霞飛飛

營業中

休息中

出開嚟萬邦行例行檢查、見到有間新開嘅餐廳、諗住近近地就試試佢！點知一試愛上、真係高手在民間！啲川菜真係無得輸！我哋嗌左個辣子雞同水煮魚仲有啲點心、同牛肉餡餅。原來呢間霞飛飛專食四川、上海、同北京菜！真係好耐都未試過辣得甘過癮！麻、香、辣個比例真係做得好好！麻嘅後勁好正！只能用道地去形容！其實其他點心都唔差、但真係俾個辣子雞同酸菜魚搶曬風頭、搞到念念不忘！難得中環都有呢類餐廳真心推！

難得午市放寬👍👍，終於可以約下朋友食下飯😆😆，今次相約一聚，就揀左嚟中環呢間「霞飛飛」🧐🧐。呢間嘅環境真係一流🫢🫢，佈置得非常瑰麗典雅❤️❤️。今日平日午市都幾多人，好多人都叫左好多道菜，難得甘耐無見d朋友😪😪一於坐低慢慢食、慢慢傾。特別推介蟹粉小籠包好大隻⭐⭐💫，份量十足，加上蟹粉味道完全滲透晒✨✨。🌶️🌶️🌶️🐔另外辣子雞都非常唔錯，非常入味🤩🤩，其他小菜都好好，🟣加上服務員姐姐態度好好，好有耐性，一定會再幫襯✋🖐️！

同朋友一齊去萬邦行飲茶，樓下有個好大嘅粉紅色招牌好易揾。環境乾淨舒服，侍應都好有禮貌。菜式有京川滬唔同幾樣，咁幾個人就樣樣都叫啲。水煮魚👍🏻👍🏻👍🏻👍🏻👍🏻超推介  又麻又辣  魚肉其實唔少 平時唔多食辣嘅都覺得好食小籠包👍🏻👍🏻👍🏻👍🏻👍🏻必食  皮薄多汁脆皮素鵝👍🏻👍🏻👍🏻👍🏻唔錯  幾香口  值得食雪山叉燒包👍🏻👍🏻👍🏻👍🏻金桂糖醋骨👍🏻👍🏻👍🏻👍🏻好香桂花味 同個糖醋骨好夾菜式都唔少，同朋友一齊去夠多人可以叫多啲嘢試，環境唔錯，可以再去😋👍🏻👍🏻

最近約朋友食lunch試吓呢間新餐廳，中午時段相對多人，好彩一早訂了檯，不用等便可以入去。坐低一陣，🤯朋友發現原來「霞飛飛」是原本在附近知名「霞飛會館」團隊打造新概念餐廳。室內設計風格相對現代中國風，優雅擺設，環境清幽舒服，享受太陽光的照拂，碓實係三五知己飯局好地點。值得一贊服務員團隊態度非常好，對客人提問，耐心聆聽及介紹菜式。👍位置：近中環地鐵站可遇不可求。😋必食推介：燻魚、醉雞、小籠包、素鵝、回鍋肉等。

有無見過未開已經比人負評既餐廳？今日是16/11/2022。晚上6:30pm去萬邦行買野經過，見到以前間喜雙逢裝修好，變左一間叫「霞飛飛」既中餐廳。以前我幫襯過喜相逢同埋霞飛會館好多次。而家喜相逢變咗霞飛飛我都想試下。咁岩今個星期五老世約我地食lunch。ACE叫左我搵餐廳。本身book 左另外一間中餐廳，當然係無咩新意既選擇，你都知中環黎黎去去都係個d。今晚一見到有新餐廳，心諗機會黎啦！見佢招牌紅紙未撕，但燈火通明，張張枱都set晒野，甘我就上前查詢：唔該請問開左未架？Waitress : 呀…我幫你問吓Waiter:呀…請等等，要問下師傅先，你等等我：哦…我唔係話依家食，我其實是想問星期五架，星期五lunch 你地開始營業未？Waitress:哦，開左啦，其實我地今日都開左，不過今日就做午市，晚市未正式開我：哦..甘得啦，可唔可以幫我book星期五，12:15pm,7位？Waitress 抄在紙上，還說：當然可以啦，好呀，多謝你。我：我可唔可以睇吓個Menu先？Waitress: 好呀。你係呢邊慢慢睇丫佢比左本menu我，我放在枱上打開睇，同時開始用相機影相。影左一張…一個著米色西

以前晚飯成日去嘅霞飛會館，突然間冇左，等我尼幾個月成日唔知去邊度食晚飯好！今日誤打誤撞，見到有間叫做"霞飛飛"，心諗唔知係唔喺同一間呢?。即管上去試下，點知一入門口， 服務員姐姐就認得我啦！🤣🤣全新靚裝修，仲有三間房😍，食物保持水準，繼續有我最鍾意食又熱又脆嘅熏魚😋😋揾得返佢真係好開心😘

呢排同同事出親去食飯、次次都俾萬邦行門口個粉紅色招牌吸引住，如事者、今個星期五終於都約埋成班同事上去試下新野！點知一試就出事！自問係中菜迷嘅我、食辣無數、越食越精、更加係上海菜同四川菜嘅忠粉！呢間新開嘅餐廳叫霞飛飛、食完真係令我非常心癢癢，好想再返去食！每一道菜式都唔會令人失望、非常正宗！可惜影完第一轉之後就掛住食、完全唔記得影相、必食蟹粉小籠包、超大粒超多汁、仲有必食炸子雞、啲辣真係好正、唔會令人好辛苦、仲有麻嘅感覺、麻香辣都拿捏得好好！大滿足！ 個Menu太多選擇、好似係食京川滬菜、中環打工一族又有多個選擇啦！味道：價錢：環境：服務：