雲桂香米線專門店

營業中

休息中

同朋友去沙田行完道風山吸收完天地靈氣，就落山填肚，記得好耐之前食過一間米線幾惹味，憑記憶搵左陣，終於俾我搵到！呢間湯底同三哥，譚仔既有d唔同，個人覺得更重口味，配菜亦好多，芽菜吖芫茜都唔小氣，為成碗米線增加色彩，好開胃🤤餐牌亦好多款式，有d望落好健康，例如冬蟲草湯底之類，我選左腩肉小鍋米線，少少辣，極惹味！啖啖芽菜連埋米線，爽脆！配左杯檸檬茶，超舒暢！佢個茶底好好飲，唔係個d罐裝檸檬茶好甜既口味！個人幾喜歡檸檬茶👍🏻👍🏻，好飲檸檬茶唔係間間都整到，外面太多合成料理😑相對譚仔，我更喜歡食這間，不過呢度服務質素就無譚仔姐姐nice!! 🤨

今日去沙田做野 午飯時間唔知食咩好 經過見到有雲貴香 就決定食佢成日覺得香港的米線是味道的保證 通常都唔會特別唔好食 穩陣的選擇本身諗住堂食 點知見到入面座無虛席又咁多人等緊 心知不妙 不過多人食 即係好味啦 所以就改變主意 叫外賣我叫左個清湯米線 配炸醬 豬頸肉 蘿蔔見到張單$57 打左個突 原來而家食碗米線都要成60蚊 平時食開三個餸好似都唔洗咁貴外賣都等左成十分鐘先有 返到公司 打開米線「紅色既？唔係清湯咩」原來呢度既炸醬係有紅油 好彩唔算好辣 以平時食唔到譚仔10小辣的我來講 都接受到呢個辣 仲令米線湯底更加香濃而豬頸肉份量都算多 有五塊 👍🏽蘿蔔就有啲令人失望 冇味之餘仲好硬 好似未煮熟透咁 有待改善

如果同時見到有譚仔都雲桂香都會選擇食雲桂香 因為好鐘意食佢既水晶粉湯底好足料 不過湯底選擇就冇咁多講到呢到最正就一定係蒜泥白肉 因為我好鐘意食青瓜 呢到既蒜泥白肉入面係夾住青瓜架 食完好濃味既蒜泥之後再食青瓜正！

今日經過見無人排隊，就入黎試下。一望餐牌，就比港式米線吸引住，唔係周圍地方都有呢個湯底配米線，就一於試佢，配料叫左蘿白，湯底簡左小辣，可能因為我唔太食得辣既關係，所以覺得一路食個嘴脣一路辣🥵但個湯底唔差，會飲得出胡椒味

身為米線達人既我可以一星期食三次以上米線，對米線當然係有返d要求啦！雲桂香既小鍋酸辣米線（小辣）最深得我心，佢既湯底超好味，諗起都流口水，配料每次都必點滷水雞翼，整得好腍好入味♥️

早幾日打去嗌外賣,聽電話個呀姐連基本禮貌都冇🤬🤬🤬🤬🤬對個客人呼呼喝喝咁我唔係要求你當我上賓喎,但你連基本尊重都冇囉😒😒😒叫完外賣我已經一肚氣,去到俾錢仲衰,黑住面咁,自己收完錢又唔睇清楚,數都冇數過,又冇找錢俾我,我叫佢找仲話返我轉頭😓😓😓我連嗰一兩蚊都要呃你咩？你自己唔數唔係我責任喎做收銀嘅基本責任係數清楚錢同確認銀碼,個呀姐連自己嘅職責都做唔好,自己做錯唔肯認仲屈返落個客度,不能接受😡😡😡😡

今日四點幾先食lunch，本身想食隔籬譚仔。但諗住既然都黎到沙田，就決定食其他，就食雲桂香🤣（以前食過一次咁大把）。諗住食紅薯粉，但聽到隔籬檯話水晶粉好食，就嗌左水晶粉，再奢侈地嗌三餸🤪。雞翼有兩隻，牛丸三粒，通菜一堆，份量都合理既。水晶粉好似煮得耐左少少，唔係好煙韌，咬兩下就咬開左個種。另外個湯底唔係好麻，小辣都唔係好辣，下次可以試下中辣～食野個陣見到隔籬有人食蟲草花米線，未見過其他舖有，覺得幾特別，下次可以試下🤣！

沙田新城市近年開始走高檔路線，不斷引入大型連鎖店，售賣各式各樣的奢侈品，就連餐廳都愈來愈貴價，午餐人均最少也要一百以上。如果要吃平價一點，就要到偉華中心或好運中心。本人是米線狂，每星期至少吃兩三次，曾光顧過各大米線連鎖店。相比起譚仔那種咸味混合麻辣味的湯底，個人認為雲桂香的湯底更有層次，有炸醬的咸辣肉香，又配上酸菜。「豬紅豬耳生菜小鍋米線」豬紅入味、沒有血腥味，豬耳滷得軟冧入味、不會硬，而米線煙韌、較幼身，個人認為這裡的米線質素較譚仔好。

好正又入味既一間米線之前去過土瓜灣的分店 比沙田難食食咗個雞翼麻酸辣米線沙田呢間既面爽口 不會太淋或太硬湯底酸辣入味還叫了個皮蛋只是一般譚仔的還好食服務也真的一般可能太多大陸人吧

《上菜極慢之食佢侍應阿姨風味》夜晚諗住去食碗米線，因為譚仔last order左，然後去左隔黎食雲桂香，點知....入到去叫野食，我同我個朋友叫野食，當我叫完到佢，點知我個frd叫野飲既時候問左句：「可唔可以配野飲？」個waitress開始西口西面答左句「野飲要錢架！」我即刻心諗：「我都知！」試問依家有幾多間餐廳配野飲係唔洗錢架？然後我個朋友就叫左杯凍檸茶走甜，個waitress仲要補左句「係噤咋？」⋯跟著陸續有嚟，我地對面坐左對情侶，早我地一張單叫野食，大家都係叫2碗野同埋一碟蒜泥白肉。人地3樣野都到哂，我地連野飲都未到。好啦人地食哂碟白肉，我地先到野飲...到人地碗野食到一半...我地碟白肉先到，跟著我碟白肉都食完，人地碗野食到7788，碗野都未到，我決定問下碗野到未！然後有個阿姨話：「你地碗野係要煮耐啲！」「WHAT????」 心諗：「大家咪又係2碗野...點解佢地食完就走得...我地都未食得？」最後仲要等多5分鐘...碗野先到。總括而言：除左服務，我食左熱拌紅薯粉，成碗野勁油（半碗辣椒油）好似撈湯噤🤷🏻‍♀️；仲有我個朋友啲豬紅硬既...杯凍檸茶啲色（紅茶）淺到好似龍井噤既色，冇

第一次來吃，沒想到就遇上不開心的事情。同行的朋友都是點有湯的米線，但我點的是沒有湯的拌米線，同行的朋友差不多都吃完，我的都還沒來，中間已經追問了2次，到底什麼時候會到，但2個的侍應生的態度也不太好，說拌米線會比較久才到，但我是第一次來，根本就不知道！雖然侍應生的態度不太好，但拌米線的確是很好吃，而且我點的海帶份量很多，吃的很滿足。

雲桂香自己就比較少食既，但係每次食都會覺得好好食，個日去到沙田個間分店，都好釆無人山人海咁，好快就拎到位啦我。我個日叫左一碗豬紅豬大腸腩肉酸辣小鍋米線，我靜係叫左小辣咋，另加一杯凍奶茶，杯凍奶茶都算係不錯，當然可能有啲會更濃郁但係呢杯既味道都有6 70分。碗米線份量算多，唔單單講緊係碗米線，啲料都十分之多，一碗三餸都可以滿足大部分香港人既需要嫁啦，如果真係要挑剔既可能係碗面既外觀，因為佢有時真係裝得衰既好似瀉曬咁，但係整體黎講我係食俾7.5/10

因為住得近 所以成日叫外賣 連續幾次order都係錯 打去同我講 佢答我 你賺左啦 豬頸肉仲貴 我都收返錢 已經令人好嬲！！岩岩等左九個字 打落去催 (路程2分鐘內) 佢同我講唔見左單 話即刻做完送上黎就收左我線 心諗 唔見左張單 又知我食乜？太不知所謂

#被吹脹系列 叫佢走芫茜 冇幫我走不特止 仲要話我知芫茜點佢啲辣椒油好好食💯。。。。。。講番個米線唔計啲芫茜 碗米線整體係ok既啲米線幾滑 份量亦好夠湯底叫左酸辣 但唔夠酸菜雲舌皮滑但啲餡唔係好有味 唔好食 下次唔會再叫呢個餸價錢差唔多黎講 我諗我都係食番譚仔或星林居算😬🤗

平時有空的時候，便到四周尋找好食處。借今次要到沙田看Ikea，就找找沙田有沒有細食店啦。剛巧又有點想食米線，就到沙田偉華中心雲桂香米線專店啦。今次選擇了雞絲木耳酸辣湯底。而朋友就選擇了通菜墨魚酸辣湯底。先說前者，因點選了中辣，入口時覺得很辣，食食下感覺到胃有點灼熱，但很過癮，至於木耳絲及雞絲很有咬口，值得一嚐。後者就點選了小辣。不過本人覺得沒有中辣那麼刺激，但通菜同墨丸也很好味，沒有雪味。如果食到辣的人，可以考慮中辣。相反食不到辣就考慮小辣，甚至不辣的。