瘦肉多，食落都唔多肥膩架！雖然我一直都係度讚隻咸豬手，但其實其他菜式都唔錯架！呢碟沙拉骨係肉多骨少，而都有淋滿哂沙拉醬，無俾少料你架！而且想讚既係，呢碟沙拉骨只係$68，比起好多其他既餐廳都好親民啦呢個櫻花蝦肉碎炒飯既炒工都好唔錯，食得出每一粒都係好均勻咁炒過，而且都十分足料架十分鍾意食魚既我，都立即叫多一碟魚黎送飯～呢碟椒鹽蝴蝶魚外皮脆口，而入面仲保留住肉汁甜甜、酥酥咁好快就俾我食哂啦～炸雪糕豆沙鍋餅加雪糕總結黎講，我覺得呢一間係好有舊區感覺的飯堂，用一般既價錢就食到足料既飯菜，親民度

小學學英文，當你未識拼音的時候，你會點學英文，點記拼音呢？ 難讀的英文，細過會用中文來代替令自己記得個音，受呢個方法影響的，有人是這樣長大嗎 來到這間新店，在北帝街長長的食街裡，要找一間親切的小店，唔容易，我會推薦這裡，非凡小廚。 親切的原因有兩個： 1.北帝街食街多但全部都不親民，冷冰冰，個個冇乜面情，也不是走街坊生意，你睇大漠成日黑到乜都睇唔到。 2.北帝街的店都好有theme ，你看到有蒙古菜，星馬菜，上海菜，辣的四川，辣cafe，點心，正正常常小菜店不多，這裡顯得更特別。 也是因為這個原因，友人這裡的人情味好，價錢平，而且味道不錯，Flavor的翻譯名，更是令我想起小時候學英文的故事，想起小時候會回家食家常便飯的日子。 大漠風沙雞，絕對係一個平民價錢，但酒店或大酒樓的質素，百幾蚊半隻，老實講，絕對是超值，最重要，那感覺是像家人煮的溫馨，吃到不會太油，不會太鹹，嫩滑的雞肉，就是那種親切的金子般的感覺。 黑金蜜糖蝦球，黑松露的來臨叫蝦球更特別，濃度高又蜜糖甜，兩個味突出又相互吸引，蝦球是新鮮又吃得到的爽，你沒有投訴的餘地，其實如果你蒙眼食，我想你都以為係酒店出品的大師作品。

秘製茶香雞，外皮食落有淡淡既茶香，雞肉做得好嫩滑，而旁邊附近既醬汁鹹甜得宜，簡直神來一筆！鐵板黑椒豬手($108)見佢舖仔細細，估唔到出品好有誠意！鐵板豬手上枱先淋汁，炸一聲之後真係煙霧瀰漫😱，冇曬煙之後梗係要拿拿聲解剖隻豬手啦，外皮軟淋淋充滿骨膠原，裡面既豬手肉出奇地唔算重口味，唔會鹹得濟，配埋黑椒汁，真係送飯一流啊！石鍋蒙古羊梅菜扣肉肥瘦相間，整得好入味！咁多樣肉食後，唔少得整返碟菜啦！金銀蛋白菜仔！