青花 (THE FOREST)

🍢惹味拼盤（大）每款4件（💲166）拼盤包括菠蘿雞翼、豬頸肉、雞鎚、炸雞卷、魚餅。菠蘿雞翼較為特別，中和了油膩感，豬頸肉較為惹味。🍍燒菠蘿蟹肉炒飯（💲138）菠蘿燒得香甜多汁，蟹肉鮮味，撈埋腰果、肉鬆同埋提子乾，咸甜適中。🍤泰式大蝦炒金邊粉（💲138）炒金邊粉夠鑊氣，但唔乾身，大大粒花生做配角，蛋絲同青檸增加層次感，酸酸甜甜好適合夏天食。—

First try at this fushion thai restaurant and I ordered a Soft shell crab papaya salad. The portion is fine but 85% of this big bowl are veggie leaves. Too little papaya here and it is not spicy at all. Well, i guess that’s they call this fushion :/

同友人行完街~ 想食泰菜醫肚仔Openrice 下就發現係旺角The Forest商場內，有依間幾有文青feel 泰菜館  "青花"一於試試佢 等左約15分鐘就入坐~好快叫左5個菜同佢地推介飲品 : 蝶豆花青檸茶， 蝶豆花椰子奶蓋約5-10 分鐘左右就上菜叫左小食拼盤,，菠蘿炒飯，炒菜，沙律 同飲品小食拼盤分量唔太多，有雞串，豬頸肉，魚餅， 全部都不過不失沙律分量都唔多， 好快食完，未見有太多蟹肉而菠蘿炒飯有腰果，肉鬆，提子乾等等， 分量ok，味道不太差，未見有驚喜飲品未有網上照片咁靚，亦都唔太好飲，蝶豆花椰子奶蓋太甜整體人均食左$200 幾一個人，唔太平，食品較平平無其，但唔會難食，暫未見有驚喜! 

今晚我哋一行五人去咗青花食泰國菜，朋友話呢間餐廳啲嘢食都不錯所以就諗住試吓，點知期望愈大失望愈大！我哋五個人，嗌左個四人餐都好夠食！首先有啲前菜，啲串燒同個小食拼盤味道係正常嘅，不過就唔係幾夠熱，似係一早整定放喺廚房！個冬陰公湯唔係幾足料，冇咩海鮮，而且味道偏酸，唔係幾夠辣！之後嘅金邊粉同炒飯都係一般，個金邊粉就太淋，炒飯就冇乜味，食唔到佢嘅蟹肉！之後我哋揀咗天多尼烤雞·斑蘭青咖喱，個人覺得唔好食，佢嘅雞有好大陣雪味，個青咖喱就有陣講唔出嘅怪味！最後揀左油酥手抓薄餅，呢個餅都真係好油，d油搞到佢痴埋一舊！

📍森林風精緻泰菜 -- 青花🌸今日同朋友去旺角行街 見到呢間森林風裝修嘅餐廳已經覺得好吸引😆仲係我中意嘅泰國菜 就決定入去試下😆-------二人套餐（$498）同朋友叫咗二人餐 有哂前菜 主菜 配菜 飲品 食到飽飽😆依家介紹下先💕------⭐鹹蛋黃青木瓜沙律鹹蛋黃係小編嘅至愛💕撈埋菜同蘿蔔絲食真係好好食😆酸酸甜甜好開胃 份量仲有好多👍-------⭐烤雞，和牛沙嗲串燒烤雞同和牛分別有兩串 燒得剛剛好 好香👍雞肉好大塊 肉質好嫩滑😆和牛亦到好稔唔會韌 配埋特製沙嗲醬真係perfect😻-------⭐泰式大蝦炒金邊粉賣相吸引 份量好多💕金邊粉炒得夠乾身夠鑊氣！ 酸酸甜甜超惹味😆旁邊仲有花生碎撈埋食增加口感😆兩隻大蝦都新鮮 肉質爽口😆-------⭐燒菠蘿蟹肉炒飯用料豐富 有肉鬆，腰果同埋原隻燒菠蘿🍍好香口 炒飯仲加咗提子乾調味👍蟹肉鮮甜😻-------⭐蒜蓉包有五大塊 香脆又充滿牛油同蒜蓉香💕好邪惡但食到停唔到口💕-------⭐蒜蓉炒白菜白菜好大棵但炒得夠稔😆配蒜蓉炒清清地唔錯-------⭐泰式奶蓋珍珠奶茶奶味好濃好香滑😆奶蓋帶鹹香 好好飲呀💕-------⭐泰象青檸梳打飲落清新

早排約咗幾個舊同事，喺旺角諗咗好耐都唔知食咩！有個同事就提議試吓呢一間，一去到間餐廳勁多人，等左好耐終於入座，我哋三個人就叫咗個二人套餐，再加啲小食、甜品同嘢飲唔係講笑，啲嘢食真心出色！尤其係佢個卜卜蜆，係我食過最好食嘅蜆仲有叫咗杯冬陰公凍飲，又真係有冬陰公味喎，初頭仲驚會中伏🙈🙈最後佢個甜品其實就for影相，因為味道冇咩特別

Never thought of Thai cuisines could be such fusion and drool-worthy!😍🤤Scrumptious food plated with elegant servewares were really adding some extra points to the experience though! 🤩.▪Pork Belly Stir-Fried Noodles🍝▪HK$108Literally the first dish that caught my eye, cuz I was craving for some greasy food lol.🤣😋The dish comes out to be perfectly seasoned with the mix of pork belly, white sesame seeds and veggies!🥢 Nothing can stop me from slurping on these tasty noodles!🤤 Love the way they top of

我喜歡試新嘢，包括護膚品和餐廳！今次中雷中得好應！！！和女朋友２個港女來吃晚餐，點了：惹味併盤、雞併牛沙嗲串、大蝦冬蔭功、黃咖哩海鮮、咸檸七梳打、蝶豆花果凍梳打，人均消費280元。食物一般！只有沙嗲肉串好味！環境一般！椅坐得唔多舒服！服務一般！限時用餐，但上菜又有Ｄ慢！旺角商場内的店，呢個水平，都唔意外！其實也不抱期望的！但！食完就搭地鐵返屋企，短短幾個站，都未到就覺得口渴！係７仔買咗支礦泉水，500ml，飲晒！返到屋企仲口渴！又飲咗３杯水！

朋友，有啲好耐唔見但一見如故，有啲成日見但總有距離今晚約咗一個既成日見又能天南地北無所不談嘅朋友，呀，應叫知己吧，係繁囂嘅旺角一齊尋找兩小時嘅寧靜炸軟殼蟹青木瓜沙律 $86>軟殻蟹新鮮炸起，熱辣辣，炸漿厚薄得宜，鬆脆得嚟唔會食到成口油>青木瓜沙律新鮮酸甜爽脆，十分醒胃，再配上櫻花蝦，味道口感更上一層樓==================推介指數 🌕🌕🌕🌗🌑芒果糯米飯 $78>糯米飯用蝶豆花煮，呈藍紫色，同黃色嘅芒果相映成趣，賣相相當吸引，口感軟糯，暖暖地再加味道亦不太甜，加分>芒果刀功扎實，切得好薄，多汁但少少酸>烤椰子片酥脆，啖啖椰子清香，配合糯米飯同芒果一齊放入口，噢，好味==================推介指數 🌕🌕🌕🌖🌑

這間餐廳，位於旺中帶靜的商場裡，四周佈滿植物和花朵裝飾，感覺坐得舒適，那天同我細佬食飯聊天很不錯。看見午市餐牌，沒有想到價錢好相宜喎！泰式船家牛肉寬河粉 (HK$52)湯底、牛丸和牛肉都好有牛味，但美中不足是寬河粉，是超寬闊的河粉卷埋一圈，煮得太腍又不吸湯底，無乜味。焦糖豬頸肉蛋飯 (HK$58)對我細佬來說，是比較細份，豬頸肉好味，太陽蛋煎得好靚。招牌泰式奶茶 (+HK$8)味道幾正宗和不太甜，OK喎！蝶豆花青檸茶 (跟午餐免費)紫色漸層超吸睛，味道也很好，正呀😋迷你拼盤 (+HK$25)其實是有菠蘿雞翼、魚餅、炸雞卷和青檸雞槌，各一件，但我唔係好分別得到邊件打邊件，因為件件差不多樣。我沒有食到一件有菠蘿味，也沒有食到一件有青檸味，只食到魚餅，其他都是雞件。😒泰式糕點 (+HK$15)椰汁斑蘭糕 (OK，不過賣相有點醜，似走樣的綠色玫瑰花)，西米糕 (OK) 和木薯糕 (OK)。

I don’t care if you approve of me, I approve of myself-係旺角竟然比我發現一間鬧市中一片綠州？究竟我講緊咩？其實係一間新開東南亞餐廳係正一個"The Forest"既新商場裡面，聽朋友講呢個係傳說中藝術美食ATUM旗下新餐廳，難怪上到去發現佢地既環境佈置都一樣咁講究啦！一大片綠色佈置，以好多盆栽同植物將本身商埸既綠色大自然概念融為一體！無論你係裡面定出面都有種置身於熱帶森林既氣息，樓底夠高所以環境感覺更加闊落，連枱椅、裝飾、餐具一樣都咁正！周圍都係打卡之處呀！👇📌惹味拼盤 - $92 (細)▪ 菠蘿雞翼▪ 豬頸肉▪ 青檸雞槌▪ 炸雞卷▪ 魚餅▫ 先黎個小食開下胃先，最基本既各類炸物，雖然熱氣，但我鍾意呀！菠蘿雞翼最為突出，將菠蘿釀入雞翼，可以中和油膩感，雞翼仲幾嫩滑tim，豬頸肉爽身夠彈牙，雞槌整得幾惹味配埋青檸味加強左香味！唔錯！📌白冬蔭公 ▪ 南薑椰奶雞湯 - $82 (細) 👉源自泰北既特別版冬蔭公，味道份外特別，同一般你飲開既有少少唔同，椰奶會更加突出，所以質感會更加滑同香醇，南薑椰奶中和左本身既辣味

今日終於試到旺角人氣泰國新派餐廳 ，入咗時已經通知有限時。 冇辦法啦，旺角食嘢係會比較趕。朋友遲咗嚟到 ，我已經喺等佢嘅時候揀好咗野食 ，慳得一分鐘得一分鐘啦。 而佢上菜嘅速度都係好快嘅。惹味拼盤白冬陰功 南薑椰奶雞湯好特別嘅味道，係我從來未試過嘅湯 。佢有啲椰奶味再加上南薑， 最重要係加咗香茅 ，冇錯係好重嘅香茅味， 所以成個湯變得好清新。 雞味唔算濃郁，但係一款會令人一飲再飲嘅湯。旺來沙律沙律有馬蹄青、芒果、木瓜 、棕櫚心、 炸椰絲等等。由於呢幾樣都係我鍾意食嘅，所以呢個沙律我好鍾意 ，酸酸甜甜好開胃。荔枝龍眼鴨髀紅咖哩加咗生果嘅紅咖哩，令到成個咖喱變得好清新 ， 鴨脾嘅質地都係好食嘅。只食微辣 或唔食得辣嘅朋友都應該啱食。我覺得呢間都唔錯，不過喜歡傳統泰式口味嘅人，就會覺得呢間唔夠泰式風味。

睇ig見到人地食呢間，覺得好靚又幾想食泰國菜就訂左位去食。一入到去未落單已經要影相，因為張檯再加杯藍色水已經好靚，要影。然後成個森林既裝潢配金屬色既椅背，好靚！食物方面叫左菠蘿炒飯同金邊粉。兩者味道唔算突出，金邊粉我期望係有辣味但又冇啵，炒飯就正常炒飯啦。反而飲品唔錯，友人叫左泰式奶茶，佢話真係有茶味，我叫左蝶豆花椰子奶蓋，貌相已經好討好，飲落都好清新！可惜既係我好想試佢個冬蔭公雞翼但點知賣哂😭😭為左試個雞翼同咁靚既環境，我會再來的！

服務差到極點嘅餐廳😤😤我哋訂咗7點枱，要我哋8點半交枱，所以專登6點半早啲到，點知要我哋8點交枱，前台服務員仲好似想唔比枱我哋，話我哋本身訂咗7點，但餐廳入面鬼影都冇隻，唔明點解唔想比我哋入囉。入到去坐低又再重複話要8點交枱，剩番40分鐘用餐時間又講一次，剩番30分鐘又講，想點呀？食到食得唔安樂。食物份量及質素亦唔覺好。叫咗碟馬沙文牛肉，啲牛肉細粒到呢，搵哂出嚟都冇女仔半隻手掌咁多，簡直離哂譜，矮瓜同蘑菇就多，夠膽死收我$128😠😠串燒雞雪藏味好重，好明顯落咗好多調味料想蓋過啲雪味，但都不果。所謂嘅肥豆兒醬芥蘭，英文係soy sauce，但真係只有小許豉油味，感唔該就唔好改啲懶特別嘅中文啦…返到屋企要狂飲兩大杯水，可見味精極重。總括嚟講，係非常非常失望嘅一餐。

今日黎到呢間好靚既泰國fusion 餐廳！一入去真係覺得好有田園風味，佈置得好有心機，成個環境令人覺得好chill, 好舒服，好自在，而職員安排我地坐喺窗邊位置，枱面係雲石，真係好靚！❤️焦糖豬頸肉蛋飯$58豬頸肉份量算多，又有d 辣辣地咁，但感覺同間餐廳既feel 唔太match, 可能餐廳裝修實在太靚，但食物有d 茶餐廳feel.❤️+$8可以跟餐加配田園沙律，加左柚子汁，但係d 柚子汁應該加左太多糖，所以有d 甜，份量都算大份既！