霞飛飛

營業中

休息中

最近同朋友去霞飛飛食飯，其實幾年前嚟試過，最近不約而同聽到身邊有人推介好評，所以再約朋友嚟試，估唔到仍然保持水準之上，今次仲有驚喜！我哋試咗個新推出嘅松茸浮萍雞豆花，湯底超醇厚，個湯好清但好香菌香味，超級有驚喜、原來中間嗰舊係由雞肉整成嘅豆腐花質地嘅肉，好滑，一啲都唔嚡！呢個真係大癲！我同朋友都讚不絕口！之後再上網睇返，原來呢個係失傳嘅經典手工菜式，好欣賞佢哋仲肯做呢啲懷舊菜、而家真係買少見少！主菜我哋就繼續encore我最愛嘅干煸辣子雞，一上枱已經聞到好香，味道係先麻後辣，雞肉唔會太細粒，仲有好脆炸過嘅腰果一齊炒過再上枱，真係餸酒一流！不過朋友唔食得辣、所以就嗌咗小辣，但冇影響口感同風味，依然好惹味！仲有糖醋蝦球，完全估唔到個蝦球勁大粒、外脆內嫩、酸甜味啱啱好。豆湯半翡翠苗，冇諗過個湯底係豆漿湯底、夾埋翡翠苗度估唔到係咁夾！食飯當晚都有幾張大枱喺包箱入邊慶祝生日，氣氛好好！原來都幾適合家庭聚會、或者帶啲識飲識食嘅朋友嚟試吓，食物質素係有信心嘅保證！估唔到第二次造訪，無論食物質素定服務依然保持水準之上，仲見到佢哋有加入咗好多新菜式，可以繼續encore！

🐑醃青木瓜前菜-以為係青蘋果，又以為係番石榴，一問之下原來係醃酸咗嘅青木瓜。自家醃，醒胃、好味。🐑砂鍋餛飩雞-雞湯好濃味，雞肉煲完湯亦唔會太柴，原原本本可以食得晒。可惜個餛飩餡調味太多糖，好L怪。叫咗經理問師傅，佢哋話係正常味道🤷🏻。餛飩味道唔得，推而廣之，所有豬肉餡料嘅包點，包括小籠包、鍋貼、生煎包等，都唔會掂，唔好嘥氣。🐑韭黃炒鱔糊-堅係掂，食第一口嘩咗6聲。🐑排骨擔擔麵-麵質可以。麵湯好夠色，以為好濃味，點知淡而無味，其在麒麟怪。我嘅估計係咁，呢個麵點師傅應該就係朝頭早整粵式點心嗰個師傅，粵式同滬式嘅做法根本大相徑庭，佢Handle唔到，所以做出嚟嘅嘢就變得古靈精怪。一個建議，夜晚嚟呢度食飯，唔好叫麵，唔好叫包點就Ok。

多得阿姐請客，可以扯佢衫尾試下呢間餐廳。一行幾人浩浩蕩蕩去開飯。裝修企理，餐牌設計及顏色配搭都幾特別，價錢尚算合理。服務亦算不錯，侍應姐姐有禮及招呼周到，非常主動提供協助。值得一讚。炸千里香豆腐 - 亦即是炸臭豆腐。豆腐炸得非常脆，豆腐味濃。如果喜歡食臭豆腐的話，呢味一定會滿意。涼拌麻辣萵筍及土豆絲 - 清新涼拌菜非常適合中和及清一下炸臭豆腐帶來的味道。薺菜鮮魚羹/ 文思豆腐羹 - 餐牌有文思豆腐羹，當然要試試。要將一磚軟滑的豆腐切成幼絲就知道講求刀功精湛，刀功稍差都難以完成。豆腐不僅綿滑得入口即溶，湯羹鮮甜，的確算是齒頰留香。另外還點了薺菜鮮魚羹，暖和的魚羹清淡中啖啖魚鮮香，非常適合呢個天氣。韭黃炒鱔糊 - 中規中距。糯米炒膏蟹 - 絕對不能錯過。糯米軟硬適中，蟹及醬油味完全滲入糯米之中，非常惹味。去骨樟茶鴨半隻 - 外酥內嫩，肉質不錯，充滿淡淡樟木茶葉特殊香味味道。富貴烤雙舫 - 蜜汁火方的確不錯。主角金華火腿鹹香中搭配冰糖蜂蜜汁，甜甜地，非常可口。熱騰騰饅頭夾上一片蜜方、脆腐竹，這算同區中較為出色的火方。小籠包 - 皮薄，但肉餡仍有進步空間。桂花酒釀小丸子 - 少數會放入橘子，算

朋友提議在中環吃晚飯，想不到吃什麼，就不如來個大集匯。主打京川滬菜的餐廳，在香港曾經掀起一股熱潮，其實真正吃什麼菜，也不太清楚。咁就不如直接打開餐牌了解吓！炸千里香豆腐原來即是臭豆腐！未必人人接受到，但我哋都覺得好香口，尤其加埋啲辣醬。嗰度。涼拌麻辣萵筍及土豆絲係味道正常嘅蔬菜選擇。因為各人想飲嘅湯都唔同，所以點咗一碗碗位上的，薺菜鮮魚羹/ 文思豆腐羹/ 時令燉湯，個人認為個燉湯比較出色，海底椰甘筍茨實燉雞，夠清潤；反而個薺菜鮮魚羹啲胡椒味略嫌有啲重，蓋過魚嘅鮮味。朋友見到手掌咁大嘅紅燒原隻花膠扒即雙眼花光，感覺好高級，相信呢道菜係屬於廣東粵菜系列。好耐冇食過韭黃炒鱔糊，以前去上海菜館必點，唔會炒到好油膩，味道ok。糯米炒膏蟹應該係全餐最有驚喜，以呢個價錢，隻蟹比想像中大隻同多肉，同糯米一齊炒得幾好味。去骨樟茶鴨只點了半隻，怕食唔晒，外皮都幾脆，加上已去骨，加埋啲醬用蝴蝶餅夾住嚟食，都幾香。小籠包好多汁，皮唔算最薄但亦唔厚。甜品有個七彩冰粉，荔枝同菠蘿都應該係罐頭貨，唔算出色。下次都係叫番啲傳統嘢例如高力豆沙同豆沙鍋餅之類。

突然同朋友講起好想食蜜汁火方，search下港島區有咩餐廳有呢道上海菜，然後就揀左中環一間京川滬菜《霞飛飛》試下。從來未去過萬邦行入面，入到去已經覺得有懷舊嘅感覺😂 好似返番去以前年代嘅舊舖。餐廳唔算大，裝修走中價路線，裝修四四正正，入去就聽到播住鄧麗君嘅歌，侍應有禮貌招呼周到，成晚主動更換碟同餐具👍🏻總括嚟講食物滿意，性價比唔算高但合理，如果每樣食物將細節再提高，相信更有競爭力。

Since it’s a busy lunchtime in Central on a weekday, the staff were all busy serving customers. We sat in the area with a veil near the entrance, where they would convert that into a private room at dinner time. In lunchtime, primarily tables for two were placed there. It’s hard for us to secure a waitress to help us take the order, which was the lunch set for CHILL EAT. We were attracted by the hairy crab dishes, since that’s in season. Other people sitting in our area also came for the sa

今日朋友約到這裏聚餐，記得以前在中環上坡的新世紀，詢問店員果然是搬來這裏老上海裝修風格，我們點了商務午市套餐，前面幾個菜只顧著吃，都忘記影相了🤣食材很新鮮，菜品很精緻紅燒蝦子柚皮扣鵝掌味道很驚艷，骨膠原滿滿，汁好濃郁，帶有一點點柚子皮的清香，個人好鍾意💓乾燒蝦球🦐四塊蝦球，好大隻，有點酸酸甜甜又帶有微微辣度的口感，層次很豐富😋韭黃炒鱔糊我很喜歡吃鱔，因為有種滑滑但有脆脆的口感，韭黃選用較為根部的位置，顏色介乎韭黃和韭菜之間，整體感覺有點偏鹹小籠包，皮薄多汁，經典點心👍🏻 最後甜品綠豆沙很清爽消暑 適合這個季節 💓味道不錯～

多位海外校友不約而同回港省親，昔日同窗相約聚舊，有老友提議飯局於中環霞飛飛中菜館先說地方環境幽雅，裝修精緻，高格局，眾老友聚餐理想之地其次，地點就腳易揾老友乃菜館VIP，飯局悉心安排，貴賓房用餐坐得舒適素鵝香脆熱辣臭豆腐屬老友至愛有朋自遠方來，不亦樂乎當晚飯局，環境服務氛圍一流，菜單一改再改，務求達到盡善盡美，佳餚美酒，不在話下，眾老友談笑甚歡，由六點幾傾到九點幾，足足三個多鐘，盡興而歸

星期日中午吃飯，只有寥落數枱客。片皮鴨要 pre order, 亦只有全隻上沒有半隻。就叫鵝，鵝也沒有。就叫乳豬，也沒有。開門口做生意百冇，令人失笑。問問有冇燒味拼盤，最簡單，义燒拼燒腩仔。义燒做得不鬆化，肉和肥膏不均勻，香味冇，义燒汁就是一般任何舖頭也做到的味道。燒腩仔，皮厚身，硬趣，得罪講句，屋村燒臘舖都比佢做得的。其他的炒麵，牛肉餅等，也沒甚大驚喜。說到服務，阿姐都沒有表情和笑容。霸飛飛不了。

先要一讚霞飛飛嘅員工服務周到，態度親切友善，仲會主動關心我地嘅座位會唔會大風。酒樓嘅環境舒服，裝修別緻，最啱一家人黎聚餐。花素蒸餃手工精細，餡料調味適中。灌湯生煎包外層煎得香脆，皮薄餡多，一咬開，湯汁湧出，肉香味十足。紅燒小圓蹄好有驚喜！大大隻圓蹄燜得好腍，輕輕一切，圓蹄肉便可離骨。至於圓蹄皮則軟腍而唔油膩。砂鍋松茸老豆腐嘅砂鍋size好大，但份量比想像中少🤣。豆腐燜得入味，松茸味道香濃，湯底帶點微辣。去骨樟茶鴨先沾上醬汁，夾在軟熟嘅小蒸包間一起吃，口感豐富。如果要挑剔，就只可說樟茶鴨較為瘦身，如果再多啲油香味就更佳！招牌海皇炒飯夠晒鑊氣，不過配料唔太多，帶點微辣。最尾食個高力豆沙香蕉作結。

🌹👭閨密5月約會今次選了《霞飛飛》，吸引我前去是新城電台飲食節目推介。上食評睇過應該不錯，決定前去探店，適逢open rice可訂位更方便。🌹食店位於中環港鐵站附近，萬邦行內，容易搵及就腳。餐廳裝修簡約，景觀沒有，大家都寄望於食物上。午飯時間有點嘈，2點後較清靜。點餐選了二人午餐，每樣細細碟的，起初擔心不夠，吃完剛剛好，而味道質素都很滿意。午市套餐醉雞酒香入味脆皮燒腩仔皮脆，肥瘦適中蜜汁燒鱔片彈牙香口時令燉湯湯料足小籠包皮薄，熱度足干燒蝦球爽彈味美花雕蒸龍躉魚香肉滑上湯時蔬惟一不滿意是洗手間衛生，而沿路行入去環境都幾差，在此減了分！本人選餐廳，廁所都是一個重要的選項，怕污糟😅！

前阿姐成日推介霞飛會館，一直未有機會一試，今次終於襯母親節同只食中菜既屋企人試試。 霞飛會館而家改名做霞飛飛，感覺更young。Google一下先知店名霞飛係指以前上海法租界的霞飛路，感覺更有老上海feel。位置在中環萬邦行，非常就腳，裝修精緻，碟亦印上店名。比較推薦： 雪山杏汁包雪山叉燒包就食得多，杏汁包真係未試過，包皮非常香脆，流心杏汁香滑，非常推薦！ 小籠包湯汁鮮甜，皮薄餡靚！ 鍋貼煎得非常香脆，肉質新鮮，最後先食都仲食得落。 片皮鴨全隻需要提早預訂，皮脆肉嫩，油香四溢，四人食岩岩好。價錢小貴（$588），如果提供埋二食會比較好！ 鎮江肴肉晶瑩剔透，有淡淡既醋香，唔膩！ So far非常滿意呢間餐廳，連非常奄尖既阿嫲都食得滿意！不過茶位$22位，但d茶就麻麻地，下次要自己帶茶葉先得！

珊瑚龍躉頭湯可以半份咁叫唔怕飲唔晒浪費，呢個龍躉頭湯魚味好濃，原汁原味，足料炮製，真係飲得出個魚鮮味。脆炸素鵝做得唔錯，D炸腐皮豆味夠香濃。酸菜魚用嘅魚都幾講究，咬落去D魚肉度就知道，無論個彈性同埋個新鮮度都算質素高。醬炒膏蟹年糕好好味，蟹膏混年糕嘅效果真係好match，仲有就係隻膏蟹好新鮮，成件事好和味。火丁甜豆係咁多味之中最有驚喜的菜式，真係一試難忘，嗰D青豆嘅新鮮程度真係唔講得笑，真心建議呢個餸真係要試一試。十三香蔥餅都整得好食，同埋唔會食到成手油，D蔥真係好香。

這家上海餐館的菜式水準極高，值得一試再試。先點了四款餐前小食，均是冷盤，精美美味。熏蛋︰吃得到蛋本身的新鮮味道真是難得，半熟的流心蛋黃加上淡淡的煙熏香味令人垂涎三尺。醬黃瓜︰選用的小黃瓜非常鮮味，拍過後更入味，此菜式簡單卻美味非常。四喜烤麩︰味道鹹淡適中並帶微甜，烤麩加上冬菇、金針、冬筍及木耳四款配料新鮮清爽。千里香豆腐︰其實這一味是臭豆腐，味道很出眾，因為真的臭卻不是非常臭，外皮做得很脆卻不太油，很久沒吃過臭豆腐了。接著是主菜，用料新鮮講究，味道亦很好。口水雞︰呈現出香和辣的層次感，不是只顧辣的口水雞。片皮鴨︰這家餐廳的片皮鴨皮很薄很脆，鴨本身不太肥卻又有著鴨油的香味。

前身為「霞飛會館」的「霞飛飛」，這間老店和朋友食過幾次，未知轉名後水準如何。前菜小碟是醃菜脯，口感脆脆的，單吃也不會太鹹，消食開胃。上海經典道地名菜四喜烤麩，荀片、冬菇、麵筋、木耳這幾樣食材配搭起來，醬汁完全吸收入味，尤其是麵筋保有的膠質彈性，簡單食材卻做出讓人驚艷的美味。炸過的燻魚不會太乾，口感外酥內嫩，而表面掛滿微甜的醬汁，燻魚皮下脂肪比例較厚，味道甘甜，乾香不柴！回鍋肉一上桌子，色澤紅亮，即時油香四溢，幸好肥而不膩。它的口味特點，入口是先鹹鮮，而後有豆瓣醬、甜麵醬和料酒醬辣香的層次美味。上海粗炒油香飄拂不在話下，調味恰到好處，甜中帶微辣，配菜和肉絲都夠，麵又夠爽，又懷舊又好味。鍋貼外皮香脆可口，帶微微嚼勁，內餡未至於爆餡，但份量適中不會過少。豬肉肉餡香氣十足好惹味，忍不住大口大口食。食到酣暢淋漓，好滿足的一餐。