雲軒居 (已結業)

大救駕進軍旺角之後,作為老大哥的雲軒居,顯得失色不少.近月有好幾晚,來到這間雲南小店晚膳.幾年前剛開張時,已經說其黃鱔米線,是同長沙灣營盤店的雲南風味有力一爭.吃了也超過五年了,味道仍舊.保持水準.$10一小窩一人前氣鍋雞,不當其補品,當其為湯水喝,非常清甜.就算要個二人前,也是大約$20一窩左右.大救駕也是不多地方可吃到,鮮肉大救駕是豬肉,椰菜,蛋,加上如年糕的餌塊,炒埋一碟,難聽一點去說,同炒雜碎沒有兩樣,但是這一道雜碎,曾經救了某正在逃亡的皇帝一命,自此之後聲名大噪.成為雲南菜式的代表之一.喜愛餌塊的煙齦口感,炒比放湯更好.更能吸收其他材料的味道.豬潤米線什麼如炸醬等也不下,沒有維記的滋潤豬潤水的好喝,但也不差.貢菜微辣帶點爽脆,傳說中又是古代給皇帝的貢品,所以得此名來.雲南的蒜泥白肉,沒有四川系的麻辣刺激.現今此雲南小店,連那些貢丸也賣起來,莫非生意真係難撈?

lunch見間野咁少人就去食下入到去無開冷氣既 仲要有陣味 好難捱但入到去又費時走la,都係同d fd試下la叫左個金茹牛肉米線同埋個炸醬貢圓面d味又唔錯wo個炸醬真係幾得wo,仲有杯野飲廿幾蚊算抵嫁la但去食既朋友真係要諗下你想要抵定係想要埋個環境la

昨晚從師傅家離開時已經接近九時, 肚子正在發響, 於是就近地走入這間店子食晚飯.星期六的晚上, 店內客人不多, 只有三四枱客人, 而且多是準備結帳的. 一個人吃不了甚麼汽鍋雞等有份量菜式, 於是簡簡單單的點了碗酸辣鮮牛米線. 等了一會, 酸辣鮮牛米線便送上來了. 份量看來不少的米線, 顏色十分豐富, 有橙色的紅蘿蔔, 綠色的酸芹菜, 深綠的雪菜, 啡色的牛肉, 白色的米線和紅色的辣椒粒. 味道吃起來其實不差, 帶點辣之餘又不太酸. 不過. 吃到牛肉時問題來了. 雖然點的是鮮牛, 但吃起來卻像吃干炒牛河的牛肉?! 鮮牛味不見了, 換來卻是用鬆肉粉腌漬過, 鮮味盪然無存, 把良好0印象通通破壞了! 吃完後還看到店內張貼著有某著名食家推介此店的菜式, 失望,失望!!

15/7(二) 7:15pm面部護理後的簡餐,再次踏足雲軒居,人氣沸騰如昔;無可避免的改動是其價格.是次吃了三鮮餌塊$25及西柚纖蜜$12:先論餌塊,年糕是也;雞肉,鮮菇及青菜為三者.湯頭濃而鮮,年糕軟中帶點煙韌;三鮮之均用料新鮮,素質有板有眼.至於西柚纖蜜微甜中滲著點點柚香,解暑良品!值得回頭的風味小館

為了預留更多金錢俾即將來臨的旅程，跟太座只想平平哋吃一餐....一個二人餐，只賣不到一百大洋，有盡前菜、田七汽鍋雞、炒米線，壓尾再加一碗十隻的鴛鴦水餃，除土記食肆之外，捨他其誰 ?最重要是質量兼備ma...前菜的皮凍雖無甚味道，但勝在質感滑溜，醮上帶有少許辣椒碎的豉油醬汁，吃得過....汽鍋雞湯藥材味不太特別濃，雞肉當然不是甚麽走地雞，吃落頗淰，但一碗有足足八九小件，抵食；湯底清清哋，連不太好湯的小弟都添多幾碗....湯米線吃得多，是次試試炒的。炒得濕濕的，不是小弟杯茶，但四絲 --- 木耳絲、雪菜絲、紅椒絲及雞絲皆下得足，滿滿的一大碟，吃完都已經夠飽有突...再加埋韮菜及紹菜猪肉餃，隻隻有嬰兒拳頭那麽大，餡足味鮮，滿足....吃完，真的飽得走不動

本人同bf都係愛食米線o既人,路過見到呢間米線舗,仲見有張蔡瀾先生o既相,諗住應該唔差啦,但係只可以講好失望,唔覺佢好食....湯又淡,d餸都唔好食,一定唔會有下次...........

說真的，我也委實不是特別愛挑剔的人。只是，這家餐廳總是教我一再地失望。我不特別常去雲軒居，就那一次同學要求，也就半推半就地到了光顧堂食，自此，我便起誓不再吃這家餐廳。一向風聞這家店的衛生不太好，只是平常都吃這家的外賣，也不怎麼真的來過店面。許是午飯繁忙時間，我們等了好一會才有座位，但是店員卻是一點也沒有清理過便讓我們上座。我也還能諒解，強自忍受。點了一客貢丸米線，一吃還真的是讓我火光得要緊。餐飲統一附送檸茶，味道還好，也不曾指望份外好喝，也但至少不過不失。米線的水準還好，口感不俗。但是貢丸才剛咬了一口，我便不自覺面有難色，那顆貢丸許是已經發臭了，難吃得要命。我吃了兩口，也著實咬不下去。同學們也不相信，只是相繼吃吃看我碗裡餘下的貢丸，也沒有再發話。其中有友人點了一碗湯飯，只是沒吃幾口，也就停了動作。只是很淡然地說不吃了。我隨口問一句為什麼，友人一指了碗中－－老天，一隻小蟲在湯汁裡浮動著，我也自然更沒有胃口了。喚來了店員，跟她們表示了這個情況（我沒有投訴貢丸，只是碗中有蟲這點我自覺不得不說）她只說哎呀這天氣就是昆蟲難防。值得一讚的是，店員立時提出換另一種食品給我們。只是，這時候我們也沒有心

天氣持續寒冷,學友人C話齋真係要吃一點又暖身又濕的食物才可.)住所附近的"雲軒居",想起已有多時沒去,為了暖一暖自身,近日數度光顧.在某個冷雨夜,就來碗過橋米線,米線同湯底固然分開,配料也是分開上.有火腿,腐竹,生菜,鵪春蛋,腩肉等等,分開上,格式做到足.另雞肉同豬潤就在另上的湯底內.上桌時未及開口,店員二話不說將小弟的米線過橋.來不及用相機留下未過橋前的一刻.吃過橋米線,始終自己來才過癮,今趟開不及口,沒有法子.大滾的雞湯底,面頭亦夠油,如果過橋米線的湯不夠油的話,都幾大件事.因為少油的話,很難逼到配料熟.到時吃到肚瀉的話,閣下自理.但碟中的所有材料也已經預先煮熟,多油與否,已變得沒有大不了.豬潤切得太細,沒有一片片吃的爽脆口感,雞肉放在湯內,自然肉質較鞋,雞湯油份夠,但味道不夠.嫌其太淡,其他配料如腩肉爽口,米線口感不模糊,兼有米香.多樣菜式已經先後加價,店中招牌的黃鱔米線仍舊收$25.沒吃一段日子,仍舊有水準.黃鱔味道微辛,質感爽口.除長沙灣的雲南風味之外,最佳的黃鱔米線,就是這處.本來$10的水晶凍,已加到$13.味道同月前在大救駕吃過相若,其實,是大救駕同此店一樣才對.如果吃

星期六下午同老婆行過北帝街,見有$12一碗米線咁抵又有D肚餓就要試.要牛肉米線同肉丸米線再加個皮凍($12).牛肉有鮮味,肉丸就普通D,雖然唔係好大碗但下午茶算係咁.個皮凍好滑又有少少辣,晒胃口.

吃了二次，二次都覺得唔好食，可能吃慣了尖咀另一間米線今次吃了水餃米線（一般）酸辣腩肉米線（難吃）拍青瓜（好油膩）上次吃雞翼米線（一般）酸辣腩肉米線（難吃）皮凍（一般）木瓜種籽涼水（幾好飲）

對30蚊o既過橋米線，都無咩要求。所以見到碟配料有夾麵包嗰d火腿片，都冇咩所謂。料、米線、湯分開三次上，湯最後嚟。請阿姐比我幫呢三瓣影張全家福先，但阿姐一邊話「要即刻落唔係唔得o架」一邊手起料落未講完已經落哂兩碟嘢落去。吓？過橋米線咩唔係話老婆擔住ｄ湯呀餸呀米線呀，送去無雷公咁遠比老公食都仲熱o既咩？仲有，你碟配料已經全部係熟肉嚟噃。啖湯又真係唔係好熱。但除此之外，都ok啦，多ｄ鮮味會再好ｄ。米線唔太腍，算有口感。仲叫咗兩碗紅燒牛肉米線（各$20），一個迷你氣鍋雞（$10）。前者料足，只係湯頭略淡，同埋牛腩口感唔多啱我兩位家中之寶；後者，嗯，十蚊咁平唔comment。想叫小食但係阿媽睇完板之後唔肯。洗手間都乾淨，阿姐又幾快手。或者同我哋八字唔夾啦。我覺得，路過不妨，專程就不必。後記：阿爸話：「下次要去譚仔，碗米線起碼夠熱，又大碗。」（知佢唔夠飽，我安慰佢：一陣同你食碗鵝記渣喳。）阿媽話：「報紙同網頁，原來係有分別o架！我以後唔會再話，咩次次叫你同我跟報紙去食，你都唔肯制咯……」

多年冇涉足北帝街，轉眼間呢度己變成一條食街。舊地重遊，梗係要食番餐la...短短一條街，有小菜館、甜品鋪、粉麵檔....各式其式，遲D帶埋女友再嚟試...選擇吃呢度，全因忽然想食米線...典型雲南小館。叫個腩肉雞翼米線加水晶皮凍夠穩陣...皮凍用豬骨湯雪凍而食，晶瑩通透，好似食緊豬骨味苣篛，口感幾清新，稍嫌伴食嘅醬油及蒜粒落得唔夠重手...米線唔夠煙靱，湯底平平無奇；雞翼鹵水唔太入味，腩肉做得最出色--- 入口即化，稍覺安慰...水準只是普通...

14.12.2006 (Thur)今日係土瓜灣食dinner，最後揀雲軒居，喱度食雲南米線。我叫一個米線套餐，包1) 前菜(拍黃瓜/炸豬扒/皮凍，3揀1) 皮凍原來係豬皮，店員極力推介。 我揀拍黃瓜，好甜，辣汁都幾辣(因為我不能吃 得太辣)2) 雙拼米線(可揀炸醬、清湯、酸辣及酸辣炸醬) 我揀鯊魚丸拼滷水雞翼炸醬米線(有3粒鯊魚丸及2 隻滷水雞翼，份量好夠，不過米線不是太爽口。)3) 一杯熱飲 (特飲要加$4)我朋友要個炸醬魚蛋米線(有6粒魚蛋)，$21。另外叫個mini size氣鍋雞，$10，試啦！又o.k.喎！下次要個小size先，都係$20。喱度地方不是太大，服務都可接受，不過對面有學生投訴有小強(不過好多茶廰都有架啦)。蔡生都推介小店，值得試！

這間店第一次來吃時是抱著試試的心態來的,怎知道有些驚喜,個過橋米線不是一鍋上的,侍應先將鍋湯煲滾,再將米線和餸放入鍋中,感覺就好似吃片皮鴨的,估不到吃一個30元的米線會有這樣的服務,另外,每次必吃的會有蒜泥白肉,好吃的不是白肉而是醬汁,個醬汁真的很好吃,試過問老闆有沒有醬汁出售,怎知道老闆說醬汁是即叫即做的,而且做好的醬汁不可以冷藏多過半小時,所以沒有出售,這個又是另一個驚喜,碟白肉只不過是20元左右,想不到老闆會這麼用心,可以看得出老闆是個細心之人,另外個氣鍋雞都ok,20一個細鍋都可以一試,但係個雞味就唔多夠,飲的時候覺得好甘,仲有就係個雲式炒通菜都好食,建議大家第一次去食時可以試下套餐,有一人和二人餐的,唯一有挑剔的事就只有地方細,唔明白為何我覺得好吃的店舖總是地方細......

星期一晚，抽完血來吃。知呢度米線唔錯。其實2人餐會幾抵，不過散叫會多d野食，再加個迷你氣窩雞，一於係咁啦。配料的選擇不多，我要了雞肉加冬菇。暖暖係貢丸加好肥的腩肉。前菜有拍青瓜，好辣好好味。炸豬扒亦很不錯。不過呢度的氣窩雞就比長沙灣雲南風味差好遠，係好清但唔夠滑呢。雲耳亦唔入味。即使$10，亦唔夠抵。