雲長小龍坎老火鍋 (已結業)

呢排天氣凍凍地，所以約左朋友吃麻辣火鍋暖暖身！餐廳就在君怡酒店1樓，門口大大的招牌很容易就找到。餐廳裝潢比較古色古香，墻身掛有中式壁畫及紅燈籠。我們一座下，店員便遞上小食和酙茶，服務非常貼心。現在每人９９蚊就可以享用海鮮拼盤！而且讚好facebook及打卡仲有甜品送︿︿優惠多多。　我們點料鴛鴦鍋（麻辣和養生鍋）都係１３８價錢不算太貴。　養生鍋的湯底有元肉、川芎、山藥、杞子紅棗等等材料，入口溫和，湯味亦十分濃郁。麻辣鍋可選大中小辣，入口不嗆喉亦不會像（牛油麻辣湯地）般油膩。３人份的海鮮拼盤（包括：鮑魚，海蝦，蛤蜊和沙白），海鮮非常新鮮！上碟時依然再動。　蛤蜊和沙白完全沒有沙，而且厚肉！不會因爲推廣而質量變差！值得一讚。　海蝦亦非常新鮮彈牙。鮑魚：非常新鮮同大隻，而且很易脫殼！鮑魚口感Ｑ彈，味道鮮甜手切肥牛(細)：餐廳使用的應該是美國安格斯牛，油脂紋路及色澤都十分漂亮！牛肉入口鬆化值得一試。　手卷牛舌花：首先賣相已經非常的吸引，牛舌弄成的玫瑰花已經殺了不少菲林，呃like一流。　牛舌很有咬口，而且不肥膩。花雕雞件：雞件十分嫩滑而且很有雞味！放久了唔記得食都依然唔會（鞋）口，令人驚喜！　土豆

今日相約左中意食麻辣野朋友黎到呢間位於尖沙咀酒店內的麻辣火鍋店!呢間火鍋店之前已經聽過人講話好好食，今次食過之後又真係一試難忘!我地都怕餐廳會好多人食，所以就揀左星期日下午5點就去試!餐廳以中國風既裝修為主，除了有卡位，還有包房可以俾客人預約。今次我地就揀左紅油藥膳鴛鴦鍋，而且仲叫左佢每位$99一份既海鮮拼盤。另外只要係facebook讚好及打卡仲會有甜品送添。餐廳仲有圍裙俾你著，所以唔駛驚彈到D麻辣汁落自己件衫到!另外餐廳亦有醬料區可以俾客人整自己中意既醬汁，仲有我最愛既黑醋!紅油藥膳鍋($138)，個鍋底其實又唔算好貴喎!我其實第一次食內地既麻辣火鍋店，紅油即係麻辣鍋，我們點了小辣，但辣度已經好足夠!湯底入面有不少辣椒，所以越煲越辣。藥膳湯底味道都幾出，甘甘地，幾清甜!海鮮拼盤($99/位)，海鮮拼盤包括有鮑魚、沙白蜆、海蝦同埋蚌。海鮮非常新鮮，鮑魚上枱的時候仲食郁架!鮑魚有手心咁大，就算整熟之後都有咁大，而且很滑，很爽口!海蝦亦很鮮甜，唔會變霉。沙白蜆同蚌都很肥美鮮甜。呢個海鮮拼盤確係幾抵食!手捲牛舌花($78)，整到成朵花咁樣好靚!我係第一次打邊爐食牛舌，平時燒烤就食得多，估唔

麻辣火鍋已經成功俘虜左香港人嘅心，唔同品牌嘅連鎖店開完一間又一間，雲長小龍坎都好受歡迎，有兩間分店。今日來到尖沙咀金巴利道嘅分店，呢度以卡位為主，又有大房。醬油自取呢度嘅麻辣湯底同蕃茄湯底都好受歡迎，我地點左雙拼，一次試哂兩款口味。蕃茄鍋底有好多切粒茄肉，味道都好出，至於麻辣鍋都係一般嘅材料，我地點少辣，唔會太過刺激，易入口，愈食會愈辣，正今日食得清D，少肉多菜，手打蝦丸一共六粒，用蒸籠配乾冰上，幾吸睛。蝦丸本身都幾彈牙，而且蝦味濃郁，好滿意另外點左雲吞同水餃半份，每樣四粒，裡面不至於爆餡，一口份量，味道唔錯，兩者有少許接近。玫瑰花豬頸肉好靚，手機食先啱哂！肉質冇經醃製姚食到豬肉原味。蔬菜方面我特別鐘意萵荀卷，將萵荀刨成薄片，正正因為咁，只需要輕輕淥一陣就食得，變相可以食到萵荀嘅爽之餘，又好甜，下次自己打邊爐都要片薄D最後唔少得豆腐，個人好鐘意，用來打邊爐一流，有豆味又香又滑！

一向都鐘意麻辣火鍋，一有時間就番深圳食，最近比較忙啲，都冇咁多時間成日上去。癮起就搵左呢間位於尖沙咀嘅雲長小龍坎嘅火鍋店試下。我諗好多人都知道老闆係邊個，所以都有班粉絲會幫襯。餐廳位置非常多，裝修好古色古香，同埋仲有房間提供。座位方面好闊落，而且值得一讚，店員嘅服務都十分好。餐牌選擇都幾多，而且會啲優惠。湯底有藥膳、蕃茄、紅油、皮蛋芫茜、酸菜魚鍋等。配料方面有滑、丸、牛、豚、羊、鴨血、海鮮、蔬菜等，仲有啲即食嘅小食、炸物。餐牌都有寫明每款配料所需時間，可以參考。櫃筒有紙巾、牙籤。醬油、茶紅油蕃茄鍋雙拼湯底，一邊麻辣，一邊蕃茄，一上鍋已經聞到好香，可以自選辣度，因為朋友唔算食得好辣，所以我地點左少辣，完全唔油，唔算好辣，好有麻香。蕃茄湯底入面有好多蕃茄粒，湯底濃郁，茄味好出，所以啲配料會好入味鮮蝦雲吞、水餃皇有啲配料可以揀半份，人少少都點到野。雲吞同水餃各點半份，兩款都唔錯，雲吞蝦肉明顯，水餃入面有木耳，好爽玫瑰豬頸肉由幾片豬頸肉卷成玫瑰形，係幾靚幾好打卡嘅，而且豬頸肉切到薄身，無論配麻辣定蕃茄湯，都好食，好容易入到味。手打蝦丸推薦，一份6粒，大大粒，上枱時仲有乾冰效果。蝦丸手打，好大粒

作為火鍋控，在這幾個月嘗試戒口不果，最後抵擋不住好友們的誘惑，跑來這家【小龍坎老火鍋】打邊爐。提及「小龍坎」火鍋，麻辣是必備的吧。今次我們來這邊當然是要吃麻辣火鍋啦，都有好一陣子沒有吃過麻辣火鍋，終於可以在這裡大開食界。.位於尖沙咀的【小龍坎老火鍋】其實並不難找，走著走著，才發現我原來常經過這裡，只是沒有為意這家火鍋店而已。金巴利道28號君怡酒店「正門入口扶手電梯上一層左便是了」。其實都係諾士諾士佛臺附近，個位真係好方便。店內裝修風格真係好像每個人說的古色古香，古式民居造型既裝潢，外牆和門頭霸氣十足，青磚牆面，木質桌椅板凳，大紅燈籠高高掛，帶有點點四川的風味，熱氣騰騰，很有吃火鍋的氣氛。餐廳非常貼心，有紙巾之餘，亦會提供圍裙給每位客人，不怕麻辣油彈到衣服。呢度調料比較簡單，出去外面可以將「蚝油、醋、醬油、鹽、味精、香菜、蔥花、蒜泥等」自己調製，不過吃四川火鍋並不需要太複雜的調料，簡單的調料才能吃出食材和鍋底的真味。你說對不對。店則採用內地直送的油碟，一人一小瓶的香油，火鍋專用，可當豉油蘸，能把食材降溫同時減辣。味碟、醬油、茶位費$25上鍋底了，老式的銅火鍋，如果要一半辣一半不辣的話，可

份量同價錢不成比例的邊爐朋友美國返來特別掛住香港嘅麻辣邊爐佢係openrice上搵到妳間.位置好隱蔽係君怡酒店一樓嘅一個轉角位，內部都算坐得舒服.3個人食左1500但唔係好飽.想講價錢貴唔緊要，但係份量真係少到你懷疑係咪半份？尤其係酥肉、桂花蚌、鵝腸（裡面係有肥膏果款）非常唔鍾意。黃侯好脆幾出色其實真心覺得菜品味道尚可.但係真係份量極少，兩個女仔一個男仔.叫左12樣嘢最後都唔係好飽.識過一次酒店同樣的味道出面同樣價錢可以食的再飽d.

天氣凍就好想瘋狂打邊爐！！香港真係不愧為美食天堂，係呢度咩邊爐都有得你食！港式日式韓或台式，而講到近期最紅既就緊係開極都仲開緊既麻辣火鍋啦，見到小龍坎開左過tst 唔使過海又方便左，有晚同朋友買完禮物就上左去食因為book左位既關係所以上到去就有得坐，店員帶位之後就會俾紙仔我地畫，同埋派件圍裙俾我地，以防食個陣彈到啲油紅油蕃茄鍋不嬲都覺得嗌鴛鴦鍋係抵食d, 同埋真係辣得滯既時候，都有另一個鍋頂住先呀嘛～🤧最出色既紅油湯底即係麻辣湯，我地嗌左小辣，但都覺得今次麻麻，好似唔係好夠辣，唔夠喉唯有自己狂加辣椒。涼伴小雲耳餐前小食，份量多，上到枱個陣仲係凍既，好勁既麻香辣味，食住等就最岩～珊瑚蚌一碟碟處理好既珊瑚蚌，冇殼個d食起來都方便好多，大約2分鐘就食得，紐紋形咁樣所以吸左好多湯汁，入口爽脆又帶d紅油既辣鴨血鴨血好滑呀，冇其他怪味之餘仲入口即化，令人食到停唔到口！豬粉腸清潔得好乾淨，而且煲左一段時間都唔韌，中間又係非常吸湯，有種咬落去就爆汁既感覺～另外我覺得蝦滑都係必嗌既！又鮮甜又彈牙又重蝦味！至於個蕃茄湯我就冇乜點食，主要都係用來煮娃娃菜其實所有野點左佢地特制既麻油都好好味！不過兩個人食就

天氣凍，打邊爐！天氣回暖，都係打邊爐！最近發現小龍坎開咗過尖沙咀，唔使專登過海都可以食到麻辣火鍋啦yeah印象中上次食都已經半年前嘅事，個陣CWB仲要勁難book位，記得個麻辣湯底同麻油都好正～一開波就食住啲鳳爪同埋整好個油碟先今次再encore: 紅油蕃茄鍋 $138因為上次小辣已經覺得好刺激，今次都係嗌返小辣就算。蕃茄湯主要係煲菜😂等咗三分鐘左右個麻辣湯就好滾動！但蕃茄湯依然冇乜聲氣，放咗啲娃娃菜落去慢慢煲，其他材料就用辣個個煮～成都空運鮮毛肚 $108毛肚係麻辣火鍋必定會見到嘅料，仲標明係空運到港，當然要試下呢個四川風味。冰鎮上枱，淥大約20秒就好快食得，再沾上麻油，香辣爽脆，比一般牛柏葉更有咬口，打邊爐一流。珊瑚蚌 $128另外都試下啲海鮮類，珊瑚蚌份量好多，要煮耐少少大約2分鐘，爽口得黎仲好吸湯！而且卷埋一舊食落就特別有層次，索索聲咁。鴨血 $58鴨血同麻辣火鍋又係絕配，鴨血一啲異味都冇，質地軟身而且好滑漏，食到停唔到口。手打蝦滑 $98蝦滑落鍋個下實凈唔會散開，食起來就彈牙，就算煲左好耐都keep住彈性彈性，仲食到好重蝦味添。嗌咗咁多野食，夠晒2-3人食了！其實每份都幾大碟

天氣開始凍，緊系同班朋友打邊爐啦！最近朋友推介，尖沙咀有個麻辣火鍋，系大陸好出名喎！緊系試試佢，因為唔系好食得辣，要左個麻辣同清湯底。啲菜式好新鮮好精美，唯獨肥牛有啲貴，小菜同前菜都好好味，幾滿意！

隱藏於尖沙嘴君怡酒店的小龍坎四川火鍋要不是因為有外國朋友住這裡我都還不知道有這個地方這裡的裝修用句內地的潮語就是 槓槓der😄也太關公風格了吧前菜 泡椒鳳爪辣得直叫 爽這盤海鮮拼盤是沒人只要➕$98份量可以供2-3人了選了皮蛋香菜湯底就單單憑這湯底我絕對會來第二次濃得叻火鍋不能缺少的 鵝腸不過稍嫌太肥了牛舌必備豬粉腸熟食就點了一盤小酥肉TerrGor幾乎整盤K.O了自家現炸的紫菜響鈴皇帝菜超有噱頭分甜品西瓜冰

天氣轉涼，最好就係打邊爐。上網找找開飯喇，小龍坎有我喜歡的麻辣火鍋及藥膳火鍋。唔使講梗係走去小龍坎開飯。😁😁😁紅油藥膳鍋$138，麻辣火鍋要少辣，藥膳火鍋，配上半隻花雕醉雞$98。這個鴛鴦鍋，可以吃辣，又可以補身吃藥膳雞，藥膳配合花雕醉雞，真是絕配🐥⭐⭐⭐⭐⭐極品手切肥牛，應該是安格斯牛肉，脂肪分佈平均，帶點嚼勁，用來吃麻辣是絕皆配搭。出前一丁$28，這個麵是要配合麻辣鍋㡳，才能發揮得最好，麵吸收了麻辣湯，味道一流，加上原裝麻油就好味到一個點。雜菜盤$68，份量都算多又新鮮，吃完肉類，就要平衡一下腸胃。味碟、醬料、茶位$25，每枱有自家製的麻油，這個用來吃麻辣鍋，提鮮度極皆。

近日天文台發出寒冷天氣警告，便約了好友來到這裡。這裡位於酒店之內，環境寛鬆，裝修復古。紅油藥膳鍋$138，其實是麻辣和藥膳鍋底，麻辣要了少辣，辣度不會太辣，下次可以試試中辣。藥膳鍋底，味道濃郁，不能吃太辣的可以一試。極品手切肥牛$328，雖然不是本地肥牛，不過牛肉味道適中，肉質偏腍，份量都不少。手打四寶丸$98，這個手打丸除了豬肉丸腍些，其他都很彈牙好味。脆鯇骨腩$88，肉質鮮甜爽口，配合麻辣鍋底就更皆。鮮腐竹$38，我比較喜歡放在麻辣湯內，因為麻辣帶出了腐竹的香味。

寒流到港，今晚同好朋友嚟到呢間位於尖沙咀金巴利道君怡酒店一樓嘅 雲長小龍坎 打邊爐。門口嘅裝修相當有氣派，一望落去已經好吸睛。餐廳的裝修是用木製傢俬配上瓷磚地板，相當有中國古典味道。尤其是紅色的牆身掛上三國演義的壁畫，真的有點回到東漢時代。湯底我哋點了 紅油藥膳鍋 (小麻辣) $138 湯底麻辣味夠，藥膳材料豐富味道濃郁，再配上由餐廳附送的特製麻油，食落口辣得嚟又有點麻油香味。即炸魚片頭 $48 魚片皮炸得脆口，魚肉又新鲜，可以點上辣醬即食，又可以用嚟打邊爐。花雕雞件(半隻) $98雞件肉質夠滑，花雕味又香又濃。極品手切肥牛 $328肉質鮮嫩，牛味夠濃，大大份好抵食。脆脘骨腩 $88 肉質新鮮，夠爽夠彈好好味。手打四寶丸 $98 一共有四款，包括有:  牛丸、墨魚丸、豬肉丸和魚丸。四款丸的味道都唔錯，但是我特别喜歡墨鱼丸，因為好有墨魚汁嘅香味，爽口又彈牙。山根 $38夠薄夠香口，份量又夠多好抵食。鮮腐竹 $38 腐竹味香又夠滑，淥一淥點上麻辣湯味道唔錯。雜菜盤 $68包括有:  生菜、油麥菜、白菜和皇帝菜，新鮮又夠嫩。出前一丁公仔麵 $28配上麻辣湯底，有點食撈麵的感覺。打完邊爐之後，

一入到去會睇到牆壁系氣魄又架勢既關雲長畫像與古時既場景，襯返店名，四方木桌，設計都系中國風，有重穿越既感覺！成都重慶火鍋必備油碟，即系麻油，當地最正宗既食法！系成都食火鍋果時，侍應姨姨話油碟加醋、蠔油同香菜，調味又降溫解辣，仲令食物更香口滑溜。紅油藥膳鍋　（＄１３８）見到一層厚厚既紅油同一大堆既辣椒卻重口不辣喉，麻勁十足；藥膳果邊就比較普通，用黎煮菜健康Ｄ。極品手切肥牛腋-小 （＄２２５）一睇花紋就好吸引，高級食材，輕灼就食得，口感柔軟香滑，牛味剛好。雪花牛立方（＄１５８）未解凍，仲有Ｄ冰系表面，牛肉油份充足，肉味甘香，牛肉味香濃，不過有Ｄ就脂肪比例冇甘平均。鮮製鴨血　（＄５８）軟嫩柔滑，筷子夾起易碎，非常入味。即炸紫菜響鈴（＄５８）一點都吾油膩，帶微微既豆香味，不過入口有點韌，紫菜味吾夠突出。豬大腸（＄６８）脂肪肥美，粗壯厚實，清洗乾淨，冇腥味，有嚼勁。貼心抽箱內有大量紙巾提供