雲貴川風味

營業中

休息中

Simplistic exterior with crowds every time I walked pass, finally I managed to spend my lunch here. Thankfully, there was not a queue. Staff were all very friendly despite a bit loud. Trying their sour and spicy mixian with chinese chives dumplings was definitely a good pick. Love they allow to pick the noodle texture and the spiciness. Mixian was cooked just right. Big portion that definitely fill you up. Broth was well balanced with spiced, tasted both tanginess and the heat. Dumplings were ho

雲貴川風味 (大圍)大圍積富街31號益富閣地下A號舖突然好想食撈米線 打開app只有呢個選擇 一於試試佢！可惜同雲桂香嘅涼拌米線差太遠🥲呢度嘅涼拌米線比較硬身 唔係好入味 而且有好多辣椒核 除咗辣味就冇其他味 單調而chok喉🥲🥲🥲

今次去左呢度歎下午茶，食嘅冰豆漿居然係免費嘅，真係好抵呀！我嗰陣點咗個小鍋米線，不過我叫佢轉成薯粉嚟煮，跟住又加咗雞肉、通菜同埋貢丸落去。我唔食得辣，所以冇叫辣嘅。但我聽人講話嗰度嘅酸辣同埋藤椒湯底好正噶，據講嗰個湯底入面有肉碎、芽菜，仲有好多酸菜添！我食咗之後，覺得味道真係唔錯，我覺得比下次可以再嚟試下其他口味。

今日睇完電影《哪吒2》，就黎大圍附近揾美食，係第一次來雲貴川。一入到去，靚女都好好招呼問好，幾親切吓。嘢食都OK，話難食又唔難食，話好味梗唔係，牙口唔好，鹹到牙齦酸埋陰公豬。幾塊肉，感覺真係咬咗幾匙鹽落肚，食咗幾啖就拜拜食唔落，好大嘥。我都懷疑店家多鹽多味精係為咗俾客多消費買豆漿飲品⊙∀⊙。希望多注意注意，真係鹹到靈魂出竅，懷疑人生啊！價格一般，食物份量還好，服務幾好。建議商家留意同提高番食物水準，祝生意興隆。

好耐之前嚟過呢一度，前两日故地重游。感覺呢次嘅野食冇之前甘多同埋啲野食揦脷咯，我嗌咗酸辣湯底嘅米線，揀咗小小辣，but都系超級辣辣辣辣，可能系我唔食得辣咯。我咪同店長姊姊反映咯，好彩佢好快處理到，真係好好咯，過嚟同我换咗個清湯湯底，雖然我覺得都系嗰啲味精個味麻麻地，如果唔食得重口味嘅人可能頂唔順，重口味嘅人恭喜有福喇！BTW都有想讚嘅地方嘅。我覺得環境乾淨衛生，excellent customer service, eg我隔籬有個婆婆手機落錯單，喐啲就鬧人，搞到我都好𤷪𤺧，但係店長姊姊’patience&語言の藝術治愈滿滿，briefly speaking， 大家都唔易，多點兒尊重包容同理解，系統設備電子科技好好壞壞，但，人之間，溫暖真心，無可比擬！好啦，主要讚服務，為堅強打工仔👏🏻完。

我是用apps叫外賣，去到請問她們有外賣未？她們很大聲叫我出門口等外賣，唔可以喺度等！我說ok咁我喺門口等啦！等了十分鐘發現都未有人攞出來我便入去再問有外賣未？她叫你自己對number！原來間舖用原子筆寫咗個number係張單上面我問佢邊一張！(佢極之不耐煩指住呢個number咪寫住囉）唔會再幫襯極之冇禮貌！叫人出門口等但唔會攞外賣出嚟要人白等！

食完勁口渴，有味精啲嘢又難食叫咗，垃圾食物服務有差。希望其他人睇到唔好中伏咁樣嘅米線質素真係應該改善。希望消費者可以不用再食依啲食物質素差的餐廳。其實其他米線舖都冇呢個問題比較好嘅材料已經可以做到一碗幾好嘅米線。 希望餐廳積極處理有關問題。

剛剛食完雲貴川小鬍子， 我明明所有配菜都要加， 但係份量非常之少。我已經額外加多$7, 當作一味餸要韭菜， 可惜只有幾條。 跟留面姐姐 理論一番後， 我碗米線攞來攞去， 仲要大大聲講，廚房阿dee加多幾條畀佢啦。 態度極差。 反而旺角嗰間， 味道好， 配菜多， 值得一試

今日叫咗碗蕃茄湯米線，有條頭髮係入面。即刻同個樓面姐姐講，姐姐聲稱個條唔係頭髮，係米線包裝絲，但個條明明幼到明顯係頭髮。我要求退款，姐姐話無得退，只能夠煮過碗比我，仲立刻拎走條頭髮，扔落地。請問我仲點會夠膽再食過另一碗，最後聲稱自己係老闆嘅姐姐要求我賣單走人。如果姐姐態度好啲我都可以算，佢當時態度極度惡劣。我已經表明會去報食環署，姐姐答我。呢個處理手法完全不能接受，不會再幫襯。

琴日同阿妹學完日文，見有間新米線鋪又多人咪入去試下，但連埋我加埋好多客用QR落單都有問題，之後錯單漏單情況嚴重，最大問題係配菜小到可憐，我即刻問我阿妹，我係咪叫錯全走配菜，我連選擇左多芽菜都係得4條係個碗到，係4條....點知我隔離果枱都係咁既情況就發現唔關我事，總結係味道唔得，加餸唔平，寫有配菜同無係無分別，錯單漏單，無下次人生第一次忍唔住要幫幫佢手宣傳下唔想再有人中伏如果老闆見到就改善下啦，我都已經比人話差唔多咩都食一餐既人，但都搞唔掂

星期日嘅中午大圍周圍都好爆，黎到呢間米線唔洗等，有上下兩層，我地上上層可以慢慢坐-🔸麻辣雞肉魚片頭蘿蔔清湯小窩米線麻辣雞肉好似雞煲啲雞 加湯再煮一陣既效果，正常發揮，要讚既全部係雞髀位蘿蔔無渣，夠清甜魚片頭夠札實，有咬口整體都係一碗合格既米線🔸麻辣豬耳竹笙藤椒湯底小窩米線香港好少食到藤椒湯底，入口個味真係一流，豐富藤椒獨特嘅味麻辣豬耳係滷水豬耳加麻辣汁，麻辣汁已經沖哂落湯，滷水豬耳個滷水味幾濃，豬耳質地都唔錯，唔會煮到過淋-🔸飲品凍鴛鴦好過KFC個杯，但同茶餐廳無得比豆漿好淡好淡，有少少甜味嘅水咁-總結💬米線有正常至中上既發揮飲品好一般 (記得之前飲過凍檸茶係正常)無服務可言

適逢路經大圍，又好耐都冇食過，就再嚟食下紅薯粉，因為以前食係覺得好好食叫咗唔辣小鍋紅薯粉加三個餸，食咗頭幾啖已經十分失望，逐樣講下湯底：我揀咗唔辣，但湯底同以前相比淡咗好多，亦冇酸味多芽菜同多酸菜：嚟到變咗少芽菜同少酸菜，成碗嘢好淡紅薯粉：叫咗爽啲，但嚟到係偏淋嘅三餸：中規中矩價錢：星期六日喺3點呢啲下午茶時段係冇下午茶嘅，要收正價。如果呢碗嘢加杯凍飲要$70咁我就覺得偏貴喇應該唔會再有下次，從此被剔出我嘅大圍must try list

嗌外賣，喺櫃枱都要我寫紙，圈咗兩個餸，收我$43，我睇返個餐牌，有啲唔妥，特登返入去再問返兩個餸$43啱唔啱，女店員check都冇check就話啱，返到屋企真係得一個餸，打落去嘈， cut我線。幾好食都係假。

叫左麻辣皇有雞肉 腩肉 腐竹等配料味道還好 但湯底叫左小辣成層油真係好重手 食左大半放棄投降成咀都係油 可能酸辣無咁多紅油比較食得到米線風味？！可能下之試下酸辣皇有豬肚絲配料叫左涼拌皮蛋都幾大份ok

行過見到多人，入去醫個肚。叫左麻米線。味道一般，米線淋到一個點。忽然覺得香港真系貴了很多，小店真系難生存，1份生菜$7,但剩系得2塊葉。以為師傅比少左好奇問吓個樓面。佢答得非常之暢順，細塊就3片，大塊就2片。。。。只系回左句加油啦，已盡唔識講咩。唯一可能自己太少行街市買送。唔知宜家街市的菜貴到哩個價