雲貴川風味

營業中

休息中

明明之前食過呢間米線係幾好呀所以今晚ENCORE點左~生菜豬紅酸辣米線不得不提生菜係得3條係堅數過無差本身菜唔係貴價材料唔明點解仲可以比咁少跟住輪到個湯底明明叫左酸辣但飲左啖真係唔酸今次真係好失望呀

叫豬腸同豬肚，每樣三粒仔，豬肚就手指尾咁上下再幼d，其中兩條得半隻手指尾，豬腸就一粒係手指公咁大，半隻手指公咁上下，5mm厚，另外兩粒手指尾頭節咁細大佬呀比左8蚊你好似施捨比我食咁！真金白銀成碗野五十幾蚊，真係食其他類似既對手都無咁嬲，唔係好食重要食完口渴到想狂飲水！ 重有筷子用紙巾抹可以抹到d灰灰黑黑好似皮既野出來，都唔知有無洗既！好在習慣性抹唔係就食死都唔知咩事！重要成程聽個四眼婆話其他員工廢，無腦，講到自己好叻，永遠無下次！

因爲唔想用手機QR code落單，比店員阿姐教訓 “而家周圍都係甘落單嫁啦！”，跟住好勞氣甘攞張實體菜單比我填，小的自認見識少，唯有同阿姐認錯“係我娘囉”，然後速速告退。（ps. 結果行左兩分鐘去食原條炸魚米綫，我揀左鱸魚，健康d又食得開心d，他們仍然係人手落單，只收現金。)

🐾 雲貴川風味 (大圍) 🐾-酸辣米線中辣 (2碗)✔️$50-我哋叫咗好多唔同嘅餸，蘿蔔炆到好淋，豬紅都冇臭味，豬腸都唔’銀’、湯底我覺得幾好食，酸味夠重，我哋兩個都叫咗中辣，都真係好多辣🤣鍾意食辣嘅真係好啱-(非專業,完全跟據個人口味☺)食物:7/10環境:6/10服務:7/10人均消費:$50—▪店舖名稱: 雲貴川風味 (大圍)▪店舖地址:🔸 大圍積富街31號益富閣地下A號舖-----------------------

大圍小食店林立，那天行過見好多茶餐廳，也有西餐廳，不過價錢比較貴，所以見到呢家平平地既米線就入去食。原來有兩層，都幾多人食。叫了涼拌墨魚丸米線，味道好食😋份量都多另外點了酸辣湯米線，豬軟骨就好硬又干，加十元有四件，但不好吃。菜18元一碟，飲品就加8元，加大米線就加10元。加下加下，其實都50幾元食一個午餐，真是生活逼人呢

大圍呢間米線開咗冇耐都未食過今日同屋企人去試下， 標榜住雲林米線， 價錢又唔係特別平佢都有一定嘅期望…老實講選擇真係唔多……餐廳環境還好坐得舒服但冇乜店員招呼， 斟茶遞水都係自助形式屋企屋企人食量比較少，圈咗少米線…值得一讚既係米線真係會少米線，而唔似有啲餐廳嗌小冰其實冇少冰，嗌少飯其實冇小飯 呢度你圈少米線真係會細碗啲…我呢碗係正常size, 但我都圈咗多韭菜同多酸菜……明顯地韭菜同酸菜我唔覺得有多度， 數埋韭菜十條都冇…… 酸菜極度酸！酸到食唔到，應該冇飛過水就俾人食………配料唔算多，其實我本份仲圈咗墨魚丸價值六蚊……但係我只係搵到一粒……… 另外嘅配料係唔辣豬肚絲，我都係見佢幾特別先至叫……但係食落冇乜特別又唔爽 ，鞋鞋哋好似普通肉咁落單嗰時其實我哋仲嗌咗三杯豆漿，個阿姐明明有寫低，仲係佢問我哋飲唔飲嘢……結果落完單，張單冇落到我哋三杯豆漿……總結個人覺得唔抵食， 39蚊一碗分配料唔平但係份量好少， 湯底冇特別亦都冇乜特別味道，只係有少少酸味…酸味應該都係來自嗰啲超酸酸菜， 食唔到雲林嘅味道… 配料亦都少得唔知揀咩好 我同屋企人都覺得冇下次，唔會再幫襯 ，老實講食米線大把餐廳好食

落單方式係劃食物紙交比職員，張紙有得揀多酸菜、走青等等個人口味。叫咗麻辣大辣，湯底超級濃味，大辣係屬於第二級辣，所以唔係噴火嗰隻辣，但食食下都出汗，正呀。叫咗辣味腩肉同埋墨魚丸，墨魚丸幾彈牙，米線偏粗但煮得較為淋身。配料幾足，價錢幾抵食。

住大圍第一次食呢間，聽到有食客問同荃灣間雲貴川有冇關係，我心諗差幾十班，點會有關係。重點係酸辣完全冇辣味，仲要話”咁俾樽酸汁你自己落”，完全唔覺得個湯底有問題。仲有個腩肉跟本係瘦肉，仲要係全瘦。一定唔會再幫襯！！！

雲貴川係我以前一個禮拜起碼食一次嘅餐廳，自從搬離咗九龍後已經好多年無食過知道大圍開嘅時候真超級開心，一定要幫襯下啦然後就連續兩個禮拜六都去咗😂第一次去嗌咗豬紅豬耳酸辣湯底好懷念嘅湯底同超級無敵正嘅酸菜第二次去嗌咗冬菇豬耳酸辣湯底一定要多芫荽啦～雖然湯底keep到其他分店嗰浸味但係啲餸同配料就冇其他店俾得大方lu...男人表示係唔夠飽的😂但如果想過下想思癮係ok的

早排行過見到開左間新既米線店～今日就同朋友黎試下～新開張所以唔算多人，環境好乾淨企理，安排既位置舒適，店員態度仲好好咁話比我地知風口位會凍，坐隔離枱冇咁凍，要加分。熱湯米線有三個選擇，有小窩米線、麻辣米線、酸辣米線揀～我揀左小窩米線，個湯底唔濃郁唔係好夠味，有D清淡，揀左少少辣，但都係冇咩辣味。個餸就揀左豬腸同魚片頭，豬腸同湯底一樣都係唔夠入味，但清理得算乾淨唔會有內臟味，魚片頭唔夠爽同埋唔夠彈牙。另外叫左鴛鴦烤雞翼，因為兩個味都想試一下，兩隻麻辣加兩隻炸醬，兩款都好味，幾香口。總括而言，我覺得雞翼好味過米線，睇相可能都睇得出。

想食得經濟啲，今晚試食呢間。重點小鍋米線，有辣又有唔，任我選擇。我揀左唔辣。唔辣果碗冇加其他配菜，轉食薯粉，只係$28，十分經濟。雖然唔辣，但有芽菜、芫茜、酸菜和九菜，都很惹味。唯一挑掦嘅係加$3的薯粉，咬極都好似咬唔碎，太QQ,早知食米缐，慳返$3。我男朋友㨂左辣，加左$8配左腩食，腩肉好入味，又不太肥，唔錯。湯底同唔辣個碗差不多，都有芽菜、芫茜、酸菜和九菜，另加上辣汁，對好辣之人係越食越醒胃。好辣之人首選。

這半年來，大圍的食肆有着洗牌式的改變，隨着譚仔的進駐，現在又有新血加入。因為新開，所以店面光潔乾淨，樓高兩層，幫襯當日頗為客滿，食客以學生及年輕人為主。店員有禮盡責，有點菜紙自選食物，包括甚麼米線，甚麼配料，多少辣，多少酸菜、芽菜、韮菜，通通由自己話事，以打造一碗tailor-made的米線。我相信每一碗米線都是接了單再烹煮的，因為等候都需時。叫了一碗小鍋米線，酸麻辣腩肉和豬紅，比我想像中分量少，腩肉脂肪少，幾乎是瘦肉，不知道是否調味的關係，我甚至有食緊麻辣牛肉的錯覺，大概是因為帶着些少的騷味。湯底的配料則是慷慨供應，大量鮮肉碎，大量酸菜。雖然没有太多味精，但味道上不算特別，未能做到驚為天人的效果，只属普普通通。兩餸米線$39蚊，不連飲品是合理價格，因為不知何時開始，食米線已不再是糧尾窮人的恩物。所以...香港人還是要努力賺錢吧！

約左朋友吹水順便食野，見到開左間小鍋米線又試下～鴛鴦烤雞翼（炸醬&麻辣）：唔覺有炸醬味&唔辣～蒜泥白肉：略嫌唔夠蒜酸辣湯米線中辣：唔辣&唔夠酸，蘿蔔夠淋唔苦希望下次食會有改善～

猴子最鍾意就係試新嘢，一知道雲貴川風味開咗新店，當然二話不說走去幫襯，單係享受吓佢哋啲新檯新凳新筷子就已經值回票價。雖然呢度啲米線最出名，不過近排猴子都食咗好多餐米線，所以今次試吓薯粉（轉薯粉加三蚊），配料方面就揀咗魚皮餃、五花腩同埋豬軟骨。先講魚皮餃，冇記錯應該有三粒，食落幾有鮮味。五花腩係半肥瘦嗰隻，咬落唔覺肥膩，反而有陣陣肉香，豬軟骨煮到夠腍夠入味，仲好煙韌。至於薯粉就不過不失，或者係因為食開米線，總係掛住米線嘅爽滑感，相比之下薯粉就有啲失色，不過做人嘅嘢乜都要試吓。除咗薯粉，佢哋仲有土豆粉（段估應該係蕃薯粉），下次可以試試。