青花汾 (已結業)

两人落座点餐后被要求换到边台坐，让位子给多人。边台太小，手被锅烫伤，最后去要看医生。服务混乱，多次上错残。食到一半，服务员过来收拾，问都不问，直接将脏纸巾丢到食了一半的锅里。。。食物素质差，小菜是之前已做好然后翻热。难食，服务粗鲁，管理差，最重要是不安全。位子狭小，面条锅极烫，这次烫伤手不是偶然，在那吃饭提心掉胆。结账时，为补偿服务员将垃圾纸巾丢到未食完锅中，要给我$2 coupon, 搞笑。绝不会再去。。。

本身經過中環街市，見到好多人排隊，又係新開，都有啲期待嘅。有日得閒就嚟呢度食啦，嗌咗兩個午餐套餐。$79一個餐加4蚊轉刀削麵。一入去嘅時候安排咗個好晒嘅位，正正對着陽光，仲要同人搭枱。之後轉左去走廊卡位，好少，不過都要同人搭枱。叫左一個口水雞刀削麵，另外一個豬軟骨拉麵。個面碗好深，啲湯有一陣藥材味。個湯底唔會話好鹹，面嘅話都唔錯。送來嘅豆漿，只不過係豆漿粉沖出嚟嘅，唔好飲。其中不斷送錯隔籬枱嘅餐，影響食用體驗。總括嚟講真係好普通嘅粉麵，唔明點解啲人要排隊食，而且環境好擠迫，定價有啲貴。

去到聞到好香嘅藥膳湯味， 見到中午全場爆晒， 又排晒隊， 又多人叫外賣， 咁咪諗住一試。 應該唔會太伏卦。 外賣咗豬軟骨刀削麵 加豆漿 $85 餸同麫無分開上， 但我明明見有啲外賣係好多個盒， 應該係叫嘅野唔同啦！ 一返到Ifc ， 嘩！啲麪淋晒、 啲豬軟骨又因為浸住啲藥膳湯， 搞到無晒味。 啲豬軟骨係唔好食， 啲味唔得。 個藥膳湯喺現場聞到好香， 但外賣飲時， 竟然係無味。 最後我食左半碗就放棄咗。 我好少會咁浪費食物， 但真係頂唔順🤮咁樣收咗$85， 真係好唔抵！ 早知行兩步,食南記好過😤

今日嚟咗食Lunch發現呢間餐廳真係唔太得，分享一下等大家唔好中伏！1. 餐廳開喺中環但侍應唔識英文…午市餐牌無英文，喺咁多外國人進出嘅中環都算幾少見😅2. 呢度座位數量好進取，空間好逼，3人坐4人枱然後佢咗1個人嚟搭枱，我哋同搭枱嘅人士都好驚訝🧐仲要我哋未落單侍應就拎走我哋嘅menu俾嚟搭枱嘅客人，個個人都好急咁，搞到大家都無奈🤔3. 食物方面，我叫咗一個醉雞藥膳拉麵，味道同賣相都唔太討好🤯🐓醉雞：非常之肥，皮厚、脂肪又多，食落非常油膩，而雞肉反而好少…味道就極少酒味，係有小小豉油鹹味咁，一唔留神都唔記得自己食緊醉雞😓🍜藥膳拉麵：我第一次見藥膳湯麵會有粟米，真係刷新我三觀🤯仲有紅棗、杞子呢啲正常嘅藥膳材料都無一粒?! 見佢用料咁樣，都唔難估到個湯係幾淡…無乜味咁😢麵就正正常常啦🥛豆漿：表面勁多泡唔知咩事，好影響飲嗰下嘅口感，建議隔一隔泡再serve俾客🥶總括：不值一試，落中要街市地下嘅餐廳仲多選擇～

日日經過開中環街市期待佢開張，今日終於叫外賣。決定叫醉雞麵加錢要刀削麵，加錢要餃子。外賣速度算快。但一交手就開始有驚喜，無分湯？諗住佢地有可能係對自己餐廳非常有信心，計好刀削麵外賣嘅口感，就算。返到公司打開碗麵，一夾啲麵係軟到溶斷開晒，再夾就不幸見到有毛髮喺麵上面。再撥開麵，見到兩粒餃子皮已經爛左。其實想點？個湯無味真係好難搞。到個醉雞，又係無味，肉無晒口感。最後最奇怪嘅係送嘅豆漿，極重塑膠味。點解咁樣都可以俾人食？

這間餐廳新開冇耐, 不嬲冇寫開食評的習慣, 今次實在忍唔住要寫, 希望餐廳能改善員工衛生質素.由於今次正正坐喺出食物位及pack外賣袋附近, 所以望到以下情況:跟餐豆漿全部由豆漿機倒定放咗出嚟, 有員工發現有螞蟻係杯豆漿面, 竟然只係攞紙巾印走隻螞蟻, 杯豆漿照放响度及供應給食客.員工pack外賣嘅時候, 响個膠匙羹兜攞匙羹時不小心將幾隻匙羹跌到落地下, 竟然返放回匙羹兜繼續使用.以上情況仲要講緊唔係眼不見的廚房內, 實在不敢想像廚房內的衛生情況.至於食物方面, 人均大概$80-100一個lunch計, 响中環Lunch算正常價錢, 加錢轉食刀削麵, 煮得太過淋, 味道普通不算好好食. 豆漿擺放位置👇👇

星期六夜晚八點半中環仲有嘢食嘅地方唔多，路過呢間就試下，當時只有兩枱客，同職員及自己朋友一枱。食物選擇唔多，主打藥膳罐湯麵、酸辣湯麵同一啲京滬小食。叫咗口水雞罐湯刀削麵（$89+4)、小籠包（$52四隻）同豆漿（$7），連埋加一$168。價錢貴就預咗，只係估唔到快餐嘅格局同服務都要加一。先上口水雞刀削麵，除咗四五件雞比較多肉，其餘係骨頭位，辣椒蒜頭大概只有一湯羹份量，就算有豉油喺碟底，雞件基本係無味。刀削麵用煲仔上，好夠熱但麵身好淋，無刀削麵嘅煙韌。藥膳湯頭除咗少少苦味，食唔出其他味道。小籠包係無湯汁嘅做法，皮略厚。咁嘅食物水準已經無心機影相，真係伏一次就夠。

上星期見到新開業，即刻約埋幾個同事試新野，中環唔係有呢類刀削麵，所以好期待！大約 12：30去到已經要排隊，等左大約15分鐘，店員安排入座，唔知係咪太多人，店員爭取時間，係排隊期間就要落定 order,。 店鋪係商場範圍採用開放式，而且隔離就係商場入口，所以冷氣唔係好足夠，要有心理準備可能食到一額汗。 先講食物…我地叫左"招牌麻竦口水雞灌湯拉麵"，"寧波醉雞灌湯刀削麵"，"特制鎮江骨灌湯拉麵"，同埋 糖醋魚飯"，每個餐免費送豆漿，加三蚊可轉奶茶或咖啡，檸茶等。我地叫左豆漿，原來豆漿係機即磨，好有濃濃既豆香味，但唔知係咪因為用機即磨，所以好多泡😂 先上檯既係醉雞刀削麵，真係好有驚喜，因為原隻雞脾大大隻，刀削面係要加五蚊，份量好足，但雞就唔係好夠酒味，但勝在雞夠滑。之後黎既係麻竦口水雞拉麵，另加一隻韮菜餃同一隻水餃，每隻六蚊，雖然唔係雞脾，但雞肉夠滑，韮菜餃失色左d, 冇韮菜味，肉多，煮得耐過頭！水餃就 ok, 拉麵份量就唔夠刀削麵多，細食既女士應該剛剛好 鎮江骨拉面…鎮骨江夠入味，而且夠淋，有三大舊，唔錯唔錯。但呢碗麵入面有一"住"仲痴實，淥唔開既麵，估計可能太忙太多單，急住上檯掛！ 糖

昨晚路過見新餐廳🍴去試吓啦！點知中伏碗麵份量少🤔🤔（估計只得半碗麵）如果好細食嘅人都還可以接受😅😅而且啲麵比較琳，一般啦！服務都係一般，唔太招呼客人，上野比較慢慢😵‍💫😵‍💫我見有幾張枱都漏單，要吹、要再問先做😠😠啲位與位的位置太近太窄、太多枱，岀入有啲困難。冷氣唔太夠、有啲熱🔥🔥最後我向餐廳職員反映番意見，點知得來，職員表示：我都係跟公司規矩落的份量。搵笨、價錢又貴，呢間餐廳冇下次😤😤