青葉日本料理 (日式放題) (已結業)

平安夜同男朋友去食..我之前巳經去過mk o個間..覺得ma ma地諗住哩間會好d la點知..仲衰左tim..types of food are more less the same as mk that one..however..the taste is way worse than mk one..我都唔係食左好多野..食完之後過左一陣仲走左去嘔..d單又亂wor..christmas時仲加價呢~更加唔抵食

我同個朋友去食.有兩個半小時任食0的雞軟骨好好食~我地食0左好多魚生,好新鮮比起外野手好好多~環境好好~好relax,唔明0的人點解話哩間野唔好.0的一口牛肉超好味~我下次都會再去

大久保的食物....只是裝修好一點!!刺身及壽司的都不太新鮮...刺身有水咁....小食還可以的!!整體都還可以的...但150蚊一個人..我會寧願選擇去和民or 和花亭

住喺官塘區,緊係特別留意區內嘅最新食肆啦.知道寶聲嗰個難食到暈嘅日本餐廳執咗,換咗另一間喺旺角都有分店嘅青葉日本料理...其實對於依類咁港式嘅日本任食餐廳都冇好感,因為食得日木一本野都唔會介意付出多啲錢食得有水準啲啦..到睇完openrice啲食評講到咁好,連一啲平時唔會光顧依類日本任食餐廳嘅網友都話好正喎...緊係要去食啦喂...點知去到食先發覺完全係兩碼子嘅事,佢只係比大x保好些少少,啲熱食真係唔係好掂.唔係網友所食嘅野...魚生就ok啦..吞拿魚壽司無嚟味道,只知道係咬緊啲肉類...,下次我寧願光顧近官塘工業中心嘅外野手囉...我諗去過依間餐廳嘅網友都係因為參加咗openrice辦嘅試食會,而依間餐廳就因為係知道試食會嘅關係所以特別有心機做好啲食物囉....

市面上一般的"大飲大食", 如大x保及壯陽苑, 不論日式定韓式, 感覺亦千篇一律地"頹"。仲要位位百幾蚊食d頹野, 浪費金錢之餘, 肚皮也浪費了。所以男朋友聽到我要求幫襯佢主場的這間"大飲大食", 是十分反對的。$138在大飲大食而言不算平, 酒水卻平得發笑, $4一客kirin, $18一客sake, 雖然冇親身試過係咩貨色, 但齋睇價錢都應該試得過。菜式也是千篇一律的, 所以冇乜邊樣值得一提。味道方面就樣樣都唔錯, 刺身新鮮, 其他熟食也不討厭, 大部分即叫即整, 上檯時係食到"即整"味的。亦沒有一般大飲大食常有的"漏單", 整體感覺是不錯的。溫馨提示: 九時半後有八折優惠, 等得的話行陣apm再來吃會更划算。

今日晏晝去左青葉食Lunch，叫在個壽司定食，有一小碗清湯烏冬+蟹子沙律+壽司船(加州卷x 2, 三文魚x 1, 熟蝦x 1, 腐皮x 1, 魚x 1, 青瓜小卷x 2) + 飲品清湯烏冬-- 普通貨色，烏冬好淋,D湯好淡，唔係咁得蟹子沙律-- OK, 冇出水, 味道亦唔錯壽司船-- OK, 份量夠。不過D飯酸左D, 應該落醋落多左飲品-- 要左凍檸水, 茶餐廳貨色服務: 普通, 不過叫餐茶就等左好耐。唔係Full House, 幾杯餐茶都等左成十分鐘。

由於訂了座, 我們被安排到馬鞍型卡位; 七時前入座亦有9折(即是不用收加一)剌身夠新鮮, 但沒有帶子. 昨晚有三文魚, 榮螺, 北寄貝, 赤貝, 章紅魚, 魷魚, 鳥貝.前菜(螺肉, 中華沙律, 蟹子沙律等) 普普通通, 可以不吃!強力推介天婦羅, 脆漿夠薄, 即叫即炸, 脆口又燙口. 昨天食了5隻蝦, 5件南瓜! 蝦不算細隻. 但蕃薯不似是真正的日本蕃薯(百零蚊的放題, 不可以太高要求吧!)手巻份量大, 卷物亦很大件, 只需要揀幾款, 叫1件就夠, 否則會後悔(太飽)! 鐵板燒推介蒜蓉牛柳粒, 有肉汁流出, 肉質不會太硬或太淋.甜品大部份是炸物, 推介小倉胡麻脆球(紅豆炸煎堆仔).侍應服務態度有禮又勤力, 不時來添茶及執走吃完的碟. 送菜時又會叫客人慢用.美中不足是偶有漏單, 或來錯食物.

刺身- 幾新鮮有三文魚, 北寄貝, 赤貝, 甜蝦等等8 種左右, 唔同其他放題, 真係叫幾多有幾多.壽司- 好一般, 唔係好新鮮, 只係食左三文魚籽雞軟骨同蝦天婦羅- 好差炸雞皮唔錯, 其他炸野都唔錯黃金炒飯-唔掂7:00前或9:30後9折

今天下午與二位同事吃飯慶祝我叫左蒲燒鰻魚定食, 飯粒有些硬, 唔夠軟熟. 鰻魚都算厚, 但得四件唔夠喉, 伴碟既薯蓉沙律反而幾好味.同事俾左D燒鯖魚我食, 都算ok, 肉結實.落單後等左好耐至有得食, 人手似乎唔係好夠.多謝同事W請~~~

因為不貴,所以要求不高刺身-麻麻地,象拔蚌好韌,帶子及甜蝦太”淋”北寄貝乾,最好食係三文魚壽司-普通,章紅好乾,三文魚牛油果卷及甜蝦壽司麻麻,加州卷ok手卷-加州手卷幾好,芒果三文魚卷,料太少鹽燒三文魚頭-幾好豬頸肉-幾好炸雞軟骨及南瓜天婦羅-唔掂,唔脆炸日式餃子及蝦筒-幾好煮大蜆-唔得,唔新鮮,第一碟好多隻都唔開口,換第二碟情況一樣串燒冬菇-有沙雞肉串燒-一般枝豆-唔掂,好似煮了幾久梅子素麵-唔掂,麵糊了soba-正常地獄拉麵-幾好,辣辣地服務侍應很年輕-雖然應對唔流利,但有禮同盡量回應我們的問題總結食物麻麻,服務不俗,唯漏單頗嚴重,追單又追唔到備註:晚餐自助餐(其他時段不知道),仍未有甜品供應!

星期一公眾假期,食厭左apm元氣同和民,近近地試下食友的推介,叫左2人午市套餐$118,另叫2件帶子壽司,套餐OK,點左壽司,天婦羅,豬頸肉(好好食),拉麵,$10-2件的帶子壽司麻麻,當然啦, 1分$1分貸,$10不能要求好似峰一樣吧!免加一, Waiter 經常自動添茶,服務OK!

今天跟波友相約在觀塘打波後，照例先拜祭五臟神，在裕民坊有很多食肆，花多眼亂碾轉走到這商場預備飲茶，但見茶樓有很多人排隊，又看現相鄰的青葉廣告牌，見價錢合理又多選擇，便决定轉移陣地至青葉食日本菜。坐下後有人本想各自叫定食，各款定食要四十幾至五十幾蚊一客，我見菜牌上有二人前及四人前套餐，四人前套餐內包前菜、麵豉湯、壽司手卷、刺身船、三客自選主菜、中華沙律及烏冬、拉麵、白飯三選一，另包各式飲料，相當大堆頭非常抵食。我們剛好四人便叫了一客四人前套餐($228)，不收加一服務費，主菜方面我們選了金菇牛肉卷、天婦羅及燒鴨胸，每款包伴菜及一堆薯蓉。食物方面我感覺質量都比同類型的五十嵐好，以此價錢及食品質素實在很滿意的了。服務方面相當殷勤，一進人餐廳就有侍應走來招呼，又經常自動添茶，上菜速度又快，不用食客久等。餐廳的裝修不俗而且很乾淨，燈光適中，坐位不太密，有很多圓刑的卡座，都算坐得幾舒適。靑葉晚上有提供$138一位二小時任食放題，我拿了一叠放題的各式點菜紙看，可見食品種類繁多，下次有機會都要約埋好友一齊試吓啦！

同眾多食友諗法一樣,小弟對這些任點任食的日式食店,都很主觀地未去已先抱抗拒念頭,呢次如非OR 贊助聚會,實難要我這個鄉下仔老遠從新界西殺出九龍東. 放工時間,塞左個多鐘車先到達,已見眾多食友就坐,店舖裝潢新穎,一坐下已急不及待填紙醫肚,燒物,刺身,壽司,共有三張紙,種類繁多,要醫肚實在不難, 微弱燈光下,見鄰坐一對貌似年青木村與靜香食友對刺身船讚不絕口,老實不客氣立即舉筷一試,三文魚果真鮮貨,外層尚有點小油香,白玉豚與帶子亦新鮮軟熟,但凡立貝就麻麻, 見對面恤衫西褲平井堅對對炸物狀甚滿意,於是便叫身旁港板紀香落單,先試南瓜天婦罹,掂!外層粉薄脆,番薯,南瓜炸後仍舊甜美,再黎玉子豆腐,可惜炸得過硬,紀香猛讚雞軟骨與炸蝦出色,可惜小弟對蝦敏感,未能一嚐.炸物尚未嚥下,斜對面澤尻子送上脆炸雞皮一碟,大讚此皮經猛火炸後香噴噴且油而不膩,澤尻子所言非虛,香脆雞皮下果真透出淡淡油香. 一輪猛攻下,正想再試鮮味刺身船,但對枱 果位貌似戰時幫日軍做間諜唧南瓜兄,已強行整碟取走,眼見一刻間已與同坐雙撲選手把整船消化中,觀其食相有點似3年零8個月,想必對刺身船亦十分滿意. 食品質素已比其他任

一直對日式自助餐沒有多大興趣，只怪試過太多唔好的經驗，不是經常漏單，就是食物太過難食；今次OR搞的聚會，當然要支持一，但也不敢有所要求。大約差不多七時，大部份食友也接近到齊，而聚會也正式開始。因唔想食得太飽，主攻刺身和天婦羅，刺身差不多全部試過，大部份都好新鮮美味，只有帆立貝和白玉豚較為失色。天婦羅炸得金黃色，粉醬唔算太厚，但如可再薄一點就更好了，而我自已就最喜歡天婦羅南瓜和蕃薯，實在不知自已食過多少件了。炸雞軟骨也是美味非常，用來送酒就最好不過了，可惜當晚不包括酒精飲味。聽食友說鹽燒鯖魚好味，立刻叫來試試，果然沒有說錯，魚肉燒得很香，肉質也不會燒得過韌，一口氣食了三大件。到此也差不多滿足了！最後上的甜品，雪芭釀草莓，真係好凍，等了很久才食得少許，淨食雪芭會發覺偏甜，淨食草莓又會過酸，但兩者相加，竟然會出奇的配合，實在不錯。食完後大家也像不捨得就此離開，繼續談下去，今次實在是一個非常開心的聚會。當日也認識到很多新加入的食友，又見到一些久別的食家，實在非常高興。最後要一讚當日的侍應，服務非常好，不停添茶又沒有漏單，上菜的速度也很快；作為一間日式自助餐，實在係超晒班！

難得又是公式的聚會，形式還是絕少吃的日式自助餐。七時半過後才來到，大伙兒已經坐齊並開餐，多得幾位圍內食友的熱心安排，吃得安心放心又開心，感謝大家！這裡環境不錯，有房亦有大廳的位置。一行五十多人，坐在大廳的中間，歸一又企理。這裡吃自助，要自己「剔飛仔」，想吃什麼就剔什麼。食友「旋風式」的掃來幾款，食物亦來得快，旋即放滿長檯。計有壽司及刺身併盤、炸物、天婦羅、燒物、鍋物等等，吃完一味又到一味，大家傾傾講講，相當高興。說來慚愧，一坐下顧著和身邊的朋友傾談，竟然忘了試刺身，壽司也只吃了腐皮壽司。甜甜的，米粒鬆軟，都做得不錯。刺身方面雖然沒有吃，不能致評，但同檯食友普遍的評語是十分不錯的；炸物賣相不錯，至少款款都熱辣辣的。炸墨魚餅雖然不很彈牙，但味道不錯，吃了幾件。炸蝦筒夠香口，有杯啤酒就更一流。炸蝦是碎蝦，吉列外皮很脆口，比較欣賞天婦羅多一點。炸雞軟骨是全檯都讚的一味，一大碗一陣就掃清，要試。炸辣蟹仔都很香口，又是下酒良品；天婦羅也是賣相對辦，炸漿不厚，亦夠鬆脆，作為百多元日式自助餐的天婦羅來說，是相當不錯的了。吃了蝦及南瓜，蝦的味道太爽口，反而南瓜是真實一點。還有一味是玉子豆腐，但味道太淡，