霹靂南洋 (Ladder Dundas) (已結業)

今日同朋友行開旺角，見到哩間新開的馬來西亞餐廳，地方雖然唔大，但坐得幾舒服，野食服務質素都好好，特別係個芽茶雞飯，配埋個醬簡直一流，最尾都叫左一份西多士做甜品，架央係兩塊多士中間流心，happy ending !

朋友收到張傳單呢度開咗間新嘅店食馬拉嘢，就約咗放工一齊過黎試下😋入到去嘅環境唔算大，但坐位好闊落，牆上仲掛咗啲好靚嘅畫，氣氛幾舒適，啱晒我哋，可以好好傾計。我哋叫咗個招牌怡保芽菜雞飯同娘惹參巴炸雞撈摻摻，本身想叫牛腩，但店員極推薦娘惹參巴炸雞嘅辣醬，就忍唔住叫咗試下🙈招牌怡保芽菜雞飯第一次聽呢一樣菜，但配合幾清新，口感多，薑茸好細，好味😋娘惹參巴炸雞撈摻摻本身都鍾意食摻摻，但撈嘅摻摻真係第一次食，油麵彈牙，米粉乾爽，炸雞唔會似出面啲好多炸粉，但最好味都係個辣醬，加分👍🏻最後仲有個隱藏餐單🤩 味道好好，食埋後已經好飽喇🙈下次再黎試下牛腩🙌🏻

今晚經過旺角唔知想食咩好，經過彌敦道附近好多樓上店，就上樓睇下遂層遂層打開電梯門睇睇，去到5樓見到有間個名怪怪地叫霹靂南洋，就問問佢地其實係食咩架，佢地就話怡保。。。即係馬來西亞菜。之後見到佢地個menu 其實選擇唔多，正合我E種有選擇困難症嘅人，而且試業期間全單半價，即刻坐低試下，我叫左五樣野食，份量係絕對足夠，真係低食又好食。店員話嚟緊會再加入新菜式，特別係小食方面，小店真係好難做架，所以要支持一下，最後希望佢地能夠保持食物水準質素，越做越好。

同朋友行行下街，肚仔餓，search下附近有咩食，見到有間馬來西亞餐廳新開，抱住試一試嘅心態去食，估唔到會有驚喜。叫左芽菜雞飯同咖哩摻摻，芽菜雞好入味，加埋個醬不得了，芽菜好爽好彈牙。另外個摻摻第一次見，唔知咩黎，問侍應先知係油面加米粉，order 一份試下，兩種面加埋又幾夾幾好食，咖啡少少辣但惹味。叫多份參巴炸豆乾，都幾辣下但好好味😋最驚喜係埋單果陣先知新張優惠，今個星期有半價優惠，折後先84蚊，超抵食👍👍👍